Рабочая программа по эрзянскому языку для 8 класса
рабочая программа (8 класс) на тему

Муниципальное бюджетное образовательное учреждение

«Дубенская средняя общеобразовательная школа»

Рабочая программа

учебного курса

эрзянский язык

в 8 классе

              Составитель: учитель эрзянского языка и  мордовской литературы

                                        МБОУ «Дубенская средняя    общеобразовательная  школа»                

                                        Косолапова В.П.

Дубенки, 2014

     Рабочая программа разработана на основе типовой программы для образовательных учреждений с родным (эрзянским) языком обучения Республики Мордовия, Эрзянь келень программат 5-11 класстнэнень для общеобразовательных школ Республики Мордовия  с родным (эрзянским) языком обучения, авторами которой являются Цыганкин Дмитрий Васильевич и Цыпкайкина Валентина Павловна.

Икельце вал

      8-це классонтень эрзянь келень коряс программась теезь Мордовия Республикань образованиянь Министерствань программанть лангс нежедезь. Весемезэ иень перть ютавтовить 68 част, недлязонзо – 2 част. Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

      Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

Эрзянь келесь – минек тиринь келенек, кона ютась касомань ды келейгадомань пек кувака ки. Сон вансты ды пачтясы сень, мезе ульнесь ломантнень эрямосо. Эрьва народонть эсензэ келезэ, историязо.

     Тиринь келенть вельде эйкакшось карми содамо перьканзо эрямонть, сонзэ эйсэ полавтоматнень. Тиринь келесь – арсемань ды содамочинь ёнкс, паро ломанень триця-кастыця.

     Сонзэ вельде эйкакшось тееви эсь народонть эйдекс, конань а визькс невтемс весеменень.

А эрявить сеземс сеть сюлмавкстнэнь, конатне теевсть те шкантень эйкакшонть келензэ ды потмооймензэ марто. А колыть неть 5-11 класстнэсэ тонавтнема лувонтькак. Тиринь келень парсте содамось лезды пертьпельксэнть весе содамочитнень келейгавтомо. Тиринь келенть парсте содазь эйкакштнэнень седешожда тонавтнемс рузонь ды омбо масторонь кельтнеяк.

     Неень шкань тонавтыцятненень икеле аштить истят путовкст: максомс содамочить фонетикань, лексикань, морфологиянь, синтаксисэнь, стилистикань коряс. Эряви тонавтомс эйкакштнэнь тиринь келенть валонь сюпавчинзэ, гайтевчинзэ ды мазычинзэ нееме, эсест арсемаст эрзякс ёвтамо ды сермадомо. Эряви невтемс эйкакштненень тиринь келенть питнензэ весе раськенть ды эрьва ломаненть эрямосо.

     Тонавтыцянтень эряви кепедемс эйкакштнэнь бажамост тиринь келень коряс содамочитнень саеме; кастомс эйкакштнэнь мелест седее парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемаст ды ёжомарямост.

     Тиринь келень тонавтыцянтень башка мель эряви явомс теориянь сеть кевкстематнень лангс, конат аштить видестэ сёрмадомань, пунктуациянь ды кортамонь ёрокчинь кастомань лувокс. Те лувось – гайтень ды буквань коряс валонь ванномась, пельксэнь-пелькс сынст явомась, валрисьмень ды валонь сюлмавксонь пелькстнэ.

     Теориянь коряс содамочитне максовить неень шкань келень наукань вешеманзо мельс саезь.

      8 - 9-це класстнэсэ тонавтневи синтаксисэсь ды пунктуациясь. Иень ушодовомсто васенце урокось алтазь тиринь келенть лезэнзэ панжомантень эрзянь раськенть эрямосо. Неть уроктнесэ панжови тиринь келенть питнезэ башка ломаненть ды весе раськенть эрямосо, ёвтневи эрзянь раськенть эрямодонзо кезэрень шкане, косто саевсть эрзянь ды мокшонь кельтнень лемест, эрзянь келень коряс книгань васенце сермадыцятнеде (А.Ф.Юртовдо, М.Е.Евсевьевде, А.А.Шахматовдо, Д.В.Бубрихте, А.П.Рябовдо ды лиятнеде), истя жо неень шкань ученойтнеде.

     Уроктнесэ истя жо эряви ёвтнемс сеть эрзятнеде, кить эсест тевест коряс теевсть содавиксэкс аволь ансяк минек, но и омбо масторсояк (С.Д.Эрьзядо, Никон патриархтонть, Л.А.Русланова морыцядонть ды лиятне).

     Неть уроктне лездыть кастомс эйкакштнэнь потсо эрзянь келентень мелень путома, вечкема, кепедьсызь эйкакштнэнь каштанчист эсенек раськенть кувалма.

     Неень шкасто эрьва кодамо келень тонавтнемстэ кортамонь ёрокчинь кастомась аравтови малав васенце таркас.сонзэ смустезэ сеньсэ: тонавтомс эйкакштнэнь аволь ансяк грамматикань ёнкстнэнь мукшномо-нееме ды видестэ сермадомо, но и видестэ ёвтамо эсест арсемаст.

     Эрьва пельксэнть, эрьва теманть ванномась лезды тонавтницятненень кортамонь ерокчист кепедемантень. Тенень покш нежекс карми улеме фонетикань, лексикань, морфологиянь ды синтаксисэнь чарькодематнень тонавтнемаськак.

     8-це классо ютавтовить урокт-семинарт, урокт-конференцият, урокт-симпозиумт. Васняяк панжови неть валтнэнь смустест. Истят уроктнень анокстамсто ды сынст ютавтомсто эйкакштнэ седее ламо кармить содамо эсест раськест кезэрень эрямодонзо, тонадыть седее парсте эрзякс кортамо, кассы-кепети сынст каштанчист эсест келест ды раськест кувалма.

     Кортамонь ёрокчинь кастомасонть лезэвекс кармить улеме колазь текстэнь витематне ды рузонь кельстэ эрзякс ютавтоматне. Рузонь кельстэ эрзякс ютавтоматне лездыть кепедемс тонавтницятнень валонь таштавксост ды келень ежомарямочист.    

     Эрзянь келенть тонавтнемстэ покш мель эряви явомс лия предметнэнь марто сюлмавоматненень. Сех кеметь неть сюлмавоматне тиринь литературанть марто. Келень ёнкстнэ, васняяк, ванновить художественной литературасто саевкстнэнь коряс. Кортамонь ёрокчинь кастомаськак ютавтови эрьва кодамо художественной литературань сермадовкстнэнь коряс.

     Тиринь келенть тонавтнемась кеместэ сюлмавозь рузонь ды омбо масторонь кельтнень тонавтнемаст марто. Рузонь, англань, немецень, французонь ды лия кельтнень енксост седее парсте чарькодевить, бути нежедемс тиринь келень коряс содамочитнень лангс.келень коряс вейкеть чарькодемат (подлежащей, сказуемой ды лият) улить весе неть кельтнесэ. Вейкеть чарькодемат (антонимть, эпитет, олицетвореният) вастневить тиринь келень ды литературань коряскак.

     Тиринь келень уроксто истя жо эрявить кирдемс сюлмавомат географиянть, зоологиянть, биологиянть, астрономиянть мартояк. Истя, собственной лемтнень ютамссто эряви максомс чарькодема топонимиядо, содамс эсь райононь эрзянь велетнень лемест, эсест велень перька виртнень, латкотнень, эрькетнень, лейтнень лемест. Собственной лемтнень  ютамсто истя жо мельс ледстявить эрзянь ды мокшонь художниктнень ды композитортнэнь лемест, сынст произведенияст лемест. Нарицательной лемтнень ютамсто мельс ледстявить нармунтнень, ракшатнень, унжатнень, калтнэнь ды лия мезтнень лемест. Валкстнэнь коряс эрявить муемс сеть валтнэньгак, конат меельце шкатнестэ полавтовкшность рузонсесэ ды ней таго совавтовсть кортамо рисьментень. Зоологиянь коряс тонавтнема книгастонть эряви макснемс рузонь кельстэ эрзякс ютавтнемат кодаткак ракшатнень эли нармунтнень эрямо таркадост ды обуцядост. Весе те лезды эйкакштнэнь валонь таштавксост кастомантень.

   Маштомс:

   - тевс нодамо видестэ сермадомань лувтнень ды лотксема тешксэнь путоматнень;

   - ванномо келень единицатнень фонетика, валонь теевема, лексика,синтаксис, орфография ды стилень ёндо;

   - чарькодеме неень шкань эрзянь келень лексикань ды синтаксисэнь единицатнень стилень питнест ды сайнеме сынст эсь кортамосо;

   - ёжомарямо эсь ды лия ломанень кортамосо лувонь арсеманть;

  -  теме эсь кортамонть прок описания, повествования, рассуждения, кемекстамо;

   - эсь кортамос лексикань ды грамматикань синонимтнень саеме;

   - теме кортамо тиринь веледе, эсь раськеденть, эрямодо-аштемадо, уроксо ютазь теманть коряс;

  -  ёвтамо эсь мелеть-преветь уроксо, промкссо;

   - ёвтнеме неезь кинонть, спектаклянть;

   - аравтнеме эсь прянть авторонть таркас, произведениянь лия ушодксонь или пень арсеме, лия героень совавтомо, ёвксонь, очеркень, ёвтнемань ды лия произведениянь арсеме;

Содамс:

   - эрзянь келень коряс валкстнэнь ды маштомс сынст тевс нолдтнеме;

   - кодамо эрзянь келенть тарказо модамасторонь весе лия кельтнень ютксо, кода нолдави тевс тиринь келесь ломаненть эрямосо, кода тонавтневи сон наука ёндо ды кить сонзэ тонавтницянзо.

Разделэнь коряс учебно-тематической планось

Учебной курсонть содержаниязо

Эрзянь келенть тарказо финнэнь-угрань ды весе масторонь кельтнень ютксо (1 час)

Сисемеце классо тонавтнезенть мельс ледстямось ( 3 част)

    Глаголось. Глаголонть наклонениянзо ды сынст вастневемаст кортамонь рисьмесэнть. Глаголтнэнь теевемаст.

    Причастиясь ды деепричастиясь кода глаголонь башка формат. Сынст теевемаст ды кортамосонть сайнемаст.

    Наречиятне, сынст тевемаст ды сёрмадомаст.

Лездыця кортамо пелькстнэ, кортамосонть сынст сайнемаст.

Синтаксисэсь. Пунктуациясь. Парсте кортамось.

Валось сюлмавксось (6 част)

           Валонь сюлмавкссто ветеце классо ютазенть мельс лецтямось. Валонь сюлмавксонть ды валрисьменть ютксо авейкетьксчись. Валонь сюлмавксось кода валрисьмень пелькс.

    Валонь сюлмавкссонть валтнэнь ютксо сюлмавома китне: согласованиясь, управлениясь ды примыканиясь. Эрзянь кельсэ примыканиянть келейстэ вастневемазо.

Валонь сюлмавкссо ды валрисьмесэ валонь лувось. Валонь сюлмавкссо определениякс аштиця валонть пек кеместэ кирдевиця тарказо.     Инверсиядо чарькодемась. Валонь лувось ды кортамонь стилесь.

Смустень (логической) ударениясь. Валонь сюлмавкссо меельце валонтень смустень ударениянть таргавомазо.

Простой валрисьмесь. Валрисьмень юронь ды аволь юронь пелькстнэ (12 част)

            Валрисьмеде ветеце классо ютазенть мельс лецтямось.

Валрисьменть грамматикань лувозо.

    Подлежащеесь. Вейке валсо ды валонь сюлмавкссо сонзэ невтемазо.

Сказуемоесь. Простой глагольной сказуемоесь. Составной глагольной сказуемоесь. Простой аволь глагольной ды составной аволь глагольной сказуемоесь. Сюлмавксонь вальсь. Тирень подлежащеенть ды сказуемоенть ютксо.

     Сказуемоекс молемстэ аволь глаголтнэнь сказуемоень суффиксэст (шкань, лицянь ды числань невтицятне).

    Сказуемоень ёвтамосо симонимиясь ды кортамонь стилесь.

    Дополнениясь. Виде ды аволь виде (косвенной) дополнениятне, сынст ёвтамост.

    Опредилениясь. Определениянть ёвтамозо. Определяемой валонть марто определениянть сюлмавомазо .  Определяемой валонть пингстэ определениянть  тарказо.

    Приложениясь. Лотксема тешкстнэ приложениянть пингстэ.

    Эпитетнэ ды кортамонь рисьмесэнть сынст сайнемаст.

    Обстоятельствась. Смустень коряс обстоятельстватнень явовомаст: таркань, шкань, тувталонь, целень, действиянь образонь.

    Сравнениянь марто валзюлмавкстнэ, лотксема тешкстнэ сынст пингстэ. Савнениятнень ды сравнения марто валзюлмавкстнэнь лэзэст кортамонь рисьмесэнть.

Вейке составонь (главной членэнь) марто валрисьметне  (8 част)

    Вейке составонь валрисьметне: содавикс лицянь, асодавикс лицянь,весе лицянь невтиця, лицянь а невтиця ды лемдиця валрисьметне. Неть валрисьметнесэ прявт пельксэнь невтемась.

 Аволь пешксе валрисьметне (2 част)

        Аволь пешксе валрисьметнеде чарькодема. Вейке составонь валрисьметнеде сынст явомась.

Вейкеть (однородной) пелькс марто валрисьметне

(7 част)

     Валрисьмень вейкеть пелькстнэ. Вейкеть ды аволь вейкеть определениятне. Поладомань, карадо-каршо аравтомань ды явомань союз вельде вейкеть пелькстнэнь сюлмавомась. Ансяк интонация

вельде сюлмавозь вейкеть пелькстнэ. Вейкеть пелькстнэнь ютксо запятоенть путомазо.

    Вейкеть пелькстнэнь пингстэ вейсэндиця валтнэ.

Кавто точкатне ды тирень вейсэндиця вал марто вейкеть пельксстнэнь пингстэ. Вейкеть пелькс марто валрисьметнень  сайнемаст кортамосонть.

Валрисьмень пелькс марто апак сюлма валтнэ

(6 част)

        Пшкадемась, кортамосонть сонзэ лезэзэ. Пшкадеманть ёвтамозо. Валрисьмесэнть пшкадеманть тарказо. Вайгеленть ветямось ды лотксема тешкстнэ пшкадема марто валрисьметнесэ. Пшкадематне кортамонь рисьмесэнть.

    Совавтозь вал марто валрисьметне. Совавтозь валрисьметне. Совавтозь валтнэ ды совавтозь валрисьметне кортамосонть. Кемекстамонь ды арасьчинь невтема валтнэ. Сынст смустест ды лезэст кортамонь рисьмесэнть.

Чарькодевтиця (обособленной) пелькс марто валрисьметне (6 част)

    Чарькодевтиця пелькс марто валрисьметне, сынст пингстэ лотксема тешкстнэ.

    Чарькодевтиця определениятне ды приложениятне.

    Чарькодевтиця обстоятельстватне.

    Чарькодевтиця пелькс марто валрисьметнень сайнемаст кортамосонть.

Иень перть тонавтнезенть мельс ледстямось (3 част)

    Валонь сюлмавксось ды валрисьмесь. Сынст ютксо авейкетьксчитне.

    Вейке составонь валрисьметне ды сынст лезэст кортамосонть.

    Вейкеть пелькс марто валрисьметне ды сынст пингстэ лотксема тешкстнэ.

    Валрисьмень пельксттнэнь марто апак сюлма валтне, сынст пингстэ лотксема тешкстнэ.

Кортамонь ёрокчинь кастомась ( 16 част)

           Ветеце-котоце класстнэсэ тексттэ содамочитнень мельс лецтямось ды    

          келейгавтомась. Публицистикань стильде чарькодемань максомась.

Публицистикань текстэнь коряс, козонь совавтозь перька эрямонь невтемась (веледе, ульцядо, райондо), изложениянь сёрмадомась

(саемга: «Минек велесэ (районсо) важодема  таркатне»).

    Публицистикань ёндо марто эрямонь таркадо сочинениянь сёрмадомась ( саемга: «Минек велень содавикс ломантне», «минек велень библиотекась» ды лият ).

    Ломанень эрямосо свалшкань питнейчитнеде ды литературань лангс нежедезь сочинениянь- рассуждениянь сёрмадомась (саемга: «Икеле кие а шны прянзо, тевезэ сень парсте туи», « Кие эсь прянзо ансяк невти, ломантне сень а редясызь» ды лия тематнень коряс).

8-це классонтень эрзянь келень коряс тематической планирования

Тонавтнемапелесь: Р.С.Ширманкина Эрзянь кель 8 класс  С., 2005

Литературась:

1.Эрзянь келень коряс методикань лезкстнэ:

Видманова В.П. Диктантт 5-9 класстнэнень: Учительнень пособия. – Саранск, 1991

Кипайкина Н.А. Интерграциясь тиринь келень уроктнесэ. - Саранск, 1992.

Кипайкина Н.А. Тект марто важодемась тиринь келень уроксто. - Саранск, 1993.

Липатов С.И , Адушкина Н.С. Методика преподавания мордовских языков. -  Саранск, 1995.

Тихонова Т.М. Эрзянь келень коряс уроконь шкадонть мейле роботась. - Саранск, 1992.

Цыганкин Д.В., Тихонова Т.М. Эрзянь кель (5-9), Эрзянь келень грамматикань ды стилистикань коряс учебной пособия. - Саранск, 1988.

2. Валкстнэ:

1.Борисов А.Г. Эрзянь келень эпитетэнь нурькине словарь.- Саранск, 1982.

2.Бузакова Р.Н. Словарь синонимов эрзянского языка.- Саранск, 1982.3/

3. Бузакова Р.Н. Тикшень валкс.-Саранск. 1996.

4. Цыганкин Д.В., Мосин М.В. Этимологиянь валкс.- Саранск, 1998.

5.Ширманкина Р.С. Фразеологиянь валкс.- Саранск, 1998.

6.Щемерова В.С. Эрзянско-русский, русско-эрзянский словарь.- Саранск, 1993.

7.Четвергов Е.В. Сырнень човалят: Стувтозь ды чуросто вастневиця валт.- Саранск, 1995.

8.Эрзянь келень орфографической словарь.- Саранск, 1978.

9.Эрзянь-рузонь валкс. Эрзянско- русский словарь.- Москва, 1993.

Башка сермадовкстнэ (статьятне):

1.Алешкина Р.А. Эрзянь келень синтаксисэнь уроксто творческой енксонь кандыця упражнениятне.- Сятко, 1992.

2.Водясова Л.П. Урок КВН: Числительноенть ды местоимениянть коряс.- Сятко, 1995, №3.

3. Водясова Л.П. Мезекс правилатне?- Сятко, 1997, №10

4. Кипайкина Н.А. Тиринь келень уроксо.- Сятко, 1993, №10.

5. Цыпкайкина В.П. Тонавтнемась улезэ кенярксов: Валмеревкстнэнь, фразеологизматнень ды содамоевкстнэнь коряс праздник.- Сятко, 1995, №1.

6.Тиринь келень коряс олимпиадатне.- Сятко, 1997, №12.

7. Цыпкайкина В.П. Глаголось минек кель-валсо.- Сятко, 1997, №9.

INTERNET   марто важодемась

     Тонавтнемапельтнеде башка, келенть коряс  информация муеви Internet-энь истямо сайт лангсо: