Рабочая программа по удмуртскому языку для 2 класса(2 классын удмурт кыл урокъесын ужаны программа)
рабочая программа (2 класс) на тему

Раимова Татьяна Николаевна
Опубликовано 04.02.2016 - 12:19 - Раимова Татьяна Николаевна

(2 классын удмурт кыл урокъесын ужаны  программа)

Скачать:

ВложениеРазмер
Файл udmurtskiy_yazyk_2_klass.docx88.75 КБ

Предварительный просмотр:

Валэктон.

«Удмурт кыл» предметъя 2классын ужан программаез дасянын уже кутэмын таӵе нормативно-правовой документъёс:

 - «Об образовании в Российской Федерации» федеральной законэз №273  29.12.2012  ар;

- «Об образовании»  Татарстан Республикалэн законэз(22.07.2013 ар №68-ЗРТ);

-Россия Федерациысь  вань национальной школаослы чаклам дышетон планъя но начальной школаын удмурт кылэз дышетонлэн программаез;

-Ю.Т.Байтеряковалэн удмурт кылъя программаез;

-Муниципаль бюджет тодон-валан ужъюртлэн «Ӧрес черкогуртысь шор ёзо огъя тодон-валан сётӥсь школалэн» тодон-валан сётон программаез №113 от 28.08.2015

-Муниципаль бюджет тодон-валан ужъюртлэн «Ӧрес черкогуртысь шор ёзо огъя тодон-валан сётӥсь школалэн» дышетон планэз №45 от 01.09.2015

Дышетскон книга: Ю.Т. Байтерякова «Удмурт кыл» 2 класс, Ижевск :«Удмуртия» издательство 2009 ар,

Удмурт кылэз дышетонын та ужан программая пуктэмын таче:

мугъёс:

-вордскем кыллы гажан мылкыд пычатон; вордскем кылэз мылысь- кыдысь дышетон мылкыдзэс жутон но юнматон;

-пиналъёслэсь коммуникативной тодон-быгатонзэс (компетенцизэс) кылдытон но азинтон: вераськон но гожъяськон кылзэс, оген но ваче вераськыны быгатонзэс азинтон, пиналъёсты удмурт кылын шонер, чебер но вольыт лыдзиськыны, вераськыны но гожъяськыны дышетон;

-удмурт кыл сярысь радъяса тодон-валан сётон, кылузырлыкез паськытатон но кыллэсь узырлыксэ быгатыса кутыны дышетон, грамматикая материал вылын пиналъёслэсь визьлыксэс азинтон; дышетскыны, тодон-валан люканы дышетон.

 ужпумъес:

-пиналъёслэсь кылъя тодон-быгатонзэс азинтоно: удмурт кыллэн лексикаезъя, фонетикаезъя, грамматикаезъя арлыдзыя тупась но кулэ

луись тодонъёс басьтыны юрттоно; кылпормытон амалъёсын, гожъяськон правилоосын тодматоно; шонер но чебер гожъяськыны дышетоно;

-пиналъёслэсь вераськон кылзэс, визьлыксэс (саклыксэс, йырсазьзэс, малпаськон радзэс, вылтй малпаськонзэс) азинтоно, со понна кылэз дышетонын тупась амалъёсты быгатыса кутоно;

-пиналъёсты вачевераськонъёсы пыриськыны, капчиесьгес огенверанъёс (повествование, описание, рассуждение) кылдытъяны, быдзалазыя пичиесьгес повествованиос но описаниос гожъяны дышетоно;

-выль тодон-валан басьтон опытлы дышоно: дышетоно материалэз чакланы-эскерыны, ог-огенызы чошатыны, классифицировать, характеризовать карыны, огъянъёс лэсьтыны; кылъя портэм исследованиос ортчытъяны но проектъёс дасяны; ас ужамдэ возьматыны, дунъяны но эскерыны; пиналъёсты зеч сямъёслы дышетоно; вордскем кылзэс, шаерзэс, отын улйсь калыкез гажан мылкыд пычатоно, удмурт калыклэн но соин чош улйсь калыкъёслэн лулчеберетэнызы, улэменызы, сямъёсынызы тодматоно, ог-огенызы тупаса, валаса но ог-огзэс гажаса улыны дышетоно; пиналъёслы вордскем кылынызы тунсыкъяськон, сое азьланяз но дышетон мылкыд пычатоно.

Ужан программалэн базовой люкетъесыз: «Вераськон кыл. Текст.», «Предложение», «Кыл»

«Удмурт кыл» предметлы огъя характеристика

Начальной школаын удмурт кылэз дышетонлэн нырысетӥ этапез ортче. Дышетскыны кутскемлэсь азьло пиналъёс, артэ улӥсь адямиослэсь адӟем карыса, вераськизы, соослэн вераськон кылзы огшоры радъяськиз. Школаын удмурт кылэз предмет чотын нимысьтыз урокъёсын дышетыны кутско. 1-тӥ классын со грамоталы дышетон урокъёсын радъяське. Татын пиналъёсты вераськон куараосты кылыны, куараосты букваосын возьматыны, лыдӟыны, гожъяськыны дышето, пиналъёсты азьланяз удмурт кылэз но литературной лыдӟиськонэз нимысьтыз урокъёсын дышетыны дасяло. Озьы, букварез ортчем бере, пиналъёс вордскем кылзэс удмурт кылъя но литературной лыдӟонъя нимаз урокъёсын дышетыны кутско.

Удмурт кыллы дышетон кулэ каре кылэз котыр ласянь эскеремез, грамматикаез дышетэмен валче пиналъёслэсь устной но письменной кылзэс азинтон бордын ужамез. Соин ик программа таӵе содержательной линиослэсь кылдэмын:

– фонетика но орфоэпия, графика, кыл люкетъёс (морфемика), грамматика (морфология но синтаксис);

– шонер гожъяськон но предложениын пусъёсты шонер пуктон;

– кылэз радъян но волятон.

Арлыдзыя тупась языковой материалэз дышетыса, пиналъёс удмурт кыллэн структураез сярысь огъя валан басьтозы, чеберлыко удмурт кыллэн нормаосыныз тодматскозы. Вордскем кылзылэсь пӧртэм палъёссэ сэрттозы-пертчозы, куараос но букваос, кыл люкетъёс, вераськон люкетъёс, предложение сярысь системаен тодон-валанъёс басьтозы. Гожъяськон но пусъёсты пуктон правилоосты дышетыса, кылэз радъян но волятон бордын ужаса, пиналъёс коммуникативной быгатонлыкъёссэс азинтозы, текстлэн теориез вылэ пыкъяськыса, вераськон но гожъяськон кылзэс радъян но азинтон бордын тыршозы.

Та линиосъя тодон-валан сётэм сяна, программа бадӟымесь куронъёс пуктэ пиналъёслэсь дышетскыны быгатонлыкъёссэс кылдытонлы но азинтонлы. Соос пӧлы пыро:

– интеллектуальной быгатонлыкъёс (чакланы-эскерыны, ӵошатыны, классифицировать карыны, огъяны но мукет);

– познавательной быгатонлыкъёс (капчи мылкыдэн дышетскыны, ас кожад ужаны, дышетскон ужпумез пуктыны но сое быдэстыны);

– организационной быгатонлыкъёс (валче ужаны, ас уждэ радъяны, ужам ужез эскерыны но дунъяны).

Озьы удмурт кыллы дышетсконэн нялтас пиналъёс дышетскыны, тодон-валан люканы дышетскозы: урокын дышетон ужпумез пуктыны, ас кожазы ужзэс радъяны, котькуд быдэстоно ужлэсь мугзэ валаны, пӧртэм справочной литератураен ужаны (таблицаосын, схемаосын, словарьёсын, энциклопедиосын но мукет), лэсьтэм ужзэс дунъяны но эскерыны. Озьы ик пиналъёс ог-огенызы (параен, группаен) но дышетӥсен валче ужаны, валче ужаса, ог-огзылэсь верамзэс кылзыны, ог-огзылы юрттыны, юанъёс сётъяны но юанъёслы валэктонъёс сётыны, малпанзэс радъяса вераны дышетскозы. Классысь классэ пиналъёслэн вордскем кылзы сярысь тодон-валанъёссы будоз, вераськон практиказы паськыталоз, вераськон кылзы выль уровене ӝутскоз.

Дышетскисьёслэсь предметной быгатонлыкъёссэс (результатъёссэс) азинтон понна удмурт кылъя урокъёсын таӵе ужпумъёсты быдэстоно:

– пиналъёслэсь языковой компетенцизэс азинтон – удмурт кыллэн лексикаез, фонетикаез, граматикаез сярысь тодонъёс сётыны; кылпӧрмытон амалъёсын, гожъяськон правилоосын тодматыны; шонер но чебер гожъяськыны дышетыны;

– выль тодон-валанэз басьтон опытлы дышон: дышетоно материалэз чакланы-эскерыны, ог-огенызы ӵошатыны, классифицировать, характеризовать карыны, огъянъёс лэсьтыны; кылъя пӧртэм исследованиос ортчытъяны но  проектъёс дасяны; ас ужамдэ возьматыны, дунъяны но эскерыны.

Пуктэм мугъёсты улонэ пыӵатон понна, урокысь уроке таӵе ужпумъёсты быдэстон бордын ужано:

– удмурт кыллэн лексикаезъя, фонетикаезъя, грамматикаезъя радъяса тодон-валан сётоно;

– дышетсконэз пиналъёс понна тунсыко кароно, урокын котькуд пиналлэсь быгатонлыкъёссэ азинтыны тыршоно, азинтӥсь дышетонлэн амалъёсызъя ужано;

– дышетскыны дышетоно.

Удмурт кыл предметлэн учебной планын интыез

2-ти классын удмурт кылэз радъяса дышетон кутске.Арняяз учебной планын 2 час сетиське.Быдэс арлы 68 час люкаське.

Программалэн пуштросэз.

Вераськон кыл

 «Удмурт кыл» дышетскон книгаен тодматскон.    Вераськон кыл сярысь валан сётон.  

Вераськонын лякыт кылъёс.

Вераськон но гожъяськон кылъес,соослэн портэмлыксы но кутӥськемзы.

Вераськон кыллэн люкетъёсыз. (предложение, кыл)

Текст.Текстлэн тодметъесыз, кылдэмез,типъесыз но жанръесыз.

Текстлэн валтись малпанэз. Текстлэн йыръянэз.

Сураськем текст. Сураськем текстэз радъян.

Проект «Нырысь вамышъесмы»

Предложение

 Предложение.Предложенилэн тодметъёсыз но пормемез.

Предложениын кылъёслэн герзаськемзы.

Предложениослэн веран мугзыя но интонацизыя портэм луэмез.

 Текстысь предложениосты ог- огзылэсь висъяны дышетон.

Веран мугзыя ивортон, юан, отён предложениос.

Кыл

Лексика

Кыл сярысь валан. Кылъёслэн пормемзы. Кыллэн пуштросэз.

Вераськон куараос но букваос

Куараосты букваосын возьматон. Гласной куараос но букваос. ӧ букваен кылъёс

 Согласной куараос но букваос.ӵ,ӝ,ӟ аффрикатаос. Слог. Кылъёсты чурысь чуре выжтон.

Ударение. Звонкой но глухой согласнойёс. Кузэн звонкой но глухой б-п,в-ф,г-к,ж-ш,з-с,

д-т,з-ч,ӟ-ӵ согласнойёс. Чурыт но небыт луись д,з,л,н,с,т  согласной куараос.

Небыт д, з, л, н, с, т согласной куараосты кыл пумын небыт пусэн (ь) возьматон.

Небыт д, з, л, н, с, т согласной куараосты кыл шорын небыт пусэн (ь) возьматон.

Небыт пус (ь) о, ы букваос азьын. И, и букваосын кылъёс.

Небыт д, з, л, н, с, т согласной куараосты е, ё, ю, я букваосын  возьматон.

Д,з,л,н,с,т согласнойеслэсь чурыт луэмзэс ӥ,э букваосын возьматон.

Е буквалэн чурыт согласнойёс борсьы гожтиськемез.

[й]куара.[й]куараез й,е, ё, ю, я букваосын возьматон.

[з], [ч] куараос. Небыт з, ч согласнойс борсьы а, о, у гласнойёслэн гожтиськемзы.

Висъясь небыт пусэн (ь) кылъёсты шонер гожъян. Висъясь чурыт пус (ъ)кылъёсты шонер гожъян. Кыл шорын кык полэс чурыт но небыт согласнойёсын кылъёс. Зуч кылысь пырем

ф, х, ц, щ куараос но букваос.

Проект «Зуч кылысь куноос»

Вераськон люкетъёс

Существительной сярысь валан. Существительнойёслы юан пуктыны дышетон

Луло но лултэм предметъесты возьматись существительнойёс.Одиг но трос лыдэз возьматись существительнойёс. Бадзым буква адями нимъёсын, фамилиосын но пудо- живот нимъёсын. Бадзым буква город, гурт, ульча, шур нимъёсын. Вераськон люкет: существительной.

Глагол. Глаголъёслы юан пуктыны дышетскон. Одиг но трос лыдэз возьматись глаголъёс. Глаголлэн лыдъя вошъяськемез. Валатонзыя матын но пумит луись глаголъёс.

Проект «Мынам выжые» .Вераськон люкет: существительной.

Прилагательной сярысь валан. Прилагательнойслы  юан пуктыны дышетскон. Предметъёслэсь портэм тодметъессэс шедьтыны дышетон. Прилагательнойлэсь  текстын кулэлыксэ эскерон. Валатонзыя матын но пумит луись прилагательнойёс.

Прилагательнойёсты текстын кутыны дышетон.

Кыллэн коренез

Родственной кылъёс сярысь валан.

Проект «Кинлэн кылъёслэсь писпуэз бадзымгес пушъем?».

Текст, предложение, кыл.

Дышетонлэн ужъемышъёсыз (результатъёсыз)

Личностной:

вордскем кылзэ гажаны, капчи мылкыдын дышетскыны; ассэ удмурт адямиен лыдъяны, дышетисьёсты гажаны, классысь пиналъёсын эшлыко улыны;соослэсь мылкыдзэс валаны, соос сярысь сюлмаськыны.

удмурт кыллы дышетонлэсь кулэлыксэ валаны;

азьланяз удмурт кылэз дышетонлы зеч  мылкыд басьтыны.

Метапредметной

регулятивной быгатонлыкъёс

дышетисен чош дышетон ужпумез пуктыны;

дышетисен сётэм планъя ужаны;

дышетисен валче ужаса, тодон-валанъёс басьтыны;

чошен но группаен ужаны;

дышетисьлэсь дэмланъёссэ, замечаниоссэ, котсэ жож карытэк, шонер валаны;

дышетскисьлы  луонлык кылдоз:

дышетисен валче ужаса, урокын дышетон ужпумез пуктыны;

валче ужын дышетскон, тодон-валан люкан быгатонлыкъёссэ усьтыны;

ас ужамзэ образецъя эскерыны но дунъяны;

познавательной быгатонлыкъёс

дышетисьлэн валтэмезъя дышетскон книгая ужаны: кулэ ужез шедьтыны, юанъёслы радызъя валэктон сётыны;

кулэ ивортодэтэз (информациез), учебникысь сяна, мукет источникъёсысь утчаны: словарьёсысь, энциклопедиосысь;

шедьтэм информацияя ивортонъёс дасяны;

сётэм куараосты, букваосты, кылъёсты, предложениосты сэрттыны-пертчыны, соослэсь тодметъёссэс висъяны; ог-огенызы џошатыны, огъя но портэм тодметъёссэс вераны, со тодметъёсъя классифицировать карыны (радъяны);

урокысь материалэз (сётэм куараосты, букваосты, кылъёсты, предложениосты, текстъёсты) эскерыса, дышетисьлэн юрттэмез улсын, огъянъёс лэсьтыны;

кулэ информациез словарьёсысь, энциклопедиосысь утчаны;

тодэмез суредъёсын, схемаосын возьматыны;

мини-проектъёс дасяны;

малпаськыны дышетись ужъёсты быдэсъяны: анализ, синтез лэсьтыны, џошатыны, классифицировать карыны (радъяны), огъянъёс лэсьтыны;

коммуникативной быгатонлыкъёс

дышетисьёсын, классысь пиналъёсын кусыпъёс тупатыны, куспазы кенешыса вераськыны;

вераськыку, адямиослэсь малпанъёссэс гажаны но огъя кылэ вуыны;

аслэсьтыд малпандэ радъяса шаравераны;

аслэсьтыд ма каремдэ радызъя вераны;

мукет муртъёслэсь верамзэс кылзыны;

аслэсьтыз малпанъёссэ радызъя вераны;

валче ужын котькуд дышетскисьлэсь малпанъёссэ лыдэ бастыны, ог кылэ вуыны;

огъя ужез шонер радъян вылысь, эшезлы юанъёс сётъяны;

ог-огедлэсь ужамзэ эскерыны но кулэезъя юрттэт сётыны;

урокын аслэсьтыз ма каремзэ но кызьы ужамзэ валамон вераны

Предметной

1. «Вераськон кыл. Текст» разделъя 2-ти классэз йылпумъясь дышоз:

портэм интыосын (школаын, урокын, сиськонниын, библиотекаын но мукет азьын), тодмо но тодмотэм адямиосын этикетъя вераськон нуыны;

текстлэсь темазэ, валтись малпанзэ вераны, йыръян сётыны;

сураськем текстысь предложениоссэ, люкетъёссэ радъяны;

зечкылан открытка гожтыны;

дышетскись луонлык басьтоз:

сётэм йыръянъя, темая,  кутсконэзъя пичигес текст малпаны;

юанъёсъя но пуштроссэ усьтыны юрттћсь кылъёсъя 30–35 кылъем текстъя изложение гожтыны;

сётэм йыръянъя но опорной кылъёсъя 5–7 предложенилэсь текст малпаны, дышетћсьлэн валтэмез улсын гожтыны.

2. «Предложение» разделъя 2-ти классэз йылпумъясь дышоз:

предложенилэсь тодметъёссэ вераны;

предложениез огшоры кылъёслэсь висъяны;

предложениез но текстэз куспазы чошатыны (огъя но портэм луись тодметъёссэ вераны);

предложениез шонер гожтыны;

сураськем текстысь предложениосты висъяны, предложениос пуме тупась пус пуктыны;

сётэм кылъёслэсь предложениос малпаны.

дышетскись луонлык басьтоз:

веран мугзыя предложениослэсь кыџе луэмзэс валаны: ивортон, юан, отён;

интонациезъя предложенилэсь кыџе луэмзэ валаны: огшоры куараен верам предложение, кеськон куараен верам предложение;

предложениосты интонация ласянь шонер вераны, лыдњыны, гожтыку интонациез тупась пусэн возьматыны.

3. «Кыл» разделъя 2-ти классэз йылпумъясь дышоз:

«Кыллэн пуштросэз» люкетъя

текстысь пуштроссыя тодмотэм кылъёсты шедьтыны;

дышетисьлэн юрттэмезъя, тодмотэм кыллэсь пуштроссэ кыллюкамысь шедьтыны;

сётэм кылъёслы синонимъёс, антонимъёс утчаны;

дышетскись луонлык басьтоз:  

кыллэсь пуштроссэ валэктыны;

трос валатонэн, переносной пуштросэн кылъёс, синонимъёс, антонимъёс сярысь тодыны, соосты вераськон кылэ кутыны.

«Куараос но букваос» люкетъя

вераськон куараослэсь но букваослэсь пӧртэмлыкъёссэс вераны;

вераськон куараосты ог-огзылэсь висъяны, куспазы џошатыны:

согласной но гласной куараосты;

кузэн жингрес но тонгес б-п, в-ф, г-к, ж-ш, з-с, д-т, ч-ч согласнойёсты;

кузэн чурыт но небыт луись д, з, л, н, с, т согласнойёсты;

котьку чурыт луись б, в, г, ж, ӝ, к, м, п, р, ф, х, ц, ч, ш согласнойёсты;

котьку небыт луись ӟ, ч, й  согласнойёсты;

ӝ, ӟ, ӵ аффрикатаосты;

зуч кылысь пырем ф, х, ц, щ согласнойёсты;

вераськон куараосты букваосын возьматыны;

букваосты алфавитъя радъяны;

дышетскись луонлык басьтоз:

возьматэмъя кылъёсты куараосъя но букваосъя сэрттыны-пертчыны; дышетћсьлэн юрттэмезъя, ужамдэ дунъяны.

«Кыллюкетъёс» люкетъя

сётэм кылъёс полысь огвыжыё кылъёсты шедьтыны;

огвыжыё кылъёсты тодманы;

сётэм кылъёслы огвыжыё кылъёс малпаны;

огвыжыё кылъёсысь кылвыжызэс висъяны но пусйыны;

дышетскись луонлык басьтоз:

сётэм кыл бордысь огвыжыёс кылъёс пормытъяны;

огвыжыё кылъёсты кылвыжызыя сэрттыны-пертчыны;

дышетисьлэн юрттэмезъя, быдэстэм ужзэс дунъяны.

«Вераськон люкетъёс» люкетъя

вераськон люкетъёсты (существительноез, прилагательноез, глаголэз) ог-огзылэсь висъяны, соослэсь лексической но грамматической тодметъёссэс сэрттыны-пертчыны:

существительнойлэсь – мае возьматэмзэ, юанъёссэ, луло но лутэм предметэз нимамзэ, асним но нарицательной луэмзэ, лыдзэ;

глаголлэсь – мае возьматэмзэ, юанъёссэ, лыдзэ; дырзэ;

прилагательнойлэсь – мае возьматэмзэ, юанъёссэ, лыдзэ;

дышетскись луонлык басьтоз:

существительноез, прилагательноез, глаголэз лексической но  грамматической тодметъёссыя џошатыны;

текстысь мукет  вераськон люкетъёсты – личной местоимениосты – шедьтыны;

сётэм кылъёсты вераськон люкетъёсъя классифицировать карыны;

котькуд вераськон люкет сярысь тодэмез огъяны.

ортчем правилоосъя кылъёсты шонер но чебер гожъяны:

предложениысь кылъёссэ нимаз гожтыны;

предложениысь нырысети кылзэ бадзым букваен гожтыны, пумаз тупась пус пуктыны (точка, юан пус, кеськон пус);

кылъёсты чурысь чуре выжтыны;

аснимъёсты (адями нимъёсты но фамилиосты, пудо-живот нимъёсты, кар, гурт, шур нимъёсты) бадзым букваен гожтыны;

з,ж,чаффрикатаосын кылъёсты гожъяны;

небыт д, з, л, н, с, т согласнойёс бере ь, е, ё, ю, я, и букваосты гожтыны;

чурыт д, з, л, н, с, т согласнойёс бере э, ибукваосты гожтыны;

котьку чурыт луись б, в, г, ж, ӝ, к, м, п, р, ф, х, ц, џ, ш согласнойёс бере е, и букваосты гожтыны;

ӵа-ча, ӵо-чо, ӵу-чубукватэчетъёсын а, о, у букваос гожтыны;

кузэн жингрес но тонгес согласнойёсты кыл пумын но кыл шорын (согласной азьпалан) шонер гожтыны;

кык полэс согласнойёсын кылъёсты гожъяны;

висъясь ьно ъ пусъёсын кылъёсты гожъяны;

30–35 кылъем текстъёсты учкыса янгышъёстэк но чебер гожъяны;

20–30 кыллэсь слуховой но зрительной диктантъёс гожъяны.

дышетскись луонлык басьтоз: кылъёслэсь гожтиськемзэс валэктыны, кылъёсысь дышетэм орфограммазэ адњыны; сётэм орфограммая кылъёс малпаны; кылъёсы гожтытэк кельтэм букваосты гожъяны; малпам предложениез, текстэз  гожъяськон правилоосъя шонер гожъяны, быдэстэм  ужез эскерыны, янгышъёссэ шедьтыса, тупатыны

Уже кутэм литература

Валтись литература пиналъёслы:

1.«2– ти классын удмурт кылъя урокъёс». Авторез Ю.Т. Байтерякова. Ижевск «Удмуртия», 2009г.

Юрттись дышетон литература:

2.Удмурт кыллы но литературной лыдзиськонлы дышетон программаос.

Электронной ресурс

1.http//:udmniino.ru//index;

Календарно-тематической планирование

№

пп

 Темаос

Дышетскисьёслэн ужрадзы

Ортчон дырыз

Ватсан

планъя

зэмос

1.

 «Удмурт кыл» дышетскон книгаен тодматскон.  (Вераськон кыл сярысь валан сётон.)

(Вераськон кыл сярысь валан сётон.)Вачеверанэз тодманы, юанъес пуктыны, валэктон сетыны.

01.09

2.

Вераськонын лякыт кылъёс.

Вераськонын лякыт кылъёслэн кулэлыксы сярысь вераны, вераськонын кутйськись лякыт кылъёслэсь кутйськемзэс чакланы, пуштроссэс валэктыны. Вачеверанъёсын, вераськонын лякыт кылъёсты кутыны.

02.09

3.

Вераськон но гожъяськон кылъес,(соослэн пӧртэмлыксы но кутӥськемзы).

Вераськон но гожъяськон кылъёсты висъян, кутйськись арбериосты висъяны, вераськон но гожъяськон кылъёс азе пуктэм куронъёс сярысь валаны.

08.09

4.

Вераськон кыллэн люкетъёсыз. (предложение, кыл)

Суредъя вераськыны, вачеверанэз йылпумъяны, визькыллэсь пуштроссэ валэктыны.Кылъёслэсь пуштроссэс валэктыны, выль кылъёсты вераськоназы кутыны.

09.09

5.

Текст.Текстлэн тодметъесыз, кылдэмез,типъесыз но жанръесыз.

Текстысь предложениосты висъяны.Валэктыны, кыче предложениос тексткылдыто, нош кычеосыз - уг кылдыто.

15.09

6.

Текстлэн валтись малпанэз. Текстлэн йыръянэз.

Текстэз лыдзыны, солэсь темазэ вераны. Текстлэн валтйсь малпанэз сярысь валан басьтыны.Лыдзем текстъёслэсь темазэс но валтйсь малпанзэс вераны.

16.09

7.

Сураськем текст. Сураськем текстэз радъян.Входной контрольной уж

Ортчемзэ тодэ ваён но эскерон

22.09

8.

Контрольной списывание «Чуньы».  Текст.

Кылъёсты но предложениосты ог-огзылэсь висъяны. Предложениез учкыса гожъяны. Сётэм текстэз валаса лыдзыны; сётэм юанлы текстысь валэктон шедьтыны, валэктонэз пусйыны

23.09

9

Янгышъёс бордын ужан. Вераськон кыл .Текст. Проект «Нырысь вамышъесмы».

Ас кожад но туркымен ужаны, кенешыны, ог-огдэ кылыны, ог-огедлы юрттыны. Текстлэсь тодметъёссэ тодэ вайыны. Сётэм темая текст малпаны. Быдэстэм ужез чеберманы (суред, туспуктэм лэсьтыны). Малпам текстъёсты огазеяса, книга кылдытыны. Проектэз возьматонэ пыриськыны.

29.09

10.

Предложение.Предложенилэн тодметъёсыз но пормемез.

Кылъёс полысь предложениосты висъяны, предложенилэсь тодметъёссэ вераны.

30.10

11.

Предложениын кылъёслэн герзаськемзы.

Предложениосты предложение кылдытйсьтэм кылъёсын чошатыны, предложениослэсь кызьы пормемзэс вераны, предложениын кылъёслэсь вошъяськыса кутйськемзы сярысь огъян лэсьтыны. Кылъёсты предложенный кулэезъя вошъяны. Вераськон кылэз азинтон: Уроклэсь темазэ эскерыку, дышетйсен, кык чошен вачевераськон нуыны. Предложениын кулъёслэсь кутйськемзэс чакламъя, эскеремъя огенверанъёс кылдытыны.

06.10

12.

Предложениослэн веран мугзыя но интонацизыя портэм луэмзы.

Предложениосты тупась куараен лыдзыны, веран мугзыя эскерыны. Веран мугзыя ивортон, юан, отён предложениос сярысь валан басьтыны. Текстъёсысь ивортон, юан, отён предложениосты шедьтыны, предложениосты бырйыса гожъяны, предложениос пуме тупась пус пуктыны. Веран мугзыя портэм предложениос малпаны но гожъяны.

07.10

13.

Кылэз волятон урок. Юанъёсъя «Толлы дасясько» изложение гожтон.

Юанъёсъя изложение гожъяны но эскерыны.

13.10

14.

Янгышъёс бордын ужан. Текстысь предложениосты ог- огзылэсь висъяны дышетон.

Текстысь предложениосты ог- огзылэсь висъяны дышетон.

14.10

15.

Веран мугзыя ивортон, юан, отён предложениос.

Веран мугзыя ивортон, юан, отён предложениос сярысь валан басьтыны. Текстъёсысь ивортон, юан, отён предложениосты шедьтыны, предложениосты бырйыса гожъяны, предложениос пуме тупась пус пуктыны. Веран мугзыя портэм предложениос малпаны но гожъяны

20.10

16.

Кыл сярысь валан.

Кыл но арбери валатонъёсты висъяны. Котырысь нимтэм арбериосты утчаса, пичияк чаклан - эскерон уж ортчытыны. Чаклан- эскерон ужъя огъян лэсьтыны. Предметэз, предметлэсь ма каремзэ но кыче луэмзэ возьматйсь кылъёсты вераны. Кыллюкамъёслэсь кулэлыксэс валаны, вераськон кылэз узырмытыны юрттйсь амалъёс сярысь малпанъёсты вераны. Кыллэн валатонэз сярысь валан басьтыны. Валэктйсь кыллюкамен тодматскыны, соя ужаны дышетскыны, сётэм кылъёслэсь валатонзэс кыллюкамъя валэктыны.

14.10

17.

Контрольной диктант «Тэль»

Предложениосты шедьтыны но шонер гожъяны.Текстэз предложениослы люкылыны, предложениос пуме тупась пусъёс пуктылыны. Быдэстэм ужез дунъяны.

27.10

18.

Янгышъёс бордын ужан. Кылъёслэн пормемзы.

Текстэз лыдзыны, текстысь уроклэн темаезъя валэктон шедьтыны, кылъёслы пормыны инкуазь куараослэн юрттэмзы сярысь вераны. Суредъёс, текст вылэ пыкиськыса, кылъёслэсь пормемзэс эскерыны, кылъёслы пормыны юрттйсь амалъёс сярысь вераны (куара сётэмзыя, вылтуссыя, малэсь лэсьтэмзыя, ма каремзыя). Сётэм кылъёслэсь кызьы пормемзэс валэктыны, кыллюкамен ужаны.Валэктонъёсъя кылъёсты тодманы.

28.10

19.

Кыллэн пуштросэз.

Одйг но трос валатонэн кылъёсты эскерыны, куспазы чошатыны, одйг но трос валатонэн кылъёс ярысь огъян лэсьтыны. Трос валатонэн кылъёсты эскерыны, кылъёслэн портэм валатоъёссылэсь кызьы пормемзэс валаны но валэктыны. Сётэм кылъёслэсь портэм валатонъёссэс гожъяны.

10.11

20.

Куараосты букваосын возьматон.

Суредъя ужаны. Зуч калык выжыкылэз тодэ вайыны, суредысь котькуд герой сярысь вераны.Суредъя сётэм кылъёсты куараосъя но букваосъя эскерыны, куараос но букваос сярысь огъян лэсьтыны. Шара верам кылъёсысь куараоссэ радызъя вераны но соосты букваосын возьматыны. Кылъёсысь одйг куаразэ воштыса, выль кылъёс пормытъяны. Валэктыны, кылъёсысь одйг куаразэ воштйськод ке, кыллэн пуштросэз воштйське шуыса. Сётэм куараослэсь портэм кылъёс пормытъяны но гожъяны. Саклыко луыны, быдэстэм ужез эскерыны

11.11

21.

Гласной куараос но букваос. О букваен кылъёс.

Суредъя ужаны. Суредысь котькуд героез адзыны, соослэсь ма каремзэс но кыче луэмзэс вераны. Суредъя сётэм кылъёслэсь кыче куараослэсь пормемзэс эскерыны, берпуметй куаразэс висъяны но кыче луэмзэс вераны. Гласной куараос но соосты возьматйсь букваос сярысь огъян лэсьтыны. Куараосты но букваосты ог-огзылэсь висъяны.Кылъёсысь гласной куараоссэ шедьтыны но соосты возьматйсь букваосты пусйыны.Кылъёсысь гласной куаразэ мукет гласнойкуараен воштыны, кыллэн пуштросэзлэсьвоштйськемзэ валаны но валэктыны.Сак луыны, текстысь янгышъёссэ шедьтыны,тупатыса гожъяны.

17.11

22.

Согласной куараос но букваос.

Кылъёсысь согласной куараоссэ кылыны, согласной куараослэсь кызьы пормемзэс чакланы, чаклан-эскерон ужъёсъя огъян лэсьтыны, лэсьтэм огъянэз учебнике сётэм огъянэн чошатыны. Согласной куараосты возьматйсь букваосты вераны. Кылъёсын согласной куараослэсь «ужамзэс» валаны, кылъёсысь одйг согласнойзэ мукет согласноен воштыса яке кыллэн азяз яке пумаз согласной куара будэтыса, выль кылъёс пормытъяны. Кылъёсын согласной куараосты тупась букваосын гожъяны.

18.11

23.

ӝ,ӟ,ӵ аффрикатаос.

Суредъёсты эскерыны, суредъёс полысь мултэссэ шедьтыны. Кылъёсысь куараоссэ радызъя вераны, нырысетй куаразэс висъяны, кыче луэмзэс вераны. Лэчыт веранъёслэсь пуштроссэс валэктыны.Юанъёслы валэктонъёс сётыны.Суредъя вачеверан малпаны. Кылъёслэсь пуштроссэс валэктыны, выль кылъёсты вераськоназы кутыны.

24.11

24.

Слог. Кылъёсты чурысь чуре выжтон.

Кылъёсты ёзъёслы люкылыса вераны. Кылъёзлэн коня куаралэсь кылдыны быгатэмзэ эскерыны. Чакланы, кыче куара кылъёзын одно ик луыны кулэ (кыче куара кылъёз кылдытэ). Чаклан-эскерон ужъёсъя огъян лэсьтыны. Одйг, кык, куинь кылъёзъёслэсь пормем кылъёсты шедьтыны. Кылъёсты ёзъёслы люкылыны. Текстъя гожтыку чуре тэрымтэ кылъёсты мукет чуре кызьы выжтонэз чакланы. Кылъёсты чурысь чуре выжтонлэсь кулэлыксэ валаны. Кылъёсты чурысь чуре выжтон сярысь огъян лэсьтыны.

25.11

25.

Ударение.

Ударение сярысь вераськон.

01.12

26.

Тодэмез радъян но эскерон.

Букватэчетъёс полысь кылъёзъёсты шедьтыны.Кылъёслэсь коня ёзъем луэмзэс валаны. Кылъёсты ёзъёслы люкылыса гожъяны. Кылъёслэсь предложениос малпаны но гожъяны, кылъёсты ёзъёслы люкылыны. Предложениосты, текстъёсты гожъяку, кылъёссэ чурысь чуре шонер выжтыны.

02.12

27.

Контрольной диктант «Кочыш".

Быгатонлыксэс эскерон

08.12

28.

Янгышъёс бордын ужан.Звонкой но глухой согласнойёс.

Кылъёсысь куараоссэ кылзыны, согласной куараос полысь жингрес но тонгес куараосты висъяны. Жингрес но тонгес согласной куараослэсь ым пушкын кызьы пормемзэс чошатыны, огъя но портэм тодметъёссэс шедьтыны. Чаклам-эскеремзыя огъян лэсьтыны.Кылъёсысь кузэн согласной куараослэсь букваоссэс шедьтыны.

09.12

29.

Кузэн (звонкой но глухой) б-п,в-ф,г-к,ж-ш,з-с,д-т,ӵ-ӟ, ӝ-ӵ согласнойёс.

Кыл пумын но кыл шорын кузэн жингрес но тонгес куараослэсь (нимаз сылйсь кылъёсын, кыл пумын но кыл шорын тонгес согласной куараос азьын, жингрес согласной куараос но гласнойёс азьын сылыкузы) чузъяськемзэс но гожтйськемзэс чакланы. Чаклам-эскеремъя огъян лэсьтыны.

15.12

30.

Кылэз волятон урок. Суредъя, юанъёсъя сочинение гожтон.

Суредъя ужаны. Отысь геройёссэ синйылтыны, кыче луэмзэс, ма каремзэс чакланы. Суредъя пичияк история малпаны но вераны.Суред улэ сётэм юанъёсты лыдзыны. Юанъёслы валэктонъёс сётыны. Валэктонъёсты гожтэмлэсь азьвыл куд-ог кылъёслэсь гожтйськемзэс тодэ вайыны. Малпам текстэз гожъяны но эскерыса дунъяны.

16.12

31.

Янгышъёс бордын ужан.Небыт д, з, л, н, с, т (согласной) куараосты кыл пумын небыт пусэн (ь) возьматон.

Чурыт но небыт согласной куараос сярысь тодэмез вераны.Вераськон куараос полысь котьку чурыт луисьёссэ, котьку небыт луисьёссэ, кузэн чурыт но небыт луисьёссэ висъяны.

22.12

32.

Небыт д, з, л, н, с, т (согласной) куараосты кыл шорын небыт пусэн (ь) возьматон.Диктант «Тол»

Чурыт но небыт [д], [з], [л], [н], [с], [т] согласной куараосын дугдйсь кылъёслэсь чузъяськемзэс но гожтйськемзэс чакланы, небыт пус буквалэн (ь) гожъяськонын кутйськемез сярысь огъян лэсьтыны, лэсьтэм огъянэз учебникысь огъянэн чошатыны.Небыт пус буквалэсь кыл шорын гожтйськемзэ чакланы, небыт пуслэн «ужез» сярысь вераны. Валэктыны, ь буква согласнойёслэсь небыт луэмзэс возьматэ шуыса.

23.12

33.

Выборочной диктант. Небыт пус (ь) о, ы букваос азьын.

12.01

34.

И, и букваосын кылъёс.

13.01

35

Небыт д, з, л, н, с, т (согласной) куараосты е, ё, ю, я букваосын  возьматон.

Небыт согласной куараосын кылъёсты эскерыны, согласнойёслэсь небыт луэмзэс кыче букваосын возьматэмез чакланы. Кылъёсын и, е, ё, ю, я букваослэн «ужамзы» сярысь огъян лэсьтыны.

19.01

36

Д, з, л, н, с, т (согласной) куараослэсь чурыт луэмзэс ӥ,э букваосын  возьматон.

Кузэн сётэм кылъёсты чузъяськемзыя но гожтйськемзыя чакланы, чошатыны, огкадь но портэм тодметъёссэс вераны. И но й букваослэн кылъёсын кыче «ужез» быдэстэмзы сярысь огъян лэсьтыны, огъянэз учебникысь валэктонэн чошатыны. Кылъёсын [и] куараез кык пумо возьматыны: небыт [д], [з ], [л ], [н], [с ], [т] согласнойёс бере – и,е букваосын, чурыт [д], [з], [л], [н], [с], [т] согласнойёс бере – ӥ,э букваен

20.01

37.

Е буквалэн чурыт согласнойёс борсьы гожтиськемез.

Е буквалэсь, кылъёсын кузэн небыт согласнойёс бере сылыкуз, кузтэм чурыт но небыт согласнойёс бере сылыкуз, кыче «ужъёсты» быдэстэмзэ эскерыны, чошатыны. Эскеремъя огъян лэсьтыны.

26.01

38.

[й]куара.[й]куараез й,е, ё, ю, я букваосын возьматон.

Куара схемаосын ужаны, куараосты букваосын гожъяны, кылъёс пормытыны но гожъяны. Кылъёсын [й] куаралэн е, ё, ю, я букваосы ватскемез сярысь огъян лэсьтыны, лэсьтэм огъянэз учебникысь огъянэн чошатыны.

27.01

39.

[з], [ч] куараос. Небыт з, ч согласнойс борсьы а, о, у гласнойёслэн гожтиськемзы.

За, ча, зо, чо, зу, чу букватэчетъёсын кылъёсты чузъяськемзыя но гожтйськемзыя чакланы, согласной куараослы характеристика сётыны. Небыт [з ], [ч] согласнойёсты возьматйсь букваос бере а, о, у букваослэн гожйськемзы сярысь огъян лэсьтыны.

02.02

40.

Висъясь небыт но чурыт пусъёс

Кылъёсты шонер лыдзыны, кылъёсын висъясь небыт но чурыт пусъёслэсь гожтйськемзэс эскерыны, огъян лэсьтыны, лэсьтэм огъянэз учебникысь правилоен чошатыны.Висъясь чурыт но небыт пусъёсты гожтон правилоез гожъяськыку кутыны, кылъёсын висъясь пусъёслэсь гожтйськемзэс валэктыны.

03.03

41.

Ь буква - висъясь пус но небытэз возьматйсь буква

Ь букваен кылъёсты чошатыны, ь буквалэн кутйськемезъя, кылъёсты кык туркымлы люкыны: висъясь небыт пусэн, небытэз возьматйсь небыт пусэн. Кылъёсысь висъясь ь букваез но согласнойёслэсь небыт луэмзэс возьматйсь ь букваез висъяны. Небыт пусэн кылъёсты шонер гожъяны, небыт пуслэсь кыче «ужез» быдэстэмзэ валэктыны.

09.02

42.

Кыл шорын кык полэс чурыт но небыт согласнойёсын кылъёс.Диктант.

Кык полэс согласнойёсын кылъёслэсь чузъяськемзэс но гожтйськемзэс эскерыны, кылъёсын кык полэс согласнойёслэн гожтйськемзы сярысь малпанэз вераны. Кык полэс согласнойёсын кылъёсты шонер лыдзыны, соосты мукет кылъёсын чошатыны, кык полэс согласной куараосты гожъяку артысь кык огкадь букваосын возьматыны. Кык полэс согласнойёсын кылъёсты чурысь чуре выжтыны.

10.02

43.

Зуч кылысь пырем ф, х, ц, щ куараос но букваос.

Проект «Зуч кылысь куноос»

[Ф], [х], [ц], [щ] куараосын кылъёсты шонер лыдзыны, кылъёслэсь пуштроссэс валэктыны, гожъяны. Ф, х, ц, щ букваослэсь кыче кылъёсын кутйськемзэс вераны. Куараосын но букваосын герзаськем мини-проект гожтыны, кузэн ужаны

16.02

44.

Существительной сярысь валан. Существительнойёслы юан пуктыны дышетон

Существительнойлэсь лексической но грамматической тодметъёссэ эскерыны: мае возьматэмзэ, юанъёссэ. Чаклам-эскерем ужъёсъя огъянъёс лэсьтыны.Пуштроссыя но юанъёссыя существительнойёсты мукет вераськон люкетъёс полысь тодманы.

17.02

45.

Луло но лултэм предметъесты возьматись существительнойёс.

Луло но лултэм существительнойёсты висъяны,юанъёссэс, мае возьматэмзэс вераны.Лексической пуштроссыя существительнойёсты туркымъёслы люкылыны.Юанъёсъя тупась существительнойёс утчаны.

23.02

46.

Одиг но трос лыдэз возьматись существительнойёс.Проверочной диктант.

Существительнойёслэсь одйг яке трос арбериез возьматыны быгатэмзэс эскерыны, коня арбериез возьматэмзыя существительнойёслы юан пуктыны. Существительнойлэсь лыдзэ вераны (одйг лыд, трос лыд).Существительнойёслэсь лыдъя вошъяськемзэс эскерыны, со сярысь огъян лэсьтыны.

24.02

47.

Янгышъёс бордын ужан.Бадзым буква адями нимъёсын, фамилиосын но пудо- живот нимъёсын.

Адями нимъёслэн но фамилиослэн гожтйськемзы сярысь огъян лэсьтыны, огъянэз учебникысь правилоен чошатыны. Пудо-животъёслэсь аснимъёссэс чакланы, валаны, аснимъёсты пудо-животъёслэн сямъёсынызы, вылтусынызы но мукет тодметъёсынызы герзало шуыса. Пудо- животъёслы аснимъёс малпаны.

02.03

48.

Бадзым буква город, гурт, ульча, шур нимъёсын.

Предложениос пушкысь огкадь кылъёслэсь пичи но бадзым букваен гожтйськемзэс чакланы, инты нимъёслэн гожтйськемзы сярысь огъян лэсьтыны.Текстъёсысь инты нимъёсты шедьтыны, гожтйськемзэс валэктыны.

05.03

49.

Вераськон люкет: существительной.

Юанъёсъя луло но лултэм существительнойёсты гожъяны. Сётэм валэктонъя существительной луись кылэз тодманы, существительнойёслы юан пуктыны.Существительнойёсты лыдъя вошъяны, трос лыдын существительнойёсты шонер гожъяны, существительнойёсын предложение малпаны но предложениосты шонер гожъяны.Тупась букваос пуктылыса, текстэз гожъяны, кылъёс полысь аснимез висъяны.

09.03

50.

Контрольной диктант «Тулыс»

01.03

51.

Янгышъёс бордын ужан.Глагол. Глаголъёслы юан пуктыны дышетскон

Ма каремез возьматйсь кылъёсты эскерыны. Арбериослэсь ма каремзэс возьматйсь кылъёсты вераны. Текстысь ма каремез возьматйсь кылъёсты висъяны. Ма каремез возьматйсь кылъёсты глагол полы пыртыны. Глаголъёслэсь юанъёссэс вераны, юанъёсъя предложениосы тупась глаголъёс пуктылыны.

02.03

52.

Глагол.Проект «Мынам выжые».

Мини-проект гожтыны, кузэн ужаны

08.03

53.

Одиг но трос лыдэз возьматись глаголъёс. Глаголлэн лыдъя вошъяськемез.

Предложениосысь глаголъёсты чошатыны, огкадь но портэм луись тодметъёссэс шедьтыны, глаголъёслэн лыдъя вошъяськемзы сярысь огъян лэсьтыны.

09.03

54.

 Валатонзыя матын но пумит луись глаголъёс

Предложениысь юанъёсъя глаголъёсты шедьтыны, лыдзэс вераны. Глаголъёслэсь лексической пуштроссэс эскерыны, пуштроссыя пумит луись глаголъёсты висъяны.Кузэн сётэм глаголъёс полысь синоним луисьёссэ но антоним луисьёссэ висъяны. Сётэм глаголъёслы антонимъёсты но синонимъёсты бырйыны. Кыллюкамен ужаны.

15.03

55.

Эскером но дунъялом быгатонлыкъёсмес

Существительнойёс бордысь юанъёс пуктыса, текстысь глаголъёсты шедьтыны. Глаголъёслы юанъёс пуктыны, юанъёссыя кылъёсты туркымъёслы люкыны

16.03

56.

Прилагательной - вераськон люкет. Прилагательнойлэн тодметъёсыз

Тодметэз возьматйсь кылъёсты эскерыны, юанъёссэс нокыче кылъёслэсь тодметсэс возьматэмзэс вераны. Тодметэз возьматйсь кылъёсты  прилагательнойёс полы пыртыны.Прилагательнойёсты мукет вераськон люкетъёслэсь висъяны.Предметъёслэсь вылтуссыя, шомзыя, быдзалазыя тодметъёссэс вераны.

29.03

57.

Прилагательнойлэн существительноен кутйськемез

Текстэз лыдзыны, инбамлэсь тодметъёссэ возьматйсь кылъёсты шедьтыны, прилагательнойёслэсь предметъёслэсь тодметсэс возьматэмзы сярысь огъян лэсьтыны.

 30.03

58.

Прилагательнойлэн вераськонын кутйськемез

Текстъя ужаны: лыдзыны, юанъёслы валэктонъёс сётыны. Прилагательнойёслэсь текстъёсын кутйськемзэс чакланы. Прилагательнойёслэн вераськонын кулэлыксы сярысь огъян лэсьтыны.

05.04

59.

Валатонзыя матын но пумит луись прилагательнойёс.

Прилагательнойёслэсь лексической пуштроссэс эскерыны, пуштроссыя пумит луись прилагательнойёсты висъяны. Сётэм прилагательнойёслы антонимъёс шедьтыны, кыллюкамен ужаны.

06.04

60.

Прилагательнойёсты текстын кутыны дышетон.

Арбериослэсь тодметъёссэс шедьтыны но гожъяны.Прилагательнойёслы антонимъёс малпаны. Мадиськонысь прилагательнойёссэ шедьтыны, валэктонзэ тодыны. Текстэз лыдзыны, юанъёслы валэктонъёс шедьтыса гожъяны, прилагательнойёссэ пусйыны.

12.04

61.

Промежуточной аттестационной контрольной уж.

Ар        чоже дышетэм правилоосъя предложениосты но кылъёсты шонер гожъяны.

13.05

62.

Янгышъес бордын ужан.  Родственной кылъёс сярысь валан.

Кылъёслэсь пуштроссэс валэктыны, выль кылъёсты вераськоназы кутыны.

19.05

63.

Проект «Кинлэн кылъеслэсь писпуэз бадзымгес пушъем?».

Мини-проект гожтыны, кузэн ужаны

20.05

64.

Прилагательнойёстытекстын кутыны дышетон.Диктант.

Кылъёс пќлысь предметэз нимась предметлэсь ма каремзэ нимась, предметлэсь тодметъёссэ нимась кылъёсты висъя.Сётэм кылъёс пќлысь мултэссэ шедь-тэ, шонер вера.

26.05

65.

Янгышъёс бордын ужан. Текст, предложение, кыл.

Мадиськонъёс малпа.

27.05

66.

Текст, предложение, кыл.

Текстэз лыдзыны, йыръян сётыны, шонер гожъяны.Юанъёсъя текстысь существительной, прилагательной, глагол луись кылъёсты шедьтыны но гожъяны. Кылэз куараосъя но букваосъя эскерыны.

21.05

67.

Кылэз волятон урок. Юанъёсъя изложение гожтон.

Лыдзем текстъя дасям юанъёсъя изложение гожъяны.

25.05

68.

 Янгышъёс бордын ужан. Ар чоже ортчемез тодэ ваен.

Учкыса но диктовать каремъя предложениосын аснимъёсты гожъя

28.05

Итоговой контрольной уж

2-тћ класслы

«Удмурт кыл» предметъя йылпумъян ужъёс

Эскерон уж

Быдэстоно ужлэн пуштросэз

. Уж тест амалэн дасямын. Эскерон уж дасямын, кун стандартлэсь дышетскисьёслы кык уровенен тодон-быгатонъёс сётон сярысь куронъёссэ чакласа. Ужлэн пуштросаз инъет луись (базовой) но секытгес (повышенной) уровенен 13уж пыртэмын. Соос пќлысь дас одћгез уж пиналъёслэсь базовой уровенен басьтэм тодон-быгатонъёссэс эскерыны юрттоз, нош кыкез – вылћ уровенен быгатонъёссэс. Секытгес уровенен ужъёс таџе пусэн *возьматэмын.

Пӧртэмлыксыя соос таӵеесь луо:

  1. Юанъёслы сётэм 4 яке 3 валэктонъёс(ответъёс)пќлысь огзэ шонерзэ быръёно. Та ужлы 8юан малпамын. Соос удмурт фонетикая, графикая, морфемикая но морфологияябасьтэм тодон-быгатонъёсты шараяны чакламын.
  2. Пуктэм юанлы вакчи валэктон сётоно (тырмымтэ кыл гожтоно, юанлы валэктонэз текстысь шедьтоно но гожтоно, юанлы аслыд вакчи валэктон гожтоно). Та ужлы 3уж малпамын. Соос удмурт морфологияя но синтаксисъя басьтэм тодон-быгатонъёсты шараяны чакламын.
  3. Юанлы паськыт валэктон сётоно. Татчы 2 уж малпамын. Соос пиналъёслэсь коммуникативной быгатонъёссэс шараяны чакламын.

Эскерон ужъёс

_____________________________________________________________

  1. Пусйы со чурез, кытын вань кылъёс согласной куараен кутско.
  1. пӧйшур, йӧ, диван, ву
  2. ќс, ошмес, анай, йӧны
  3. ӟичы, пурт, ульча, ымдур
  4.  азбар, изьы, ӧжыт, узы

__________________________________________________________________

  1. Пусйы со кылэз, кудӥз небыт согласной куараен дугдэ.
  1. ӵӧжпи         2)кый         3)суред                 4) пукыӵ

__________________________________________________________________

  1. Шедьты но пусйы сыџе кылэз, кудаз вань согласной куараосыз жингрес луо.
  1. гондыр         2)нюлэс         3)мушпиос        4) синучкон

__________________________________________________________________

  1. Пусйы со чурез, кудаз ваньмыз кылъёс огвыжыё луо.
  1. зорыны, лымыяны, зоро, йӧзор
  2. мульы, мульыяны, мульыясь, мульыё
  3. скал, кунян, вал, чуньы
  4. йӧна, йӧнатӥсь, йӧны, йӧнатыны

__________________________________________________________________

  1. Кузэн сётэм кылъёс пќлысь пуштроссыя пумит луись кылъёсты шедьты но пусйы.
  1. гондыр–лудкеч
  2. ин– инбам
  3. паськыт–сюбег
  4. сяська– турын

______________________________________________________________

  1. Пусйы со чурез, кудаз ваньмыз кылъёс глагол луо.
  1. љужыт, пӧсь, мусо, чырс
  2. мунё, пилем, сяська, зор
  3. бызьылыны, шудыны, чорыганы, чипей
  4.  возьманы, йыгаськыны, лымыяны, кырӟаны

_________________________________________________________________

  1. Пусйы со чурез, кудаз ваньмыз кылъёс луло существительнойёсыз возьмато.
  1. кӧжы, юбка, салазки, ныл
  2. мунё, пилем, сяська, зор
  3. песянай, койык, тури, дуринчи
  4. эмезь, сизь, беризь, ӝӧк

__________________________________________________________________

  1. Пусйы со чурез,кудаз гурт нимъёс гожтэмын.
  1. Чупчи, Вало, Волга, Кам
  2. Оля, Саша, Ваня, Нина
  3. Семёнов, Николаева, Крылов, Степанов
  4. Зура, Петуньки,Лудорвай,Бобья-Уча

__________________________________________________________________

  1. Суредэз учкы. Соя сётэм кылъёсыз радъяса, предложение кылдыты но гожты.C:\Users\Дмитрий\AppData\Local\Microsoft\Windows\Temporary Internet Files\Content.IE5\8Q58DPBW\MC900089642[1].wmf

Кузьпель, вань, Манилэн, кучапиез, мусо, нимо

____________________________________________________________

  1. *9-тӥ ужысь суредъя юан но ӧтён предложениос малпа но гожты.

_____________________________________________________________________________________________________________

  1. Текстэз лыдњы.

Гондыр–асьме тэльысь самой бадњымез сьӧсь пӧйшур. Со туж кужмо: писпуэз но погыртэ, скалэз но нуыны быгатоз. Но сӥль туж шер сие. Ӵемысь кӧтсэ тыре чечыен, эмезен, узы-борыен.

«Вордскем кыл» журналысь.

Юанъёслы текстысь валэктон шедьты но гожты.

  1. Гондыр кыӵе пӧйшур?
  2. Ӵемысь маин со кӧтсэ тыре?

__________________________________________________________________________________

  1. Текст пӧрмытон понна, предложениосты радъя (1, 2, 3, 4).

Дэремаз сьӧд виштыосыз вань.

Нюлэс дурын веськрес кызьпу будэ.

Солэн кузь вайёсаз вож куаръёс шильырто.

Куаръёс пӧлысь тӧдьы дэремен мугорыз адӟиське.

__________________________________________________________________

  1. * Сётэм кутсконъя текстэз йылпумъя.

Йылпумъяське дышетскон ар. Сеня каникулъёсыз чидатэк вите. Гужем со …

Озьыен, 13ужез быдэстыса, дышетскись 15 балл люканы кулэ.

Ужез эскерон

14–15 балл (90–100%) – уж туж умой быдэстэмын, «5» отметкалы.

11–13 балл(75–89%) – уж умой быдэстэмын, «4» отметкалы.

8–10 балл (50–74%) – уж шоро-куспо быдэстэмын, «3» отметкалы.

7        баллэсь ӧжыт – уж урод быдэстэмын, «2» отметкалы.


По теме: методические разработки, презентации и конспекты

Рабочая программа по удмуртскому языку для 3 класса(удмурт кылъя 3 класслы дышетисьлы программа)

Рабочая программа по удмуртскому языку поможет учителям систематизировать программный материал в 3 классе....

Рабочая программа по удмуртскому языку для 2 класса

Рабочая программа по удмуртскому языку для 2 класса по УМК "Перспектива"...

Рабочая программа по русскому языку 3 класс ФГОС .Учебник А.В. Полякова.Система Л.В. Занкова. Документ содержит рабочую программу и календарно-тематическое планирование

Рабочая программа по русскому языку 3 класс ФГОС .Учебник А.В. Полякова.Система Л.В. Занкова. Документ содержит рабочую программу и календарно-тематическое планирование Рабочая программа по матем...

Рабочая программа по русскому языку 3 класса авторской программы Л.Ф. Климанова «Русский язык»

Рабочая программа разработана на основе авторской программы Л.Ф. Климанова «Русский язык» утвержденной  в соответствие с требованиями Федерального компонента государственного стандарта начал...

Рабочая программа по русскому языку (4 класс) на тему: "Рабочая программа по русскому языку 4 коррекционный класс (8 вида).

   Рабочая программа составлена на основе авторской  программы В. В. Воронковой «Программы специальных (коррекционных) образовательных учреждений VIII вида, 1-4 классы ,4-е издан...

Рабочая программа по русскому языку (3 класс) на тему: "Рабочая программа по русскому языку 3 коррекционный класс (8 вида).

Рабочая программа составлена на основе авторской  программы В. В. Воронковой «Программы специальных (коррекционных) образовательных учреждений VIII вида, 1-4 классы ,4-е издание - М.: Просвещение...

Рабочая программа по Чтению на родном языке. Рабочая программа Родной русский язык 3 класс УМК Школа России

Рабочая программа по Чтению на родном языке. Рабочая программа Родной русский язык 3 класс УМК Школа России...