Конспект урока по пьесе В.Чисталева "Кодзув пи"
план-конспект урока (6 класс)

Уроклöн тема.

Уроклысь тема челядьлы ковмас висьтавны аслыныс

Могъяс

Велöдан (обучающие): велöдны видлавны (анализировать) художествоа гижöд, туйдöдны пьесалысь шöр мöвп гöгöрвоöдöмö, велöдны мöвпавны герой характер йылысь, юксьыны мöвпъясöн классын, донъявны геройöс, сылысь поступокъяссö.

Сöвмöдан (развивающие): сöвмöдны сёрнитан сям текстöн вöдитчöмöн, юрысь висьталöмöн (пересказ), öта-мöдкöд сёрнитiгöн; сöвмöдны мöвпалан сям.

Быдтан-велöдан (воспитывающие): велöдны лоны шаньöн, пыдди пуктыны матыссаясöс, ёртъясöс, вайöдны челядьöс мöвпöдз, мый мортыс мича сöмын сэки, кор сылöн мича лолыс, кор сiйö шань да ачыс вöчö йöзыслы бур.

Уроклöн тип

Выль тöдöмлунъяс восьтöм (урок открытия новых знаний)

Вöдитчан технологияяс

Группöвöй, фронтальнöй, индивидуальнöй

Коланаторъяс (оборудование).

Мультимедия, урок кежлö презентация, котыръяслы уджалан листъяс,  Лимерова В.А. Коми литература 6-öд класслы велöдчан да лыддьысян небöг. – Сыктывкар: ООО «Анбур», 2016. – 272 л.б.

Планируемöй результатъяс

Предмет серти кужöмлунъяс (предметные умения)

УУД артмöдöм

Личностнöй

Регулятивнöй

Коммуникативнöй

Познавательнöй

Тöдны В.Т.Чисталёвлысь «Кодзув пи» пьеса, Кужны висьтавны гижöдлысь тема, шöр мöвп.

Гижöд лыддьыны да велöдны ыштöдöм, гижöд серти ассьыныс этшсö гöгöрвоöм, герой серти ассьыныс пытшкöсса да ортсыса мичлунсö кылöм-тöдöм.

Кужны висьтавны да гöгöрвоны уроклысь тема да могъяс, лöсьöдны гижан да вомгора сёрни гижöд серти; кывны-гöгöрвоны ёртъясыслысь висьталöмса и гöгöрвоöдны ассьыс видзöдлассö.

Бура,  стöча, кужöмöн висьтавны ассьыныс мöвпсö и донъявны ассьыс и ёртъясыслысь сёрнисö.

Сöвмöдны ясыда (выразительное) лыддьöм да художествоа гижöд донъялöм.

Урок мунöм.

Уроклöн этапъяс.

Велöдысьлöн удж.

Велöдчысьяслöн удж.

1. Оргмомент

Видза оланныд, челядь, гöсьтъяс. Талун ми кутам уджавны В.Т.Чисталёвлöн «Кодзув пи» пьеса серти. Колян урокын тöдмасим гижöдöн, видзöдлiм пьесалысь аслыспöлöслунсö. Талун урок вылын, челядь, миянлы колö гöгöрвоны, мый могысь гижöма тайö пьесасö? Мый кöсйис тöдчöдны пьесалöн авторыс? Мый медшöрыс танi? Тiян водзын быд котырлöн эм уджалан лист, кытчö кутаннд вöчны уджъяс, пасъявны ассьыныд мöвпъяснытö.

Пырджык урок заводитчö темасянь да могъяс пуктöмсянь. Кыдзи ті аддзанныд, тіян уджалан листъяс вылö абу пасйöма ни уроклысь тема, ни могъяс. Но тайöс тiянлы ковмас вöчны аслыныд.

Дасьтысьöны урок кежлö, пырöдчöны уджö, тöдмасьöны уджалан листъясöн.

2.Урокö пырöдчöм

Медым казьтыштны гижöд, нуöдам неыджыд литературнöй диктант (2слайд)

1.Мый аддзисны крестьянинъяс вöрысь? (зарниöн кыöм тубрас).

2. Мый лоис тайö тубрасыскöд водзö? (Пытшкас вöлöма кага и крестьянин босьтіс сійöс гортас да быдтіс).

3. Кымын во быдтіс кагасö крестьянин? (10 во)

4. Мый серти корысь ань гöгöрвоис, мый Кодзув пи сылöн кагаыс, кодöс воштыліс зэв нин важöн? (Медальон да зарни тубрас серти)

5. Мый лоис кодзув пикöд корысьöс öтдортöм бöрын? (мисьтöммис).

6. Кытчö вöлі дзебöма еджыд зарни сьöм? (ыджыд гыркса пуö).

7. Коді отсаліс корсьны сьöмсö и мыйла? (кöч, водзöс отсаліс бур вöчöмысь).

8. Кодöн вöлöмаöсь Кодзув пилöн мам-батьыс? (корольяс)

Челядь вочавидзöны юалöмъяс вылö.

3.Открытие новых знаний.  Котыръясöн текст серти удж.

Гижöд серти удж. Пьесаысь медшöр проблемаяс гöгöрвоöм. Текстöн удж: кужöмöн вöдитчыны гижöдысь аддзöм юöорöн, ясыда лыддьыны гижöдысь юкöн, ас кывйöн висьтавны текстысь юкöнъяс.

Челядь, медым гöгöрвоны гижöдлысь медшöр проблемаяссö, уджалам текстöн. Быд котырлöн индöма юкöн. Сійöс лыддьöм бöрын гижöй уджалан листъясаныд юкöнсьыд медтöдчанаторсö, мый кöсйис висьтавны гижысьыс тайö юкöннас, мый йылысь колö мöвпыштны.

Вöчам кывкöртöд тайö юкöнъяс сертиыс.  И сідз, ми аддзам, мый медшöр кывъясöн лоины чорыд сьöлöма морт, лоны бурöн, мамö бурöдны, Ен ёрас….(3 слайд) Артмö, мый паныд сувтöдöма чорыд сьöлöма да бур сьöлöма йöзöс

Лыддьöны индöм юкöн, корсьöны ключевöй кывъяс.

1 котыр – чорыд сьöлöма йöз, ме абу сэтшöм лёк, «ме пыр чайтлі, мый тэнад бур сьöлöмыд»

2 котыр – «лёк, чорыд сьöлöма морт».

3 котыр -  он кö мамтö бурöдыштав – Ен ёрас..

- Мортлöн кутшöм качествояскöд  йитчöмаöсь тайö шуöмторъясыс?

- Кутшöм геройяс йылысь тайö шуöма?

- Кутшöм геройöс колö пыдісяньджык донъявны?

Колян урокын ми сёрнитім пьесалöн аслыспöлöслун йылысь. Вайö казьтыштамöй, мыйöн торъялö сійö висьтысь, повесьтысь?

А кытысь ми аддзам геройсö? Кыдзи кутам сійöс донъявны?

Морттуй, пытшкöсса ловру (духовнöй ценностьяс).

- Крестьянинлöн гöтыр, Кодзув пи.

- Кодзув пи.

Пьесаын абу геройлöн портрет, ог вермöй лыддьыны сылöн сьöлöмылöмъяс йылысь, абуöсь вöр-ва серпсъяс (пейзаж), ог аддзöй гижысьыслысь геройсö донъялöмсö (видзöдлассö).

Геройöс позьö донъявны сылöн сёрни серти, кыдзи сёрнитöны, шуалöны сы йылысь мукöд геройыс. И если видзöдам пьесасö, то аддзам нин актёрлöн сцена вылын ворсöм серти.

4. Геройöс донъялöм.

Текстöн удж.

Вöзъя тіянлы вöчны 4 удж листъяс вылысь. Быд котыр уджалö аслас юалöм серти:

1 котырлы удж: гижны, кыдзи донъялöны Кодзув пиöс мукöд геройыс.

2 котыр – гижöны, кыдзи донъялö асьсö (мый шуалö ас йывсьыс) Кодзув пи.  

3 котыр - 2 котыр – гижöны, кыдзи донъялö (мый шуалö) асьсö Кодзув пи.  

Тима Вень гижöма тайö пьесасö О.Уайльдлöн2 «Мальчик-звезд» мойд серти. Ме лыддя тіянлы Кодзув пилысь портретсö.

«… Дитя-звезда стал расти вместе с детьми Лесоруба, и ел за одним с ними столом, и играл с ними. И с каждым годом он становился всё красивее и красивее, и жители селения дивились его красоте, ибо все они были смуглые и черноволосые, а у него лицо было белое и нежное, словно выточенное из слоновой кости, и золотые кудри его были как лепестки нарцисса, а губы – как лепестки алой розы, и глаза – как фиалки, отражённые в прозрачной воде ручья. И он был строен, как цветок, выросший в густой траве, где не ступала нога косца.»

(с.42 роч текстысь)

Татшöмöн-ö сійö сувтіс тіян син водзö?

- Кыдзи ті донъяланныд Кодзув пилысь поступокъяссö (вöчöмторъяссö)?

Мыйла Кодзув пи лоис татшöмöн? Öд сiйöс быдтiсны шань семьяын? Сы гöгöр век вöлiны бур сьöлöма йöз?

Мыйла эз кывзы челядьöс, кодъяс пыр öлöдiсны лёк вöчöмысь?

- Кутшöм сьöкыдлунъяс ковмис венны? Мыйла?

Да, Енлöн велöдöмъяс пиысь öти – пыдди пукты ассьыд бать-мамтö. Öд омöльтын, кедзовтны, öтдортны, не кывзысьны мам-батьлысь – тайö зэв ыджыд лёктор. Ми аддзам, мый лоис Кодзув пикöд. Мед кö тайö мойд, но миян збыльвывса олöмын быдöнлöн эмöсь мам-бать, найöс колö пыдди пуктыны.

- Гöгöрвоис-ö Кодзув пи ассьыс мыжсö? Кытысь тыдалö? Корсьöй текстысь.

 - Отсалісны-ö Кодзув пилы вöрса пемöсъяс, кор зонка шыöдчис на дорö отсöгла? Мыйла?

- Кор и кыдзи сійö лоис шудаöн?

- Кутшöм лоис олöмыс Кодзув пилöн мам-батьсö аддзöм бöрын? 

- Гижöдысь ми аддзам кык пöлöс Кодзув пиöс: öтиыс мича, мöдыс мисьтöм. Тіянлы коднаныс кажитчö, мыйла?

Челядь уджалöны котыръясын, гижöны коланаторъяс.

1 котыр – ( Тэ лёк, чорыд сьöлöма..)

2 котыр – ( оз кöсйы лоны корысьлöн пиöн, Бöрыннас шуö, мый вöчис уна лёк, гöгöрвоö ассьыс мыжсö)

3 котыр – (первой мича да скöр, быдöн вылö горзысь, кыпöдчысь, виялö пемöсъясö, лэбачьясöс, шыбитö изйöн корысьлы. Бöрыннас мисьтöм да шань, мелі, гöгöрвоö мöд мортлысь шогсö).

Челядьлöн вочакывъяс.

Аслас мичлун вöсна сійö чайтіс, мый сылы позьö вöчны быдтор. Сійö усис кодзувсянь, и асьсö чайтіс мукöдсьыс ёна торъяланаöн.

Кодзув пи вöлi вывтi кыпöдчысьöн и некодлыс велöдöмсö некор эз кывзы, век омöльтiс и челядьöс.

Сійö лоис мисьтöмöн, ставыс кутісны öтдортны, пемöсъяс оз вöлі отсасьны. Сылöн мисьтöм  чужöмыс кутіс петкöдлыны пышкöсса ловсö.

 Артмö, мый Енмыс ёрис мамсö кедзовтöмысь.

Да, гöгöрвоис. (учебник 132 л.б.)

Эз. Найö казьтыштісны сылы, кыдзи Зонка вöчис лёксö налы.

Кодзув пи дыр кад корсис мамсö, мед корны сылысь прöшша, ковмис вены уна сьöкыдлун, уна омöльтöм да увтыртöм. Сылы веськодь вöлi, мый лоис мисьтöм чужöмаöн. Сэки сiйö кöсйис öдйöджык аддзыны мамсö. Сьöлöмыс бурмис сылöн сöмын мам-батьсö аддзöм бöрын да налысь прошша корöм бöрын.

Лоис корольöн да кутіс веськöдлыны асланыс государствоöн.Но главнöй сійö лоис шудаöн.

Шудлуныд абу мичлунын. Шудлун – тайö мир, семья, йöзлöн пыдди пуктöм. Сійö бара лоис мича и кутіс вöчныйöзлы буртор.

5. Кывкöртöдъяс вöчöм.

Вöчам кывкöртöд.

- Мый кöсйис петкöдлыны гижысьыс Кодзув пи образöн? Мыйö велöдö гижöдыс? Гижöй уджалан листаныд.

Уджъяс вöчöм бöрын, ме чайта, ті верманныд нимтыны талунъя урокнымöс (Мый йылысь сёрнитім?)

Мый ортсыса мичлуныд нинöм бурсö оз вай. Колö, мед мортыслöн пытшöсыс вöлі мича. Сідзкö, колö лоны шаньöн, мöд мортлы отсöг вылö воысьöн, оз позь кыпöдчыны мукöд йöз вылас, колö овны сöвесть серти.

Гижöны листъясö уроклысь тема.

 Мортлöн ортсыса да пытшкöсса мичлун.

Кодзув пилöн шуд корсьöм.

6. Рефлексия. Шусьöгъясöн удж.

6 уджын эмöсь шусьöгъяс,  бöрйöй на пöвстысь сэтшöмъясöс, кодъяс лöсялöны талунъя уроклы (4 слайд).

Челядь бöрйöны урок темалы  лöсялысь шусьöгъяс да гöгöрвоöдöны бöрйöмсö.

7. Гортса удж.

Гортса уджöн лоö гижны ичöтик сочинение-мöвпалöм бöрйöм тема серти (5 слайд).

1. Кыдзи ме донъяла Кодзув пиöс?
2. Кутшöмöн ме кöсъя лоны?
3. Мича морт. А кутшöм сійö?