Конспект урока "Сочинение - описание Ф.П. Решетниковонь картинастонза репродукциять коряс".
план-конспект урока (6 класс)

Темась: К.к. Сочинения   Ф.П. Решетниковонь "Тага кафта" картинац коряс.

  Цельсь: - содафтомс шабатнень Ф.П. Решетниковонь  творчестванц мархта;

               - панжемс картинать основной мялензон;

        - тонадомс картина коряс сочинениянь сермадома;

        - лездомс тонафнихненди сяда кемоста шарьхкодемс, содамс, кельгомс мокшень и рузонь  кяльхнень;

      - няфтемс, мезе может улемс, кда получат кафта.

       -

       Оборудованиясь: компьютер, видеопроектор, карточкат задания мархта.

Урокть молемац.

1. Орг. пялькссь.

А) Шумбратада, шабат! Озада! Кенярдян сембонь няемс тячиень урокса.

-Кодама мяльса озаде урокс? Пара. Мон надиян, што тячи, мезе арьсеф, сембось етафтови тевс, а штоба тянь сембонь тиемс, эрявихть тинь содамошинте, кулхцондоманте и цебярьста покодеманте урокса.

2. Од темать коряс беседа.

       Шабат, тячи минь мархтонт тага работатама картина коряс и знакомондатам рузонь художникть Фёдор Павлович Решетниковонь мархта. А картинась, конань коряс карматама сёрмадома сочинения пяк интереснай, сяс мес главнай героенц вастса может улемс эздонт любойсь.

 1. Ф.П. Решетниковонь колга вал. (1 –це слайдсь.)

2. «Тага кафта” картинать сёрмадомань историяц.

3. Беседа кизефкс коряс. Картинать анализоц.

- Кодама жанраса сёрматф тя картинась? (Картинась  сёрматф эрямань коень жанра).

Бытовой жанрать определенияц.

Кода художниксь няфтезе, что картинань главнай геройсь цёраня? 

(Цёранять художниксь няфтезе васенце планца. Сембе геройхне (тядясь, акац, брадоц) ваныхть лангозонза.

-Азость , мзярошка цёранять кизоц? (Цёраняти 10-11 киза).

- Мезьса наряжаф главнай геройсь, сонь ванфоц? Мезе можна азомс сонь шаманц колга?  (Цёранять лангса аф коряванза пальта меховой воротник мархта. Пильгсонза од пиндолды галошат и школьнай формаса.  Сон ащи, нолдамок прянц алу. Улема, сон пели варжакстомс кудстотнень лангс).

Тейнек валфтомга шарьхкодеви, что цёранясь тага получась кафта. И картинать лемоцка корхтай сянь колга, што тя кафтсь аф васенцесь.

- Мезень колга корхтай сонь шоваф  портфелец? (Цёранять кядьса шоваф, сязентьф портфель. Тялонда, улема, сон арни лангсонза пандоня пряста, а кизонда мархтонза налхки футболса.  Замокоц кунара ни тапаф и сотнеф кувака пикскаса.эздодонза книга вастс няевихть конькат.)

- Кода эряйхть картинань геройхне? Кода няфтьф кудботмось? (Эряйхть синь аф козяста. Пади, тядясь ськамонза касфты идензон эса. Тядясь аф ваномок сембе сталмотнень лангс заботендай эсь идензон колга. Кудса сембось урядаф, сембось латцефт вастоваст. Цёраняти рамасть од пальта, стирнясь наряжаф школьнай формаса, а ёмла туганнянцты рамасть велосипед.)

- Кода ваны тядясь эсь цёранянц лангс, кона получась тага кафта? Мезьса сон наряжаф?

(Тядясь кядензон путозень плманжанзон лангс и ужяльдезь ванны цёранять лангс. Тядять лангса якстерь фартук,пильгсонза тапочкат, а прясонза сенеме руця.

- Кода ваны цёранять лангс ёмла браткац? ( Сон арни велосипедса и рахси брадонц  лангса?

- Мезень колга корхтай стирнять сельмованфоц? Кода сон тонафни? (Стирнясь цёранять лангс ваны кяжиста, бта ёрай азомс: «Эх тон, мезе тиендят? Тядяньконь ёфси аф ужяльдьсак. Фалу куду каннят аньцек кафтт». Стирнясь наряжаф аккуратнайста и тонафни аньцек ветес. Улема, тиезень ни кудонь тевонзон и кочказе вандыенди портфеленц. Сонь портфелец одня, аф сязентьф, кода цёранять.)

- Кие васьфтезе цёранять кенярдезь? (Пиненясь кенярдсь цёранять саманцты. Сон нльня ингольце пильгонзон путозень цёранять мяштьс. )

- Мезе няйхтяма фталдонь планца? (Фталдонь планца художниксь няфтсь нинге фкя комната. Комнатась урядаф. Вальмялангса няйхтяма панчф.стенаса повфтаф географиянь карта.)

- Азость картинать основной мяленц. (Кальдяв ся, кда куду каннят кафтт.)

-Кодама краскат авторсь сявондсь картинаса? (Художниксь сявондсь разнай тюссонь краскат, конат аф прокс мазыхть. Вдь сон картинаса азонды аф кодамовок ила колга, а сявсь и няфтсь эряень фкя ши. Комнатань стенатне валдаза улет, киякссь коричневай тюсса, цёранять пальтац сянгяряза тюсса.

6. Словарнай работа.

1. Сёрмадость валзюлмотнень и азость рузонь кяльста сявф валхнень сёрмадомаснон. Сёрмадода мархтост валрисьмот.

Сязентьф портфель, каннеф  пальта,  идень велосипед,  простой коврик,  шобдаза косынка, школьнай форма.

2. Петемс и сёрмадомс валрисьмотнень.

Кирди, цёранясь, сязентьф, кядьсонза, портфель.

Ваны, кяжиста, акац, лангозонза.

Лангсонза, ёмла, рахси, брадоц.

7. Планонь сёрмадомась..

1. Картинать сёрмадомань историяц..
2. Главнай геройсь  (лангоц, ванфоц. портфелец).
3. Тядять сельмованфоц.
4. Стирнять ванфоц.
5. Пинесь – цёранять цебярь ялгац.
6. Картинать основной мялец.
7. Монь ванфозе картинать лангс.

8. Сочинениять план коряс азондомац. (2-3 ученик)

9. Кудонь тевсь.   Сёрмадомс сочинениять черновикс.