Конспект урока по коми языку. 6 класс.
план-конспект урока (6 класс) на тему

Урок коми языка в 6б классе по теме  «Республика Коми»

Тöвшöр тöлысь 27-öд лун

Учебник – Поликарпова Т.Д., Якубив Т.В., Чумакова И.А.

Тип урока – урок обобщения и систематизации знаний по разделу «Республика Коми»

1. Организационный этап.

Бур лун, ёртъяс! Видза оланныд, пыдди пуктана уджъёртъяс! Ме чайта, татшöм мича тöвся лунö и урокным миян прöйдитас гажаа да бура. Ті дасьöсь уджавны?

Талун донъявны асьныдтö ті кутанныд татшöм ногöн: быдöнлöн эм таблица. Быд удж бöрын серпасаланныд ичöтик смайлик. Сералö кö, сідзкö, уджыс артмис и кажитчис, гажтöм кö, вöлі сьöкыд уджавны да гöгöрвоны, веськыд вома кö, эз кажитчы уджыс.

Мича, кöдзыд, тöвшöр, шондіа, тöла,  кузь, лымъя, еджыд, коз, дзирдалö.

• Кымын кыв? (10)
• Кутшöм кыв заводитчис гласнöйсянь? (еджыд)
• Кутшöм кыв сулалö тöла да лымъя костын? (кузь)
• Кутшöм глагол паныдасьлö? (дзирдалö)
• Кымын существительнöй? (тöвшöр, коз)
• Кутшöм тема вылö тайö кывъясыс?  (тöв)
• Кутшöм кывъясöн верманныд висьтавны талунъя поводдя йылысь?

Кывзыштам сьыланкыв. «Чужанінын» (1 куплет)

Мый йылысь тайö сьыланкывйыс?

Кутшöм кывъяс вооöны тіян юрö, кутшöм серпасъяс сувтöны тіян син водзын, кор ті кывзанныд тайö сьыланкывсö?

Мый сэтшöмыс чужанін тіянлы?

Оценивание.

2. Постановка цели и задач урока. Мотивация учебной деятельности учащихся.

Ёртъяс! Ми тікöд дас урок чöж сёрнитім Коми Республика йылысь. Талун миян медбöръя урок.  Кутшöм мог пуктанныд ас водзö талунъя урок кежлö?

- Казьтыштны ставсö, мый велöдім да тöдмалім кольöм урокъяс вылын

- Öтувтны ассьыным тöдöмлунъяс да пыртны асланым сёрниö выль кывъяс

- Петкöдлыны велöдысьлы да гöстьяслы, мый ми тöдам Коми Республика йылысь

3. Актуализация знаний.

Быд визьö содтöй колана кывъяс (фронтальная работа):

• Инта, Воркута… (Вуктыл, Усинск, Ухта, Сыктывкар, Сосногорск, Емва, Микунь, Печора)
• Эжва, Мозын … (Печора, Ву, Луза, Уса, Изьва, Емва, Сыктыв)
• Тулан, низь … (анча, сьöдбöж, вöрпорсь, сан, вöркань и т.д.)
• Мусир, биару .. (из шом, зарни, кöрт руда, сов, ыргöн)
• «Василей», «Луд» … («Усть-Цилемская горка», «Завалинка», «Ыбица», «Кöрт айка», «Коми небöг», «Лямпиада», «Черинянь гаж»)

Оценивание.

4. Обобщение и систематизация знаний  (Подготовка учащихся к обобщенной деятельности, воспроизведение на новом уровне (переформулированные вопросы).

Парная работа. Готовые ответы вывешивают на доске. Сравнивают свои работы с другой парой. Если есть ошибки, ищут ответы в учебнике.

Кутшöм кар медводдзаöн артмöма Коми муын? Кыдзи важöн сійöс шулісны?

Кутшöм кар медся том?

Кутшöм ю медся кузь? Кутшöм юяс сетісны ассьыныс нимсö каръяслы да сиктъяслы?

 (Печора, Усинск, Сыктывкар, Емва, Изьва)

Быд во миян районын мунö «Коми небöг» гаж. Челядь, ті тöданныд кымын во нин сійöс пасйöны? (30) А кутшöм нималана гижысьяс мöвпыштісны нуöдны тайö гажсö? (Юрий Васютов да Альберт Ванеев)

Оценивание.

5) Применение знаний и умений в новой ситуации.

Кутшöм паськыд Коми му!

Гулыд вöр да визув ю,

Сьылысь лэбач, ытшкöм видз,

Гöгöр аслыспöлöс мич!

Йöзыс тані олö шань,

Удал зон да рочакань,

Киподтуя, уджач, бур,

Некöн татшöмыс оз сюр.

Коми муын менам горт,

Мам-бать, пöль-пöч, медбур ёрт!

Тані уджала да ола

И ас йöзлы, чайта, кола!

Ёртъяс! Мый йылысь кывбурыс? Кыдз ті чайтанныд, коді гижис тайö кывбурсö?

Лыддям ставöн! Коді кöсъяс мичаа лыддьыны? (Хором, индивидуально)

Челядь! Ме со татшöм кывъяс бöрйи аслам чужан му йылысь. А ті мый верманныд висьтавны Коми му йылысь, чужан сикт йылысь? (2-3 монолога о Республике Коми)

Оценивание.

Ёртъяс! Видзöдлöй, мыйта гöсьт талун воöма миян дорö. Коді тіян костын медся смел? Сёрнитыштöй миян гöстьяскöд. Юалöй, кытысь найö воöмаöсь.

Учащийся берет интервью у гостей.

Видза оланныд! Позьö тіянлы сетны некымын юалöм?

Менö шуöны….  А кыдзи тіянöс шуöны?

Ме чужи   Кослан сиктын. А ті кутшöм сиктын чужинныд-быдминныд?

А кутшöм сиктын ті öні оланныд-выланныд?

Мый бурыс эм тіян сиктанныд? Мыйöн торъялö тіян сиктныд мукöд сикт-грездысь?

Аттьö вочакывъясысь. Аддзысьлытöдз!

6)Контроль усвоения, обсуждение допущенных ошибок и их коррекция.

Самостоятельная работа. Взаимопроверка. Проговаривание правильных ответов.

1. Коми му – тайö миян чужан му.
2. Коми Республикаын  кöкъямыс кар.
3. Воркута – войвыв кар.
4. Усинск – Коми Республикалöн юркар.
5. Коми Республикаын кык каналан кыв – коми да роч.
6. Коми Республика сулалö Россиялöн лунвылын. (рытыв-войвылын)
7. Коми Республикалöн канпас вылын серпасалöма зарни варышöс.
8. Коми Республикалöн дöрапасыс куим рöма: еджыд – лöз – гöрд.
9. Емва – медся том кар Коми Республикаын.
10. Вуктыл дорын перйöны мусир.
11. Изьваын уна во нин пасйöны «Луд» гаж.
12. Мозын ю визувтö Сьöд саридзö.
13. Ву ю кузьджык Изьва юысь.
14. Удора канпас вылын серпасалöма йöраöс.
15. Ме радейта чужан муöс!

Оценивание.

7) Рефлексия (подведение итогов занятия) Анализ и содержание итогов работы, формирование выводов по изученному материалу.

Ёртъяс! Кажитчис-ö тіянлы талунъя урокным? Видзöдлöй таблица выланыд да донъялöй. Ставыс-ö тіянлы вöлі гöгöрвоана? Мый выльторсö тöдмалінныд  коми кыв урокъяс вылын Коми Республика раздел велöдігöн?

Чукöртны Коми Республикалысь мусерпас.

Аттьö бура уджалöмысь урокысь челядьлы и видзöдысьяслы! Аддзысьлытöдз!