Авторская программа
методическая разработка

Номинация: Авторская программа по дополнительному образованию

Авторская программа по дополнительному образованию - кружок «Юный корреспондент»- «Яшь хәбәрче», учителя татарского языка и литературы муниципального бюджетного общеобразовательного учреждения «Средняя общеобразовательная школа

№ 13» г. Альметьевска Республики Татарстан, Гариповой Айзиры Шамилевны.

   Аңлатма язуы.

   Һөнәри юл сайлау күп вакыт кеше язмышын хәл итә. Нәкъ менә шуңа күрә укучыларга һөнәр юнәлеше бирү буенча тиешле тәрбия эше алып бару аеруча мөһим. Тормышта - үз  урынын табу, җаны теләгән һөнәргә ия була белү- яшьләрнең төп максаты.

   Мин җитәкчелек иткән « Яшь хәбәрчеләр» исемле түгәрәк тә түбәндәге максатны күз уңында тотып оештырылды: бәйләнешле сөйләм күнекмәләрен, иҗади фикер йөртү сәләтләрен үстерү, журналист һөнәре серләренә төшенү һәм башкаруда кирәк булган кайбер гамәли һәм практик күнекмәләр формалаштыру.

Эзләнү, логик фикер йөртә белү, кечкенә ачышлар ясарга омтылу- иҗади эшли белә торган шәхес эзләүнең төп алшарты булып тора. Укучыны мөстәкыйль уйлап эшләүне таләп иткән мәсьәләләр күбрәк кызыксындыра, аның күңеле иҗат итүне сорый башлый.

   Бөтен кеше дә язучы, журналист була алмый. Әмма язма рәвештә үз фикерен логик эзлеклелектә әйтә белү табибка, укытучыга кирәк булган кебек, төзүчегә, эшчегә һәм тегүчегә дә бер үк дәрәҗәдә кирәк.

   Хәер кешенең рухи дөньясы, фикерли белүе беренче планга чыга бара. Шуңа күрә үз фикереңне эзлекле, дәлилләп һәм сурәләп әйтә белү, фикереңне дәлилләп бәхәстә катнаша белү - бик кирәкле сыйфат. Әлеге түгәрәккә йөрү укучыларга үзләрендә бу сыйфатны үстерергә мөмкинлек бирә.

   Иң мөһиме шул : төрле иҗади эшләр белән шөгыльләнгән укучыларның дөньяга үз карашлары, мөстәкыйль фикерләүләре булдырыла.

Түгәрәкнең максаты

     “Яшь хәбәрчеләр” түгәрәген оештыруның төп максаты - сәләтле балаларны барлау, аларның иҗади сәләтен үстерүгә шартлар тудыру, укучыларда халкыбызның гореф-гадәтләре, йолалары, бәйрәмнәре, дине, татар халкының язучылары, шагыйрьләре, гомумән, күренекле шәхесләрен өйрәнү аркылы туган телгә һәм халкыбызга мәхәббәт һәм ихтирам хисләре тәрбияләү

“Яшь хәбәрчеләр” түгәрәгенең төп бурычлары

       Әлеге максатка ирешү юлында  балаларга әдәбият фәне буенча түгәрәк  үткәрүнең төп бурычлары түбәндәгечә билгеләнә:

1. Укучының татар әдәби телен үзләштерүенә, текстны аңлап, сәнгатьле итеп, төрле темаларга сөйләшә алуына ирешү, тел һәм әдәбият буенча иҗади сәләтен үстерү һәм иҗат итәргә омтылыш тудыру.

2. Балаларны Әлмәт районыннан чыккан   язучыларның иҗат үрнәкләре белән таныштыру.

3. Районыбыз язучыларының иҗатын өйрәнү аша  район тарихы, аның күренекле кешеләре, традицияләре белән танышу.

Балаларның яшь үзенчәлекләрен исәпкә алып, түбәндәге алымнар кулланыла:

- китапханәдә өстәмә әдәбият белән эш;

- әңгәмә;

- экскурсияләр (мөмкинлек буенча )

Балаларның яшь үзенчәлекләрен исәпкә алып, түбәндәге алымнар кулланыла:

- китапханәдә өстәмә әдәбият белән эш;

- әңгәмә;

- экскурсияләр (мөмкинлек буенча )

Көтелгән нәтиҗәләр:

- якташ язучы һәм шагыйрьләрнең иҗатларын белергә;

- шигъри телдән һәм язмача бәйләнешле сөйләм төзергә;

- рифмалар уйлап табарга;

- ел дәвамында әдәбият һәм сәнгать әһелләренә кагылышлы истәлекле даталар турында хәбәрдар булырга.

Түгәрәкнең сәгатьләр бүленеше

Өстәмә әдәбият

1. Н. Р. Харисов. Иярчен кисәкләрнең аерымлану мәсьәләләре. Казан, 2007 ел
2. Ф.Г. Галләмов. Хәзерге татар әдәби теле. Кушма җөмлә синтаксисы. Күнегүләр җыентыгы. Алабуга, 2005 ел.
3. Р.Р. Шәмсетдинов. Татар теле. Күнегүләр. Анализ үрнәкләре. Тестлар. Казан, татарстан китап нәшрияты., 2005 ел.
4. М.М. Нигъмәтуллов. Хәзерге татар әдәби теле. Морфологиядән күнегүләр җыентыгы. Алабуга, 2005 ел.
5. Н. В. Максимов. Урта мәктәптә татар теле укыту. Казан, татарстан китап нәшрияты, 2004 ел.
6. Я. Х. Абдрхимов. Татар теленнән мөстәкыйль эшләү өчен күнегүләр, 5-7 нче сыйныфлар. “Мәгариф” нәшрияты, 2005 ел.
7. Ә.Б. Шакирҗанов. Татар теленнән диктантлар һәм изложение. Казан, 2004 ел.
8. Гыймадиева Н.С., Закирова Г.Н., Шайхетдинова З.В. Диктантлар  һәм изложениеләр, “Яңалиф” нәшрияты, 2006 ел