Рабочая программа учебного курса «Мордовская литература» в 11 классе
рабочая программа (11 класс)

Муниципальное бюджетное общеобразовательное учреждение   «Шугуровская средняя общеобразовательная школа»

 Большеберезниковского муниципального района

Республики Мордовия

                                                                                        «   » августа  2021 г.

Рабочая программа

учебного курса  

« Мордовская литература»

в 11 классе 
 

Составитель: Манина Н.К.

Проверено:

зам. директора по УВР

__________/ Астайкина Л.Д./

Икельце валось

      11-це классонтень тиринь литературань коряс программась теезь Мордовия Республикань образованиянь Министерствань программанть лангс нежедезь. (Эрзя-мокшонь литературань программат. 5-11 класстнэнень. МО РМ. 2010 ие. Автортнэ: Брыжинский А.И., Каторова А.М., Азыркина Е.И.)          

Весемезэ иень перть тонавтнемантень максовить 34 част, сынст ютксто произведениятнень ды литературань историянть тонавтнемантень – 26 част, аволь классо ловномантень – 2 част, келень культурань кастомантень – 6 част. Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

      Эрзянь келень коряс важодемань программась целанек документ, козонь совить истят пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

     Ламо лия предметнэнь ютксто, конат тонавтневить школасо, неявикс тарка явови эрзя-мокшонь литературантень. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест-мелест, сюпалгавты кель-валост, кепеди кортамонь ды сермадомань келень культураст, келейгавты эстетической вановтост.

     Литературань произведениятнень вельде седе парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь превейчинть.

     Сехте покш целесь, кона путови тиринь литературань уроктнень икелев, те – тонавтомс эйкакштнэнь тиринь келентень ды литературантень, сынст вельде чарькодемс эсь народонть историянзо.

     Тиринь кельсэ сермадозь произведениятнень тонавтнемась лезды рузонь литературанть ды теке марто вейсэ лия искусствань видтнэнь, примеркс, театранть, художникень картинатнень, кинонть, седе домкасто чарькодеме ды содамо.

     Тиринь литературась кеместэ сюлмави эрямонть марто, секскак полавтоматне, конат ютыть неень шкасто, кадыть тешкс сонзэ тонавтоманзо лангс. Неень шкане тиринь литературань уроксо произведениятнень идейно-художественной питненть путомсто сави кирдемс мельсэ аволь идейно-политической енксонть, кода ульнесь икеле, а нравственноенть ды эстетическоенть.Анализэнть теемстэ васняяк эряви мель явомс ломаненть потмоежонзо панжомантень, евтамс, виде а виде эрямонть лангс писателенть вановтозо, кодамо художественно-выразительнойсредства вельде авторось панжи геройтнень тевест-валост, ванномс кель-валонь сюпавчинть. Тень пингстэ эйкакштнэ аламонь-аламонь тонадыть арсеме, эсест мелест-превест евтамо, паро енкстнэнь ды асатыкстнэнь нееме.

     11-це классо фольклоронь произведениятнеде содамочитне пурнавить вейс.   Кавксоце классонь программантень совавтозь истят сермадейтнень произведенияст: А.И.Кочетковонь (Мокшонинь), Ф.М.Чесноковонь, конат лововить минек литературанть ушодыцякс. Седе тов тонавтнеманть поладсызь сеть, конат сермадсть Отечественной войнадонть: Л.Ф.Макулов, А.П.Тяпаев, В.Л.Алтышкин, П.А.Ключагин. прядови программась «Эрзя-мокшонь сермадейтненеень шкань эрямодонть» пелькссэнть. Тесэ ванновить С.В.Кинякинэнь, И.Н.Кудашкинэнь, В.И.Мишанинань, А.В.Араповонь, Л.П.Седойкинэнь ды лиятнень башка произведенияст.

   Кавксоце классонь программась прядови те классонть литературань историянть ды теориянть коряс содамочитнень ледстямосо.

     Домкалгавтови тонавтницятнень содамочистустно-поэтической творчествадонть, сермадейтнень творчествадост ды теоретико-литературной чарькодематнень коряс. Весе те сюпалгавты эйкакштнэнь вановтост эрямонть лангс ды эрямонь мазычинть чарькодеме.

   Кортамонь ды сермадомань кастомантень программась яви башка урокт. Эрьва классо арсезь истят литературной творческой важодемат, конатнень коряс тонавтницятне сермадыть эсест мелест.

               Литературань процессэсь а ашти ве таркасо, появить писателень од лемть, паро произведеният, секс свал эряви келейгавтомс литературной вановтнэнь ды бажамс сенень, штобу эйкакштнэ улевельть одонь содамо бажицякс.  

     Минек литературась сермадозь кавто кельсэ, но весе лия ёнкстнэнь коряс сон а явовиця, невти весе эрзятнень ды мокшотнень сюпав коест-кирдаст, ёхомарямост, превест-мелест ды бажамост. А эряви стувтнемс сеньгак: минек литературась кеместэ сюлмавозь рузонсенть марто. Улить малавикс сюжет, ве ёнов молиця темат, эрямо лувонь невтема принципть. Ламот минек писательтне тонавтнесть рузонь ды лия народонь мастертнэнь пельде.

     Тиринь литературань уроксо эрьва теманть тонавтнемазо ушодови ушодксонь занятиясо. Покш класстнэсэ ушодксонь занятиянтень максови цела урок. Ушодксонь занятиятнень целест: кастомс тонавтницятнень мелест получамс содамочить писательденть ды сонзэ произведениятнеде, анокстамс тонавтницятнень произведениянь ловномо ды парсте чарькодеме.

     Ёвтнема лувост коряс ушодксонь занятиятне эрсить эрьва кодат:

   а) писателень эрямосто саевкстнэнь, конат лездыть произведениянть чарькодемантень, ёвтнемась;

   б) тиринь ды рузонь литературань уроксо ютазь ды од материалонть марто сюлмавкстнэнь арсемась:

в) исторической, историко-литературной ды бытовой комментариень теемась;

г) произведениянть сермадомань историянзо тевс нолдамось;

д) келенть лангсо важодемась.

     Неть ёнкстнэ максовить  башка приём вельде, примеркс, ютавтовить экскурсият музейс, вирев, лугав, паксяв ды седее тов, тевс нолдавить художникень картинат ды иллюстрацият, морот, вети кортамот эйкакштнэнь пертьпельксэнь содамочидест, кармавты мельс ледстямс ютазь материалонть. Ушодксонь занятиятне ютавтовить вейкень-вейкень ёнов а молицякс. Эрьванть улезэ эсензэ чачозо, эрьва писателенть марто вастовомась кувать кадоволь эрьванть седейс.

     Ушодксонь занятиятнень ютавтомадо мейле ловновить произведениятне. IX-XI-це класстнэсэ произведениятне целанек, лирическойтнеде башка, ловновить кудосо. Произведениятнень ловномсто васняяк эряви кирдемс мельсэ сонзэ родонь ды жанрань ёнкстнэнь. Примеркс, лирической произведениятне васенцеде свал ловновить классо, гайтевстэ, мельстуезь.

     Произведениянть ловномадо мейле ушодови сонзэ смустензэ лангсо важодемась: путневить кевкстемат, тееви план ды анализ.

     Анализэнь теемстэ кочкавить истят методической приёмт, конат ладить классонтень ды тонавтнема проиэведениятненень. Те шкастонть чарькодевтеви ёвтнема лувось, темась, ёвтавить сюжетэнь, композициянь ёнкстнэ, изобразительно-выразительной средстватнень таликаст типической характертнэнь теемстэ, панжови идейной смустесь. Приёмтне, конатнень нолдавить тень пингстэ тевс, эрсить эрьва кодат: путозь проблематнень муемась ды ёвтамось, комментированной ловномась, геройтнень, сценатнень карадо-каошо аравтомась. Киносценариень теемась, превсэ-валсо портретэнь рисовамось, инсценированиясь, литературной налксематнень ютавтомась. Анализэнь тееманть кис приёмтнень кочкамсто эряви кирдемс мельсэ эйкакштнэнь иест ды литературань коряс содамочист.

Программанть коряс вешематне ды маштомачитне.

Тиринь келень уроктнень вельде тонавтомс эсь раськень вечкеме, чарькодеме эрямопингензэ.

мазый ды сёлмов валсо эсь мелеть ёвтамо, беседань ветямо, лия кортамонь кунсоломо, кортамос валмеревксэнь ды цитатань совавтомо;

 ловнозь произведениятнень содержанияст ёвтнеме;

   бажамс чарькодеме, мезе од тейсь те эли тона писателесь литературасонть, кодамо общечеловеческой смусть кандыть сонзэ произведениянзо;

мейсэ пек парсте неявить литературанть национальной ёнксонзо;

 эрзятнень, мокшотнень эрямонь коест ды национальной обуцянь ёнкстнэнь панжомо;

тиринь келенть сюпавчинть ды мазычинть невтеме.        

  Тематической  планированиясь.

Учебной курсонть содержаниязо

Тиринь литературась неень шкасто. (1част)

  Масторонь народонь литературатнень ютксо мокшэрзянь литературанть седе тов кемекставомазо. Эрямонь видечинть невтемась – сехте покш онксось произведениятненень общественной питнейчинь максомасонть.

   Неень шкань литературань молемань лувсонть прозань ветиця тарказо. Сонзэ жанратнень ды стилень седе тов сюпалгадомась. Эрзя-мокшонь романонть эпической башка ёнксонзо, эйсэнзэ психологизманть домкалгавтомась ды лиризмань вииявтомась. Неень шкань прозанть историзмась. К.Абрамовонь, А. Куторкинэнь, М. Сайгинэнь трилогияст. А. Мартыновонь, И. Девинэнь, П. Прохоровонь, А Доронинэнь романтнэ.

   Поэзиянть жанрово-стилевой сюпалгадомазо. Поэтической артовкстнэнь  ламо ёнксост (С. Вечканов, М. Втулкин, Н. Эркай, А. Щеглов, И. Налинкин ды лиятне).

    Литературоведениясь – кода наука.

А. К. Мартынов. «Розень кши» романось, «Галянь вечкемазо» стихсэ повестесь (2 част)

  А. Мартыновонь прозазо. Неень шкань эрзянь веледе «Розень кши» романозо. Кшинть – сехте покш сюпавчикс велень эрицятнень ловомаст ды весе виест, ёрокчист сонзэ кастомантень-добовамонтень путомаст.  Романонь прявтокс геройтнень ды од ломантнень  образост.  

  «Галянь вечкемазо» стихсэ повестенть идейно-художественной башка ёнксонзо.

И. М. Девин. «Нардикше» романось. ( 3 част)

  И. М. Девин – поэзиянь ды прозань сёрмадыцятнень ютксо неявикстнэстэ вейкесь. «Нардикше» романось. Романсонть ломанень уцяскадо ды тиринь мастордонть домка арсематне. Произведенянть лиризмась ды психологизмась. основной геройтнень – Пивкинэнь, Анянь, Цямкарихань, Лизань, Володькань, Тучатянь – обуцятненень питнень максомась. Произведениянь отрицательной персонажтне.

   Авторонть сатирической приёмонзо.

К. Г. Абрамов. «Найман», «Ломантне теевсть малацекс», «Качамонь пачк» трилогиясь. «Пургаз» романось. ( 3 част)

К. Г. Абрамовонь творческой кизэ. Масштабно-эпической келйчись – сонзэ творчествань неявикс ёнксось. Минек народонть исторической уцяскадонзо К. Абрамовонь трилогиязо. «Найман», «Ломантне теевсть малацекс», «Качамонь пачк» романтнэнь композиционной структураст. Романсонть типической обуцянь максомась: Григорий Канаев, Мария Канаева, Захар Гарузов, Пахом Гарузов. Произведениясонть народонь фольклоронть марто сюлмавкстнэ.

   «Пургаз» романось – эрзянь народонть 12-це пингенть прядовомсто – 13-це пингенть ушодовомсто эрямонзо келейстэ невтема. Эрзянь князенть Пургазонь, кода мокшотнень ды эрзятнень вейсэндицянть, образонзо психологически домкасто невтемась.

П. В. Прохоров. «Генералдо повесть». (3 част)

  П. В. Прохоровонь эрямонь ды творческой кизэ. Ине Отечественной войнань невтемасо писателенть творчествань лувсонть одось. Масторонть содавикс военоначальникенть М. А. Пуркаевень образозо «Генералдо повесть» художественно – документальной повестьсэнть.

А. П. Тяпаев. «Теште лангонь алашат». (2 част)

  Национальной литературань сехте паро мастертнэнь ютксо Мордовиянь заслуженной писателенть А. Тяпаевень тарказо.

«Теште лангонь алашат» - фантастикань жанрасо сермадозь произведения, эйсэнзэ невтезь образтнэ ды кепедезь проблематне.

П. К.Любаев. «Листмапря» поэмась, «Нармунь» балладась ( 2 част)

  П. К. Любаевень эрямонь ды творческой кизэ.  Поэмань жанрась поэтэнть творчествасо. «Лисьмапря» поэмась. «Нармунь» балладась. Произведениятнесэ ломатнень ёжомарямост, тиринь таркатненень покш вечкемань невтемась.

И. А. Калинкин. «Ава ды лей». ( 3 част)

   И. А. Калинкин – Мордовиянь заслуженной писатель. Поэтэнть эрямонь ды творческой кизэ. Творчествасонзо поэзиянь жанратнень келейчись, сонзэ стилень башка ёнкстнэ.  «Ава ды лей» стихсэ романонть художественной башка ёнксонзо. Прявт героинянть, Надя Калининань образось.

А. И. Брыжинский «Вечкеманть тюсозо эсензэ» романось, «Ёмаське» пусмось. (1 част)

А.И.Брыжинскоень эрямонь ды творчествань кизэ. «Вечкеманть тюсозо эсензэ» эрзянь кельсэ сермадозь , неень шкадонть келей панорамань роман. Од ломантень образтнэ романсонть. «Ёмаське» эйкакштнэнень алтазь пусмось.

                  Г. И. Пинясов «Пси кизэ» повестесь. (2 част)

   Г. И. Пинясовонь эрямонь ды творчествань кизэ. Мужествань ды героизмань  койтне «Пси кизэ»  повестьсэнть. Шкань ды поколениянь сюлмавкстнэнь мельга авторонть пшти вановтозо.

М. И.Брыжинский. «Половт» повестесь (2 част)

   Тиринь литературас . И. Брыжинскоень эсь киява самозо. «Половт» повестесь – эрзятнень ды мокшотнень 13-це пингень эрямодост домка, художественной кемевикс ёвтамо. Рузонь ды эрзя-мокшонь народтнэнь вейсэнь бороцямост монголо – татартнэнь каршо. Повестень образной системась. Эрзянь народонь кезэрень шкань койтнень видестэ невтемась. Произведениянь келень сюпавчись.

А. М. Доронин. «Баягань сулейть» романось. ( 3 част)

    А. М. Доронинэнь эрямонь ды творчествань кизэ. Сонзэ  сёрмадомань эсь лувозо, эсь тюсозо. «Баягань сулейть» романось. Патриарх Никононь образось романсонть. Протопоп Аввакумонь ды Никононь пелькстамотнень невтемась. Раськень исторясь ды народонть эрямозо «Баягань сулейть» романсонть.

С. В. Кинякин. «Сизезь алашань вайгель», «Варма марто кортамот» стихотворениятне. ( 1 част)

  С. В. Кинякин – неень шкань содавикс поэт. Сонзэ эрямозо ды творчествазо. С. Кинякинэнь творчествасо публицистической, философской ды психологической ёнкстнэнь вейсэндямось.  Сонзэ стихотворениясо ломантнеде ды эрямонь уцяскадо арсемась. С. В. Кинякинэнь произведениятнень художественной сюпавчист.

А. Пудин. «Чавокудосо ломанть» пьесась. ( 2 част)

   А. Пудинэнь эрямонь ды творчествань кизэ. «Чавокудосо ломанть» пьесась. Произведениясонть неень шкань ломантнень ютксо проблематнень невтемась.

Неень шкань сёрмадейтне. ( 1 част)

  Неень шкань литературанть касомань кинзэ-янонзо. А. Араповонь, Г. Гребенцовонь творчестваствасо одось. Сёрмадыцятнень произведениясо кепедезь тематне, проблематикась художественной башка ёнкстнэ.

Рузонь кельсэ сёрмадыцтне. ( 1 част)

  Рузонь кельсэ сёрмадыця прозаиктне ды поэттнэ: И. Д. Пиняев, Т. Ф. Якушкин, Ф. К. Андрианов, М. Т. Петров, В. Ю. Юшкин, В. А. Гадаев ды лият. Рузокс сёрмадыця писательтнень произведениясо эрьва-кодамо темань кепедемась ды

ломантнень уцяскаст невтемась.

Литературань критикась. (2 част)

  Минек литературань касомасо критиканть питнезэ. Эрзянь литературно-художественной критиканть чачомазо. Критикань жанранть ды литературоведениянть башка ёнкстнэ.

  В. В. Горбуновонь эрямонь ды творческой кизэ. В. Горбуновонь творчестванть питнейчизэ эрзя-мокшонь литературоведениянть ды критиканть касомасо.

   Н. И. Черапкинэнь литературно-критической деятельностезэ. Од ёнкстнэ сонзэ исследованиятнесэ.

                               Календарно - тематической планированиясь.

   Материально- технической обеспечениясь.

1.Оборудованиясь:

1.Компьютер

2.Магнитофон

3.Мультимедийной проектор.

2.Наглядной  материалось.

1.Мокшэрзянь писательтнень портретэст-10 шт.

2.Фонохрестоматия 5-9 класстнэ-1шт.

3.Диск «Писатели Мордовии»-1шт.

4. Диск «Тиринь литературань произведеният» -1шт.

5.Диск  «Финно- угорской народной ёвкст»-1шт.

6.Тиринь литературань произведеният-1шт.

7.Диск «Видеознакомство с Мордовией»-1шт.

Тонавтнемапелесь: Антонов, Брыжинский. Ломшин. «Тиринь литература» 11 класс. 2002 год.

Методической литературась.

«Любовь и слезы. Творческие портреты»./ М.Г.Имяреков. –Саранск. 2006 г.

«История мордовской литературы». –Саранск. 1999 г.

«Введение в литературоведение»./ КатороваА.М. –Саранск.2006 г.

ЛИТЕРАТУРАСЬ

1. Алёшкин А.В. Единство традиций / А.В. Алёшкин. — Саранск, 1978. — 213 с.

2.А. Алёшкин А.В. Эпос дружбы / А.В. Алёшкин. — Саранск, 1985. - 231 с.

3. Алёшкин А.В. Арсемат / А.В. Алёшкин. — Саранск, 1990. — 197 с.

4.Безбородов М.И. Ульсь пинге..: стихть, поэмат, пьесат, очеркть / М.И.Безбородов; [кочкайсь ингольдень валть сёрмадозе А.В. Алёшкин]. — Саранск: Мордов. кн. изд., 2008. — 254 с.

5. Борисов А.Г. Художественный опыт народа и мордовская литература / А. Г. Борисов. — Саранск, 1977. — 211 с.
6. Брыжинский А.И. В едином строю / А.И. Брыжинский. — Саранск, 1984. — 234 с.

    7.Брыжинский А.И. Писатели Мордовии: библиогр. указатель /А.И.Брыжинский , О.В. Пашутина, Е.И. Чернов. — Са  

      ранск: Мордов. кн. изд., 2001. — 592 с.

8. Васильев Л.Г. Дмитрий Морской / Л.Г. Васильев. — Саранск, 1964. — 134 с.

9.Горбунов В.В. Поэзия —душа народа / В.В. Горбунов. — Саранск, 1971. — 215 с.

10.Горбунов Г.И. Жизнь, герой, литература / Г.И. Горбунов. — Саранск, 1976. — 167 с.

11.Горбунов Г.И. Вешнемань ки лангсо / Г.И. Горбунов. — Саранск, 1985. - 156 с.

12. Горбунов Г.И. Вастомат / Г.И. Горбунов. — Саранск, 1993. — 213 с.

13. Дёмин, В.И. Сюконян тенк...: Эрзянь писательде ёвтнемат/ II II. Демин. — Саранск : Мордов. кн. изд-во, 2005. — 317 с.

    14.Доронин А. Ялгадо вал: художественной очеркть /Александр Доронин. — Саранск,тип. «Рузаев. Печатник», 2006. — 406 с.

15.Зиновьев Н.В. Человек и время / Н.В. Зиновьев. — Саранск, 1995. - 276 с.

16.Инжеватов И.К. Время водило его пером / И.К. Инжеватов. — Саранск, 1973. — 234 с.

17.Инжеватов И.К. На службе народа / И. К. Инжеватов. — Саранск, 1973. — 267 с.

18.Инжеватов И.К. Литература и жизнь / И.К. Инжеватов. — Саранск, 1982. - 186 с.

19.История мордовской советской литературы. — Т. 1. — Саранск, 1968.-312 с.

20.История мордовской советской литературы. — Т. 2. — Саранск, 1971. — 324 с.

21.История мордовской советской литературы. — Т. 3. — Саранск, 1974. — 327 с.

    22.История мордовской литературы. — Саранск, 1981. — 315 с.

23.Каторова A.M. Введение в литературоведение / А.М. Ка-торова. — Саранск, 2006. — 212 с.

24. «Край мой! Любимая Русь и Мордва!» Мордовия С. Есенина: ст., рец., стихи, переводы / сост. Г.С. Гребенцов-, П.К. Любаев, Т.Ф. Сафонова. — Саранск: тип. «Красный Октябрь», 2004. - 408 с.

25.Кулдыркаев Я.Я. Поэмат ды ёвкст / Я.Я. Кулдуркаев; [пурныцясь ды икельце валонь сермадыцясь А.В. Алёшкин] / 26.Я.Я. Кулдуркаев. — Саранск: Морд. кн. изд., 2008. — 173 с.

27.Ломшин М.И. Творческие индивидуальности писателя А.Д. Куторкина и развитие эпических традиций мордовской литературы / М.И. Ломшин. — Саранск: Изд-во Мордов. ун-та, 2005. - 77 с.

28.Любаев П.К. Кочказь произведеният: стихт, повесть, ёвтнемат, ледстнемат / П.К. Любаев [икельце валось А.М. Доро-нинэнь]. — Саранск: Морд. кн. изд., 2009. — 279 с.

29.Макушшн В.М. Начало пути / В.М. Макушкин. — Саранск, 1976. - 189 с.

30.Мордовская литература: Авторы-составители А.И. Брыжинский, Е.И. Чернов. — Ч. I. — Саранск, 1989. — 312 с.

31.Мордовская литература: Авторы-составители А.И Брыжинский, Е.И. Чернов. — Ч. И. — Саранск, 1990. — 312 с.

    32.Современная мордовская литература 60 — 80-е годы. — Ч. I. - Саранск, 1991. - 342с

Интернет- ресурстнэ

Эрзянь Морот. Эрзянские песни.
http://www.erzan.ru/news/anna-panisheva

http://vkontakte.ru/audio?id=-83623

ЭРЗЯНЬ МАСТОР TV. Наше видео на портале You Tube. Концерты, клипы, выступления и многое другое.
http://www.youtube.com/watch?v=a9FF-HbDGiU

Ловнома. Чтение.
Независимая общественно-политическая газета
Мордовского республиканского общественного
Фонда спасения эрзянского языка

Пек содавикс Эрзянь кулялопась тиринь мельть марто.
http://www.erzia.saransk.ru/

Эрзянский литературный сайт «Эрзиана» Эрзянь сёрмадоматевонь лопась.
http://erziana.my1.ru/index/ehrzjan_mastor/0-11

Энциклопедия Нижегородской области. Обран ошсонь энциклопедиясь.
http://erziana.my1.ru/index/ehrzjan_mastor/0-11

Эрзянский сайт «Эрзянь Раське».
Эрзянь лопась эрзянь раськеде.
http://erzyany-rasyke.ucoz.ru/

Эрзянский Живой Журнал от Петрянь Андю. Новости эрзянского мира. Кулят Эрзянь масторсто.
http://erzianj-jurnal.livejournal.com/

Эрзянь Википедиясь. Эрзянская Википедия. Статьи о великих людях и событиях на эрзянском языке.
http://myv.wikipedia.org/wiki/%D0%9F%D1%80%D1%8F%D0%BA%D1%81%D0%BB%D0%BE%D0%BF%D0%B0


Культурно-образовательный портал «Эрзянь Ки».
http://www.erzan.ru/