Рабочая программа учебного курса «Мордовская литература» в 10 классе
рабочая программа (10 класс)

МБОУ  «Шугуровская средняя общеобразовательная школа»

   Рассмотрена и одобрена на                                                              «Утверждено»

   заседании  ШМО учителей                                                            Директор школы

   русского языка и литературы,

   родного языка и родной литературы                            ____________/И.Ф.Ларькин/

   Руководитель ШМО

   __________________/Арапова И.В./                                      « 30 » августа  2021г.

   « 30 »  августа 2021г                                                                        

Рабочая программа

учебного курса: «Родная (мордовская) литература»

для 10 класса

Составитель:  Манина Н.К.

Проверено:

                           зам. директора по УВР

      _________ Астайкина Л.Д.

Икельце валось

         Тонавтомань программась тиринь литературань   коряс  10 – це класснэнь теезь

• Эрзя - мокшонь литературань программанть коряс, конань кемекстызе Республика Мордовиянь образованиянь министерствась. Сёрмадыцятне:  А.И. Брыжинский,  А.М. Каторова. Саранск, Мордовской книжной издательствась, 2010 ие;
• Поводимовской  средней общеобразовательной школанть тонавтомань планонзо лангс нежедезь;
• Тиринь литература 10 классонь туртов учебник-хрестоматиянть коряс. С.2001 ие. Автортнэ: В.П.Видманова, Е.И.Чернов.

Недлязонзо 10-це классо тиринь литературантень максови

1 час. Иезэнзэ – 34 част.

       Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

      Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

     Ламо лия предметнэнь ютксто, конат тонавтневить школасо, неявикс тарка явови эрзя-мокшонь литературантень. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест-мелест, сюпалгавты кель-валост, кепеди кортамонь ды сермадомань келень культураст, келейгавты эстетической вановтост.

     Литературань произведениятнень вельде седе парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь превейчинть.

     Сехте покш целесь, кона путови тиринь литературань уроктнень икелев, те – тонавтомс эйкакштнэнь тиринь келентень ды литературантень, сынст вельде чарькодемс эсь народонть историянзо.

     Тиринь кельсэ сермадозь произведениятнень тонавтнемась лезды рузонь литературанть ды теке марто вейсэ лия искусствань видтнэнь, примеркс, театранть, художникень картинатнень, кинонть, седе домкасто чарькодеме ды содамо.

     Тиринь литературась кеместэ сюлмави эрямонть марто, секскак полавтоматне, конат ютыть неень шкасто, кадыть тешкс сонзэ тонавтоманзо лангс. Неень шкане тиринь литературань уроксо произведениятнень идейно-художественной питненть путомсто сави кирдемс мельсэ аволь идейно-политической енксонть, кода ульнесь икеле, а нравственноенть ды эстетическоенть.Анализэнть теемстэ васняяк эряви мель явомс ломаненть потмоежонзо панжомантень, евтамс, виде а виде эрямонть лангс писателенть вановтозо, кодамо художественно-выразительнойсредства вельде авторось панжи геройтнень тевест-валост, ванномс кель-валонь сюпавчинть. Тень пингстэ эйкакштнэ аламонь-аламонь тонадыть арсеме, эсест мелест-превест евтамо, паро енкстнэнь ды асатыкстнэнь нееме.

    10-це классонь тонавтницятненень тонавтнемс саезь сеть произведениятне, конат кандыть алкуксонь нравственной ды эстетической питне.

     Программанть вешематне: тонавтницятне аламонь-аламонь тонадовольть художественной произведениятнень смустест чарькодеме ды сыненст виде питнень путомо, кармавольть содамо теоретико-литературной чарькодематнень ды сынст вельде анализэнь теме, келейгавтовольть келень сюпавчист.

     X-XI-це класстнэсэ тиринь литературась тонавтневи историко-литературной принципенть коряс. Лиякс меремс, ваннови литературанть историязо. Тень кисэ эрьва классос совавтозь обзорной ды монографической темат. Обзорной тематнесэ ванновить писательтнень творческой изнявксост те эли тона иестэнть, се шкань литературанть лувозо.

     Монографической тематнесэ тонавтневить башка писательтнень эрямонь ды творчествань кист ды сехте неявикс произведенияст. Тонавтницятне теевить содавиксэкс неть произведениятнень март оды терявтыть сыненст виде питнень путомо. Монографической тематнень марто сюлмавозь критической роботатнень тонавтнемасткак. Сехте ламо критической роботатне совавтозь IX-XI- це класстнэнь туртов программантень. Сынст целест – лездамс пакшатненень седее домкасто чарькодемс литературань произведениятнень смустест.

     Кеменце классо тонавтневи тиринь литературась Ине Отечественной войнань шкасто ды войнадо мейлень иетнестэ. Обзорной темасонть панжови эрзятнень ятонть каршо тюремаст, арсевить истят кевкстематне: войнась ды народонть оймень ёжозо, ломанесь войнасо, войнадо видечись минек литературасонть. Тесэ жо ёвтавить войнань шкань литературанть башка ёнксонзо: виевчись, интернациональной ёжомарямось, эсь масторонтень домка вечкеманть невтемась, яттнэнь каршо эсь прянь апак жаля тюремась.

   Ванновить истят сермадейтнень шкинемаст: Т.А.Кирдяшкинэнь, А.Д.Куторкинэнь,  Г.Я.Меркушкинэнь, И.З.Антоновонь, И.П.Кишняковонь, В.К.Радаевень.

     Монографической плансо ванновить А.К.Мартыновонь, А.С.Щегловонь, М.Л.Сайгинэнь, И.М.Девинэнь, К.Г.Абрамовонь, П.В.Прохоровонь, П.К.Любаевень, И.А.Калинкинэнь, А.М.Доронинэнь, М.И.Брыжинскоень, А.П.Тяпаевень, Г.И.Пинясовонь, Ю.Ф.Кузнецовонь, С.В.Кинякинэнь, И.Н.Кудашкинэнь, А.В.Араповонь ды лиятнень творчестваст. Литературоведтнэнь В.В.Горбуновонь, Н.И.Черапкинэнь, Б.Е.Кирюшкинэнь исследованияст.

     Литературань процессэсь а ашти ве таркасо, появить писателень од лемть, паро произведеният, секс свал эряви келейгавтомс литературной вановтнэнь ды бажамс сенень, штобу эйкакштнэ улевельть одонь содамо бажицякс.  

     Минек литературась сермадозь кавто кельсэ, но весе лия ёнкстнэнь коряс сон а явовиця, невти весе эрзятнень ды мокшотнень сюпав коест-кирдаст, ёхомарямост, превест-мелест ды бажамост. А эряви стувтнемс сеньгак: минек литературась кеместэ сюлмавозь рузонсенть марто. Улить малавикс сюжет, ве ёнов молиця темат, эрямо лувонь невтема принципть. Ламот минек писательтне тонавтнесть рузонь ды лия народонь мастертнэнь пельде.

     Тиринь литературань уроксо эрьва теманть тонавтнемазо ушодови ушодксонь занятиясо. Покш класстнэсэ ушодксонь занятиянтень максови цела урок. Ушодксонь занятиятнень целест: кастомс тонавтницятнень мелест получамс содамочить писательденть ды сонзэ произведениятнеде, анокстамс тонавтницятнень произведениянь ловномо ды парсте чарькодеме.

     Ёвтнема лувост коряс ушодксонь занятиятне эрсить эрьва кодат:

   а) писателень эрямосто саевкстнэнь, конат лездыть произведениянть чарькодемантень, ёвтнемась;

   б) тиринь ды рузонь литературань уроксо ютазь ды од материалонть марто сюлмавкстнэнь арсемась:

в) исторической, историко-литературной ды бытовой комментариень теемась;

г) произведениянть сермадомань историянзо тевс нолдамось;

д) келенть лангсо важодемась.

     Неть ёнкстнэ максовить  башка приём вельде, примеркс, ютавтовить экскурсият музейс, вирев, лугав, паксяв ды седее тов, тевс нолдавить художникень картинат ды иллюстрацият, морот, вети кортамот эйкакштнэнь пертьпельксэнь содамочидест, кармавты мельс ледстямс ютазь материалонть. Ушодксонь занятиятне ютавтовить вейкень-вейкень ёнов а молицякс. Эрьванть улезэ эсензэ чачозо, эрьва писателенть марто вастовомась кувать кадоволь эрьванть седейс.

     Ушодксонь занятиятнень ютавтомадо мейле ловновить произведениятне. IX-XI-це класстнэсэ произведениятне целанек, лирическойтнеде башка, ловновить кудосо. Произведениятнень ловномсто васняяк эряви кирдемс мельсэ сонзэ родонь ды жанрань ёнкстнэнь. Примеркс, лирической произведениятне васенцеде свал ловновить классо, гайтевстэ, мельстуезь.

     Произведениянть ловномадо мейле ушодови сонзэ смустензэ лангсо важодемась: путневить кевкстемат, тееви план ды анализ.

     Анализэнь теемстэ кочкавить истят методической приёмт, конат ладить классонтень ды тонавтнема проиэведениятненень. Те шкастонть чарькодевтеви ёвтнема лувось, темась, ёвтавить сюжетэнь, композициянь ёнкстнэ, изобразительно-выразительной средстватнень таликаст типической характертнэнь теемстэ, панжови идейной смустесь. Приёмтне, конатнень нолдавить тень пингстэ тевс , эрсить эрьва кодат: путозь проблематнень муемась ды ёвтамось, комментированной ловномась, геройтнень, сценатнень карадо-каошо аравтомась. Киносценариень теемась, превсэ-валсо портретэнь рисовамось, инсценированиясь, литературной налксематнень ютавтомась. Анализэнь тееманть кис приёмтнень кочкамсто эряви кирдемс мельсэ эйкакштнэнь иест ды литературань коряс содамочист.

    Литературанть тонавтнемстэ пек эрявить меельце уроктне. Неть уроктнестэ путови пе писателенть эрямонь ды творчествань кинзэ тонавтнемантень ды произведениянзо ванномантень

Литературань коряс маштомачитне:

  - мазый ды сёлмов валсо эсь мелеть ёвтамо, беседань ветямо, лия кортамонь кунсоломо, кортамос валмеревксэнь ды цитатань совавтомо;

   - ловнозь произведениятнень содержанияст ёвтнеме;

   - бажамс чарькодеме, мезе од тейсь те эли тона писателесь литературасонть, кодамо общечеловеческой смусть кандыть сонзэ произведениянзо;

   - мейсэ пек парсте неявить литературанть национальной ёнксонзо;

   - эрзятнень, мокшотнень эрямонь коест ды национальной обуцянь ёнкстнэнь панжомо;

   - тиринь келенть сюпавчинть ды мазычинть невтеме.

 Тематической планированиясь

Учебной курсонть содержаниязо

Эрзя-мокшонь литературась Ине Отечественной войнань шкасто ды войнадо мейлень васенце кемень иетнестэ

   Эрзянь ды мокшонь раськетнень Ине Отечественной войнасо ятонть каршо тюремаст. Войнась ды народонть оймень ёжозо. Войнадо видечись минек литературасо. Видечинть ды романтиканть ютксо сюлмавкстнэ войнанть невтемасо.

   Войнань шкань литературанть башка тешксэнзэ: виевчинть, интернациональной ёжомарямотнень шнамось, эсь масторонтень домка вечкеманть невтемась, воинтнэнь яттнэнь каршо эсь прянь апак вансто тюреманть невтемась. Произведениятнесэ тень марто сюлмавозь превень ды мазычинь невтема од лувось, проблематикась ды художественной башка ёнкстнэ.

   Войнань шкань литературасонть сехте сеедьстэ вастневиця жанратне: стихотворениясь, ёвтнемась, очеркесь.

   Войнань шкань поэзиясь, сонзэ виев ёнксонзо. Родинань темась эрзя-мокшонь поэттнэнь шкинемасо. Ломантнень ёжомарямотнень ды обуцянь башка ёнкстнэнь невтемань домкалгавтомась. Баллада жанранть чачомась.

   Военно-патриотической лириканть ёвтнема лувось: яттнэнь тиринь масторстопанемантень тердемась, народтнэнь ютксо ялгаксчинть шнамось, яттнэнь изнямос виев кемемась, чачома масторонтень певтеме вечкеманть невтемась (П.Кирилловонь «Серма», П.Кономанинэнь «Отчизнам монь», А.Щегловонь «Гайкстак, бандура!», А.Моронь «Русь», А.Мартыновонь «Монь лемем – Россия», А.Лукьяновонь «Весе бойс» стихотворениятне).

   Вечкемань лириканть зэмень смустензэ  виевгавтомась (С.Вечкановонь «Учат монь», П.Кирилловонь «Мон теть сан», А.Моронь «Пек умок вечктян»).

   Поэма жанранть сюпалгадомазо (П.Кирилловонь «Моро авадон», Н.Эркаень «Солдатось сась кудов», А.Малькинэнь «Славань киява»)

   Драматургиясь ды театрась войнань шкасто. Музыкальной драманть ды операнть чачомась: А.Куторкинэнь «Несмеян ды Ламзурь» либреттонть коряс Л.П.Кирюков композиторонть операзо; П.Кирилловонь «Литовась» кода васенце музыкальной драма. В.Коломасовонь «Норов ава» драманть театрань сцена лангсо путомась. Драматургической драманть театрань сцена лангсо путомась. Драматургической жанрань лия од произведениятне. Инее Отечественной войнань шкань прозась. Я.Пинясовонь, А.Куторкинэнь, Н.Эркаень ёвтнемаст. Неть иетнестэ литературасо од лемтнень марто содавиксэкс теевемась: И.Чигодайкин, И.Антонов, И.Шумилкин, А.Малькин.

   Войнадо мейлень васенце кемень иетнестэ литературанть тематикань ды жанрань ёндо сюпалгадомась. Минек те шкань литературасонть романонь жанранть касомазо: А.Куторкинэнь «Покш ки лангсо умарина», Т.Кирдяшкинэнь «Келей Мокша», И.Антоновонь «Вейсэнь семиясо» романтнэ.

   Драматургиянть седее тов касомазо-кепетемазо.

Войнас чавовозь сёрмадейтнень-фронтовиктнень шкинемаст

(А.В.Рогожин, А.Ф.Зиньков, Ф.С.Дурнов, Г.И.Ельмеев, А.М.Сафронов (Юргай), С.И.Родькин)

А.В.Рогожин (1909 – 1944) минек литературасонть содавикс поэт. Эрямодонзо нурькине ёвтавкс: эйкакшпоразо, пединститутсо тонавтнема иетне. Ине Отечественной войнасо улемась.

    А.Рогожинэнь «Галё» поэмась. Сонзэ эйсэ эрзя-мокшотнень эрямост инязоронь  Россиясо невтемась.

    «Литува» поэмась. Эйсэнзэ инязоронь Россиясо эрзя-мокшонь тейтерь-аванть стака эрямонзо невтемась. Литувань, Нефёдонь ды Иванонь образтнэ.

   А.Рогожинэнь эрямонь вечкевтиця лирикань «Колмо брат», «Вечкса паксянть», «Тинге лангсо», «Васень май» стихотворениятне.

   А.Ф.Зиньков (1914 – 1943) – поэт, кона сась литературав 30-це иетнестэ. Петровской педтехникумсо тонавтнемазо, тесэ стихень сермадомо ушодомась.

    «Шкась увны» (1933) стихень сборникезэ. Поэтэнть стихотворениясонзо патриотической мельтнень-превтнень панжомась («Строямс и бороцямс», «Ударной вий», «Трактористэнь моро», «Кузницясо»).

    Ф.С.Дурнов (1921 – 1944) – содавикс поэт-лирик, лия кельс ютавтыця ды критик. Рабфаксо тонавтнема иетне. Те шкастонть «Нудей» стихень сборникенть нолдамось. Книгасонть тематикань сехте покш циклатне.

    Ф.С.Дурновонь мокшонь кельс А.С.Пушкинэнь ды М.Ю.Лермонтовонь стихензэ ютавтомась.

    Г.И.Ельмеев (1906 – 1941) – поэт, кона 30-це иетнестэ эсь стихотворениясонзо морась велень эрямодонть. «Полю» эпической поэмазо. Произведениясонть эрзя-мокшонь тейтерь-аванть Ине Отечественной войнанть шкасто тылсэ важодеманзо невтемась. Полюнь образсонть типизациянь приёмтнень сайнемась.

    Пертьпельксэнь мазычиденть Г.И.Ельмеевень лирической стихотворениянзо, эрзятнень ды мокшотнень эрьва чинь тевдест, мелявкстост, бажамодост ойме потмакссто лисиця валтнэнь колсто мукшномась. Г.И.Ельмеевень «Ёжка» ёвксозо. Те произведениянть малавиксчизэ устной народной творчествань истят жо жанрань произведениятненень.

    А.М.Сафронов (Юргай) (1915 – 1941) – эйкакштнэнень сёрмадыця поэт. «Цецяв шка» (1939) поэтической сборникензэ лисемась. Эйсзнзэ эйкакштнэнь тевест-валост келейстэ невтемась. «Васень май», «Каткине», «Ваня», «Вашине» стихотворениятне.

    С.И.Родькин (1918 – 1944)     - поэт ды прозаик. Биографиянзо нурькинестэ панжомась. С.И.Родькинэнь «Велень ёвтнема» (1939) прозасо сёрмадозь произведениянь сборникензэ лисемась. «Казна» евтнеманть смустензэ ванкшномась. Егор Петровичень образось.

Тимофей Андреевич Кирдяшкин

«Келей Мокша», роман 

  Сермадеенть эрямонь ды шкинемань кизэ. Минек литературасонть романистикантень путовксозо. Тиринь литературасонть историянь темась. «Келей Мокша» произведениянть сёрмадомань лувось. Эрямонь видечись ды художественной арсевксэсь, тематикась ды проблематикась.эрзятнень ды лия народтнэнь ютксо умонь шкань ладязь ояксчиденть ёвтнемась. Эрзянь ды мокшонь раськенть национальной обуцянь паро ёнкстнэнь ды эрямонь койтнень домкасто невтемась.

    Образной системась, раськень юрось. Черемшинтнэнь семиясь – сёрмадомань лувонь куншка тарка, козонь таргави весе сёрмадома лувось.

    Произведениянть художественной башка ёнксонзо: композициязо, кель-валозо. Художественной прозанть касомасо-келейгавтомасо «Келей Мокша» романонть питекйчизэ.

    Эрзя-мокшонь литературанть седее тов сюпалгавтомантень Т.Кирдяшкинэнь путовксозо.

Андрей Дмитриевич Куторкин

«Покш ки лангсо умарина», стихсэ-роман

Мордовиянь народной писателенть А.Д.Куторкинэнь эрямонь ды шкинемань кизэ.

   Комсеце иетнестэ сермадозь сонзэ васенце евтнематнень тематикаст ды проблематикаст.

   «Раужо палмань» романось, эйсэнзэ эрзя-мокшотнень эрямост XIX пингенть прядовомсто саезь  XX пингень васенце иетнес молемс невтемась. Романсонть образтнэнь маштозь невтемась, паро ёнкстнэ ды асатыкстнэ историзмань принципенть тевс нолдамсто.

   «Покш ки лангсо умарина» стихсэ романось, проблематиказо, художественной башка ёнксонзо. Романонтень неень шкань вановтонь питненть максомась.

   «Лажныця Сура» романось. Идейно-тематической ёвтнема лувонзо коряс малавиксчизэ «Раужо палмань» ды «Покш ки лангсо умарина» произведениятненень.

   Романонть сюжетэнзэ ванкшномась. Сонзэ эйсэ эрзятнень эрямост XIX пингенть прядовомсто саезь XX пингенть ушодовомас пачкодемас невтемась. Валдаевтнень колмо поколениянь эрямонь лувтнень-ладтнэнь артовксось.

   Романонть образной системась, геройтненень характеристикань максомась. Ломаненть конкретно-исторической обстановкасо невтемасонть национальноц кеме юрось.

   Художественно-изобразительной енкстнэ, кель-валонь сюпавчись.

   Произведениянть тарказо целанек минек литературасо.

Григорий Яковлевич Меркушкин

«Сэнь валдомкс», «Поэтэнть тештезэ» пьесатне

Г.Я.Меркушкин – содавикс драматург. Эрямонь ды шкинемань кизэ. Драматургиясо идейно-художественной башка ёнкстнэ. Сермадеенть минек республикасо театранть марто кеме сюлмавксонзо.

   «Сэнь валдомкс» пьесанть основной конфликтэзэ, эйсэнзэ парсте прянь ветямонть ванкшномась.

   Пьесанть сюжетэзэ, композициязо, образной системазо. Михаил Тумов профессорось – пьесанть прявт героесь. Кода Ине Отечественной войнань ветеранонть сонзэ обуцянзо невтемась, весе виензэ, содамочинзэ наукантень максомась, аспиранттнэнь ды студенттнэнь марто физикасо од изнявкстнэнь теемась.

   Пьесасонть од ломантнень – Лёшань, Васянь, Ленань, Костянь, Маринань, Галянь, Петянь невтемась.

   Кукаевень, Мокшинэнь ды Октарёвонь образтнэнь неявикс ёнксост.

   Монологтнень, диалогтнень, репликатнень, авторонь ремаркатнень, изобразительно-выразительной средстватнень эрявиксчист драматической действиянть касомасо ды геройтнень обуцяст седее домкасто панжомасонть.

   «Поэтэнть тештезэ» - историко-биографической пьесась, кона алтазь Захар Федорович Дорофеевнень, минек литературанть ушодыцятнестэ вейкентень

   Пьесасонть невтезь эрямосто саезь алкуксонь ломантне (М.Евсевьев, Л.Кирюков, З.Дорофеев).

   Исторической событиятне, конатне мусть сатышка тарка пьесасонть.

   З.Ф.Дорофеев – центральной персонажтнестэ вейкесь. Сонзэ обуцянь ёнкстнэ:тевень вечкемась, содамочис бажамось, эсь раськенть культуранзо чарькодемась, устно-поэтической произведениятнень кочкамось, тонавтницятнень вечкемась, видечинтень бажамось.

   М.Е.Евсевьевень пельде Дорофеевень тонавтнемазо сёрмадомань ёрокчинзэ кастомасо. Пьесасо невтезь геройтненень питнень максомась.

   Пьесанть конфликтэзэ, геройтнень келень мазычись, исторической шканть вельмевтеме маштомась, национальной ёжомарямотнень видестэ невтемась.

   Г.Меркушкинэнь пьесатнень эрявиксчист эрзя-мокшонь культуранть седее тов касомасо.

Иван Захарович Антонов

«Вейсэнь семиясо», роман

И.З.Антоновонь эрямонь ды шкинемань кизэ. Сонзэ путовксозо очеркень жанранть касомантень. Журналистэкс важодемазо. Газетасо важодемстэ эрямонь од материалонь пурнамось ды ломантнень обуцяст тонавтнемась. «Ухабы на дорогах», «Разлив на Алатырь-реке», «Свежий ветер» очеркензэ, конат лиссть «Дружба народов», «Огонек», «Литература и жизнь», «Литературная газета» изданиятнесэ.

   «Вейсэнь семиясо» романозо. Произведениясонть Ине Отечественной войнань событиятнень невтемась. Пулемётчикенть Павёлкинэнь образось. Романонть образной системанзо вельде интернациональной мельтнень-превтнень панжомась.

   Сёрмадеенть литературно-критической статьянзо: «Некоторые вопросы развития мордовской литературы», «Военная тематика в мордовской литературе».

Александр Степанович Малькин «Поэма а куломадо»,

 «Лембе эскелькст», «Солдатонь ни» поэматне

А.С.Малькин – поэт-лирик. Сонзэ шкинемасонзо национальной поэзиянь койтнень поладомась, пертьпельксэнть мазычинзэ невтемась, эрзя-мокшотнень масторонь лия народтнэнь марто вейсэ яттнэнь каршо тюреманть невтемась.

   А.Малькинэнь эрямо кизэ ды шкинемазо. Литературасо васень эскельксэнзэ. Сонзэ книганзо: «Стихть», «Ялгань вал», «Славань киява», «Мода», «Саша», «Роднят», «Лембе эскелькст». Рузонь кельсэ сборникензэ «Слава дружбы», «Журавли зовут в дорогу»

   Поэтэнть гражданской лириказо. Ине Отечественной войнань иетнестэ поэтической вайгелензэ кемекставомась. Военно-патриотической темас сёрмадозь произведениятне («А куломадо», «Лембе эскелькст», «Солдатонь ни»).

   «Поэма а куломадо» поэманть зэмезэ: ломантнень ютксо ялгаксчинть, Родинанть кис педе-пес аштеманть, чачома ёнксонть вечкеманзо невтемась. Поэмасонть войнань стака картинатнень максомась, ломантнень седейёжост невтемась, а куломантень кемемась ды кенярдомас бажамось.

   Образтнэнень (Оськанень, солдатонь авантень) питнень максомась.

   Поэманть башка художественной ёнксонзо, кель-валонь сюпавчизэ.

   «Лембе эскелькст» лиро-эпической поэманть идейно-художественной ёвтнема лувозо.

   Поэманть лувозо, сюжетэзэ. Поэманть ёвтазь арсематне мирдэ ды войнадо. Произведениясонть ризксэнь ды кенярксонь ёжонь кавто лувтнень сюлмавомась. Мокшонь аванть образонзо вельде войнань зыяновчинть невтемась. Народной моротнестэ саевкстнэнь ды пертьпельксэнь мазычинть невтемась аванть ёжомарямонзо панжомасонть.

   Солдатонть Иванонь образось. Сонзэ образонть вельде народонть патриотической мелензэ-превензэ ды ёжомарямонзо славамось. Карадо-каршо путомань-аравтомань приёмонть вельдеазарсь яттнэнь сялдомась.

   «Лембе эскелькст» поэмасонть устно-поэтической койтнень поладомась ды сынст романтической поэзиянь приёмтнень марто вейсэндямось.

   «Солдатонь ни» поэманть сэжетэзэ, ёвтнема лувозо, темазо, смустень зэмезэ. Поэмасонть прянь-ветямонть, солдаттнэнь ютксо алкуксонь ояксчинть невтемась.

   Верань образонть вельде авань обуцянь сехте паро ёнкстнэнь панжомась.

   Поэманть кель-валонь сюпавчизэ.

   А.С.Малькинэнь сёрмадомань коензэ неень шкань поэзиясонть.

Михаил Лукьянович Сайгин «Давол», роман

М.Л.Сайгинэнь эрямонь кизэ. Васень шкань сонзэ шкинемазо. «Вастома» ёвтнемась ды «Васень гудок» повестесь.

   Ине Отечественной войнань теманть произведениясо ванкшномантень М.Сайгинэнь путовксозо. «Окопонь видечинть» кежейчинзэ невтемась, эсь сельмсэ войнань стакачитнень неемась – ютазь войнадо М.Сайгинэнь ёвтнематнень неявикс ёнксост.

   М.Сайгинэнь «Давол» романось – гитлеровской захватчиктнень каршо минек танкисттнэнь тюремаст эсь сельмсэ неицянь ёвтнемань художественной документ. Героень образтнэнь панжомсто контрастонь приёмось.

   «Лембе кошт», «Домка корент» романтнэ мокшонь кельсэ сёрмадозь васенце трилогиянь меельце пелькст. Эйсэст эрямосто ломаненть эсь тарканзо видестэ муемадо проблеманть решамось.

   «Стака уцяска» трилогиясонть эрямонь келейчинть домкасто невтемась.

Иван Никитович Кудашкин «Пичетне ваныть чадыведентень»,

повесть

И.П.Кишняков – мокшонь содавикс прозаик ды драматург. Эрямонь ды шкинемань кизэ.

   «Вешнян эсень тештенть»романонть идейно-художественной ёнксонзо. Произведениясонть невтезь событиятне ды явлениятне, эйсэнзэ путозь проблематне.

   Романонть образной системась: Мокшин ды Палаткин од ломантне, сынст обуцяст вельде национальной ды интернациональной ёнкстнэнь панжомась.

   Войнанть невтемась ды эрзя-мокшотнень лия народтнэнь марто ялгаксчинть невтемась.

   Мокшин Иванонь ды Платон Фомичень образтнэнь вельде паро койтнень ды мельтнень-превтнень невтемась. Обуцятнень панжомсто изобразительно-выразительной средстватнень келейстэ невтемась ды тевс колсто нолдамось.

   Романсонть войнань шкане велень ломантнень тевест невтемась, сынст вельде оймест ды патриотической ёжомарямост панжомась.

   Идейно-художественной домкачинть панжомсто пертьпельксэнть ды сёрмадеенть основной теманть эйстэ туематнень эрявиксчист.

   «Монь тештесь-менелесь» дилогиянть омбоце пельксэнть сюжетэзэ, ёвтнема лувозо, проблематиказо, художественной башка ёнксонзо, идейной смустезэ, образной системазо.

Василий Кузьмич Радаев «Сияжар», поэма

В.К.Радаев – содавикс прозаик, фольклоронь лувтнень коряс героико-эпической поэмань сёрмадыця. Эрямонь ды шкинемань кизэ. 30-це иетнестэ ёвтнемань ды повестень сёрмадомо ушодомась, фольклоронь произведениянь кочкамонтень покш мелень явомась. Эрзянь богатыртнеде В.Радаевень легендань ды преданиянь пурназь циклась: «Сурай», «Покш Максим», «Овто Петя», «Сюпав Андар», «Ичал», «Макразь лей», «Мекс Тавласо бояр эзь эря», «Кемля», «Оришка латко», «Казна пандо», «Филя атя» ды лият.

   «Пенза ды Сура» колмо пелькссэ эпической поэмась. Сонзэ ёвтнема лувозо, сюжетэзэ, рпоблематиказо, башка художественной ёнксонзо.

   «Сияжар» поэмась. Сонзэ эйсэ эрзятнень ды мокшотнень рузтнэнь марто вейсэ ногайтнень каршо тюреманть невтемась, минек раськетнень ютксо ояксчинть ды вейке-вейкенень лездамонть славамось. Поэмасонть прявт геройтне. Сынст обуцяст, тевест-валост, мелест-превест.

   Сияжар кода эпической герой. Сонзэ образонзо вельде минек раськенть идеалонзо невтемась. Художественной приёмтне, конат лездыть героенть алкуксонь чачонзо панжомо.

   В.К.Радаев – ёвтнемань автор. «Кото эйдень ава», «Вечкевикс содавиксэнь» произведениятнесэ невтезь прянь ветямонь, эрямонь-аштемань проблематне ды сынст топавтомань китне. Ёвтнематнень сюжетэст, композицияст, геройтнень смустень зэмест. Неть произведениятнесэ важодиця ломантнень славамост.

Весемезэ:

Произведениятнень ды литературань историянть тонавтнемась – 31 част

Келень культурань кастомась – 3 част

10-це классонтень тиринь литературань коряс календарно - тематической планированиясь

Тонавтнемапелесь: Тиринь литература 10 классонтень Учебник-хрестоматия С.2001 ие.

Автортнэ: В.П.Видманова, Е.И.Чернов.

ЛИТЕРАТУРАСЬ

1.Алёшкин А.В. С. Кириллов: Очерк творчества / А.В. Алёшкин. — Саранск, 1968. — 123 с.

2.Алёшкин А.В. Земля родная песни мне дала / А.В. Алёшкин. — Саранск, 1973. — 132 с.

3.Алёшкин А.В. Единство традиций / А.В. Алёшкин. — Саранск, 1978. — 213

4.А. Алёшкин А.В. Эпос дружбы / А.В. Алёшкин. — Саранск, 1985. - 231 с.

5.Алёшкин А.В. Арьсемат / А.В. Алёшкин. — Саранск, 1990. — 197 с.

6.Безбородов М.И. Ульсь пинге..: стихть, поэмат, пьесат, очеркть / М.И.Безбородов; [кочкайсь ингольдень валть сёр-мадозе А.В. Алёшкин]. — Саранск: Мордов. кн. изд., 2008. — 254 с.

7.Борисов А.Г. Художественный опыт народа и мордовская литература / А. Г. Борисов. — Саранск, 1977. — 211 с.

8. Брыжинский А.И. В едином строю / А.И. Брыжинский. — Саранск, 1984. — 234 с.

9.Брыжинский А.И. Процессы жанрового развития мордовской прозы (50 — 90-е годы) / А.И. Брыжинский. — Саранск: Изд-во Мордовского университета, 1995. — 197 с.

 10.Брыжинский А.И. Писатели Мордовии: библиогр. указатель /А.И.Брыжинский , О.В. Пашутина, Е.И. Чернов. — Саранск: Мордов. кн. изд., 2001. — 592 с.

 11.Горбунов В.В. Поэзия —душа народа / В.В. Горбунов. — Саранск, 1971. —    

       215 с.

 12.Горбунов В.В. Признание / В.В. Горбунов. — Саранск, 1984. — 197 с.

13.Горбунов Г.И. Жизнь, герой, литература / Г.И. Горбунов. — Саранск, 1976. — 167 с.

14. Горбунов Г.И. Вастомат / Г.И. Горбунов. — Саранск, 1993. — 213 с.

15. Девяткин Г.С. Мордовский рассказ / ГС. Девяткин. —1987. -231 с.

16. Дёмин, В.И. Сюконян тенк...: Эрзянь писательде ёвтнемат/ II II. Демин. — Саранск : Мордов. кн. изд-во, 2005. — 317 с.

17. Доронин А. Ялгадо вал: художественной очеркть /Александр Доронин. — Саранск,тип. «Рузаев. Печатник», 2006. — 406 с.

18.Забавина В.М. Кузьма Григорьевич Абрамов: Очерк жизни и творчества / В.М. Забавина. — Саранск, 1966. — 256 с.

19.Зиновьев Н.В. Человек и время / Н.В. Зиновьев. — Саранск, 1995. - 276 с.

20.Имяреков М. Любовь и слёзы: стихи, поэмы, творч. портреты / М.Г. Имяреков. — Саранск: Изд. Дом «Писатель». — 2006. — 128 с.

21.Инжеватов И.К. Время водило его пером / И.К. Инжева-гои. — Саранск, 1973. — 234 с.

22.Инжеватов И.К. На службе народа / И. К. Инжеватов. — Саранск, 1973. — 267 с.

23.Инжеватов И.К. Литература и жизнь / И.К. Инжеватов. — Саранск, 1982. - 186 с.

24.История мордовской советской литературы. — Т. 1. — Саранск, 1968.-312 с

25.История мордовской советской литературы. — Т. 2. — Саранск, 1971. — 324

26.История мордовской советской литературы. — Т. 3. — Саранск, 1974. — 327

27.История мордовской литературы. — Саранск, 1981. — 315 с.

28.Каторова A.M. Введение в литературоведение / А.М. Ка-торова. — Саранск, 2006. — 212 с.

29.«Край мой! Любимая Русь и Мордва!» Мордовия С. Есенина: ст., рец., стихи, переводы / сост. Г.С. Гребенцов-, П.К. Лю-баев, Т.Ф. Сафонова. — Саранск: тип. «Красный Октябрь», 2004. - 408 с.

30.Кубанцев Т.И. Поэтический хронотоп жизненного пространства (на примере творчества З.Ф. Дорофеева) / Т.И. Кубанцев. — Саранск: Изд. морд, ун-та, 2005. — 146 с.

31.Кубанцев Т.И. Мокшэрзянь критикась и литературоведениясь: учебнай пособи / Т.И. Кубанцев. — Саранск: Изд-во морд, ун-та., 2002. — 76 с.

32.Кулдыркаев Я.Я. Поэмат ды ёвкст / Я.Я. Кулдуркаев; [пурныцясь ды икельце валонь сермадыцясь А.В. Алёшкин] / Я.Я. Кулдуркаев. — Саранск: Морд. кн. изд., 2008. — 173 с.

33. Ломшин М.И. Творческие индивидуальности писателя А.Д. Куторкина и развитие эпических традиций мордовской литературы / М.И. Ломшин. — Саранск: Изд-во Мордов. ун-та, 2005. - 77 с.

34.Любаев П.К. Кочказь произведеният: стихт, повесть, ёвтнемат, ледстнемат / П.К. Любаев [икельце валось А.М. Доро-нинэнь]. — Саранск: Морд. кн. изд., 2009. — 279 с.

35.Макушшн В.М. Начало пути / В.М. Макушкин. — Саранск, 1976. - 189 с.

36.Мордовская литература: Авторы-составители А.И. Бры-жинский, Е.И. Чернов. — Ч. I. — Саранск, 1989. — 312 с.

37.Мордовская литература: Авторы-составители А.И Бры-жинский, Е.И. Чернов. — Ч. И. — Саранск, 1990. — 312 с.

 38.Рогачев В.И. Истоки: К проблемам исторических, культурных и филологических наследий М.Е. Евсевьев / В.И. Рогачёв. — Саранск: Мордов. кн. изд-во, 2002. — 156 с.

39.Современная мордовская литература 60 — 80-е годы. — Ч. I. - Саранск, 1991. - 342с.

40.Современная мордовская литература. 60-80- е годы Ч. II. — Саранск, 1993. - 325 с.

41.Чернов Е.И. Драматурги Мордовии / Е.И. Чернов. — Саранск, 1991. - 156 с.

42.Чернов Е.И. Современная мордовская литература / Е.И. Чернов. - Саранск, 1992. — 98 с.

Интернет ресурстнэ

Эрзянь Морот. Эрзянские песни.
http://www.erzan.ru/news/anna-panisheva

http://vkontakte.ru/audio?id=-83623

ЭРЗЯНЬ МАСТОР TV. Наше видео на портале You Tube. Концерты, клипы, выступления и многое другое.
http://www.youtube.com/watch?v=a9FF-HbDGiU
Ловнома. Чтение.
Независимая общественно-политическая газета
Мордовского республиканского общественного
Фонда спасения эрзянского языка

Пек содавикс Эрзянь кулялопась тиринь мельть марто.
http://www.erzia.saransk.ru/

Эрзянский литературный сайт «Эрзиана» Эрзянь сёрмадоматевонь лопась.
http://erziana.my1.ru/index/ehrzjan_mastor/0-11

Энциклопедия Нижегородской области. Обран ошсонь энциклопедиясь.
http://erziana.my1.ru/index/ehrzjan_mastor/0-11

Эрзянский сайт «Эрзянь Раське».
Эрзянь лопась эрзянь раськеде.
http://erzyany-rasyke.ucoz.ru/

Эрзянский Живой Журнал от Петрянь Андю. Новости эрзянского мира. Кулят Эрзянь масторсто.
http://erzianj-jurnal.livejournal.com/
Эрзянь Википедиясь. Эрзянская Википедия. Статьи о великих людях и событиях на эрзянском языке.
http://myv.wikipedia.org/wiki/%D0%9F%D1%80%D1%8F%D0%BA%D1%81%D0%BB%D0%BE%D0%BF%D0%B0
Культурно-образовательный портал «Эрзянь Ки».
http://www.erzan.ru/
«Сятко» (рус. «Искра») — литературно-художественный и общественно-политический журнал, издаваемый в Саранске. Публикации журнала выходят на эрзянском языке.
http://ru.wikipedia.org/wiki/%D0%A1%D1%8F%D1%82%D0%BA%D0%BE