РАБОЧАЯ ПРОГРАММА учебного курса «Мордовская литература» в 5 классе
рабочая программа (5 класс)

РАБОЧАЯ ПРОГРАММА

учебного курса «Мордовская литература» в 5  классе

                                                   Составитель:  Моисеева Людмила Михайловна

                                            2020 – 2021

1. Учебнай предметть содержанияц.

        Родной литературань рабочай программась тиф ветеце классонь тонафнихненди, конанди основакс сявф:

• Российскяй Федерациянь Федеральнай законць «Об образовании в Российской Федерации» №273 от 29.12.2012 года.
• Основной и средняй школань примернай программась родной литератураса  5-11 класса Российскяй Федерациянь  национальнай школань  2000 кизотькса;
• Мордовия Республикань Образованиянь Министерствань «Мокшэрзянь литературань программат 5-11-це классненди», Саранск 2010к.,
• Федеральнай Государственнай образовательнай стандартсь, кона примаф Российскяй Минобразованиять приказонц коряс  05.03.2004к.;
• Учебнай планонц коряс МБОУ «Морд – Полянскяй ООШ»  

Афкуксонь календарно-тематическяй планць тиф, нежедемок «Мокшэрзянь литературань программат 5-11 классненди», кона нолдаф 2010 кизоня, Саранскяйса, Мордовскяй книжнай издательстваса. (ингольдень валсь). Программать сёрмадозь: филологическяй наукань докторсь А.И.Брыжинский,педагогическяй наукань докторсь А.М.Каторова, филологическяй наукань кондидатсь Е.И.Азыркина.

    Программась ащи фкакс 5-це классонь «Родной литература» тонафнемань книгати общеобразовательнай учрежденияса, книгать автороц Азыркина Е.И., Саранск, 2014к.

Родной литературань  урокти 5-це класса макссеви фкя част недляти, общеобразовательнай программать коряс колмогемонь   част, школань тонафнемань планть коряс 34 тонафнемань недля, марнек 34 част кизоти.

Тонафнемань материалсь етави программань материалть кирьфтаманц вельде.

Литературать тонафнемань целенза и задачанза

Лама лия предметтнень еткса, конат тонафневихть школаса, няевикс васта максови мокшэрзянь литературати. Родной кяльса серматф произведениятнень мархта шабатне васьфтихть васенда начальнай класса, сяда меле художественнай литературать колга содамошитнень касфтсазь мельдень класса тонафнемста. Литературась лезды тейст шарьхкодемс эряфть, перьфпяльть, кърхкалгофтсыне тевснон-мяльснон, козякофтсыне кяльснон-валснон, кеподьсыне корхтамань и сермадомань кялень культураснон, келептьсыне эстетическяй ванфксснон,касфтсынь содамошиснон эсь культураснон, масторснон колга.

     Литературань произведениятнень вельде тонафнихне сяда цебярьста кармайхть содама эсь народснон тевонзон-мялензон, иланзон, сонь кяль-валонь мазышинц и эряфонь киса смузенц, сядонгольдень эряманц-ащеманц.

      Родной литературань урокнень инголи путневи цельхть:

• тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц,
• воспитандамс афкуксонь патриотт,
• касфтомс содамошиснон мокшэрзянь народть историянц, культуранц колга,
• касфтомс шарьхкодемаснон кяльть национальнай башкаширенц колга.

      Эсь кяльса серматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда теждяста шарьхкодемс сембе искусствань виттнень: киноть, театрать, живописть, музыкать и лиятнень.

Родной литературась кемоста сотнеф эряфть мархта, сяс и полафксне, конат молихть тя пингста, фалу  эрявихть кирдемс мяльса сонь тонафнемстонза.

       Тяни родной литературань урокста произведениятненди идейно-художественнай питнеть путомста сави кирдемс мяльса васендакиге аф идейно-политическяй ширеть, кода ульсь инголе, а нравственнайть и эстетическяйть. Анализонь тиемста васенда эряви шарфтомс мяль марнек ломанень проблематнень панжемаснонды, азомс эряфса писательть ванфонц видеть-аф видеть лангс, кодама художественно- выразительнай средства вельде авторсь панчсесы геройхнень тевснон-валснон, потмоежеснон, ванондсы кялень козяшить. Тяка пингть шабатне  тонафнихть арьсема, эсь мяльснон-арьсемаснон азондома, пара тефнень и афсатыкснень няема.

Программать потмоширец и тиевомац

       Родной литературать коряс программать сермадомста авторхне кирдезь мяльса и нолдазь тевс ся цебярь сатфкснень, конат кочкавсть синь тиевомстост ведьгемоньда лама кизоста. Тонафнемс сявфт ся произведениятне, конат кандыхть афкуксонь нравственнай и эстетическяй питне.

  5-11-це классненди программась тиф тяфта, штоба тонафнихне аф ламонь тонадольхть художественнай произведениятнень  смузьснон  шарьхкодема и тейст виде питнень путома, кармальхть содама теоретико-литературнай шарьхкодематнень и синь вельдест  анализонь тиема, келемольхть кялень козяшисна и эстетическяй  культурасна

     Программаса оцю мяль шарфневи предметтнень ёткса сотксненди. Родной литературать  тонафнемста тонафтыти фалу эряви маштозь нолямс тевс ся материалхнень, конат келептьсазь  и крхкалгофтсазь  шабатнень содамошиснон (лия народонь литературань, живописень, скульптурань, графикань, музыкань, родной масторть историянц колга произведениятне).

      Родной литературань программатненди  сувафтфт  мокшень и эрзянь народть устно-поэтическяй  лама  произведениясна, содавикс писательхнень литератураса касома кисна, поэзиясь, прозась, драматургиясь, азфт аф класса лувомать  коряс книгатнень  лемсна и сёрмадысна.

5-8-це класснень эса родной литературась тонафневи кода литературань морафтома. Шабатне кочкайхть содамошит писательхнень колга, морафтыхть художественнай башка произведеният. 5-це класса, ваномок шабатнень вийснон и мяльснон лангс, произведениятне путневихть жанрово-тематическяй принципонь коряс: васенда максфт идень фольклоронь произведениятне; сяда тов – литературань ёфксне и баснятне, сяльде моли «Идькс пинге» пялькссь, коза сувайхть мяльс туф азксне, конатнень эса главнай геройхне тяфтама жа итть, кода и синць тонафнихне. «Идькс пингть» поладсы «Перьфпяльсь» темась.

Тяза сувафтфт произведеният, конатнень эса морави перьфпяльть мазышиц и азондовихть мяльхть-арьсемат сонь ванфтоманц колга. Аделави ветеце классонь программась «Историясь» пяльксса. Сонь эсонза азондови мокшетнень и эрзятнень эряфсна и Великай Отечественнай войнать пингста врагть каршес тюремасна.

   Программаса тяда башка максовихть теоретико-литературнай шарьхкодемат, аф класса лувомать коряс произведеният и педа-пес арьсеф ся, кодама литературно-творческяй тефт эрявихть тиемс класса.

   5-8-це класснень эса кочкавихть марс тонафнихнень содамошисна мокшэрзянь устно-поэтическяй творчествать, писательхнень произведенияснон и теоретико-литературнай шарьхкодематнень коряс.Сембе тя козякофнесыне шабатнень мялямснон и эстетическяй культураснон.

   Корхтамань и сёрмадомань кялень навыкнень касомаснонды программаса максовихть башка урокт. Эрь класса арьсефт литературань творческяй жанратне, конатнень коряс тонафнихне сёрмадсазь эсь мяльснон. Арьсетяма, тя канды оцю лезкс кялень культурать касома тевса.

   Литературань процессь аф ащи фкя вастса, эвондайхть писателень од лепт, цебярь произведеният, сяс тонафтыхненди фалу эряви келепнемс эсь ваномаснон литературать лангс и старандамс, штоба шабатне улелельхть анокт одонь вешема и содама.

Нюрьхкяня методическяй няфтемат

  Родной литературань тонафнихненди эряви кирдемс мяльса, што минь литератураньке серматф кафта кяльса, но сембе лия ширетнень коряс сон аф явови, сяс мес няфнесыне сембе мокшетнень и эрзятнень эряфснон, койснон и мяльснон. Аф эряви юкснемс сяньге: минь литератураньке кемоста сотнеф рузонь кяльть мархта. Улихть малавикс сюжетт, темат, эряфонь няфтема принципт. Минь писателеньке тонафнесть рузонь и лия народонь художественнай  валонь мастерхнень эзда эряфть сяда цебярьста няфтемаса, сяс шабатненди сидеста сави корхтамс тянь колга. Тяка мархта марса эрь урокса эряви шарьхкодемс, мезе од тись тя или тона писательсь литератураса, кодама общечеловеческяй смузь кандыхть сонь произведенинза, мезьса пяк лац няевихть национальнай ширенза. Сатомшка мяль эряви шарфтомс мокшетнень и эрзятнень койснон лангс (семьяса сяда оцюфнень кулхцондомасна, щамснон, праздниконь ётафтомаснон и ст. тов) и национальнай обуцянь ширетнень панжемаснонды, родной кяльть козяшинц и мазышинц няфтеманцты.

   Родной литературань тонафтыти мяляфтома сявок, што мекольдень кизотнень эряфсонк тиевсь лама полафткста. Сидеста сашендови няендемс, кода валомня бъта стяфневи пряста пильге лангс мъзярда-бъди лама вастова колсеф социальнай, историческяй и нравственнай видешись, мърдафневихть афкуксонь тевсна-арьсемасна ся ломаттнень, конатнень лемсна стакащемда валфтольхть ърдазса. И сембось тя, васендакиге, няфневи литератураса, сяс мес сембе уликс искусстватнень ёткста эряфонь няфти ваномакс сембодонга ладяй лемдемс литературась. Эвондакшни  од сельмованф ётаф событиятненди. Мокшэрзянь литературасовок эвондась аф кържа произведения, коса тя няфневи.

   Тячи писательхненди можна аф пелезь азодомс сянь, мезсь таколфтсыне. А ульсть пинкт, мъзярда эряволь сёрмадомс сянь, мезе мярьголхть «оцюнятне», кепсемс ся кизефкснень, конат таколфтсазь синь, эряфть няфнемс аньцек цебярь ширенц. Къда писательсь ёрась  мезе-мезе азомс эсь эздонза, тушендсь цютькада каршек, произведениясь афоль ноляв печатьс.

Тяконь лувксса коллективизациянь, революциянь, Великай Отечественнай войнань событиятне. Кепотьксонди, революциянь тиихне фалу няфневсть аньцек цебярь ширде, а козятне – мекланкт. Тячи содаф, щто козятнень ёткс шоворязь и тевонь кельги ломаттненьге. Революциянь тиихневок аф фкя лацотольхть, синьге ётксост кой-кие шудефтсь аф кържа аф мувору верда. Великай Отечественнай войнатьке перьф лама мекольдень пингть лисенди аф содафта. Мезе корхтамс, лама аф фкя лацонь мяльда-арьсемада  ломаттнень ёткса тячи. Нъльня мярьгондихть нардамс мялямстонк историять, сяс мес ламоль тоса аеркс тевда, эльбятькста, а кинди пяк мялезонза тячиень эряфоньке. Но кие кода афоль арьсе, а виде ся: истоиясь аф эряви юкснемс. Сяс, тонафнемок родной литературать, тяда эряскода максомс питне няфтьф событиятненди, обрасненди. Ваность васенда, месс тя или тона геройсь тяфта тись. Варжасть шарьхкодемс сонь ваймонц и мяляфтомс, кодама пингста сон эрясь. Ня арьсематне савихть кирдемс мяльса тонафтыхненди литературань произведениятнень ваномста: ушедомань занятиятнень эса, произведениятнень лувомста, анализонь тиемста и мельдень занятиятнень эса.

   Родной литературань урокса эрь темать тонафнемац ушедови ушедомань занятияста. Средняй класснень эса ушетксонь занятиятненди макссеви 5-20 минута, оцю класснень эса жа – марнек уроксь. Ушетксонь занятиятнень основной цельсна – касфтомс шабатнень мяльснон получамс содамошит писательхнень и синь произведенияснон колга, анокламс тонафнихнень произведениянь лувома и цебярьста шарьхкодема.

   Ушетксонь занятиятне молихть аф фкя лаца, кепотьксоди, можна ваномс:

• писательть эряфста пакшт, конат лездыхть произведениять шарьхкодемс;
• родной и рузонь литературань урокса ётаф и од материалть мархта соткснень арьсемасна;
• историческяй, историко-литературнац и бытовой комментариянь тиемась;
• произведениять сёрмадомань историянц тевс нолдаманц;
• кяльть лангса покодемась.

   Ня тефне максомат башка приём вельде, кепотьксонди, ётафтомс экскурсият (писательть эряма вастс, музеи, вири, лугав, паксяв и стак тов), можна нолдамс тевс художниконь картинат и иллюстрацият, кулхцондомс морот и лия музыкань произведеният, лятфтамс ётаф материалть.ушедомань занятиятне ётафтовихть аф фкя лаца. Кажнайть улеза сонцень шамац, эрь писательть мархта васьфтемась куватьс кадоволь шабатнень седиса.

  Ушедомань занятиятнень ётафтомда меле моли произведениянь лувомась. Средняй класснень эса сембе ёмла произведениятне лувовихть урокса, мъзярда жа тонафневихть повестсь, оцю азкссь, то башка пяльксне максомат лувомс куду. Вейхксоце-кефкиеце класснень эса произведениятне марнек, лирическяйда башка, лувовихть кудса. Произведениятнень лувомста васендакиге эряви кирдемс мяльса сонь родонь и жанрань ширенц, сяс мес эрь жанрась вешсы сонцень лувомань кинц. Кепотьксонди, лирическяй произведениятне васенцеда лувовихть фалу класса, кайгиста. Тянь тисы учительсь или учениксь, къда цебярьста машты лувома. Драматическяй произведениятнень тонафнемста сидеста кулхцонкшневихть радиоспектаклятне, конат сёрматфт магнитофонц. Произведениять лувомда меле ушедови содержаниянц лангса работась: путовихть кизефкст, тиеви план, азондови смузец (эпическяйхнень и драматическяйхнень) и тиеви анализ.

   Анализонь тиемста учительсь кочкай эсь мяленц коряс тяфтама методическяй приёмт, конат ладяйхть сонь классонцты тя или тона произведенияти. Эряви шарьхкодемс произведениять смузец и темац, азовихть сюжетонь, композициянь ширетне, изобразительно-выразительнай средстватнень рольсна типическяй характеронь тиемста, панжеви идейнай смузсь.

   Приёмтне, конатнень нолдасыне тевс тонафтысь тя пигста, эрьсихть аф фкя лацоннет :путф проблематнень мумасна и азомасна, комментированнай лувомась, произведениятнень, геройхнень, васттнень, сценатнень карань-каршек арафтомасна и ваномасна, киносценариень тиемась, устна валса портретонь и перьфпяльть колга азондомась, инсценированиясь, литературань налхксематнень ётафтомасна (викторинат, литературнай геройхнень мельге заочнай путешествият) и лият.

   Анализонь тиемань приёмтнень кочкамста и синь тевс нолдамстост учительти эряви мяльса кирдемс шабатнень кизосна и литературать коряс содамошисна.

   Литературать тонафнемста пяк эрявихть тематнень коряс остатка урокне. Ня урокнень эса максовихть геройхненди кърхка характеристикат, арьсевихть путф проблематне и идейнай смузсь, писательть эряфть лангс ванфоц, нюрьхкяняста мярьгомс, произведениясь арьсеви марнек, сембе ширде. Сидеста оцю класснень эса мекольце урокнень пингста ётафтови работа критическяй статьятнень коряс (къда фкя произведениять коряс сёрматф аф фкя статья), эста синь путовихть карань-каршек, азови мезьса синь фкат, кона критикать сяда видет мяленза-арьсеманза. Тяда башка, вейхксоце- кефкиеце класснень эса лядыкс занятиятне оцю темань аделамда меле ётафтовихть семинаронь и зачётонь формаса.

Произведениятнень тонафнемста родонь и жанрань кизефкснень мяльса кирдемасна

Эрь литературань родть улихть сонцень призаконза, кнатнень эса няфтьф перьфпяльдень эряфсь, азфт тяшить мяленза-арьсеманза, кодама эстетическяй вий канды произведениясь лувихненди.

Эпическяй произведениятнень тонафнемасна

Литературоведенияса башка ширекс лувови повествованиясь, лиякс мярьгомс, ётай событиятнень колга корхтамась. Эряфса васьфневи событиятнень и синь колгаст эпическяй произведениятнень эса азондомать ёткса фалу ётай мзъярошка пинге. Сяс азксса, повестьса, романца корхтамась моли ётай пингонь грамматическяй формаса. Эпическяй повествованиятнень эса эрси лама азондома: перьфпялень, кудъетконь предметонь, геройхнень образснон, щамснон, ёжмарямаснон колга и стак тов.

Оцю васта заняйхть геройхнень фкя-фкянь мархта корхтамасна и тевсна. Кой-кона эпическяй произведениятнень эса васьфневихть авторть башка мяленза-арьсеманза ся событиятнень колга, конатнень лангс сон лотски. Сембось тя лезды писательти эпическяй произведениятнень сёрмадомста няфтемс сяда кърхкаста и келиста перьфпяльдень эряфть.

Формань коряс эпическяй произведениятнень можнат явомс колма группава; оцю, средняй и ёмла. Оцю жанракс лувовихть эпопеясь и романць, средняйкс – повестсь, ёмлакс – азкссь, очерксь, баснясь, новеллась.

Средняй классонь программатнень эса сембода няевикс васта макссеви азксти и повести, оцю класса – романти.

Азксть и повесть тонафнемста учениксь аф васьфти пяк оцю сталмот. Азкснень эса аф лама валса, кърхкаста няфтеви кодамовок фкя события, ломанень эряф; эсонза эрьси мяльс туф сюжет, геройхть, конат сембе ширде малат шабатненди. Сяс ня жанрань произведениятнень иттне лувондсазь пара мяльса. Штоба сяда кърхкаста шарьхкодемс произведениять, тонафнити эряви тиемс план (простой, сложнай, цитатный) и азондомс содержаниянц. Азондомань видта лама: подробнай (малавикс текстти), нюрьхкяня, выборочнай и творческяй. Эрь урокса учительсь кочкасы ся видть, кона лезды сяда цебярьста шарьхкодемс произвдениять смузенц. Анализонь тиемста эряви старандамс путнемс иттненди стама кизефкст, конат кошардыхть арьсема и эсь мяльснон азома; геройхненди характеристикань максомста цитатань тевс нолдама, персонашнень тевснон-валснон вельде обуцятнень башка ширеснон панжема.

Сяда стака школаса роматтнень тонафнемасна. Романть лангса работать ушедомста тонафтыхненди эряви лац арьсемс, кона пялькснень сявомс, конатнень лувомс класса, конатнень кудса, конатненди тиемс кърхка анализ, конатнень ваномс курокста и нюрьхкяняста, ваномс, кона пялькснень вешихть художественнай азондома, конатнень азондсазь ученикне, а кой-коста и сонць учительсь.

Эрь родонь и жанрань произведениять тонафнемац ушедови сонь лувоманц эзда. Романтьке васендакиге эряви лувомс. Мзярда шабатне туйхть кизонда ваймама. Тейст макссеви задания: лувомс программати сувафтф оцю произведениятнень, кода рузонь, станя жа родной литературать коряс.

Къда тонафнихне ваймама пингть ашезь лува эрявикс произведениятнень, то тяка жа заданиясь макссеви тонафнема пингста, тонафнема материалть ушедомда инголе.

Эрь монографическяй темать тонафнемац панжеви ушедомань заданияста. Вейхксоце – кефкиеце класснень эса ушедомань занятиясь сяви целай урок, лияста и сяда лама. Ушедомань урокненди сявондеви эрь кодама материал. Кепотьксонди: произведениять сермадомань историяц, документт, конат лездыхть сяда цебярьста шарьхкодемс произведенияса няфтьф пингть, прототипнень колга (къда синь улихть) корхтама, писательть биографияста сявф пакшт, конат лездыхть произведениять шарьхкодемс и стак тов.

Ушедомань заданиять ётафтомда меле уставави произведенияти анализонь тиемась. Школань анализс аф фкя лацонь литературоведениянь анализть мархта, кода задачатнень, станя жа приемтнень коряс.

Традиционнай рузонь методикаса улихть эрь кодама анализонь тиема кит. Синь етксост оцю васта заняйхть тяфтапне: проблемнай, сюжетно-композиционнай, эпизодонь лангса, геройхнень образснон лангса работась, произведенияса авторть позициянц шарьхкодемац.

Кодама ба анализонь ки афоль кочка тонафтысь, сон фалу старандай шарьхкодемс произведенияса путф проблематнень, ванцы ученикнень мархта сюжетть, тии анализ башка пяльксненди.

Лувись (кода ёмлась, станя жа оцю ломанцьке) книгань морафтомста васендакиге шарьхкодсы сюжетть: событиятнень, конат максовихть

произведенияса фкя-фкянь мельге, геройхнень тевснон-валснон, сяс и анализське школаса сидеста ушедови сянь эзда, кода шарьхкодезь шабатне произведениять смузенц. Эряви путнемс стама кизефкст, конат кошардсазь тонафнихнень арьсема. Къда иттне шарьхкодезь произведенияса аф сембе няфтьф событиятнень, эста лезды кодамовок пяльксненди планонь тиемась.

Вейхксоце – кефкиеце класснень эса, коса родной литературась тонафневи историко-литературнай планца, урокть структуранц нежеди репродуктивнай и эврестическяй метоттнень лангс и максы тонафнихненди разнай самостоятельнай работань витт: цебярьста урокти аноклама, произведенияти самостоятельна анализонь тиема, докладонь аноклама. Оцю класснень эса ванондови сембе материалсь, тонафнихненди толкавави ся, кода писательсь сявондьсыне типическяй факттнень, явлениятнень, штоба няфтемс произведенияса типическяй обстоятельстватнень. Сяс оцю класснень эса макссевихть сяда стака кизефкст: Мес писательсь сявозень ня эряфонь факттнень и явлениятнень? Мезе од азонды писательсь синь няфтемсост? Мезьса няфтьф эряфть кърхкашиц?

Кемонце-кефкиеце класснень эса корхтамась эряви вятемс кяльть мазышинц колга, толкавамс шабатненди сянь, мес произведенияса эрь геройть сонцень кяль-валоц, конань вельде шарьхкодеви сонь потмоёжец, культурац. Станя жа эряви азомс, кялень кодама изобразительнай средстват нолдай тевс писательсь эрь образть сермадомста.

Художественнай произведениянь анализсь аф ётафневи темань апак панчт. Темать азондсы сонць эряфсь, писательть опытоц. Произведениять васенцеда лувомдонза меле можна максомс тяфтама кизефкст: Мес писательсь сявозе тя материалть? Содайхть ли тонафнихне лия писателень произведеният, конатнень эса азондовихть тяка жа проблематне? Мезе одсь тя или тона произведенияса? Произведенияса няфтьф кодама эрямань ширнетне сяда мялень салайхть? Кодама сембода оцю кизефкст и прябалат вановихть тя или тона произведенияса?

Шабатне эрявихть тонафтомс произведениять шарьхкодема, няемс эсонза пара ширетнень и афсатыкснень.

Школаса литературнай произведениять лангса работась шумордави мекольце занятияса. Тя урокса арьсеви произведениять идеяц, кърхкашиц, литератураса вастоц. Тянкса ётафтовихть разнай работань витт: произведенияста выразительнайста отрывкань лувомась, иллюстрациянь лангса работась, ролень-роль лувомась, башка темас аноклаф докладонь кулхцондомась и стак тов.

Лирическяй произведениятнень тонафнемасна

Лирикаса няфтевихть ломанть арьсеманза и ёжмаряманза кенярдемста и ризнамста, кельгомста и кяжиямста, пичедемста и оцю тевонкса тюремста. Стихотворенияса фалу ули ёжмарямань образ, сембода пяк марявихть сонцень поэтть пичефксонза и ёжмаряманза. Поэтсь корхтай эсь пяльденза и тяконь мархта марса пачфни лия ломатнень ёжмарямат, сяс поэтть мяленза-арьсеманза шарьхкодевихть ламонди. Лирическяй стихотворениятнень эса аф эрси сюжет, аш эсонза действиянь няфтемавок. Лирикань произведениятне сембода сидеста сёрматкшневихть стихотворениянь формаса. Валхневок стихса кандыхть сяда оцю смузь. Тя сембе эряви кирдемс мяльса учительхненди.

Инголи азонтф лирикать башка ширензон мархта сотфт сембе методическяй приёмтне, конатнень нолдасыне тевс тонафтысь произведениятнень лувомдост инголе, лувомста и анализонь тиемста. Стихотворениятнень тонафнемста оцю лезкс канды учительть ушетксонь нюрьхкяня валоц. Лияста сон эсь валонза азонды писательть биографияста мяльс туф эпизод, кона лезды сяда цебярьста шарьхкодемс произведениять, лияста жа корхтай произведениять эвондамань туфталонзон колга. Тяда башка, пейзажнай лирикать тонафнемста эряви ётафтомс работа художниконь картинаста репродукциятнень и музыкань произведениятнень коряс. Ушетксонь валхнень

азомста аф эрявихть юкснемс шабатнень эряфонь опытснон и эсь пачка книгань лувомаснон. Тя урокса тя или тона материалть сявомста

учительсь кирдьсыне мяльсонза произведениять башка ширенц и урокть целензон.

Ушетксонь валда меле лувови мяльс туф лирическяй произведениясь. Сяда сидеста тянь тиендсы сонць учительсь. Лияста сон кулхцондови фонохрестоматиянь или жа магнитофонц сёрматф артистонь лувомать коряс. Шабатнень эрявихть тонафтомс, штоба лувомась туль мялезост. Тянди эряви пяк лама пинге: шарьхкотьфтемс стихнень содержанияснон (путнемс эрь валса звукнень, мушендомс сембода кайги валхнень, няфнемс валхнень, коса вайгяльсь кеподеви, коса жа парай, тяштемс нюрьхкяня и кувака ваймонь тарксема васттнень и стак тов), аф весть кулхцондомс стихнень.

Стихотворениять кулхцондомда меле шабатне кафтошка минута ваймяйхть, аньцек сяда меле ушедови анализсь. Лирическяй произведениятненди эряви тиемс стама анализ, конац кеподелезень шабатнень ёжеснон. Сяс стихнень ваномста аф эряви путнемс тяфтама кизефкст: Мезень колга моли корхтамась произведенияса? Аф эрявихть азондомс стихнень содержанияснон (виде въдь, поэта лац аф азови). Учительсь арьси сянь лангса, кода сувафтомс марс ёжмаряматнень мяльхнень-арьсематнень мархта.

Лирическяй произведениятнень коряс работамста учительти шарфтома мяль аф аньцек цебярьста лувомать, но и наизусть стихонь азондомать лангс.

Драматическяй произведениятнень тонафнемасна

Драмась, кода содаф, фалу серматкшневи сцена лангса путоманди. Драматическяй произведениятнень эса аш авторть пяльде событиятнень колга корхтама, аш кувака серматфкст (аньцек ремаркаса азондови нюрьхкяняста, коса моли действиясь). Драмаса сембода няевись – тя действиясь, геройхнень ёткса корхтамась и синь тевсна. Штоба действиясь еталь сяда эрязста, писательсь сувафты произведенияти тюрема, конфликт. Драматическяй произведениятне аф фкат лиятнень эзда эсь композицияснон коряска. Синь ушеткшнихть геройхнень лемсоно тяштемаста, явовихть башка действиява, явлениява, сценава. Драматическяй произведениятнень тонафнемста ня башка ширетне эрявихть кирдемс мяльса.

Драматическяй произведениятне эпическяйхнень коряс лувовихть сяда стакаста, сяс, улема, ученикнень лувондомань формулярсост драматне васьфневихть пяк шуроста. Лияста шабатнень эвондакшни мяльсна лувомс тя или тона драматическяй произведениять сцена лангса ваномдонза меле, мъзярда туй мялезост сюжетсь и артисттнень налкомасна.

Школань программаса литературань лия роттнень коряс драмась занци оцю васта. Класса драматическяй произведениять тонафтомдонза инголе учительсь максы тев: лувомс драмать и арьсемс, кепотьксонди, месс тяфта сонь лемдезь, мезсь сембода тусь мялезост, кона геройть можна лувомс главнайкс и стак тов. Ушедомань урокса тогнафтысь сяда лама азонды произведенияса няфтьф пингть, сцена лангса драмать историянц колга. Урокса жа ушедови пьесать лувомац. Сяда сидеста васенце явлениять лувондсы сонць тонафтысь. Азондсы, кода эряви работамс драматическяй произведениять лангса. Можна ётафтомс комментированнай лувомавок. Тяда меле тиеви анализ. Пьесатнень анализсна фалу тиендевихть эрь явлениять и действиять лувомдонза меле, аньцек лядыкс урокса драмать лангса арьсематне-мяльхне пуроптовихть марс и арьсевихть марнек путф проблематне, геройхнень обуцясна, эряфонь конфликтнее и идейнай смузсь. Драматическяй произведениятнень эса пяк стака шабатненди содамс авторть ванфонц, мяленза-арьсеманза, сяс месс синь видеста апак аст. Тонафнихненди

урокта урокс геройхнень обуцяснон афсатыксснон панжемста эряви корхтамс сянь колга, мезсь тушенды авторть мяльс. Мекольце занятияса савихть ня арьсематне пуроптомс марс и тиемс тяфтама вывод: кодама ванфоц писательть эряфть лангс. Пьесатнень тонафнемста эряви станя жа шарфтомс мяль шабатнень арьсемаснон касомаснонды. Тянкса можна максомс эрь кодама тефт. Кепотьксонди, кода ба тинь латцелесть артисттнень сцена лангса васенце актса, кодама вайгяльса азолесть репликатнень, кодама декорацият рисовандаледе омбоце действияти и стак тов. Сембось тя пяк лезды шарьхкодемс драматическяй произведениятнень.

Теоретико-литературнай шарьхкодематнень тонафнемасна

Литературань теориясь ащи литературоведениянь няеви пяльксокс. Сон кемоста сотнеф литературать историянц и критиканц мархта. Литературань теориясь панчсесы литературать касомань-вииямань смузенц, няфнесыне художественнай метоттнень касомаснон и полафтомаснон, явфнесыне произведениятнень родга и башка жанрава, азондсыне литературнай произведениятнень башка ширеснон: формать, сюжетть, композициять, темать, идеять, кяльть, толкавасыне прозать и поэзиять ёткса аф фкаксшить стихосложениять юронзон эса.

Литературать теориянц коряс содамошитне пяк лездыхть тонафнихненди произведениятнееенди анализонь тиемста. Теориять юронзон апак содак можна аньцек азондомс произведениять содержаниянц, сембе жа сонь башка ширенза: стакашиц, эсонза путф проблематне, кяльть мазышиц, идейнай смузец – лядыхть апак шарьхкотть. Сяс учительхненди эрь урокса эряви шарфнемс мяль литературать теориянц коряс содамошитнень кочкамаснон лангс и старандамс ня шарьхкодематнень тиемс анализонь инструментокс.

Родной литературань программати сувафтф лама теоретико-литературнай шарьхкодемат. Синь тонафневихть ветеце класса сявомок кефкиеце классти молемс. Средняй класснень эса вановихть сяда теждя шарьхкодематне. Кепотьксонди, тяфтапне, кода изобразительно-выразительнай средстватне (эпитеттне, сравнениятне, метафоратне, гиперболатне); прозань и стихань кяльсь, кафта и колма слогонь стихонь размерхне, рифмась, ритмась, темась, идеясь, сюжетсь, композициясь.

Сяда оцю класснень эса тонафневихть тяфтама теориянь шарьхкодематне, кода: художественнай методсь, литературнай направлениясь, стильсь, произведениять содержаниянц и форманц ёткса сотксне, литературань художественнай критерийхне. Сембе ня шарьхкодематне вешихть тонафнихнень эзда кърхка содамошит, лама произведениянь лувома и содама.

Родной литературань тонафтысь теориянь шарьхкодематнень тонафнемаста нежетькшни принципнень лангс:

• произведениятнень лувомснон и теоретико-литературнай шарьхкодематнень ёткса соткссь;
• тя или тона шарьхкодемать лангса наблюдениянь вятемась, обобщениясь (определениянь азондомась) и произведенияти анализонь тиемста теориянь шарьхкодематнень тевс нолдамасна;
• теориять тонафнемста шабатнень кялень культураснон касфтомасна;
• теоретико-литературнай шарьхкодематнень фалу мяльса кирдемасна и системас кочкамасна (эрь класса содамошитнень пуроптомсна, тянкса башка урокнень явомасна).

Тяда башка, кирдьсыне мяльса теоретико-литературнай содамошинь критерийхнень:

• литературань теориянь шарьхкодематнень определенияснон содамасна;
• художественнай произведенияста изобразительнай средстватнень мумасна и синь функцияснон азондомасна;
• произведенияти анализонь тиемста теоретическяй содамошитнень маштозь тевс нолдамасна;

• теоретическяй работань сёрмадомста теоретико-литературнай шарьхкодематнень мяльс сявомасна.

Литературань теориянь кизефкснень цебярьста содамасна максы шабатненди оцю лезкс, тонафтсыне видеста и кърхкаста шарьхкодемс произведениятнень и азомс синь корязост мяльснон.

Родной литературать тонафнемста шабатнень кялень культураснон касфтомасна

Родной литературань программаса эрь класса максовихть башка част кялень культурать касфтоманцты. Ня урокнень эса сембода сидеста сёрматкшневихть изложеният и сочиненият.

Учительсь старандай эрь урокса тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворкснень и цитатань сувафнема. Ветеце класста сявомок эрявихть тонафтомс шабатнень лувф произведениятнень содержанияснон азондома. Синь азондовихть нюрьхкяняста, кочкаф (кодамовок башка эпизодонь или сюжетонь пялькс) произведениятнень художественнай ширеснон апак юкстак. Художественнай азондомась сембода стака, сяс школаса сон васьфневи пяк шуроста. Кяльть культуранц касфтоманцты лезды произведениятненди анализонь и комментариень тиемась, станя жа мяльс туф лувомась, произведениять рузонь кяльс ётафтомац и стак тов. Сембе ня приемтне лездыхть шабатненди тонадомс цебярьста корхтама.

Устнай корхтамать мархта сотнеф сермадомань культураське. Тянди лездыхть тяфтама приёмтне, кода цитатань сёрмадомась, планонь, тезисонь, конспектонь тиемась, рецензиянь анокламась, кизефкснень лангс отвечамась, изложениянь и сочинениянь сёрмадомась.

Сёрмадомань работатне, конат ётафтовихть ученикнень мархта, ащихть литературать тонафнеманцты и анализонцты пяльксокс. Старшай класснень эса сёрмадомань работань основной видкс лувови сочинениясь. Сон касфтсыне ученикнень сёрмадомань кяльснон и тонафтсыне синь арьсема. Сочинениятнень можна явомс тяфта: сочиненият, конатнень эса тонафнись азондсыне эсь арьсеманзон васенцеда лувомда меле; сочиненият, конат сермадовихть самостоятельнай анализонь тиемда меле; сочиненият, конат сермадовихть оцю темань шумордамда меле.

Учительсь оцю мяль шарфни сочинениятненди, конатне сёрмадовихть произведениять васенцеда лувомдонза меле, мъзярда тейнза апак тиколь анализ. Тя тонафтсыне ученикнень арьсема произведенияса кепсефи тематнень, проблематнень, геройхнень, композициять и сюжетть колга. Тяфтама сочинениять можна сермадомс кода кудса, станя и класса.

Шарьхкодеви, произведениять тонафнеманц васенце этапса ученикнень аш нинге мяльсна арьсемс лац-ряц. Сяс и учительсь лемдьсыне сочинениятнень тяфта, штоба синь арьсезевольхть: «Мезень колга мон арьсян тя книгать лувомдонза меле?» «Мес тусь мялезон тя книгась?» «Сембода мялень салайсь книгаса» и стак тов. Ня сочинениятне аф оцюфт.

Анализонь тиемста и меле шабатненди макссевихть сочинениянь темат, конат панчсесазь произведенияса путф проблемать, башка пяльксть смузенц, геройхнень потмоёжеснон, валснон-тевснон. Тяфтама сочинениятне тонафтсазь ученикнень анализонь тиема.

Оцю темать аделамдонза меле шабатне сермадыхть сочиненият, конат кармайхть улема обобщениякс сембе ётаф материалти. Аньцек ётаф материалть можна сотнемс инголи ётафть мархта, мумс марстонь ширет, проблемат, кепотьксонди: «Литератураса или башка произведенияса Великай Отечественнай войнать няфтемац» и лият.

Тяфтама сочинениятнень сёрмадомста ученикненди лезды учительсь. Сермадомда инголе тонафтысь ётафты работань эрь кодама витт, нъльня марстонь планонь сермадомавок. Ули сёрмадомань аф фкя ки-ян. Тяса эрь учительсь няфтьсы эсь маштомошинц и сонць кочкасы сочинениянь сёрмадома методть.

Тяниень пингонь школаса сёрмадомань способонь коряс сочинениятне явовихть колма группава: художественнай, научнай и традиционнай. Къда учительсь кочкасы художественнай методть, эста сочинениясь эряви сермадомс литературань кодамовок жанраса: стихотворенияса, азксса, басня ладса, дневник вельде и стак тов.

Научнай кить кочкамста тонафнись сёрмады информация, отчёт, аннотация, лувф книгань коряс ингольдень вал.

Тя кида-янда башка учительсь фалу нежетькшни традиционнай жанратнень лангс – описаниять, повествованиять, характеристикать, арьсемать. Кепотьксонди: «Видеста ли шарьхкодезе эряфть Тихон Черемшин?», «Кода панжеви Лавгиновонь обуцяц прянь вятеманц вельде?» и стак тов.

Мъзярда шабатне кармайхть лац сёрмадома сочиненият тя жанратнень коряс, эряви нажядемс художественнай и научнай жанратненди.

Аф класса лувомась и аф класса работась

Родной литературать коряс аф класса работась, сембода пяк аф класса лувомась, лезды шабатнень содамошиснон кеподемснонды и касфтомаснонды. Родной литературань коряс аф класса лувомань занятиятне лездыхть кърхкалгофтомс и кемокстамс урокса ётаф материалть, кеподемс теориянь содамошитнень, получамс од содамошит литературать и исскуствать коряс, келептемс эряфть лангс ванфть, сяда лацкас кельгомс эсь кяльцень и литературацень.

Аф класса лувомань коряс урокне ащихть фкя пяльде, кода урокса, станя жа аф класса работать эзда. Ня урокненди лияста мярьгихть переходнайхть, промежуточнайхть, сяс мес произведениятне лувондовихть кудса, библиотекаса или самостоятельна, корхтамась жа лувфть коряс моли урокса.

Произведениятне, конат макссевихть аф класса лувомать коряс, сувафтфт родной литературань школань программати. Тя спискась азондови шабатненди эрь кизоня тонафнемать ушедомста. Аф класса лувомать коряс программати сувафтф лама произведения. Сембе ня произведениятне аф класса лувомань урокса аф вановихть, аф сатни пингсь, да тя и аф эряви. Сяс учительсь кочкай тя спискати мяльс сяда туф произведеният и тии кизонь план. Средняй и старшай класснень эса аф класса лувомати максови 7-10 част. Сявомок тянь мяльс, учительсь ётафты эрь класса ковти аф класса лувомань коряс, конат аф сувайхть тя планти, ётафтови аф класса работа, кепотьксонди, лувомань конференция,викторина, конкурс и стак тов.

Ветеце класста сявомок, учительсь тонафтсыне шабатнеь лувомань коряс дневниконь вятема. Ня дневникненди синь сёрматкшнесазь эсь мяльснон-арьсемаснон лувфть колга. Тяда башка, литературань кабинетса эряви тиемс эчке кагодста уомань экран, конань лангс клевиь зепонят тонафнихнень фамилиясон и лемснон мархта.эрь книгать лувомдонза меле учениксь путы зепоняти каготкя, коза сёрматф авторть и произведеиять лемсна.

Аф класса лувомать цебярьста ладямац ламода ащи школань библиотекать эзда. Сяс тонафтыхненди эряви сидеста сувсемс библиотекав, марса тиендемс книгань выставкат, ванондомс шабатнень лувомань формулярснон, кой-коста ётафнемс библиотекаса литературань

конкурст. Кепотькснди, «Лувомань формулярса тяшнефнень араламасна».

Аф класса лувомань урокть анокламста кафта-колма неделяда инголе учительсь максы шабатненди тев: лувомс произведениять и арьсемс тя или тона кизефкснень лангса. Тя пингста тонафтысь ётафты эрявикс работа сянкса, штоба шабатнень эвондаль мяльсна лувомс произведениять: кой-коста азонды или лувонды книгаста мяльс туф вастт, лияста путни тонафнихненди кодамовок кизефкст, мярьгонди панжемс тяштьфть смузенц.

Аф класса лувомань урокнень эрявихть ётафнемс станя, штоба синь сувальхть шабатнень седизост и ламос афольхть юкстав, лиякс мярьгомс, аральхть афкуксонь праздникокс. А тянкса сидеста тиендемат книгань выставкат, нолнемат литературань газетат. Аф класса лувомань урокса тонафнихнень сяда лама корхтайхть синць, учителшьсь жа аньцек вяти корхтама лувфть колга, азсы эсь мяленц, кинди мезе сатовсь и мезень лангса сави нинге покодемс тя или тона ученикти. Приёмда, конатнень нолдасыне тевс тонафтысь аф класса лувомань уроконь вятемста, пяк лама. Кепотьксонди: фкя-фкянь мельге лувфть азондомац; жрь тонафнись лувфть коряс получай ответонь вариант и муссы эрявиксть; кизефксенень лангс сёрмадома ответ; налксемкат: кулхцондость тя или тона пяльксть и азость, кодама произведенияста сон сявф; азость, кодама произведениятненди ладяйхть ня иллюстрациятне; содасть, кона литературнай геройсь тись тяфта…; ваность крассвордть и лият.

Оцю класснень эса заданиятне сяда стакалгофтовихть. Лувф книгатнень коряс ётафтовихть семинархт, конфиренцият, обсужденият, сёрмадовихть аннотацият и рецензият.

Аф класса лувомань урокне эрьсихть разнай видонь: библиографиянь урок. Урок-концерт, урок-ёфкс, урок-конференция, урок-литературнай композиция, урок азкс, урок-инсценировка, заочнай экскурсиянь урок, урок-конкурс.

Литературань материалть коряс тяфтама мероприятиятне, конатнень ётафтсыне тогнафтысь тонафнихнень мархта урокта меле, лувовихть аф классонь работакс. Родной литературать коряс аф класса работань видта пяк лама. Ученикне ётафтыхть урокта меле разнай кружокса (кепотьксонди, литературань творчествань, драматическяй, краеведениянь) мероприятият. Аноклайхть лувомань илятть, конференцият, писательхнень мархта васьфтемат, конкурст, олимпиадат, родной кялень и литературань недялят, презентацият. Тяка пингоня якайхть театрав, выставкас и музеи, нолнихть стенгазетат, ётафнихть ванф спектакльхнень коряс корхнемат,  кочксихть эсь велестост фольклоронь произведеният и стак тов. Сембе тя покодемась лезды шабактненди сяда цебярьста шарьхкодемс эсь кяльса сёрматф литературать, содамс и кельгомс шачема масторть.

Основной контролень форматне тонафнхнень маштомаса и содамаса:

• Сочинениясь (отзывсь, кизефкснень лангс отвечамась рассуждениянь формаса, рисунка лангс ванозь).
• Тестт.
• Устнай монологическяй высказываният темать коряс.
• Выразительнайста текстонь лувомась (дикторсь, наизусть).
• Лирическяй произведенияти письменнай анализ.
• Письменнай анализ эпизодти.
• Техника чтениянь проверямась.

Учебнай  курсть « Родной литература 5-це класса» основной содержанияц

I

УШЕТКСОНЬ ВАЛ ЛИТЕРАТУРАТЬ                                                        

 КОДА ТОНАФНЕМА ПРЕДМЕТТЬ КОЛГА

Ломанть эряфса книгать эрявиксшиц. Мокшень и эрзянь народнай ёфксне      1 част

Литературась кода школаса тонафнемань предмет. Сонь целенза и задачанза: литературась кода валонь искусствань вид. Устнай народнай творчествась и литературась. Синь ётксост кеме соткссь. Тяка пингоня фкять омбоцеть эзда явомань туфталсна.

Ломанть эряфса книгать вастоц. Рузонь и минь республиканьконь содавикс ломаттне, писательхне и учёнайхнень валсна, мяльсна- арьсемасна синь эряфсост книгать колга. Книгань лувома маштомась.Кельгома книгатне и кельгома авторхне.

Мокшень и эрзянь народнай ёфксне  

Устнай народнай творчествать сотксоц народть эряфонц мархта.

Мокшетнень и эрзятнень фольклорса тематическяй и жанровай козяшись. Сонь эсонза ёфкснень вастсна. Животнаень, чудань и эрямакоень колга ёфксне. Жувататнень колга ёфкснень эса тонафтомань смузсь. «Буканясь и пинесь», «Сире врьгазсь и Костя атя», «Парось пандови пароса»(шведонь ёфкс), «Од ава».

«Буканясь и пинесь» ёфксть смузец. Жуватань прянь вятемань вельде ломанень обуцянь башка ширетнень няфтемасна.

«Сире врьгазсь и Костя атя» ёфкссь. Сонь эсонза мокшэрзятнень кунардонь пингста эрямаснон няфтемасна. Ёфксса моральсь. Врьгазть образонц вельде аф пара вайме ломанень сялдомась.

«Парось пандови пароса» ёфксса эряфонь видешись, тонафтомань смузсь. Обраснень вельде ломаттнень ёткса ладяматнень няфтемасна няфтемасна. Ёфксть воспитательнай оцю смузец.

Шведонь  и мокшэрзянь ёфкснень ёткса марстонь признакне.

Бытовой ёфкснень вастсна мокшэрзянь фольклорса, ломанть эряфса эрь шинь тефнень няфтемасна.

«Од ава» ёфкссь. Сонь эрямань смузец Кяжть и парть ёткса  тюремать няфтеманц. Трудонь кельгомать и лия пара обуцятнень  шнамасна. Кяжишить и жаднайшить сялдомасна. «Од ава»  и инголе максф ёфкснень ёткса тематическяй аф фкаксшись.

«Фока и Прокофий попсь» ёфксса ломанень обуцяса цебярь и кальдяв ширьхнень лангти лихтемасна, портретнай характеристикатне. Ёфксть тонафтомань смузец, лия народонь ёфксненди маладомац.

Литературань теориясь.Народнай ёфкснень башка ширесна.

Содама ёфксне, лувомкатне, кяльяжамкатне   1ч.

Народнай содама ёфксне. Содама ёфкссь – устнай народнайи творчестваса фкя инь кельговикс жанрац. Народть ёненц, ёжушинц пачфтемац. Содама ёфкснень эса кърхка смузсь, тематическяй келишись. Содама ёфкснень эса эрямать явлениятнень образнайста панжемасна. Синь художественнай башка ширесна. Содама ёфкснень эса метафорать вастоц. Синь эсост метафорестическяй обраснень реальнай эряфста сявф событиятнень и явлениятнень мархта соткссна. Содама ёфкснень видсна: содама ёфкст- метафорат,содама ёфкст- задачат, содама ёфкст-кизефкст.

Литературнай содама ёфксне. Перьфпяльть и ломанть ёткса сотксне Р.Федькинонь, Е.Тимошкинонь, В.Виардонь, С.Кинякинонь тя жанрань произведенияснон эса. Содама ёфкснень лездомасна шабань касфтома тевса.

Идень лувомкатне. Лувомкатне кода устнай народнай творчествань произведениятнень тематическяй и жанровай башка ширесна. Лувомкатнень тиевомасна. Синь поэтическяй кяль-валсна. Лувомкатнень вастсна итнень налхксемасост и синь кяль-валонь касфтомасост. Мокшэрзянь лувомкатнень соткссна рузоннетнень мархта.

Кяльяжамкатне. Синь вастсна идень фольклорса. Кяльяжамкатнень тиевомасна и синь эзост азомс кайги и  стака валхнень сувафтомасна. Кяльяжамкатнень  парошисна  иттнень цебярьста корхтама тонафнемаса.

Литературань теориясь. Содама ёфкснень, лувомкатнень, кяльяжамкатнень шарьхкодемасна.

Предметтнень ёткса сотксне. Рузонь и лия наротнень фольклорсна (ёфксне, содама ёфксне, лувомкатне и кяльяжамкане).

Литературань творчествась. Арьсемс ёфкс компьютерть вельде «Кода мон пачкотькшнень лия мастору…»

Библиясь                        1ч.

Библиять колга шарьхкодемась. Ташта соткссь. Шарьхкодемась колганза. Менель–масторонь  тиевомась. Васень ломатнень тиевомасна. Каин и Авель. Вавилононь башнясь.

II

ЛИТЕРАТУРАНЬ ЁФКСНЕ И БАСНЯТНЕ

Федор Семенович Атянин. «Сельведь-богатырь»     1ч+1ч.

Ф.С. Атянин - мокшень содавикс писатель. Шабатненди лемтьф произведениянза. Синь ётксост «Сельведь-богатырь» ёфксть вастоц. Сонь сотксоц фольклорсть мархта. Кяжть и парть ёткса тюремась. Трудовой народть мялензон и надеямонзон няфтемасна. Сельведь-богатырть и Марунять образсна. Ёфксса кялть мазышиц.

Литературань теориясь. Литературнай ёфкснень колга васенце шарьхкодемась.

Литературань творчествась. Максф тема лангс ёфксонь арьсемась.

 Корхтама маштомань касфтомась. Сельведь - богатырти характеристикань максомась.

Фёдор Савватьевич Дурнов. «Алашась и сяськне», басня (1част)

Ф.С.Дурновонь сатфксонза мокшэрзянь литератураса. Васнце аськолксонза тяштемань тевса. Великай  Отечественнай войнаса улемац.

«Алашась и сяськне» басняса аллегориясь. Жуватань образть вельде целень саты ломанень шнамась, шавос корхтайхнень сялдомасна.

Максим Афанасьевич  Бябин (Максим Бебан).                                                

«Лефсь, врьгазсь и келазсь», «Кафонц частт» «Равжа пря куй» баснятне     1ч.

М.А.Бебан-мокшэрзянь баснянь жанрать ушедыец.

«Лефсь, врьгазсь и келазсь» басняса животнайхнень образснон вельде ломанень  обуцяса афсатыкснень лангти лихтемасна, пеетькшнемасна. Лиянди цебярь  арьсемать шнамац.  Произведениять  смузенц панжемаса аллегориять ролец.

 «Кафонц частт» басняса предметонь вельде ломанень обуцянь няфтемась, эряфса афкуксоннеть няемац. Обраснень вельде карань-каршек путомасна. Произведенияса кяльть ваномац.

Литературань теориясь. Басняса аллегориять шарьхкодемац.

Литературань творчествась. Баснянь арсемась.

Иван Егорович Шумилкин.

«Шава колаз», «Сея» баснятне (1ч.+1ч.)

И.Е. Шумилкин-эрзянь содавикс баснянь сёрмады. «Шава колоз» басняса  ломанень обуцятнень няфтемасна: прянь шнамать, аф видешить, кяжть сялдомасна и пеетькшнемасна. Басняса кяль-валонь козяшись, моральсь.

«Сея» басняса  эсь прянь кельгомать сялдомац. Произведенияса кяль-валонь козяшись.

Литературань теориясь. Баснять шарьхкодемац.

 Аф класса лувомась. М.Бебан «Волк добряк»

Николай Борисович Голенков

«Ёжу келаськя» ёфкс      1 ч.

Н.Б.Голенков- иденди лама жанраса сёрмады писатель. «Якстерь тяштеня» идень журналса покодемац.

Васенце драматургическяй сборникоц лисемац. Пьесанзон сцена лангс путомасна.

«Ёжу келаськя» ёфксса ломаттнень и животнайхнень марстонь эряфснон няфтемац. Васькафнемать сялдомац.

Литературань теориясь. Пьесать колга васенце шарьхкодемать максомац.

Предметтнень ёткса сотксне. Литературнай ёфксне и баснятне рузонь кяльса (А.С. Пушкинонь, П.П. Ершовонь, И. А. Крыловонь, С. Я. Маршаконь, С.В. Михалковонь произведениянза)

Аф класса лувоманди:

Ю.Н.Азрапкин «Марьхть»

И.П.Кривошеев «Мезе тият – сяконь няят»

И.М.Девин «Мациень мяль», «Ловня»

С.В.Аникин «Сабан-богатырь», «Сыре Варда», «Красавец Дамай»

А.Ф. Ежов  «Локстиень казне»,  «Кода пинесь мусь ялга»

Я.М. Пинясов «Акша орнят»

III.

ИДЬКС ПИНГЕ

Кузьма Григорьевич Абрамов.

«Сядонгольдень школаса» («Эрзянь цёра» романцта пакш)     3 ч.+1ч.+1ч.

К.Г. Абрамов- эрзянь содаф писатель. «Эрьзянь цера» романоц «Сядонгольденьшколаса» пяльксть ваномац. Содавикс скульпторть С.Д. Нефёдовонь (Эрьзянь) идекс пингонц и школаса тонафнеманц няфтемац. Тонафнемать вельде мастроть келес содавикс ломанькс арамац. Виде кинь кочкамста Степанонди учительть лезксоц.

Иван атянь и Алёна бабань образсна. Велеса сядонгольдень койхнень- илатнень няфтемасна.

Литературань теориясь. Пейзажть колга васенце шарьхкодемась.

Литературань творчествась. Тяниень и ётай пингонь школась.

Корхтама маштомань касфтомась. Степань характеристикац

Аф класса лувомась.

Фёдор Маркелович Чесноков.

«Аляка лефкс» «Кирьхкс Мика» азксне    1ч.

Писательть эряфонь и творчествань киц. Иттненди лемтьф произведениянза. «Кирьхкс  Мика», «Аньцек касозан», «Аляка лефкс» азксонза.

«Аляка лефкс»  произведенияса лиянь колга пичедемать, ляпошить, аф пелемать, эряфса видешить инкса ащемать шнамац. Васькафнемать, лиянь муворгофнемать сялдомац. Пейзажть вельде геройхнень седиботмоснон панжемасна. Тядянь кельгомать виец. Произведенияса кялень художественно-изобразительнай средстваттне.

«Кирьхкс Мика» азксса мокшэрзятнень кунардонь пингонь эряфснон няфтемац. Микань образоц, сонь обуцянзон вииямасна и козякодомасна. Писательть маштомошиц шабатнень потмоёжеснон и прянь вятемаснон няфтемста. Азксса пейзажть виец.

Литературань теориясь. Литературнай геройть колга шарьхкодемась.

Литературань творчествась. Эряфса лия кялень содамать эрявиксшиц.

Валентина Ивановна Мишанина.

«Сёрмав катоня», «Кувака ши», «Кить ушетксоц» азксне                            1ч.+1ч.

В.И. Мишанинать эряфонь и творческяй киц. Школаса тонафнемста литературнай тевти кундамась, мокшень поэтть Илья Девинонь лезксоц. Геройхнень обуцяснон панжемста писательть асувоц.

 «Сёрмав катоня» азксса школань тефнень няфтемасна. Витя цёранять ляпе ваймоц. Тонафтыть образоц.

«Кувака ши» азксса Великай Отечественнай войнань темась. Стака идькс пингсь. Фкя-фкянди лездомась, сталмонь сяськомась.

«Кить ушетксоц» произведенияса  нравственнай кизефксне. Иттнень таколдомасна, пичедемасна оцюфнень ёткса аф ладяматнень сюнеда. Азксть художественнай башка ширенза.

Литературнай творчествась. Кудъётконь темас юморестическяй азксонь сёрмадомась «Весть илять, мзярда алязе тусть кудста…» ушетксть коряс.

Предметнень ёткса сотксне. Рузонь литератураса Великай Отечественнай войнати лемтьф идень произведениятне.

Аф класса лувомась.

Аф класса лувоманди:

В.И.Ардеев «Скрипач Оха»

С.Е.Вечканов «Василёк»

Л.П.Седойкин «Тядязень моронза»

М.С.Моисеев «Вача шит»

Е.Я. Терёшкина «Сай акша лишмоса»

IV.

ПЕРЬФПЯЛЬСЬ

Михаил Ильич Безбородов.

«Вирь», «Сёксе», «Малаткшни тялось» стихотворениятне     1 ч.

М.И. Безбородов - мокшень содавикс поэт. Сонь творчествасонза пейзажнай лирикать вастоц.

«Вирь» стихотворенияса кизонь мазы перьфпяльть нафтемац, ломанть и перьфпяльть ёткса сотксне.

Перьфпяльса полафтксне «Сёксе» стихотворенияса

Валсь кода образонь ладямань средства «Малаткшни тялось» стихотворенияса.

 Стихотворениянзон эса поэтть мяленза-арьсеманза перьфпяльть ванфтомац, ломанть и природать колга. Стихнень кяль-валонь козяшисна. Народнай  поэзиянь художественнай средстватне.

Литературань теориясь.  Олицетворениять колга шарьхкодемась.

Литературань творчествась.  Сёрмадомс сочинения-миниатюра темать коряс: «Монь кельгома кизонь пингозе…»

Илья Петрович Кривошеев. Анатолий Устинович Эскин. Александр Степанович Малькин    1ч.

«Тунда», «Тяла», «Вирьса» стихотворениятне

И.П. Кривошеевонь пейзажнай лирикасонза эсь лацонь ширьхне. «Тунда» стихотворенияса перьфпяльса полафтксне, мазышись. Изобразительно-выразительнай средстватне. Глаголхнень пъшкядематнень смузьсна «Вирьса» стихотворенияса.

Анатолий Устинович Эскин.

«Варьхмодема», «Келуня», «Сёксеть аськолксонза»стихотворениятне 

В.У. Эскин - эрьзянь поэт. Сонь лириканц козяшиц. Пейзажнай лирекасонза перьфпяльть мазышинц няфтемац Тяса олицетворениятнень и метафоратнень тевс нолдамасна. Поэтть мяленза-арьсеманза шачема ширть кельгоманц колга.

«Сёксеть аськолксонза» стихотворенияса ломанть и преьфпяльть ёткса кеме сотксне.

Литературнай теориясь. Эпитетть колга шарьхкодемась.

Александр Степанович Малькин.

«Вирня», «Келуня», «Тялонь мелодият», «Лисян мон саду»стихотворениятне (1 част)

А. С. Малькин - мокшень поэт, национальнай поэзиянь традициятнень кемокстайсна. А.С. Малькин пейзажнай лиреканц башка ширенза. «Келуня» стихотворенияса шачема ширти кельгомась, цебярти надиямась. Уменьшительно-ласкательнай суффикснень смузьсна.

Вирень  эряйхнень заботаснон няфтемасна «Вирня» стихотоворенияса. Изобразительно-выразительнай средстватне.

Литературань творчествась. Сёрмадомс сочинения темать коряс: «Мес тунда аварди келунясь?..»

Василий Иванович Ардеев (Виард).

«Вирень вайгяльхть» азкс        1 ч.+1ч.

В.И. Виард - мокшень  прозаик. Идькс пингста сталмонь няемась. Итненди лемтьф произведенияса автобиаграфиясь.

«Вирень вайяльхть» азсксса перьфпялень ванфтомань темась. Перьфпяльть эряфонц цебярьста содамац, ванфтоманц колга мяльхне-арьсематне. Пейзажнай картинатнень смузьсна.

Литературань теориясь. Художественнай произведениянь кяльть колга шарьхкодемась. Прозань и стихонь кяльхне.

 Корхтама маштомань касфтомась «Перьфпяльсь эздонк веши лезкс…»

Михаил Герасимовоч Имяреков.

«Тундать самац», «Шумбрат, Лепченка»стихотворениятне  1 ч.

М.Г.Имярековон эряфонь и творческяй киц. Литератураса васенце аськолксонза.

 «Тундань самац», «Шумбрат, Лепченка» стихотворениятнень эса мокшень велеть мазышинц  няфтемац ,перьфпяльть и ломанть ёткса сотксне. Стихотворениятнень эса кялень художественно-изобразительнай средстватне.

Предметтнень ёткса сотксне. Перьфпяльть мазышинц няфтемац Мордовиянь содавикс художниконзон картинаса. Тя темать панжемац рузонь поэттнень творчествасост.

Евдокия Яковлевна Терёшкина

«Тундань сельмоветть», азкс     1 ч.+1ч.

Е.Я.Терёшкинать эряфонь и творческяй киц. Идькс и од пингоц. Мордовскяй госуниверситетонь филологическяй  факультетса тонафнемац. Редакторонь тевса киза покодемац.

Идень сельмованфса  пурьфпяльть няфтемац, шарьхкодемац «Тунданьсельмоветть» азксса.

 Корхтама маштомань касфтомась Сочинения «Природать ванфтомац»

Виктор Михайлович Лобанов

«Калонь кунциень азкст», «Ломаттне иляйхне», «Калхненьмокшень лемсна» азксне           1 ч.

В.М. Лобановонь эряфонь и творческяй киц. Москуса А.М.Горькаень лемса литературнай институтса тонафнемац. Ня кизотнень поэзиянь жанраса покодемац. Мекольдень кизотнень очерконь, лятфнемань, азксонь жанраса сатфксонза. «Калонь кунциень азкст», «Шкаень толня» книганзон эсь лацонь ширесна.

Перьфпяльть эряфонц цебярьста содамац «Калонь кунциень азкст» циеласа.

Предметтнень ёткса соткссь. Мордовияса ляйхнень лемсна.

Аф класса лувоманди:

П.С.Кириллов «Сёксе»

И.Н.Кудашкин «Тундань ши»

М.Г.Имяреков «Тялось солси»

П.Т.Вельматов «Томбать търваса»

Г.П. Агейкин «Сембе шуфттне цебярьхть»

V.

ИСТОРИЯСЬ

Анатолий Прохорович Тяпаев

«Алёна » поэма                                           1 ч.

А.П.Тяпаевонь эряфонь и творческяй киц. Мокшэрзянь литератураса лама жанраса покодемац.

«Алёна» поэмаса Алёна Арзамасскаять образоц. Мокшэрзятнень ялгаксшисна рузонь народть мархта. Степан Разинонь войскасаволяшить инкса тюремасна. Произведенияса кялень художественно-изобразительнай средстватне.

Серьгей Степанович Ларионов.

«Архип атянь ёлкац», азкс (2 ч.+1ч.)

Писательть эряфонь и творческяй киц. Стака идькс пингоц. Рузонь и мокшэрзянь  литератураса  Великай Отечественнай войнать колга произведениятне.

«Архип атянь ёлкац» азксть темац - фашисттнень каршес народть тюремац. Азксса нравственнай проблематнень кеподемасна. Архип атянь образонц вельде советскяй ломаттнень патриотизмаснон няфтемац. Родинань мийхнень сялдомасна стростать образонц вельде. Азксть оцю воспитательнай смузец.

Литературань теориясь. Произведениять теманц и идеянц колга шарьхкодемась.

Литературнай творчествась. Велеса эряй Великай Отечественнай войнань ветереттнень лятфнемаснон сёрматкшнемасна.

Аф класса лувомась.

Михаил Петрович Девятаев

«Пленцта - самолётса», повесть                                     2ч.+1 ч.

М.П.Девятаевонь эряфонь и творческяй киц. Великай Отечественнай войнаса улемац. «Пленцта-самолётса» повестть афкуксонь эряфста сявф юронза.          

 М.П. Девятаев - герой-патриот. Сонь обуцянза, ялга ёткса, фашистонь лагерьса прянь вятемац, пленцта самолётса ворьгодемац.

Корхтама маштомань касфтомась. Сочинения «Народоньконь путфксоц Великай Отечествекннай войнати»

Пётр Уварович Гайни (Поздяев), Вячеслав Григорьевич Журавлёв (Числав Журавлёв),

Раиса Степановна Кемайкина (Мария Кемаль)                                         1ч.

«Сяськомань тунда», стихотворения

П.Гайнинь эряфонь и творческяй киц. Стака идькс пингоц. Великай Отечественнай войнаса военнай корреспондентокс улемац. Поэзиянц эсь лацонь ширенза. Стихонзон коряс моронь ладямась.сяськоманц морамац.

 Перьфпяльть образонц вельде мокшэрзянь народть кенярдеманц няфтемац «Сяськомань тунда» стихотворенияса. Художественно-изобразительнай средстватне.

Вячеслав Григорьевич Журавлёв (Числав Журавлёв)

«Солдатонь тядя», стихотворения  

Поэтть эряфонь и творческяй киц. Васенце аськолксонза мокшэрзянь литератураса. В.К.Радаевонь лезксоц  сёрмадомань тевса. Васенце стихонь сборниконзон эсь лацонь ширесна.

«Солдатонь тядя» стихотворенияса кялень художественно-изобразительнай средстватне.

Раиса Степановна Кемайкина (Мария Кемаль)

«Ледстнема», стихотворения

Поэтть эряфонь и творческяй киц. Школаса тонафтыкс, национальнай газетаса и журналхнень эса покодемац. Васенце поэтическяй сборниконц эсь лацонь шиц. Стихонзон лангс музыкань путомась.

«Ледстнема» стихотоворенияса мокшэрзятнень эряфонь сталмоснон няфтемасна. Ломанть и перьфпяльть ёткса сотксне.

Аф класса лувомась.

1. Аф класса лувомась. М.Бебан «Волк добряк»

2.Аф класса лувомась. К. Абрамов «Идькс пинге»

3.Аф класса лувомась. В.Мишанина «Кувака ши»

4. Аф класса лувомась И.М.Девин «Кшить таньфоц»

Корхтама маштомань касфтомась.

1.Корхтама маштомань касфтомась. Сельведь - богатырти характеристикань максомась.

2. Корхтама маштомань касфтомась. Степань характеристикац

3. Корхтама маштомань касфтомась «Перьфпяльсь эздонк веши лезкс…»

4. Корхтама маштомань касфтомась Сочинения «Природать ванфтомац»

5. Корхтама маштомань касфтомась. Сочинения «Народоньконь путфксоц Великай Отечествекннай войнати»

Наизусть  тонафнемс:

1. М.И.Безбородов «Вирь»
2. И.П.Кривошеев «Тунда»
3. А.С.Малькин «Тялонь мелодият»

3. Инголи моли сатфксне

  Личностнайхне:

• шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста
• маштомс кочкаф содамошитнень и сатфкснень нолямс школань и эрь шинь эряфса;
• касфтомс маштомашитнень ялга и оцю мархта прянь вятема; шабрань ломаттнень мархта сотксонь     кирдема;
•  содамс иттненди народоньконь эряфста мокшетнень эряма койснон, унксснон.

Метапредметнайхне:

• шарьхкодевиста марямс кайги мокшень кяльть ;
• маштомс  кизекфксонь лангс максома кувака и нюрьхкяня каршек вал;
• маштома эльбятьксфтома, выразительнайста и эрявикс интонациянь вятема лувомста,
• кувакаста и нюрьхкяняста азксонь азондома;
• максомс  анализ и оценка тиф заданиятненди;
•  маштомс корхтама мокшень литературнай  кяльса.

Предметнайхне:

• морафтома валть марнек,
• валть эса ударениять путома;
• валрисьмоть потмоса арьсемань канды инь эрявикс валхнень вайгяльса няфтема;
• валрисьмоть песа интонациять вятема;
• маштомс учительть морафтоманц и азондоманц, а станя жа эсь ялгаснон морафтомаснон и азондомаснон кулхцондома;
•  устна  ответонь максома фкя темань коряс путф кизефксонь лангс;
• художественно-выразительнай средствань мушендома;
•  аф оцю морафтф статьянь пяльксонди лемонь максома;
•  эсь тевонь колга азксонь арьсема.

Календарно – тематическяй планирования.                              

Тематическое планирование по родной литературе в 5 классе.