РАБОЧАЯ ПРОГРАММА учебного курса «Мордовская литература» в 9 классе
рабочая программа (9 класс)

РАБОЧАЯ ПРОГРАММА

учебного курса «Мордовская литература» в 9 классе

                                                   Составитель:  Моисеева Людмила Михайловна

                                              2020 – 2021

            Учебнай предметть содержанияц.

Вейхксоце классонь покодемань программась кочкаф, нежедемок мокшэрзянь литературань программать лангс, конань аноклазь 5-11 классненди Е.И. Азыркина, А.М. Катарова, А.И. Брыжинскяй. Сон кемокстаф Мордовия Республикань Образованиянь министерстваса и нолдаф Саранскяйса, мордовскяй книжнай издательстваса 2010 кизоня. Программась арьсеф 68 ч лангс, но кизоть тя ушетксста максови 34 ч.

Тя программась ладяф 9 классонь тонафнихненди.

9 класса мордовскяй литературась ванови историко-литературнай планца:

тонафнихне маладыхть обзорнай и монографическяй тематненди, лиякс мярьгомс, тонафневи литературать историяц, шачемац и касомань – вииямань кинза. Тянкса эрь классти сувафтфт обзорнай и монографическяй темат.

Обзорнай тематнень эса вановихть писательхнень творческяй сатфкссна тя или тона кизоста, ся пингонь эряфть потмоширец,газетатне, журналхне, художественнай метоттне и направлениятне, писательхнень ёткса творческяй сотксне.

Монографическяй темаса вановихтьбашка писательхнень эрямань и творчествань кисна и синь сембода содавикс произведениясна.Тонафнихне ванондсазь ня произведениятнень и азондсазь корязост эсь мяльснон. Монографическяй тематнень мархта сотневи критическяй работатнень тонафнемасна. Сембода цебярь и эрявикс критическяй произведениятне сувафтфт 9-11 классонь программанди. Сонь целец – лездомс шабатненди сяда крхкаста шарьхкодемс литературань произведениятнень.

9 класса вановихть минь литератураньконь шачемац и касомац-вииямац 19 векста сявомок 20 векти самс. Монографическяй планца тонафневихть: С.В.Аникинонь, Д.И.Малышевонь, С.С.Ларионовонь, А.М.Осиповонь, П.С.Кирилловонь, М.А.Бебанонь, В.М.Коломасовонь произведениясна. Тяда башка, максови пинге ётаф материалть лятфтаманцты, кялень культурать касоманцты и аф класса лувомати.

Цельсь и задачатне

Родной литературань урокнень инголи путневи цель – тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц.

                                                    Дисциплинать задачанза: 

- максомс тонафнихненди содамашит мокшэрзянь литературать жанровай системанц колга;

- содамс текстовай материалть;

- шарфтомс тонафнихнень мяльснон произведениятнень художественнай ширде питнеснон ваномаснонды;

- пачфтемс тонафнихненди литературать художественно-эстетическяй питнеширенц.

                                                   Тонафнемань предметть характеристикац

Лама лия предметтнень ёткста, конат тонафневихть школаса, няевикс васта максови мокшэрзянь литературати. Сон лезды тонафнихненди шарьхкодемс эряфть, перьфпяльдень явлениятнень, крхкалготфтсыне тевснон – мяльснон, козякофтсыне кяльснон – валснон, кеподьсыне корхтамань и сёрмадомань кялень культураснон, келептьсыне эстетическяй ванфксснон.

Литературань произведениятнень вельде тонафнихне сяда цебярьста кармайхть содама эсь народснон тевонзон – мялензон, иланзон, сонь кяль – валонь мазышинц и эряфонь киса смузенц, сядонгольдень эряманц – ащеманц.

Эсь кяльса сёрматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда тёждяста шарьхкодемс сембе искусствань виттнень: киноть, театрать, живописть, музыкать и лиятнень.

Родной литературась кемоста сотневи эряфть мархта, сяс и полафксне, конат молихть тя пингста, фалу эрявихть кирдемс мяльса сонь тонафнемстонза.

Урокса произведениятненди идейно - художественнай питнеть путомста сави кирдемс мяльса нравственнайть и эстетическяйть. Анализонь тиемста васенда эряви шарфтомс мяль общечеловеческяй проблематнень панжемаснонды, азомс эряфста писательть ванфонц видеть – аф видеть лангс, кодама художественно - выразительнай средства вельде авторсь панчсесыне геройхнень тевснон – валснон, потмоёжснон, ванондсы кялень козяшить. Тяка пингоня шабатне аф ламонь – аф ламонь тонафнихть арьсема, эсь мяльснон – арьсемаснон азондома, пара тефнень и афсатыкснень няема.

Тонафнемань предметть вастоц учебнай планть эса

Учебнай планть эса литературать тонафнеманцты максф 34ч. (1час недяляти).

Рабочай программатть эса тифт полафкст: максови 34 ч, кържалготф 2 частта В.М.. . Ня урокнень эса эряви тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворксонь и цитатань сувафнема. Оцю мяль шарфневи аф класса лувомати. Тянкса нолдаф 9 класса 4 ч. Родной литературань коряс аф класса лувомань занятиятне лездыхть крхкалгофтомс и кемокстамс урокса ётаф материалть, кеподемс теориянь содамошитнень, келептемс эряфть лангс ванфксть, сяда лацкас кельгомс тонцень кяльцень и литературацень.

Литературань процессь аф ащи фкя вастса, эвондайхть писателень од лепт, цебярь произведеният, сяс эряви старандамс, штоба шабатне улельхть анокт одонь вешема и содама.

Тонафнихненди эряви содамс:

- художественнай произведениять текстонц;

- тонафнеф произведениять сюжетонц, композициянц;

- событиятнень и геройхнень ётаф произведенияста;

- произведенияса проблематикась и художественнай башка ширетне;

- понятиятнень основной признакснон: гиперболать, описаниять, мокшень стихосложениять, стихотворениянь композициять, юморть, произведенияса эрямань видешить и художественнай арьсемать.

- и аф шорямс эпическяй и лирическяй произведениятнень.

Тонафнихненди эряви маштомс:

- цебярьста азондома

- мумс и няфтемс текстста изобразительно-выразительнай средстватнень и синь идейно-художественнай рольснон ;

- азондома устна или сёрмадозь эпическяй произведениянь или эздонза пакш;

- максома героенди портретнай характеристика;

- азондома произведенияста национальнай и художественнай ширетнень.

- произведениятненди анализонь тиема;

- тиемс устнай и письменнай сочинения-рассуждения ётаф произведениять коряс;

- тиема план произведениять коряс;

- максома отзыв лувф произведениять коряс.

- кочкама произведенияста эрявикс пакшть, действующяй лицанди характеристикань максома.

                                         Инголи моли сатфксне

  Личностнайхне:

• шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста
• маштомс кочкаф содамошитнень и сатфкснень нолямс школань и эрь шинь эряфса;
• касфтомс маштомашитнень ялга и оцю мархта прянь вятема; шабрань ломаттнень мархта сотксонь     кирдема;
•  содамс иттненди народоньконь эряфста мокшетнень эряма койснон, унксснон.

Метапредметнайхне:

• шарьхкодевиста марямс кайги мокшень кяльть ;
• маштомс  кизекфксонь лангс максома кувака и нюрьхкяня каршек вал;
• маштома эльбятьксфтома, выразительнайста и эрявикс интонациянь вятема лувомста,
• кувакаста и нюрьхкяняста азксонь азондома;
• максомс  анализ и оценка тиф заданиятненди;
•  маштомс корхтама мокшень литературнай  кяльса.
• маштомс мушендома разнай источникста информация;
• маштомс кулхцондома ялгать и вятемс диалог;
• максомс анализ и оценка тиф заданиятненди.

Предметнайхне:

• морафтома валть марнек,
• валть эса ударениять путома;
• валрисьмоть потмоса арьсемань канды инь эрявикс валхнень вайгяльса няфтема;
• валрисьмоть песа интонациять вятема;
• маштомс учительть морафтоманц и азондоманц, а станя жа эсь ялгаснон морафтомаснон и азондомаснон кулхцондома;
•  устна  ответонь максома фкя темань коряс путф кизефксонь лангс;
• художественно-выразительнай средствань мушендома;
•  аф оцю морафтф статьянь пяльксонди лемонь максома;
•  эсь тевонь колга азксонь арьсема.
• содамс тонафнеф художественнай текстттнень содержанияснон;

- маштомс мушендома изобразительно – выразительнай средстватнень.

            - содамс тяфтама понятиятнень: фольклорнай и литературнай стихосложениясь, эряфонь видешись и художественнай вымыслась, сонетсь.

Мокшэрзянь литературась дисциплинать потмаширец.

Мокшэрзянь литературать шачемац. (1 част)

Художественнай валонь васенце аськолксне.

Мокшэрзянь письменностть шачемац.

Национальнай литературать шачемац. Сонь васенда аньцек рузонь кяльса печатламань туфталонза. Мокшэрзянь литературать ушедыенза З. Дорофеев, С. Аникин, А Завалишин, А. Лорогойченко, Д. Морской, В Бажанов и лият.

Степан Васильевич Аникин. « На Чардыме», «Сабан – богатырь».  (3 частт)

С.В. Аникин – минь литератураньконь ушедыензон эзда фкясь. Сонь эряфонь и творческяй киц.

Творческяй тевса С. Аникинонь тяряфнеманза «На Чардыме» азкссь – писательть художественнай творчестваса сембода няевикс тёкшсь. Калекать Емелькань «мужиконь» символическяй образкс касомац.

«Сабан – богатырь» ёфксса мокшэрзянь народть кунардонь пингонь эряфонц няфтемац, устнай народнай творчествань лангс мялень шарфтомась.

Литературань теориясь. Азксса основной няфтемань средстватне.

Аполлон Аполлонович Коринфский «Монь тядязе», «Мон няень» (1 част)

Писательть эряфонь и творческяй киц.

«Моя мать» стихотворенияса урозонь стака эряфть няфтемац. Шачема ширть кода тядянь кельгомац.

«Я видел» стихотворенияса тядянь – алянь юкстамась. Аф фкя лаца судьбань няфтемась. Устнай народнай творчествати нежедемась.

Александр Иванович Завалишин «Ашезь тие содафокс» (1 част)

Писательть эряфонь и творческяй киц.

«Не признал» азксса тядянь – алянь аф почитандамась. Иттнень эсь прянь кельгомасна. Писательть маштомошиц геройхнень корхтамаснон, обуцяснон, портретснон няфтемаса.

Мокшэрзянь литературать касомац – вииямац. (1 част)

Мокшэрзянь письменнай литературать кинь – янонь ушетксонза. Эрзянь и мокшень кяльса произведениятнень печатламаснон ушедомасна, национальнай печатть шачемац.

Родной кяльса лиси мокшэрзянь васенце газетатне и журналхне.

Од прозаикнень и поэттнень литературав самасна.

Захар Фёдорович Дорофеев «Русь», «Нюрямонь мора», «Шапка учителя», «Пяльхкяпряня» (2 частт)

З.Ф. Дорофеев. Творчествасонза национальнай ушетксне и народнай юрсь. Поэтть политическяй лирикац, сонь тематикац и художественнай башка ширенза.

Од эряфонь койхнень инкса З. Дорофеевонь тюремац. Эрзянь и мокшень авать образонц няфтемац стихсонза.

«Русь» стихотворенияса патриотическяй мяльхне – арьсематне, кялень художественнай средстватне.

«Нюрямонь мора» стихотворенияса авать кунардонь пингонь стака эряфонц няфтемац.

«Шапка учителя» стихотворенияса тонафтыть аф тёждя покодеманц няфтемац.

«Пяльхкяпряня» ёфксса мокшэрзянь народть смузьшиц, кялень образностсь.

Литераторть прозац.

Дмитрий Иванович Малышев (Морской). «Ульяна Сосновская» поэмась. (3 частт)

Д.И. Морскоень эряфонь киц.

«Ульяна Сосновская» поэмаса семьяса эрзянь авать сядонгольдень стака эряфонц няфтемац. Произведенияса фольклоронь жанратнень маштозь тевс нолдамасна.

Литературань теориясь. Эряфонь видешись и художественнай вымыслась.

Александр Яковлевич Дорогойченков «Большая Каменка» романць. (4 частт)

А.Я. Дорогойченков. Сонь путфксоц Мордовиянь писательскяй организациять тиемаса. «Оцю Каменка» романца мокшэрзятнень масторонь лия нароттнень мархта ялгаксшиснон, велеса эрямань од койхнень ладямаснон шнамасна.

Сергей Степанович Ларионов «Шачень – касонь» повестсь. (4 частт)

С.С. Ларионов – мокшень содаф прозаик. Писательть эряфонь и творческяй киц.

С.С. Ларионовонь «Шачень – касонь» повестьса автобиографичностсь. Серега цёранясь – писательть прототипоц. Стака идькс пингонц няфтемац.

Литературань теориясь. Произведениять смузенц и форманц шарьхкодемасна.

                                   Артур Матвеевич Осипов (Моро). (2 частт)

                          «Пяшень дудканя», «Од пинге» стихотворениятне, сонетт.

А.М. Моро – поэт – лирик. Литератураса васенце аськолксонза. Родинать и трудонь ломанть шнамац – сонь творчествасонза сембода няевикс ширетне.

30-це кизотнень Моронь поэтическяй мастерстванц касомац. Лирикань жанровай форматнень козякофтомасна, тематикать крхкалгофтомасна.

Великай Отечественнай войнань кизотнень А. Моронь поэзиянц крхка гражданственностец и патриотическяй пафосоц. Поэзиясонза Родинать и воявай народть образсна.

Моронь войнада мелень поэзиянц лирико – психологическяй и филосовскяй крхкашиц.

А. Моронь творчестваса сонетонь жанрась. Тяниень пингонь ломанть потмоёжес крхкаста варжакстомась и эряфть виде ванфксса няемац – А. Моронь творчестваса сембода няевикс ширетне.

Мокшэрзянь лирикаса А. Моронь коенза.

Литературань теориясь. Сонетонь жанрать колга шарьхкодемась.

Петр Семенович Кириллов. «Литова» драмась. (5 частт)

П.С. Кириллов – мокшэрзянь содаф писатель, конань произведениянза арасть оцю сатфксокс литературасонк поэзиянь, прозань, драматургиянь, критикань жанратнень традицияснон кемокстамаса.

«Литова» пьесась – минь литературасонк васенце историческяй драмась. Произведенияса Степан Разинонь мархта антикрепостническяй крестьянскяй движенияса мокшэрзянь народть молемац, воляшинкса Рав ширень нароттнень мархта марстонь тюремаснон няфтемасна. Пьесать композициянь башка ширенза, конкретно – историческяй материалть и национальнай фольклоронь героико – эпическяй мотифнень аф явови соткссна.

«Войнань киге» стихонь сборникса Отечественнай войнань геройхнень и ломаттнень нравственнай арушиснон морамасна.

П.С. Кириллов кода литературнай критик.

Литературань теориясь. Драматическяй жанрать колга шарьхкодемась.

Максим Афанасьевич Бебан. (3 частт)

«Лятфнемат» поэматне, «Вень поезтт» сонеттне, «Ученай лось» баснясь.

Писательть эряфонь и творческяй киц. Мокшень велеса одть инкса тюремать келиста няфтемац.

Поэтть творчестваса Великай Отечественнай войнань пингста патриотизмань темась.

Войнада мелень сёрматф поэматне, синь идейно - художественнай башка ширесна. Авторть сатирическяй объектонза. Народть юморть и сатирать коензон мархта М. Бебанонь баснянзон соткссна.

Василий Максимович Коломасов. «Лавгинов» романць. (4 частт)

Писательть эряфонь и творчествань киц. Сонь прозань и драматургиянь идейно – художественнай башка ширенза.

«Лавгинов» романць – сатирико – юмористическяй жанрань произведения. Романть сёрмадомань историяц. Композициянь и сюжетонь эсь лацонь ширенза.

Яхим Лавгиновонь характеронц полафтомац и обуцянзон кемокстамаса.

Романть художественнай питнишиц. Кялень и стилень народнай юрсь.

Литературань теориясь. Сатирическяй и юмористическяй жанратнень колга шарьхкодемась.

9 – це класса ётафть лятфтамац.

Аф класса лувоманди:

Аф класса лувомась. С.В.Аникин «Холерный год» азкссь.

Аф класса лувомась. Д.Морской «Беднай Володя» азкссь.

Аф класса лувомась. С.Ларионов «Хрусталень пайкт» роман

Аф класса лувомась. В.Коломасов «Прокопыч» пьесась.

                      Тематическяй планированиясь мокшэрзянь литератураса 9 класса.        

       Календарно – тематическяй планированиясь.