Бал ҡорто
презентация к уроку

4 класс башҡорт (дәүләт) теле.

Тема: Ә.Сөләймәнов “Яңы аш”. Ҡылымдың зат ялғауҙары.

Маҡсат: 1. Текстың эстәлеге менән таныштырыу, бал тураһында мәғлүмәт биреү.

2. Тексты аңлы уҡыу күнекмәһен, һөйләү телмәрен үҫтереү, һүҙлек байлығын арттырыу.

3. Уҡыусыларҙа хеҙмәткә һөйөү,  яҡшы сифаттар, ҡыҙыҡһыныусанлыҡ тәрбиәләү.

Йыһазландырыу: дәреслек, белешмә материал, проектор, карточкалар.

Дәрес төрө: ҡатнаш.

Дәрес планы:

I Ойоштороу моменты.                                                        

II Артикуляцион күнегеү.        

III        Үткән теманы ҡабатлау.                                

IV Дәрес маҡсатын билдәләү.                                        

Яңы тема.

1) Инеш әңгәмә.                                                                

2) Текст өҫтөндә эш.                                                        

а) Һүҙлек эше.                                                                

б) Тексты уҡыу, тәржемә итеү.                                        

в) Текстың йөкмәткеһе өҫтөндә эш.                                

3) Ял минуты.

V Өҫтәлмә материал.                                                        

а) Ҡырағай бал ҡорто һәм солоҡ балы.                                

б) Йүкә балы, сәскә балы….                                                

в) Бал – Башҡортостандың визиткаһы.                                

VI Йомғаҡлау. Баһалау.                                                

VII Өй эше.                                                                        

Дәрес барышы:

I Ойоштороу моменты.

• Һаумыһығыҙ, балалар! Беҙгә бөгөн ҡунаҡ килгән, ниндәй ҡунаҡ икәнен йомаҡ уҡығас аңларһығыҙ.

II Артикуляцион күнегеү.                                                        Слайд 1

Бик эшсән бер халыҡ

Беҙгә бирә татлы аҙыҡ,

Сәскәләрҙән һут йыя,

Матур кәрәҙҙәр ҡоя.

Кәрәҙҙәрен мөлдөрәмә

Балға тултырып ҡуя.

Баҡсала ғына йорто,

Ә исеме - …

Рәтләп, бергәләп

 -     Бында нимә тураһында һүҙ бара?

- Ҡайҙан белдегеҙ?

Дөрөҫ, бал ҡорто сәскәләрҙән һут йыя. Бөгөн беҙгә бал ҡорто үҙе ҡунаҡҡа килгән.

III Үткәнде ҡабатлау

Слайд 2

Бал ҡорто нимә эшләй?

     -  Сәскәгә ултыра

     -  оса

• Һут йыя
• Саға

Оса, ултыра, йыя, саға һүҙҙәре ниндәй һорауға яуап бирә?Нимәне белдерә? Бер һүҙ менән әйткәндә нимә тип атала был һүҙҙәр? Слайд 3

IV Дәрес маҡсатын билдәләү.

1) Инеш  өлөш.

Үткән дәрестә беҙ хобби, яратҡан шөғөл тураһында һөйләштек. Һәр кешенең яратҡан шөғөлө була.

Алһыу:

Мин  йырларға яратам.

Карина :

Мин  бейергә  яратам.

Айгөл :

Мин  китап уҡырға  яратам.

Ә бына кемдер умарта тота, ҡорт ҡарай.

Шулай итеп, беҙ бөгөн дәрестә нимә тураһында һөйләшәбеҙ?

Бөгөн дәрестә Әхмәт Сөләймәновтың “Яңы аш” тигән хикәйәһен уҡырбыҙ һәм бал ҡорттары тураһында һөйләшербеҙ.

2) Текст өҫтөндә эш.

Әйҙәгеҙ китаптарҙы 57-се биттә асайыҡ, 84-се күнегеү

Әхмәт Сөләймәновтың «Яңы аш» хикәйәһенән өҙөк уҡыйыҡ, тәүҙә мин уҡыйым, һуңынан һеҙ

 б) Тексты уҡыу, тәржемә итеү:

(Уҡыусыларҙан сылбыр буйынса уҡыттырыу, тәржемә иттереү.)

а) Яңы һүҙҙәр менән таныштырыу:                                        Слайд 4

Һүҙлек эше

умарта – улей

кәрәҙ – соты

һамаҡлай – приговаривает

ҡеүәтләйбеҙ – поддакиваем

ҡапҡас – крышка

батман – высокая кадка для меда

ауыҙ иттерә - дает пробовать

ни эшләй? Һорауына яуап биргән һүҙҙәрҙе текстан табайыҡ.  Cлайд 5

килеп тә етәбеҙ, киҫеп ала, әйтә , һала, һамаҡлай,

ҡеүәтләйбеҙ, беләбеҙ, сыға, ауыҙ иттерә

был ҡылымдар янына ниндәй алмаштар ҡуйып була?

Мин һин ул

Беҙ һеҙ улар

Б) Әйҙәгеҙ әйтә һүҙенең бергәләп зат ялғауҙарын таблица ярҙамында   билдәләйек

В) Таҡта алдында эш

Һала, сыға                                      слайд 6

г) Текстың йөкмәткеһе өҫтөндә эш:

Һорауҙарға яуаптар:

• Текста  нимә тураһында һүҙ бара?
• Балалар ни өсөн бабай янына киләләр?

Ял минуты

Беҙҙең ҡулдар ҡанат кеүек

    Төрлө яҡҡа йөрөйҙәр:

Алға, өҫкә, уңға, һулға

Ағас кеүек бәүеләләр                                    

    Бал йыйырға осалар.                          Слайд 7

6. Төркөм эше, ҡылымдарҙы зат ялғауҙары менән үҙгәртергә   слайд 8

А) һамаҡлай

Б) ҡеүәтләй

В) белә

7. 3 Һөйләм  төҙөргә:                                               слайд 9

Сәскә, йыя, оса, эшсән, шәрбәт һут,

Умарта, кәрәҙ, батман, тәмле,

Бал ҡорто , саға.

V Йомғаҡлау. Баһалау.                                                

- Дәресте йомғаҡлап, әйтегеҙ әле: бал ҡорттары ниндәй кешене ярата икән? ( Тырыш, кешелекле, яғымлы, таҙа, …)

- Мөхәррәм бабай шундай кешеме? Ни өсөн шулай уйлайһығыҙ?

- ниндәй яңы һүҙҙәр өйрәндегеҙ?

- Шулай итеп, беҙҙең бал ҡортоноң умартаһына ҡайтыр ваҡыты етте. Уға хәҙер иҫән-һау ҡышты ҡышларға теләйек!                                

VI Өй эше.                                                                                Слайд10                

 Бал ҡорто беҙгә эш тә ҡалдырырға онотмаған икән.

- Текстың эстәлеген ҡыҫҡаса һөйләү. 59-сы бит.

- Бал ҡортоноң һүрәтен төшөрөргә.