Чаӊгыс аймак кежигуннерниӊ түӊнекчи сөстери
план-конспект урока (7 класс)

Кичээлдиӊ темазы: 

«Чаӊгыс аймак кежигуннерниӊ түӊнекчи сөстери»

Кичээлдиӊ сорулгазы:

1. Чаӊгыс аймак кежигүннерниӊ түӊнекчи сөстериниӊ дугайында 5-ки класска алган билиглерин катаптап, системажыдып, оларга бижик демдектерин салыр, чижектерге бадыткап тургаш, тыва дыл талазы-биле билиин быжыглаар, улам ханыладыр.
2. Ɵөреникчилерниӊ дыл-домаан сайзырадыр, чаӊгыс аймак кежигуннерниӊ тʏӊнекчи сөстерин аас болгаш бижимел чугаага ажыглап билир кылдыр өөредир.
3. Чараш мөзу-шынарга, төрээн чуртунга, чонунга ынак болур кылдыр патриотчу ʏзел-бодалды хевирлээр

Кичээлдиӊ дерилгези: компьютер, интерактивтиг самбыра

Кичээлдиӊ планы:

1. Организастыг кезээ.
2. Катаптаашкын.
3. Чаа тема тайылбыры.
4. Сула шимчээшкиннер.
5. Быжыглаашкын.
6. Онаалга бээри.
7. Кичээлди тʏӊнээри.
8. Тʏӊнел демдек салыры.

Кичээлдиӊ чорудуу:

I. Организастыг кезээ.

1. Ɵөреникчилер-биле мендилежир.

2. Уругларны ийи бөлʏкке чарып алыр.

Башкы: - Мен силерге Чаа-Хѳл кожууннуң Чаа-Хѳл  суурунуң эн-не чараш булуңундан чечектер эккелдим. Ам сагыжыңарга бодаптынар, уруглар, бо куспак долу чечектерни силерже сунарымга,бир дең шупту тудуп алыр силер. А тудуп алыр дизе, мен сунуптарымга-ла, деңге часкаптар силер. Чангыс-даа кижи чыдып калбас, дең кылыр ужурлуг бис.

- Эр-хейлер, ам кичээливисти бо чечектерни черже дʏжʏрбейн, деңге тудуп алганывыс  ышкаш, 1-ги болʏк, 2-ги болʏк база мен ʏш ожук дажы дег, демниг ажылдап эгелээлиӊер (ожук дажыныӊ дугайында тайылбыр).

Башкы:

- Кичээлди эгелээриниӊ мурнунда бодумну силерге таныштырыптайн, уруглар.

2. Катаптаашкын.

Барыксанчыг, көруксенчиг

Магаданчыг Чаа-Хѳл суурнуң

Тыва дыл, чогаал башкызы мен

Адым-шолам долузу-биле

Сырга Борисовна Кызыл-оол.

Тывызыксыг уран чараш

Тыва дылдын чажыттарын,

дʏрʏмнерин сургуулдарга

төөгуп, чагып, айтып чор мен.

_ Ам бо номчааным шулүүмден эрткен кичээлде өөренгенивис чаңгыс аймак тодарадылгаларны болгаш чаңгыс аймак эвес тодарадылгаларны тыптыңарам, уруглар (1-ги бөлук – чаңгыс аймак тодарадылганы, 2-ги бөлук чаңгыс аймак эвес тодарадылганы).

1 ги бөлук

Чаңгыс аймак тодарадылгалар деп чʏл?

3. Чаа тема тайылбыры.

2-ги бөлук

Чаңгыс аймак эвес тодарадылгалар деп чʏл? Биче сектерни салыр бе?

- Эр-хейлер. Ам чаа темаже кириптээлиӊер.

« Чаңгыс аймак кежигʏннерниң тʏңнекчи сөстери»

 (боттарынга очулдуртуптар: Обобщающие слова при однородных членах).

- Силерге ʏлеп бергеним ажылчын кыдырааштарга ажылдаар бис. Бөгʏнгʏ ай-хʏннʏ бижээш, чаа теманы бижип алыңар. (Апрельдиң он тозу – дʏрумʏ-биле ажылдаптар).

1. Кижиде бʏгʏ-ле чʏве чараш болур ужурлуг: арын-шырайы-даа, хеп-сыны-даа,сеткил-сагыжы-даа, бодалдары-даа …

А.П.Чехов.

Башкы аянныг номчааш, бир оореникчиге номчуткаш, оон кыдырааштарынче бижидер. Утказы-биле ажылдаар (1-ги бөлук)

Уругларга орус дылче очулдуртур. (2-ги бөлук)

В человеке все должно быть прекрасно:

и лицо, и одежда, и душа, и мысли…

А.П.Чехов.

2. Дʏрʏм-биле ажыл.

Номда дʏрʏмнʏ ыыткыр кылдыр өөреникчиге номчудар.

(Бижик демдектерин салырын тайылбырлаар).

Домак-биле ажыл. (Синтаксистиг сайгарылга).

Тыва дылывысты,  тыва чонувусту, тыва черивисти – бо ʏш эртиневисти хʏндʏлеп, хумагалап чоруулуӊар. 

(Кижиниӊ дылы кончуг, чону кончуг, чери кончуг).

 Утказынга тааржыр улегер домактар тыптырып болур.

IV. Быжыглаашкын.

1. Схемалыг диктант.

Бердинген схемага тааржыр состерни киирер.

2.Ном-биле ажыл. Мергежилге 196. Аас-биле кылыр. Орус дылдан ʏлегерлеп алган сөстерни ажылчын кыдырааштарынче киир бижидер.

3. Мини-чогаадыг «Башкы – буянныг мергежил» (2-3 оореникчинин чогаадыын номчудуптар, башкылар чылынын дугайында сагындырар).

Ажыглап болур сөстери:

Буянныг мергежил; эӊ-не эргим,чылыг,чымчак – кандыг-даа; бо бʏгʏнʏ; чагып чоруур.

4. Дʏрʏмнʏӊ ʏш аӊгы чижектери-биле ажыл.

V.Тʏӊнел

VI.Онаалга.

1.Мергежилге 195. (шупту кылыр)

2.Кыска чогаадыг-минниишкин «Бодум дугайымда…»

3. Бо сөстерни тʏӊнекчи сөстер кылдыр ажыглааш, чараш делгереӊгей домактар чогаадыр.

 Кандыг-даа, ооредилге херекселдери, буянныг мергежил, Тываныӊ даглары, Тиилелге хунунде.