Олимпиадные задания по чувашскому языку
олимпиадные задания (5 класс)

Чăваш чĕлхипе литератури

Олимпиадăн 1-мĕш тапхăрĕ

2018-2019 вĕренÿ çулĕ

Чăваш шкулĕ 

5-6 классем

Ыйтусем

Текста вулăр та ĕçсене тăвăр.

(1)Ял çумĕнчи вăрманта пурăнакан пĕр ула такка хĕл умĕн кашни кĕркуннех çуртсем çывăхне вĕçсе килет. (2)Вăл пÿрт чÿречи айккинчи кăсăясен апатне çиме çÿрет. (3)Малтан пахчари çĕмĕрт çине пырса ларать. (4)Кайран, шикленме сăлтав  çуккине сăнаса пĕлсен, апат патне вĕçсе анать.

(5)Ула такка çулçăллă йывăçсене хурт-кăпшанкăран сыхлать. (6)Ахальтен мар çак кайăка «йывăçсен тухтăрĕ» теççĕ.

1.Текстри вĕçен кайăк ячĕсене çырса илĕр, вырăсла куçарăр.

2.3-мĕш предложенире япала ячĕсене тупăр, вырăсла куçарăр.

3.4-мĕш предложенири шикленме сăмах мĕне пĕлтерет? Чăвашла е вырăсла унăн пĕлтерĕшне ăнлантарăр.

4.Текстра мăшăр сăмах тупăр, çырса илĕр.

5.2-мĕш предложенире тĕп членсене тупăр, çырса илĕр.

6.Мĕн вăл ваттисен сăмахĕ? 3 тĕслĕх çырăр.

7.Çак сăмахсене кам каланă-ши? Авторне туллин çырăр.

«Тăван чĕлхесĕр чăн-чăн пĕлÿ çук.»

8. Çак йĕркесен авторне, хайлав ятне çырăр.

…Çав тухатмăш хушнипе

Тимĕр тылă çĕрĕпе

Урам тăрăх, хир тăрăх

Шалтăртатса çÿрет тет.

9.Муркаш районĕнче çуралнă çыравçа тупса палăртăр:

а) Петĕр Хусанкай

ă) Юрий Скворцов

б) Константин Иванов

10.Литература сăмахпа синквейн çырăр.