Колендарно-тематическое планирование
рабочая программа (5 класс) на тему
Раочая программа по родной литературе в 5 классе
Скачать:
Вложение | Размер |
---|---|
![]() | 34.16 КБ |
Предварительный просмотр:
Пояснительнай запискась
Ветеце классонь покодемань программась кочкаф, нежедемок мокшэрзянь литературань программать лангс, конань аноклазь 5-11 классненди Е.И. Азыркина, А.М. Катарова, А.И. Брыжинскяй. Сон кемокстаф Мордовия Республикань Образованиянь министерстваса и нолдаф Саранскяйса, мордовскяй книжнай издательстваса 2010 кизоня.
Рабочай программась мокшень кяльса эсьсонза няфти целостнай документ, кона ащи тяфтама вешкста:
1. Е. И. Азыркина. Родной литература. Саранск, морд. кн. изд., 2003к.
Тонафнемань предметть характеристикац
Лама лия предметтнень ёткста, конат тонафневихть школаса, няевикс васта максови мокшэрзянь литературати. Сон лезды тонафнихненди шарьхкодемс эряфть, перьфпяльдень явлениятнень, крхкалготфтсыне тевснон – мяльснон, козякофтсыне кяльснон – валснон, кеподьсыне корхтамань и сёрмадомань кялень культураснон, келептьсыне эстетическяй ванфксснон.
Литературань произведениятнень вельде тонафнихне сяда цебярьста кармайхть содама эсь народснон тевонзон – мялензон, иланзон, сонь кяль – валонь мазышинц и эряфонь киса смузенц, сядонгольдень эряманц – ащеманц.
Эсь кяльса сёрматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда тёждяста шарьхкодемс сембе искусствань виттнень: киноть, театрать, живописть, музыкать и лиятнень.
Родной литературась кемоста сотневи эряфть мархта, сяс и полафксне, конат молихть тя пингста, фалу эрявихть кирдемс мяльса сонь тонафнемстонза.
Урокса произведениятненди идейно - художественнай питнеть путомста сави кирдемс мяльса нравственнайть и эстетическяйть. Анализонь тиемста васенда эряви шарфтомс мяль общечеловеческяй проблематнень панжемаснонды, азомс эряфста писательть ванфонц видеть – аф видеть лангс, кодама художественно - выразительнай средства вельде авторсь панчсесыне геройхнень тевснон – валснон, потмоёжснон, ванондсы кялень козяшить. Тяка пингоня шабатне аф ламонь – аф ламонь тонафнихть арьсема, эсь мяльснон – арьсемаснон азондома, пара тефнень и афсатыкснень няема.
Цельсь и задачатне
Родной литературань урокнень инголи путневи цель – тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц. Дисциплинать задачанза:
- максомс тонафнихненди содамашит мокшэрзянь литературать жанровай системанц колга;
- содамс текстовай материалть;
- шарфтомс тонафнихнень мяльснон произведениятнень художественнай ширде питнеснон ваномаснонды;
- пачфтемс тонафнихненди литературать художественно-эстетическяй питнеширенц.
Тонафнемань предметть вастоц учебнай планть эса
Учебнай планть эса литературать тонафнеманцты максф 34 ч. (1час недяляти).
Шабатненди эряви сатомс тяфтама результатт:
Личностнайхть:
-шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста;
-маштомс кочкаф содамошитнень и сатфкснень нолямс школань и эрь шинь эряфса;
-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;
- содамс иттненди народоньконь эряфста мокшетнень эряма койснон, унксснон.
Метапредметнайхть:
- маштомс мушендома разнай источникста информация;
- маштомс кулхцондома ялгать и вятемс диалог;
- максомс анализ и оценка тиф заданиятненди;
- маштомс корхтама мокшень кяльса.
Предметнайхть:
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
- содамс тяфтама понятиятнень: народнай ёфкс, содама ёфкс, лувомка, кяльяжамка, литературнай ёфкс, аллегория, басня, пьеса, пейзаж, литературнай герой, олицетворения, эпитет.
Рабочай программатть эса тифт полафкст:Корхтамань и сёрмадомань кялень навыкнень касомаснонды программаса максовихть 3 част. Ня урокнень эса эряви тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворксонь и цитатань сувафнема. Родной литературань урокса лувомань занятиятне лездыхть крхкалгофтомс и кемокстамс урокса ётаф материалть, кеподемс теориянь содамошитнень, келептемс эряфть лангс ванфксть, сяда лацкас кельгомс тонцень кяльцень и литературацень.
Литературань процессь аф ащи фкя вастса, эвондайхть писателень од лепт, цебярь произведеният, сяс эряви старандамс, штоба шабатне улельхть анокт одонь вешема и содама.
Тематическяй планированиясь
№ П/П | Разделхнень и тематнень наименованиясна | Часттне | Эздост | ||
Теоретичскяй тонафнемась | Аф класса морафтомань урок | Корхтама маштомань касфтомась | |||
1. | Ушетксно вал литературать кода тонафнема предмет колга | 5 | 4 | 1 | - |
2. | Литературань ёфксне и баснятне | 7 | 6 | - | 1 |
3. | Идькс пингде | 7 | 6 | 1 | - |
4. | Перьфпяльсь | 8 | 6 | 1 | 1 |
5. | Историясь | 7 | 5 | 1 | 1 |
Сембоц | 34 | 27 | 4 | 3 |
«Мокшанский язык» дисциплинать содержанияц
Ушетксонь вал литературать кода тонафнема предметть колга.
Ломанть эряфса книгать эрявиксшиц.
Литературась кода школаса тонафнемань предмет. Сонь целенза и задачанза. Ломанть эряфса книгать вастоц. Книгань лувома маштомась.
Мокшень и эрзянь народнай ёфксне.
Мокшетнень и эрзятнень фольклорса тематическяй и жанровай козяшись. Сонь эсонза ёфкснень вастсна. Животнаень, чудань и эрямакоень колга ёфксне.
«Буканять и пинесь» ёфкссь. Сонь смузец и эсонза кепотьф проблематне. Жуватань прянь вятемань вельде ломанень обуцянь башка ширетнень няфтемасна.
«Сире върьгазсь и Костя атя» ёфкссь. Сонь эсонза мокшэрзятнень кунардонь пингста эрямаснон няфтемасна. Ёфксса моральсь. Врьгазть образонц вельде аф пара вайме ломанень сялдомась.
Содама ёфксне, лувомкатне, кяльяжамкатне.
Содама ёфксне. Народть ёнюшиц и творчествань фантазиянц няфтемасна содама ёфкснень эса. Содама ёфкснень крхка смузьсна, содержаниясна и темасна. Содама ёфкснень видсна.
Идень лувомкатне. Лувомкатне кода устнай народнай творчествань произведениятнень тематическяй и жанровай башка ширесна. Лувомкатнень тиевомасна. Синь поэтическяй кяль – валсна.
Кяльяжамкатне. Синь вастсна идень фольклорса. Кяльяжамкатнень тиевомасна и синь эзост азомс кайги и стака валхнень сувафтомасна.
Библиять колга шарьхкодемась.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тяфтама термиттнень: народнай ёфкс, содама ёфкс, лувомка, кяльяжамка;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
Литературань ёфксне и баснятне.
Фёдор Семенович Атянин. «Сельведь – богатырь»
Ф.С. Атянин – мокшень содавикс писатель. Шабатненди лемтьф произведениянза. Синь ётксост «Сельведь – богатырь» ёфксть вастоц. Сонь сотксоц фольклорть мархта. Кяжть и парть ёткса тюремась. Трудовой народть мялензон и надияманзон няфтемасна. Сельведь – богатырть и Марунять образсна. Ёфксса кяльть мазышиц.
Иван Егорович Шумилкин. «Шава колаз», «Сея»
И.Е. Шумилкин – эрзянь содавикс баснянь сёрмады. «Шава колаз» баснять содержаниянц, ломанень обуцятнень няфтемасна: прянь шнамать, аф видешить, кяжишить сялдомасна и пеетькшнемасна. Басняса кяль – валонь козяшись.
«Сея» басняса эсь прянь кельгомать сялдомац. Кяль-валонь козяшись.
Фёдор Дурнов. «Алашась и сяськне».
«Алашась и сяськне» баснять содержаниянц.
Максим Афанасьевич Бебан. «Лефсь, врьгазсь и келазсь», «Кафонц частт», «Равжа пря куй»
М.А. Бебан – мокшень содавикс сатирик и баснянь сёрмады. «Лефсь, врьгазсь и келазсь» басняса васьфневихть и лия кальдяв арьсихнень лангса пеетькшнемась и тяка жа пингть аф пелемань шнамась. Произведениять смузенц панжемаса аллегориять ролец. «Кафонц частт» баснять содержанияц. Произведенияса кяльть ваномац.
Николай Борисович Голенков «Ёжу келаськя»
Н.Б. Голенков – иденди лама жанраса сёрмады писатель.
«Ёжу келаськя» ёфксса ломаттнень и животнайхнень марстонь эряфснон няфтемац.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тяфтама термиттнень: литературнай ёфкс, басня, аллегория, пьеса;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
Идькс пинге.
Кузьма Григорьевич Абрамов. «Сядонгольдень школаса».
К. Г. Абрамов – эрзянь содаф писатель. Содавикс скульпторть С.Д. Нефедовонь идькс пингонц и школаса тонафнеманц няфтемац. Тонафнемать вельде масторть келес содавикс ломанькс арамац. Виде кинь кочкамста Степанонди учительть лезксоц.
Фёдор Маркелович Чесноков. «Аляка лефкс», «Кирьхкс Мика»
Писательть эряфонь и творчествань киц. Иттненди лемтьф произведениянза. «Аляка лефкс» азксть вастоц писательть иттнень колга произведениянзон ёткса. Сонь темац и содержанияц. Геройхнень тевсна – валсна, мяльсна – арьсемасна, обуцясна. Илькань и сонь тядянц образсна.
Сёмань и Оськань салай – колай и васькафни шабань обуцяснон няфтемасна, зиянц вяти тевсна.
«Кирьхкс Мика» азксса мокшэрзятнень кунардонь пингонь эряфснон няфтемац. Микань образоц, сонь обуцянзон козякодомасна.
Валентина Ивановна Мишанина. «Сёрмав катоня», «Кувака ши», «Кить ушетксоц».
В.И. Мишанинать эряфонь и творческяй кинц колга. «Сёрмав катоня» азксть содержанияц. Витя Офтинонь валонзон – тевонзон няфтемасна. Шабать обуцянзон панжемаса писательть асувоц.
«Кувака ши» азксса Великай Отечественнай войнань темась.
«Кить ушетксоц» произведенияса нравственнай кизефксне. Азксть художественнай башка ширенза.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тяфтама термиттнень: литературнай герой, пейзаж;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
Перьфпяльсь.
Михаил Ильич Безбородов. «Вирь», «Сёксе», «Малаткшни тялось».
М.И. Безбородов – мокшень содавикс поэт. Сонь творчествасонза пейзажнай лирикать вастоц. Стихнень кяль – валонь козяшисна. Народнай поэзиянь художественнай средстватне.
Илья Петрович Кривошеев. «Тунда», «Тяла», «Вирьса».
И.П. Кривошеевонь пейзажнай лирикац. Сонь стихотворениянзон эса масторть, шачема ширть кельгоманц, перьфпяльть мазышинц няфтемасна. Стихнень эса изобразительно – выразительнай средстватне.
Анатолий Устинович Эскин. «Варьхмодема», «Келуня», «Сёксеть аськолксонза».
А.У. Эскин – эрзянь поэт. Сонь лириканц козяшиц. Пейзажнай лирикасонза перьфпяльть няфтемаса кинза – янонза. Тя тевса олицетворениятнень и метафоратнень тевс нолдамасна.
Александр Степанович Малькин. «Вирь», «Келуня», «Тялонь мелодият», «Лисян мон саду».
А.С. Малькин – мокшень содавикс поэт, национальнай поэзиянь традициятнень кемокстайсна. Поэтть пейзажнай лириканц башка ширенза. Стихнень эса изобразительно – выразительнай средстватне.
Василий Иванович Ардеев (Виард). «Вирень вайгяльхть».
В.И. Ардеев – мокшень содавикс прозаик. Шабатненди лемтьф произведениянзон соткссна эряфонь кинц мархта.
«Вирень вайгяльхть» азксть тематическяй и идейнай юронза. Эсонза кепотьф кизефксне. Васянь образоц. Природать кельгоманц и ванфтоманц колга арьсематне.
Михаил Герасимович Имяреков. «Тундать самац», «Шумбрат, Лепченка»
М.Г. Имяреков – мокшень содавикс поэт. Сонь поэзиянц кели крхкашиц. Стихотворениятнень козя кяльсна – валсна.
Историясь.
Евдокия Яковлевна Терёшкина «Тундань сельмоветть»
Е.Я. Терешкинать эряфонь и творческяй киц. Идень сельмованфса перьфпяльть няфтемац, шарьхкодемац «Тундань сельмоветть» азксса.
Виктор Михайлович Лобанов «Калонь кунциень азкст», «Ломаттне и ляйхне», «Калхнень мокшень лемсна»
В.М. Лобановонь эряфонь и творческяй киц. Произведениянзон эсь лацонь ширесна.
Перьфпяльть эряфонц цебярьста содамац «Калонь кунциень азкст» цикласа.
Мезе эряви содамс и маштомс тонафнихненди:
- маштомс мушендома разнай источникста информация;
- тонафнеф писательхнень эрямань и творчествань киснон;
- содамс тяфтама термиттнень: олицетворения, эпитет;
- содамс тонафнеф художественнай текстттнень содержанияснон;
- маштомс мушендома изобразительно – выразительнай средстватнень.
Историясь.
Анатолий Прохорович Тяпаев «Алена»
А.П. Тяпаевонь эряфонь и творческяй киц. «Алена» поэмаса Алена Арзамасскаять образоц. Мокшэрзятнень ялгаксшисна рузонь народть мархта.
Сергей Степанович Ларионов. «Архип атянь ёлкац»
«Архип атянь ёлкац» азксть темац – фашисттнень каршес народть тюремац. Рассказса нравственнай проблематнень кеподемасна. Писательть надиямац народть пефтома виензон лангс. Архип атянь образоц, Родинати сонь кельгоманц няфтемац. Азксть воспитательнай смузец.
Михаил Петрович Девятаев. «Пленцта – самолётса»
Минь народоньконь путфксоц Великай Отечественнай войнаса сяськомати. Повесть афкуксонь эряфста сявф юронза. М.П. Девятаев – герой – патриот. Сонь обуцянза, ялга ёткса, фашистонь лагерьса прянь вятемац, пленцта самолетса ворьгодемац. Родинати пефтома кельгоманц няфтемац.
Вячеслав Григорьевич Журавлёв «Солдатонь тядя»
Поэтть эряфонь и творческяй киц.
«Солдатонь тядя» стихотворенияса тядянь кельгомась. Произведенияса кялень художественно – изобразительнай средстватне.
Раиса Степановна Кемайкина «Ледстнема»
Поэтть эряфонь и творческяй киц.
«Ледстнема» стихотворенияса мокшэрзятнень эряфонь сталмоснон няфтемасна. Ломанть и перьфпяльть ёткса сотксне.
Календарно-тематическяй планированиясь.
№ | Разделхне/ Урокнень темасна | Часттне | Занятиять видоц | Культурань касфтомань урокт | Аф класса морафтомань урок | Мъзярда ётафтф | |
планть коряс | афкукс | ||||||
1 | Ушеткснонь вал литературать кода тонафнема предмет колга | 5 | |||||
1 | Ушетксонь вал .Мокшень и эрзянь народнай ефксне | 1 | Кемокстамань и лятфтамань урок | ||||
2 | Содама ефксне , лувомкатне , кяльяжамкатне | 1 | Од содамошинь сатомань урок | ||||
3 | Содама ефксне , лувомкатне , кяльяжамкатне | 1 | Од содамошинь сатомань урок | ||||
4 | Библиясь | 1 | Од содамошинь сатомань урок | ||||
5 | Аф класса морафтомань урок «С.В.Аникин «Сабан-богатырь, «Сыре Варда», «Красавец Дамай» | 1 | Комбинированай урок | 1 | |||
2 | Литературань ёфксне и баснятне | 7 | |||||
6 | Федор Семенович Атянин | 1 | |||||
7 | «Сельведь -богатырь», ефкс | 1 | Од содамошинь сатомань урок | ||||
8 | К\К Ёфксонь арьсемась | 1 | Корхтамань навыконь касфтомань урок | 1 | |||
9 | Федор Савватьевич Дурнов | 1 | Од содамошинь сатомань урок | ||||
10 | Максим Афанасьевич Бябин | 1 | Од содамошинь сатомань урок | ||||
11 | Иван Егорович Шумилкин | 1 | Од содамошинь сатомань урок | ||||
12 | Николай Борисович Голенков «Ежу келаськя » , ефкс | 1 | Од содамошинь сатомань урок | ||||
3 | Идькс пингде | 7 | |||||
13 | Кузьма Григорьевич Абрамов | 1 | Од содамошинь сатомань урок | ||||
14 | «Сядынгольдень школаса» | 1 | Од содамошинь сатомань урок | ||||
15 | Федор Маркелович Часнаков | 1 | Од содамошинь сатомань урок | ||||
16 | «Аляка лефкс » , «Кирькс Мика» , азксне | 1 | Од содамошинь сатомань урок | ||||
17 | Валентина Ивановна Мишанина | 1 | Од содамошинь сатомань урок | ||||
18 | «Куваки ки» «Сермав катоня» «Кить ушетксоц» | 1 | Од содамошинь сатомань урок | ||||
19 | Тестирования етаф произведениятнень коряс | 1 | Контролень урок | 1 | |||
4 | Перьфпяльсь | 8 | |||||
20 | Михаил Ильич Безбародов . «Малаткшни тялось » , «Вирь » , «Сексе» | 1 | Од содамошинь сатомань урок | ||||
21 | Илья Петрович Кривошеев. Анатолий Устинович Эскин | 1 | Од содамошинь сатомань урок | ||||
22 | Александр Степанович Малькин «Вирня» , «Тялонь мелодият» «Келуня» | 1 | Од содамошинь сатомань урок | ||||
23 | Василий Иванович Ардеев | 1 | Од содамошинь сатомань урок | ||||
24 | «Вирень вайяльхть» , азкс | 1 | Од содамошинь сатомань урок | ||||
25 | Михаил Герасимович Имяреков «Шумбрат , Лепченка» , «Тундать самац»Евдокия Яковлевна Терешкина | 1 | Од содамошинь сатомань урок | ||||
26 | Аф класса морафтомань урок | 1 | Кемокстамань и лятфтамань урок | 1 | |||
27 | К/к сочинения «Перьфпяльсь эздонк веши лезкс» | 1 | Корхтамань маштомань касфтоманкса урок | 1 | |||
5 | Историясь | 7 | |||||
28 | Анатолий Прохорович Тяпаев «Алена » поэма | 1 | Од содамошинь сатомань урок | ||||
29 | Сергей Степанович Ларионов «Архип атянь елкац» | 1 | Од содамошинь сатомань урок | ||||
30 | Михаил Петров Девятаев «Пленцта - самолетса» | Од содамошинь сатомань урок | |||||
31 | «Пленцта - самолетса» | 1 | Кемокстамань и лятфтамань урок | ||||
32 | Петр Уварович Гайни.Вечаслав Григорьевич Журавлев Раиса Од содамошинь сатомань урок Степановна Кемайкина | 1 | Од содамошинь сатомань урок | ||||
33 | К\к Сочинения «Монь героезе» | 1 | Корхтамань навыконь касфтомань урок | 1 | |||
34 | Аф класса морафтомань урок | 1 | Контролень урок. | 1 |
Учебно – методическяй обеспечениясь
А.И. Брыжинский, А.М. Каторова, Е.И.Азыркина « Мокшэрзянь литератураса программат 5-11-це классненди»,-Саранск: Мордовскяй книжнай издательствась, 2010.
Учебниксь Е.И.Азыркина,, Родной литература 6-це классонди»-2005 к.
М.И. Имяреков «Писательсь и эряфсь». – Саранск: Мордовскяй книжнай издательствась, 2007.
Журнал «Якстерь тяштеня».
Газета «Мокшень правда».
Альбом «Портреты мордовских писателей».
Электроннай пособия – диск «Тядянь – авань мастор».
Н.Б. Голенков, Г.С. Иванова Валкскя – словарик мокшанско – русский.
Работась INTERNET мархта
Основная информация по дисциплине расположена на сайтах:
http://www.eurekanet.ru (Инновационная образовательная сеть «Эврика»);
http://scholar.urc.ac.ru:8002/courses/Technology/index.html (Новые педагогические технологии. Дистанционный курс для учителей);
http://dictionary.fio.ru/ (Педагогический энциклопедический словарь);
Отсылка к сайту http://www.eurekanet.ru (Инновационная образовательная сеть «Эврика») целесообразна на уроках, так как здесь размещены материалы, характеризующие инновационные направления современной системы образования.
Изучение темы «Инновационные технологии обучения: активные и интерактивные формы» предполагает обращение к сайту http://scholar.urc.ac.ru:8002/courses/Technology/index.html
Материально – техническяй обеспечениясь
Портретт
Дополнительнай литература
Иллюстрацият
По теме: методические разработки, презентации и конспекты
Календарно-тематическое планирование планировании курса Истории России конец 16- 18 век. 7 класс.По УМК Данилов А.А.
Данное календарно-тематическое планирование составлено по учебнику ДаниловаА.А ,Косулиной Л.Г История России 7 класс.Тематическое планирование развёрнутое....
Колендарно - тематическое планирование по биологии 7 классс
Коледарно - тематическое планирование составленно в соответствии с учебной программой на основе программы авторов В,В, Пасечника, В.М. Пакуловой, В.В. Латюшина обязательного минимума содержания основн...
![](/sites/default/files/pictures/2013/03/25/picture-227818-1364192531.jpg)
Колендарно-тематический план воспитательной работы для 5 класса
Тематика внеклассных занятий по направлениям воспитательной работы для воспитанников 5 класса...
Колендарно - тематическое планирование. Модифицированная программа.
Оздоровительная гимнастика с элементами подвижных игор для детей 8-10 лет. Программа расчитана на 1 год....
![](/sites/default/files/pictures/2013/05/14/picture-254925-1368546455.jpg)
ТЕМАТИЧЕСКОЕ ПЛАНИРОВАНИЕ ПО ИНФОРМАТИКЕ И ВТ В 8 КЛАССЕ (1 ЧАС В НЕДЕЛЮ, 34 ЧАСА В ГОД) ТЕМАТИЧЕСКОЕ ПЛАНИРОВАНИЕ ПО ИНФОРМАТИКЕ И ВТ В 8 КЛАССЕ (1 ЧАС В НЕДЕЛЮ, 34 ЧАСА В ГОД) ТЕМАТИЧЕСКОЕ ПЛАНИРОВАНИЕ ПО ИНФОРМАТИКЕ И ВТ В 8 КЛАССЕ (1 ЧАС В НЕДЕЛ
ТЕМАТИЧЕСКОЕ ПЛАНИРОВАНИЕ ПО ИНФОРМАТИКЕ И ВТ В 8 КЛАССЕ (1 ЧАС В НЕДЕЛЮ, 34 ЧАСА В ГОД)...
![](/sites/default/files/pictures/2014/12/07/picture-542052-1417974318.jpg)
Колендарно-тематическое планирование к учебнику И.Н. Верещагина, О.В. Афанасьева English 5 класс (углубленный уровень)
Календарно-тематическое планирование...