Развивающая игра на коми языке для учащихся 2-4 классов "Шензьöдана ыб" (Поле чудес).
методическая разработка на тему

Интеллектуально - развивающая игра на коми языке для обучающихся 2 – 4 классов. Аналог популярной телевизионной игры на российском телевидении. Разработчик: Терентьев А.Ф., учитель русского языка и литературы, коми языка МБОУ «СОШ с.Петрунь».

Тематика: литература РК и традиционная культура.

МЕДВОДДЗА ТУР.

Юалöм: Тайö гижысьлöн ов. Коми гижысь, кодi олiс кызьöд нэм шöрын, уна туялiс коми кыв. Гижис кывбуръяс, ёнджыкасö челядьлы. Уна вуджöдчис. Сылöн медся тöдчана гижöдъяс да вуджöдöмъяс: «Менам муза», «Дзизгысь – дзазгысь гут», «Усьö лым», «Дарья тьöтлöн шог». 

Вочакыв:                                  ЛЫТКИН 

 Василий Ильич Лыткин – нималана коми поэт да туялысь. Гижан псевдонимыс Илля Вась.

Вермысь:___________________  Чукöртöм балъяс:________________

МÖД ТУР.

Юалöм: Тайö войтыр ним. Тадзи комияс нимтылiсны ичöт мыгöра сьöд войтырöс, кодъяс ас кадö, кор воис Коми муö Стефан Пермский, бырöдiсны ассьныссö: ловйöн гуалiсны ассьныссö. Помка: медым эскыны сöмын пу енъяслы.

Вочакыв:                              ЧУДЬ  

Чудь – важъя войтыр ним, бырисны му вылысь. Колисны сöмын ас бöрсяньыс чудь гуяс – могильники, курганы. Лыддьысьöны коми войтырлöн подув пуктысьöн, вужйöн.  

Вермысь:___________________  Чукöртöм балъяс:________________

КОЙМÖД ТУР.

Юалöм: Тайö йöзкотса жанр. Пырджык тайöс висьтавлiсны сэк, кор кутшöмкö морт эз сяммыв мыйкö олöмас вöчны либö кор сылы колiс отсöг. Танi петкöдчö войтырлöн вежöрыс да олöм вылö видзöдласыс.

Вочакыв:                      ШУСЬÖГ 

Шусьöг (пословица) – афористическöй фольклор жанр, петкöдлö войтырлысь вежöрлунсö, олöм вылас видзöдлассö. Сöвмöма ёна важöн. Лöсялö став войтырыслы му шар вылас. Шуам: Матын гырддзаыд да он курччы.

Вермысь:___________________  Чукöртöм балъяс:________________

ВИДЗÖДЫСЬЯСКÖД ВОРСÖМ (шойччöм пыдди).

Юалöм: Тайö гижысьлöн псевдоним. Тöдчана коми гижысь, поэт. Лыддьысьö, мый сiйö пуктiс подув коми литература сöвмöмлы.

Вочакыв:                 ГУГОВ

Гугов – И.А.Куратовлöн псевдоним. Тадзи сiйö пасйывлiс ассьсö медводдза гижöдъясын, петасъясын. И.Куратов – коми литературалы подув пуктысь, медводдза коми поэт.

 Вермысь:___________________  

 ПОЛУФИНАЛ.

Юалöм: Тайö коми преданиеясын тшöкыда паныдасьысь пертас. Ёна тöдса. Лыддьысьö, мый вöлöма бур вöралысьöн да ёна вына мортöн. Ачыс ассьыс олöмсö вежис.  

Вочакыв:                      ЙИРКАП 

Йиркап – коми преданиеясысь герой. Йиркап вöчис аслыс вира пуысь лызь да тшук эз вöй. Вундiс лызьсö да петiс ловйöн ваысь. Сё гöгöр сюжет йитчöма йöзкотса творчество жанръясын Йиркапкöд.

Вермысь:___________________  Чукöртöм балъяс:________________

ВЕРМЫСЬКÖД ВОРСÖМ.

Юалöм: Кутшöм сёян комияс дасьтылiсны Петыр лун кежлö? Тайö сёяныс артмö сьöд пызьысь да выйысь.  

Вочакыв:                      САЛАМАТ 

Саламат – традиционнöй коми сёян, дасьтывлiсны Петыр лун кежлö. Сьöд пызь пуöны вый сорöн, артмö аслыссикас рок – саламат. Ёнджыка пулывлiсны войвыв коми зыряна.

Вермысь:___________________  МОЛОДЕЧ! Сетчö козин!

Могъяс:

1. Сöвмöдны коми кыв, литература да культура йылысь тöдöмлунъяс;
2. Содтыны чужан кыв да культура дiнö муслун;
3. Отсавны (содтана уджъяс дырйи) паськöдны сiйö либö мöд изделие вöчигöн традиция йылысь тöдöмлун.
4. Велöдны челядьöс мöвпавны тэрыба да колана ногöн;
5. Сетны позянлун челядьлы сöвмöдны лидерлысь этш.

Вермöны вöдитчыны:

1. Содтана занятие нуöдысь велöдысьяс;
2. Коми кыв да литература велöдысьяс;
3. Челядькöд улыс классъясын уджалысьяс.

Литература гижöдпас:

1. Коми йöзкостса важ висьтъяс - Коми легенды и предания/ сост. Ю.Г.Рочев. - Сыктывкар: Коми кн. изд-во, 2006. - 240 с.
2. Коровина, Н.С., Филиппова, В.В. Коми фольклор: хрестоматия/ Н.С.Коровина, В.В.Филиппова - Сыктывкар, 2002. - 328 с.
3. Коми язык: Энциклопедия/ Отв.ред. Г.В.Федюнёва. М.: ДИК, 1998. 608 с.

Коми кывъя «Шензьöдана ыб» ворсöмын

Медся сюсь да вежöра ворсысьлы,

Ворсöмын вермысьлы

_____________________________

ошкана гижöд

☺