"Тиринь келесь сехте мазый"
методическая разработка (9 класс) на тему

«Тиринь келесь сехте мазый!»

1-це ведущеесь. Шумбратадо, эрзят.

2-це ведущеесь. Шумбрачи  тенк, вечкевикс оят.

                                Течинь вастовоманок алтасынек эрзянь келентень.

 1-це ведущеесь. Течи кеняркс, течи валдо

                                 Монь кши – салом илинк сялдо.

                                  Совадо, вечкевикс инжеть,

                                 Кудо кенкшенек панжадо.

2-це ведущеесь.Эрзянь кель, тон валскень зоря,

                                Норовжорчонь гайть.

                                Тон певтеме мазый моро,

                                 Кельме ведень тансть.

Моро «Дайте , ялгат, паро ялгат».

1. Минек покштянок умонь шкасто

    Пачтизь миненек сырнень келенть.

    Сон вирень лисьмакс жойни састо,

    Эжди, кецявты эрзянь меленть.

 2 Тонадынек минь эсь кельсэ

    Васень валонть евтнеме.

    Эйкакш шкане паро мельсэ

     Тетяй ды авай мереме.

3. А онкстави сень питнезэ,

    Кона вечки чачома келензэ.

    Тиринь келесь седей эжди,

   Вансты зыяндо ды кежде.

4. Эрзянь кель, тонь ине оймень виенть

    Авань моротнестэ саинь мон .

   Седе гайтев эзинь марсе лия

   Ды а содан седе  чевте, ен.

  Эрзянь кель, мон кенярдан тонь кисэ.

  Ламо масторт содыть тондеть ней.

  Эрзянь кель, тон – мазый цецянь кизэ.

   Эрзянь кель,  тон  - Равов прыця лей.

                Эрзянь киштема.

1-це ведущеесь.Минек веленек –Кочкурвелесь – кезэрень эрзянь веле.

Тесэ эрить седей мариця, тевень вечкиця ломантне, конат а виздить кортамс эсь тиринь кельсэст.

 2-це ведущеесь. Тесэ ванстовить койтне – кирдатне. Эрьва иестэ ютавтневить покшчить.

1-це ведущеесь. Школасонок тиринь келень тонавтнемась ашти васенце таркасо, минь а визьдтяно эсь кельденек. Теде кортыть минек изнявксонок.

2-це ведущеесь.Зярыя иень перть минек тонавтницятне сайнить васенце таркатнень регионъютконь  олимпиадасонть, кода тиринь келень коряс , истя и творческой секциясонть.

1-це вед. Тынк икеле ловны эсь  стихотворениянзо Таня Шлабина.

Таня тедеде регионъютконь олимпиадасонть творческой секциясонть саизе 3 тарканть.

2-це вед.11-це классонь тонавтницясь Кочеткова Мария а весть лиснесь изницякс неть олимпиадатнесэ. Сонзэ сермадовт пьесатне  лиснить «Чилисема» ды «Сятко» эрзянь журналтнэсэ.

1-це вед. Пьесанть «Кие чумось»  налксить эсензэ классонь тонавтницятне.

2-це вед. Истя жо тедедень олимпиадасонть творческой секциясонть васенце тарканть саизе Наташа Наумкина.

      вал Наташанень.

   Моро  «Авкай, молян мон вирев»

2-це вед.В прошлом году наша республика отметила 1000-летие единения мордовского народа с народами России.

1-це вед. Нашу школу в этом году пополнили учащиеся из татарского села Ломаты и русского села Неклюдово. Теперь наравне с эрзянской звучит и русская, и татарская речь.

2-це вед.Ученица 9 класса Шарифкулова Гамиля, призер республиканской олимпиады по родному  языку,   прочитает стихотворение собственного сочинения, посвященное 100-летию татарского писателя Габдрахмана Абсалямова.

1-це вед. Татарский ансамбль «Елдыс» исполняют песню, посвященную девушкам.

2-це вед. Минек велесь сюпав талантливой ломаньсэ. Велестэнек лиссть и содавикс поэтт, и артыцят, и скульпторт. Кода бу а лецтямс С.И.Дергачевонь – СССР-нь народной учителенть. Сонзэ мелензэ коряс ульнесь панжозь минек школань краеведческой музеесь, конась неень шканеяк лезды тонавтницятненень эсь тевсэст.

1-це вед. Минек велесэ чачсь- кассь ды нейгак эри Россиянь писателень союзонь членэсь Любовь Дергачева .

 Вал макстано сонензэ.

Моро «Селека»

1. Тиринь мастор, Кочкурвеле         Апак визде кортан эрзякс

    Седейсэнь кирдтян мон свал.      Тесэ кассть покштян- бабан.

2. Тиринь мастор, Кочкурвеле

     Покш масторонь вишка пелькс.

     Лембе валсо, паро мельсэ

    Кастат ежом менель сэрьс.

3. Коштось тесэ эрексиянь

    Лексят, седей мери жуйк.

   Мон а содан тарка лия

   Сондензэ паро, мазый.

4. Тиринь велем, седейшкава

    Мором алтаса тонеть.

    Эждят свал прок тетя – ава

    Мазыйгадт, виемть, кепедть.

Моро     «Монь тиринь велем»

2-це вед. Вана пачкодсь пес минек вастовоманок .Илинк стувто тиринь келенк ! Зярдояк илядо визде кортамс эсенк кельсэ.Содадо: сон сех питней, сон сех мазый.

  1-це вед.   Вастомазонок!