Тиринь келем сехте мазый
методическая разработка (6 класс) на тему

1-це ветицясь: Шумбратадо, вечкевикс ялгат!

2-це ветицясь: Шумбрачи, вечкевикс инжеть!

1.-це ветицясь:

     Зярос гайги эрзянь валось

    Семс монгак эрян

    Ялгатнень, шабратненень

    Шумбрачи мерян

2-це ветицясь:

     Чачи келем кулындеряй

      Мерть – монгак кулан

      Сонтемензэ мон а эрян

      Мезекс маштован?

1-це ветицясь:

     Мазый, паро минек келесь

    Теке тундонь сэтьме валскесь

    Пургондыця од килеесь

    Цветэнь панжиця умарьксэсь.

2-це ветицясь:

Вечкевикс инжеть, течинь вастоманть ушодсынек «Черень кастый» пьесастонть.

1-це ветицясь:

    Минек покштятне умонь шкасто

    Пачтизь миненек сырнень келенть

    Сон вирень лисьмакс жойни састо

    Эжди, кецявты эрзянь меленть.

2-це ветицясь:

    Евтневи Пятаевень стих «Родной кель».

    Евтни 9-це А классонь тонавтницясь Инкин Алексей.

7-це А классо тонавтницясь Волгушева Наташа евтни стихотворения «Эрзянь кель».  

  - Кунсолосынек кода тиринь кельдензэ сермады Числав Журавлев; евтни Савельева Ольга 5-це А классонь тонавтницясь.

 Иван Шумилкинэнь стихотворения «Лисьмаприне» евтнесы Шепелев Игорь

1-це ветицясь:

Тиринь кель… Сон миненек – теке авань ловсо эйкакшонтень. Сонзэ вельде минь карминек содамо пертьпельксэнть. Нама, пек паро, зярдо ломанесь соды лия кельтькак: рузонсенть, немеценсенть ды лият. Сынь седее келейгавтызь ломаненть содамочинзэ пертьпелькстэнть, теевтьсызь содавиксэкс лия народтнэнь эрямочист ды культураст марто. Ансяк а эряви стувтнемс седе, што ансяк тиринь келенть вельде пачкодят лия кельтненень. Нама, улить ютксонок ломанть, конат виздить кортамо тиринь кельсэ. Ансяк сынь, Монь койсэ, эсест пряст тейнесызь пеетькшнема таркас.

  Кунсолосынек, мезе сермадыть теде минек поэтнэ.

 - Ловны 5-це А классонь тонавтницясь Азикова Елена «Импортной панар».

 - Числав Журавлевонь стих «Мон а чуман» ловны 5-це А классонь тонавтницясь Филатова Марина

 - Николай Ишуткинэнь стих «Инжэ» ловны 11-це А классонь тонавтницясь Сапожникова Маша.

2-це ветицясь:

       Тонадынек минь эсь кельсэ

       Васень валонь евтнеме

       Эйкакш шкане паро мельсэ

      Тетяй, авай мереме.

Кунсолосынек стихотворениянть «Эрзянь кель».

1-це ветицясь:

      Кадык шольни латксо чудикерьксэсь

      Пейдить моронь кужосо тейтерть

      Кадык, ялгам, тиринь велем велькссэ

      Гайгить эрзянь моротне вень перть!

Моро «Селека»

Моро «Кавто церат тикше ледить»

Моро «Авкай молян мон вирев»

2-це ветицясь:

      Эрясь бабинесь ськамнензэ

      Сакшныльть инжекс нуцькинензэ

      Вешильть морот, вешильть евкст

      Евтнемс, морамс эрзянь кельсэ.

1-це ветицясь:

 Моро «Таго велесь каштмолемас ваясь»

2-це ветицясь:

      Эрьвась вечксы эсь велензэ

      Те вечкемасонть покш вий

       Эрьванть истямо мелезэ

      Сынст енксось сех пек мазый.

1-це ветицясь:

      Монгак вечкса минек енксонть

      Вечкса весе пестэ пес

      Истя, кода васень евксонть

      Конань авам тень евтнесь.

2-це ветицясь:

      Мон кинь эйстэяк а сепса

      Кинь мелезэ кадык сы

      Сехте вадря минек енксось

      Минек велесь сех мазый

1-це ветицясь:

Стих «Мон вечкса Дубенкань краенть» евтни 11-це А классонь тонавтницясь Малкина Ольга

2-це ветицясь:

      Мезень лашт куринкань келес,

      Кинь цяпамот марявить?

      Те минек велень тейтертне

      Кужос киштеме лисить.

Нурька морынеть морыть 5-це классонь тонавтницятне.

1-це ветицясь:

      Эрзянь келесь сех вечкевикс

      Сехте мазый ды питней

      Тон содак эсь тиринь келеть

      Ды сонензэ пут седей

2-це ветицясь:

     Сон тонавты тонь эрямо

      Тонавтнеме ды морамо

      Сон тонеть, прок тиринь ава,  

      Касты эйсэть седейшкава.

Моро «Вечкемань сэдь»

 Вансынек пъесанть «Экзамен» конанть невтсызь 8-це классонь тонавтницятне

1-це ветицясь:

     Эрзянь эйкакш корты тиринь кельсэ,

      Прок нармунне тундова моры,

      Баягинкс гайги вайгелезэ,

      Теке горниповне чольдерди

      Сонзэ авазо тетянзо марто эрзят

      Эрзякс чачомс сонензэ мерсь Паз!

      Эрзянь Масторонь азор сон-Эрзя,

      Весе смустесь те валсонть евтазь.

2-це ветицясь:

     Кадык эрьва эйдесь

      Эри кецязь, пейдезь,

      Кадык ули чизэ

      Сыненст свал Маней.

1-це ветицясь:

      Кадык сынь а содыть

      Нужачинь чопода,

      Кадык ули кизэст

      Цецяв кода ней!

2-це ветицясь:

      Иляст пице чамат

      Каргоць тол, качамот!

      Верень валы войнанть

      А вечксынек пек!

1-це ветицясь:

      Эрядо, налкседе,

      Пачк лецтнеде седе,

      Маней мирэнть вансты

      Ялгаксчись минек.

2-це ветицясь:

 Течинь вастоманок прядовсь. Паро мельть-превть тенк. Уледе шумбрат.

1-це ветицясь:

 Сюкпря кунсоломанть кис.

МОУ «Дубенка велень средней общеобразовательной школа»

ТИРИНЬ КЕЛЕМ СЕХТЕ МАЗЫЙ

Алтави Эрзянь келень чинтень

                                      Ютавтызе:

                                                     тиринь келень ды литературань

                                                      тонавтыцясь Косолапова В.П.

2012 ие