Тиринь мастор. Родная страна
план-конспект урока на тему

Тема: Тиринь мастор. Родная страна. 4 класс.

Цели: 1. Закрепление и активизация в речи учащихся слов и грамматических конструкций, рассмотренных ранее.

2. Воспитание любви к Родине.

3. Формирование умения составлять небольшие тексты о своей Родине, о своём селе.

4. Способствовать воспитанию   гражданственности, патриотизма, привитию желания и стремления знакомиться с историей своей страны, своей малой Родины.

Оборудование к уроку: слайды с изображением природы своего села, изделия из лозы, аудиозапись песни Г.Г. Вдовина на слова Н. Мокшина « Тиринь веле» («Родное село») в исполнении А. Атласовой.

         Ход урока:

1. Организационный момент. Сообщение темы и целей урока.

Учащиеся записывают в тетрадь число и тему урока. Учитель читает эпиграф к уроку, записанный на доске:

   Эрьвась вечксы эсь велензэ,

   Те вечкемасонть покш вий.

   Эрьванть истямо мелезэ:

   Сынст ёнксось сех пек мазый.

                Е. Пятаев.

3. Учитель:.Эрьва ломаненть ули сехте паро, лембе, питней тарказо. Кадык аволь покш, ялатеке пек малавикс, вечкевикс таркине. Конанень путы весе седей виензэ.

 Тиринь ёнкс! Чачома тарка! Зяро кортазь, моразь, седязь,сёрмадозь эйстэдензэ.

  Косо эрямс сехте паро? Содазь, эсеть велесэ, козонь чачить, косо касыть, косо эрят, косо чачсть весе бажамот.

Тынь чачиде Редкодубье велесэ. Эсь тиринь таркадост ёвтнить эйкакштнэ.

(Слайды с достопримечательностями села)

1. Минек велесь покш ды мазый. Алкукскак, минек  велесь покш ды мазый. Васня кудотне ульнесть чувтонь. Ней жо ламотне кевень. Велесэ улить лавкат, вельсовет, од лечамотарка, ули инвалидэнь кудо, косо важодить минек тетянок- аванок. Минь тонавтнетяно покш кавтоэтажонь школасо. Тосо улить библиотека, компьютерэнь класс, музыкань школа.

  Школанок икеле касыть чувтот, куракшт, цецят.

Слайд с изображением реки Алатырь

2. Редкодубье веленть малава чуди Алатырь леесь. Сон покш ды мазый. Эрьва кизна эйкакштнэ сакшныть оймсеме, экшелямо, чипаенть ало эжнеме ды калонь кундамо.

Слайд с изображением леса.

3. Веленть удалга сравтовсь виресь. Вирьсэ касыть чувтот: пичеть, кузт, килейть, тумот. Якатано пеште, кстый, цеця мельга. Вирьсэ коштось ванькс ды шожда. Ливтнить нармунть: сезякат, кукот, шекшатат. Эрить идем ракшат: урт, нумолот, верьгизт, сеельть.

    ( Зимний пейзаж)

4.Эрьва иень шкасто минек велесь пек мазый.

Кодамо мазый велесь тельня. Весе вельтязь ловсо: кудотне, чувтотне, куракштнэ. Пек кенярдыть телентень эйкакштнэ. Сынь кирякстнить сокссо, нурдынесэ, конькасо. Налксить лов покольнесэ ды тейнить ловонь бабат.

5. (Весенний пейзаж)

Кодамо мазый велесь тунда!

Пижесэ оршави масторось, чоледить нармунтне. Панжовить цецятне. Мазыйстэ цвети лёмзёрксось. Чувтотнесэ покшолгадсть пургондавкстнэ. Сыть лембе масторсто нармунтне.

Учитель: Ёвтнетяно стихотвореният тиринь веледе

1.Эрзянь Мастор, тиринь мода,

Минь сюконятано теть,

Тон минек аванок, содак,

Минь- тонь вечкема эйдеть.

2. Эрзянь Мастор, тиринь мода,

Шумбрачи теть мерян.

Бажан шнамот эрьва-кода,

Тонь вечкезь мон эрян.

3.Тиринь велем, Редкодубье,

Улеманзо кис вечкса,

Сонзэ зярдояк а кадса,

Ды зярдояк а стувтса.

Вана сон тиринь масторось,

Нежедсь тусто вирень эйс.

Сонзэ луганзо, паксянзо

Токшить мик шабра велес.

  «Монь велем»    И. Шумилкин

Кенярды седеем,

Пек паро мелем,

Ашти монь икеле

Чачома велем.

      Ашти наяновсто,

      Ваязь пиже садс,

      Ульцяванть кувалма

      Од кудот стясть рядс!

Кенярды седеем,

Пек паро мелем

Чиде чис откстоми

Чачома велем.

Учитель: А ней, эйкакшт, кунсолодо парсте монь ёвтнемам ды чарькодинк сонзэ смустензэ.

   Минек Орданьбуйсэ улить пек содавикс велеть. Те Урусова, тосо кевердить лембе кемть. Баевасо чачсь Эрьзя скульпторось, конань содасы весе Масторось ды косо ней ули сонзэ музеезэ.

      Минек веленть лемезэ Редкодубье. Сон ашти кавто рузонь валсто « редкие дубы» -«несплошной дубовый лес».Появась велесь сизьгеменце иестэ кемгавксовонь пингестэ.

     Зяро стакачить ютасть велень эрицятнень прява. Васня важодсть помещикень лангс. Революциянь шкатнестэ ульнесь классовой тюрема, зярдо леднесть, чавность ломантнень, пултасть кудот, катдазт, ульнесть стака вачочи. Мейле ушодовсь Великой Отечественной войнась. Фронтов тусть велестэнть 430ломанть,  эзть велявт 296.(нилесядт колоньгемень ломанть, кавтосядт вейксэньгемень кото ломанть) 

Эрямось велесэнть вадрялгады. Эрьва кудос ветязь газ, ламонь улить компьютерэст, питней машинаст. Тынк, эйкакшт, эрьванть улить телефононк.

Ульцятнева ацазь чугункань ки

Минек Редкодубье велесэнть седикеле ды нейгак илёвсто кодыть эрьва- кодамо кедьёнкст. Те тевсэнть важодить: Уваров Андрей Анатольевич , сонзэ тетязо Анатолий Александрович. Эсест кедьёнкстнэнь сынь невтнизь фестивальсэ « Шумбрат, Мордовия!» ды невтекшнэсь мастер- класс Васенце каналонтень.

Ваннодо, кодат мазыйть теевкстнэ: эмежень кирдема  кептерть, эрьва –кодат кедьёнкст, горобият, тикшень кандтнема покш кептерть, , нурдынеть, стольть, стулт, креслат, кодыть илёвонь пирявкст. Аволь умок сынь ушодсть од тев, рузокс мерить бондарство, теить чувтонь боцькат медьнень.  Салтозь куярнэнь. Капстанень ды эрьва мезекс.

   Редкодубье велесэ чачсть, эрясть пек содавикс ломанть. Улить офицерт, политикт. врачт. учёнойть.Примеркс:

   Павелкин  Геннадий Александрович                                                                     содавикс, парсте эсь тевензэ содыця хирург. Сонзэ низэ Павёлкина    Вера Фёдоровна – кафедрань заведующей.                                          

Ды ламо лия ломанть, конат парсте важодить, трить кардсо ракшат, мукшныть шка тевде мельга оймсеме, маштыть эйдень кастомо- трямо, тетянь-авань вечкеме . А маштыть кежень пандомо. Сынст ванькс оймест ды панжадо седеест.

       Учитель: Мезде кармиде содамо ёвтнемастонть? Каршо мереде кевкстематнень коряс

-Мейсэ содавикс Урусова велесь?

-Косо чачсь С.Д.Эрьзя скульпторось?

-Мезть тейнить Редкодубье велесэ илёвсто?

-Кие тейни нурдынеть, паргинеть …?

Учитель: Эйкакшт, ней оймсетяно. Минь анокстынек а покш мизолкст. (сценки )

1. Цёрынесь ванны кедензэ эйсэ.

Тейтернесь: Вова, мекс кедеть таргозезь?

Вова: Те весе калось чумо.

Тейтернесь: Таргамстонзо кедеть томбик?

Вова: Арась, невтемстэнзэ, кодашкаль сон.

          2. Тейтернесь: Вова, тонь ули вечкевикс калонь кундамо тарка?

               Вова: Ули!

              Тейтернесь: Косо?

              Вова: Лавкасо.

3.Цёрынесь лиссь пеень таргамсто.

        -Нать пек марявсь пеень таргамсто? Истя рангить?

        -Те аволь мон, рангсь врачось, суския суронзо.

              4.Тейтернесь: Кодат теветь школасо?

                  Цёрынесь: - Берянть, тонавтыцясь эйсэнь кевкстни ды кевкстни. Лисни, сонсь      мезеяк а соды.

                 -Саша, мекс а важодят компьютерсэ?

                Цёрынесь: Пелян чеерде.

  5.Тейтернесь: Эх, кунсолодояк, мезе тенк ёвтнян! Исяк сырькаем салмат пидесь. А веденть лейстэ кандызе. Веденть марто ватракш понгсь кедьгентень. Кармась ведесь чугунсонть эжеме, ватракшонтень пси теевсь. Сон кирнявтсь чугунонть чирес ды ашти. Неизе сонзэ вишка ялаксом ды пижни:»Сырькай, сырькай, ванта, сехте покш салмась сельмензэ тетькинзе!»

        _

Учитель: Эйкакшт, кодат содатадо валмеревкст мастордо?

    -Тиринь масторось- теке тиринь ава.

   -Чачома таркадот мазый а муят.

   -Кува ломанесь а яки, кудов велявты.

  -Ломань масторсо кизнаяк кельмат.

   -Чачома таркасот нармунтнеяк малавикст.

  -Тиринь велев кись келей.

   - Эри келесь, а кулы раськесь.

Учитель: Поладынк содамоёвкстнэнь ды ёвтынк, мезе те.

1. Ашо, якстерине ланго, чувто ало касы ……панго.
2. Теке туво куяв,

Касы пиже……куяр.

3. Кизна тия чудесь лей, ней вельтизе эчке…….эй.
4. Вень менельсэнть ожо пов,

Ломанть мерить тензэ…….ков.

5. Кирякстнеме адя тов, косо сиякс цитни…..лов.
6. Мезе муи: ко-ко-ко!

Вана ямкске, тей садо!

Содасак сонзэ, эйкакш?

Те- мазый пуло….атякш

7. Теленек, кизэнек вейке оршамопельсэ…..куз
8. Тельня кельми- тунда солы….лов
9. Паксясь- суликань.

Межанзо- чувтонь.

Учитель: Ней сёрмадтано упражнения . ( на доске текст с заданием . вместо вопроса подставить подходящие по смыслу слова )

             Эрямо тарканок.

Минь эрятано(кодамо?) велесэ. Тия чуди (кодамо?) леесь.

Весемеде малавикс минек велентень (кодамо?)велесь. Минек райононть куншка курозо( кодамо?). Минек республиканть прявтошозо (кодамо?)ошось.

  Учебникенть коряс важодемась: 109 лопась,»Эрьвась вечксы эсь велензэ» стихотворениянть ловномась.

Учитель: эйкакшт, кунсолынк А.Атласовань моронзо «Тиринь веле»

(звучит песня в исполнении А. Атласовой «Тиринь веле»

Музыка: Г. Вдовина.

Слова: Н. Мокшина.

Учитель: Эйкакшт, урокось вечкевсь?

   - Мекс вечкевсь эли эзь вечкевть?

 Оценкат.