Урок в 5 классе Тиринь келесь-эрьва раськенть сюпавчизэ
план-конспект урока (5 класс) на тему

Темась: Тиринь келесь – эрьва раськенть сюпавчизэ.

Цели: образовательная -  познакомить учащихся с историей развития мордовских языков

 развивающая – развитие внимания, памяти, мышления, умения чтения с пониманием основного содержания; активизирование словарного запаса; отрабатывать правильное произношение;

воспитательная – прививать интерес к предмету, развивать любовь к эрзянскому языку;

Оборудованиясь: компьютер.

Уроконть молемазо.

1. Организационной моментэсь.

• Шумбратадо, эйкакшт!
• Озадо, эйкакшт.
• Кодамо течинь чись?
• Кие арась уроксо?

2. Уроконь темантень ютамось.

• Слайд №1
• Учителесь : Эйкакш, ванодо доска лангс, ловносынек уроконтень эпиграфонть. Неть валтнэ саезь  И. Пиняевень стихотворениясто. Ёвтынк, мезде тесэ кортави?  Кие чарькоди те эпиграфонть ловномадо мейле, мезде течи карматано кортамо уроксо?

• Тонавтницятне: Тесэ моли кортамось тиринь кельде.

• Учителесь: Виде. Течи уроконть темазо истямо. Инескеть, кие ловносы?

• Тиринь келесь – эрьва раськенть сюпавчизэ. Кода ютавтсынек рузонь кельс ( Родной язык – богатство каждого народа.)

• Учителесь: Келей ды покш минек тиринь масторось – Россиясь. Эрить эйсэнзэ ламо раськень ломанть. Сынст эрямо кист-яност вейсэндявсть. Эйкакшт, ёвтынк кодамо раськень ломанть эрить минек Республикасо?

• Тонавтницятне: Минек Республикасо эрить: эрзят, мокшот, рузт, татарт, шокшат ды ламо лия раськень ломанть.

• Учителесь: Виде. Эрьва раськенть, эйкакшт, эсензэ эрямо пингезэ, культуразо, келезэ. А тиринь келесь – те раськенть оймезэ, виев ёнксозо. Минек покштятне-бабатне ванстызь, ламо пингень трокс кандызь тенек мазыйдеяк мазый, сюпавдояк сюпав, виевстэ гайгиця моротнень, ёвтамотнень, ёвкстнэнь.

Слайд №2

Учителесь: А косто саи эрзянь келесь эсензэ эрямонь ушодксонзо ды кодамо келень семияс совить эрзянь ды мокшонь кельтне. Теде миненек ёвтнить вейксэце классонь тонавтницятне.

Васняяк вал макстано  Аношкина Настянень.

 Эрзятне ды мокшотне зярдо-бути кортасть вейке кельсэ – общемордовской. Шкань ютазь эйстэнзэ теевсть кавто башка кельть  эрзянь ды мокшонь.

 Эрзянь келесь, кода мокшоньсескак, совавтови финнэнь-угрань келень семияс. Тезэнь сындест башка, совить малав комсешка лия кельть: финнэнь, эстононь, карелэнь, коминь, удмуртонь, маринь, вепсэнь, хантынь, мансинь, венгрань ды лият.

Слайд №3  

Учителесь: Седе тов вал макстано …

Весе неть кельтне ушодызь эсест эрямост ве раськень чувтосто – вейке келень юрсто.

Эрзянь келесь те раськень чувтосонть ашти башка тарадкекс.

Финнэнь-угрань келень юрстонть кадовсть зярыя валт, конат вастневить неень шкасто те келень семиястонть.

Слайд №4

Ледстятано зярошка. Истя эрзянь теле валось малав вейкетьстэ гайги мокшонь тяла, финнэнь тел валтнэнь марто.

Слайд №5

 Эрзякс куз, мокшокскак куз, финнэкс – кууси, марикс – кож;

Слайд №6

 эрзякс сельме, мокшокс – сяльме, финнэкс сильмя, коми кельсэ син.

Слайд №7

Учителесь: Ней, эйкакшт, ёвтынк, кодат валт кадовсть финнэнь-угрань келень юрстонть? (дети отвечают).

Учителесь: А кода эрзянь келесь касы ды сюпалгады.

Слайд №8

Витя : Эрзянь келесь, кода лия кельтнеяк, свал касы  ды сюпалгады. Сонзэ эйс, умонь шкасто саезь, кармасть совамо лия кельстэ валт.

Слайд №9

 Истямокс, лововить иранонь ды балтонь кельстэ саевкстнэ – ломань, верьгиз, кардаз, пеель, сазор, мирде;

Слайд № 10

 тюркансетне – айгор, душман, сюкоро, сакало, куяр ды лият.

Слайд №11

Эрзянь литературань келенть сюпалгавтыть диалектнэнь валтнэяк. Меельце иетнестэ литературань келентень совасть зярыя кортавксто валт, конат полавтыть икелень рузонь валтнэнь. Истя рузонь столь валось ней малав полавтови диалекстэ саезь тувор валсонть, волна – толкун, недля – тарго ды седе тов.

Учителесь: А мейсэ таго, эйкакшт,  келесь сюпалгады? Вансынек.

Слайд №12

Тонавтницятне: Эрзянь келесь иестэ иес сюпалгады литературной произведениясо. 

• Учителесь: Малав аволь весенень Пазось максы чансть морамо, сёрмадомо стихть, романт. Сыненст мерить поэт, сёрмадыцят (писательть).  Сынь маштыть панжомо од седеень псинть ды од порань оймамонь асодыця обуцянть, тиринь ёнксонтень вечкеманть ды пертьпельксэнь аёвтавикс мазычинть, вал вельде -  вайгельсэ, кона гайтень марямонь ды чарькодемань коряс ёвты эсь потмо кенярксонть. Минек классо ули тейтерне, кона машты стихень лацсеме. Те Кулавская Эмма. Эмма, ловнык стихотвореният.
• Эйкакшт, а кие соды эрзянь кельде стихотвореният?
• Догоров Денис, Ч. Журавлёв Эрзянь кель.
• Николаев Сергей, Е.Пятаев Родной келесь.
• Арапова Лиза , С.М.Люлякина Эрзянь кель

Слайд №13

Кода авась эсензэ ловсонть марто кази эйденстэнь шумбрачи, истя ломантне вейкест-вейкест пельде тонавтнесть эрзянь келенть. Сонзэ вельде ладсезь ёвкстнэнь, ёвтамотнень, содамоёвкстнэнь, моротнень.

Слайд № 14

Учителесь: Аштемакудосо, моронь морсезь, тейтертнень-аватнень кедь алдо лиснельть мазый викшневкст. Эйкакшт, ванынк мезе истямось викшневксэсь – (вышивка), а бути тейтяно глагол те валонть эйстэ карми улеме –викшнесть -  вышивать Тесэ миненек артыцясь (художникесь)парсте невтизе кода икеле аватне викшнесть.

Слайд № 15

 - Учителесь: Неть викшневкстнэ кандыть смусть. Эрьва тейтересь ёвтниль тосо эсь эрямодонзо. А вана кода теде корты поэтось. Эйкакшт, кунсолосынек рузонь кельсэ стихотворениянть, ды ванынк кода мазыйстэ викшнилть эрзянь ды мокшонь аватне.

 Вышивала долгими веками

Рубашку из льняного полотна,

Как будто это мудрыми руками

Писала о своей судьбе она.

Кто знает жизнь мордовки той безвестной,

Тот все стежки прочтет на полотне

И вспомнит о ее унылой песне,

Учителесь: Киде кортави те стихотворениясонть? Кие ёвтасы эрзякс?

- Тонавтницятне:  Тесэ кортави авадо, кона эсь викшневкссэнзэ ёвтни эсь эрямодонзо.

Учителесь: Кода викшневкссэ, истя моронть эйсэяк минь несынек эрзятнень коест-кирдаст, мейсэ эрясть минек покштятне-бабатне, кодат ульнесь бажамост. Лиза, ловныть доска лангсто валтнэнь.

Слайд №16

Вечкевикс ялган,
Морот тенк моран,
Паро моросо седейть кецявтан,

Моньскак седеем

Моросо лацян.С.М.Люлякина

Учителесь: О чём в этом стихотворении говорится? Что хорошая песня радует сердце.

Звкрепление

Ну и в заключении ребята, скажите, почему родной язык является богатством каждого народа…

- Тонавтницятне:  Потому что каждый язык уникален, вместе с ней рождается культура, обычаи и традиции.

Учителесь: Сехте вечкевиксэкс, питнейкс ловови минек эрямосо авась, кона касты ды тонавты эйсэнек. Секскак авадо пек ламо морот лацесть. Течи минек урокс сась кеменце классонь тонавтницясь Арапова Юля, сон миненек моры моро сехте питней ломанде «авадо»

А ней, эйкакшт, кунсолосынек моронть.

Звучит песня. Теньсэ минек урокось прядовсь.

Сюкпря ваномань, кунсоломань кисэ

Слайд № 17

Урокось прядовсь. Вастомазонок.