электив курс"Татар теле һәм рус галимнәре"
элективный курс (8 класс) по теме

Татар теле һәм рус галимнәре.

(8-9 нчы сыйныфлар өчен электив курс программасы, 13 сәгать).

                                                           Автор: Миндибаева

Зөмәрә Тәхәү кызы,

Яшел Үзән шәһәрендәге

17 гомуми төп белем бирү мәктәбенең югары категорияле татар теле һәм әдәбияты укытучысы.

                                            Аңлатма язуы.

 Бүгенге көндә иң актуаль темаларның берсе- халыклар дуслыгы мәсьәләсе. Төрле милләт вәкилләре дус- тату яшәгәндә генә җәмгыять  булачак. Ә бу – алар бер-берсенең  гореф-гадәтләрен, телләрен,  динен хөрмәт итеп, бер- берсенә уңай йогынты ясап яшәгәндә генә мөмкин.

        Бу курс ярдәмендә татар әдәбиятының, татар халкының башка халыклар белән узара бәйләнешен, тәэсир итешүен, йогынты ясашуын тирәнрәк  яктыртырга,  рус галимнәренең, тарихчыларының татар телен үстерүгә керткән рольләрен  күрсәтергә, тарихи чыганаклар  аша рус телле  балаларда толерантлык сыйфатлары тәрбияләү мөмкинлекләрен  яктыртырга омтылу.

Курсның максаты:

 -рус  телле балаларда татар халкына,  аның әдәби теленә, тарихына, мәдәниятенә хөрмәт тәрбияләү;

 -укучыларның  фикерләү дәрәҗәләрен үстерү;

 -укучыларны  мөстәкыйль эшләргә  өйрәтү;

-фәнни карашларын киңәйтү,  рус галимнәре белән горурлану хисе уяту, галимнәр,  язучылар турында мәгълүмат бирү;

-татар телен дәүләт теле буларак гамәлдә булуына  ирешү.

Бурычлары:

 -тикшерү, эзләнү эшләре белән танышу, проектлар , рефератлар язу күнекмәләре бирү;

 -компьютерда һәм китапханәләрдә документлар белән эшләргә өйрәтү;

 -татар халкы тарихы буенча белемнәрен тирәнәйтү;

 -татар җырларын,  музыкасын кабул  итәргә өйрәтү.