Интегрированнай урок «Кизонь пинкне мордовскяй поэзияса,живописьса, музыкаса».
план-конспект урока (6 класс)

МБОУ «Темниковская средняя общеобразовательная школа имени Героя Советского Союза А.И.Семикова»

         Интегрированнай урок

«Кизонь пинкне мордовскяй поэзияса,  

        живописьса, музыкаса».

                                Етафтозе Уткина М.П.

                                        мокшень кялень и        

                                        литературань

                                        тонафтысь

                                        6-це классонь

                                        тонафнихнень

                                        мархта 

                                2018к.     

  Цельхне:

                1.максомс содамошит искусствань виттнень колга,

                   конат няфтьсазь природать эряфонц;

                2.тонафтомс иттнень кайгиста, мялень путозь

                   лувомати;

                3.касфтомс кельгомать шачема ширети, кяльти,

                   родной природати и ся произведениятненди,

                   конат касфнесазь сонь мяленц.

   Оборудованиясь: Ф.В.Сычковонь портретоц, сонь

                                   картинанза кизонь пинкнень колга,

                                  Н.В.Кошелевань портретоц, сонь книгац

                                  «Маряк монь морозень»,  

                                  П.НЧерняевонь портретоц,

                                  выставка «Мокшэрзянь поэттне»,

                                  плакатт, иттнень рисункасна и

                                  сочинениясна кизонь пинкнень колга,

                                  Ошкина Оксанать стихонза кизонь

                                  пинкнень колга, баян, магнитофон,  

                                  П.И.Чайковскяйнь «Времена года»                    

                                  альбомоц,  И.В.Сорокинонь «Вирь

                                  Ордаж велесь» картинац.

Урокть эпиграфоц.

Кельгса вельф мон

Родной модать,

Тястонь вельф мазы природать.

Алня, вирю

Панда прятнень

И вирь потмова кинятнень.

Коза сельмоце мянь сатни,

Келемфт пефтома лугатне.

               (В.Федькин).                                   

                           Урокть молемац

     1. Оргмоментсь.

     2.Од материалть лангса работась.

1.Учительть ингольдень валоц.

Тячи, иднят, минь мархтонт тихтяма путешествия календарень коряс и познакомондатама поэзиять, музыкать и живописть произведениянзон мархта, конат лемтьфт кизонь пинкненди. Ефси ефксонь морокс сась акша тялось. Ляпе пухонь одеяласа вельхтявсь марнек перьфпяльсь. Удыхть сембе шуфтонятне, ловонь зиблекса вельхтяфт прянасна… Сембось уды марнек ефксса.

-А тяни, иднят, описандасть монь азксозень ста тов стане, штоба улель няфтьф природать состоянияц тялонда.

(Тонафнихне азыхть тялоть колга.)

-А кодама стихотвореният содатата тялоть колга?

(Тонафнихне лувсазь аноклаф стихотворенияснон тялоть колга).

Учительть валоц Ошкина Оксанать колга.

Тинь ,шабат,сембе содасасть Оксанать.Сон сермадсь лама стихт,азкст,морот,конатнень лемдезень эсь шачема крайнянцты.Тяни Оксана тонафни Мордовскяи Государственнаи Университетса журналистикань отделенияса.

Вов кода Оксана сермадсь тялоть колга эсь стихотворениясонза.А морафтсы сонь сазороц Иринась.

Учительсь: Няйсасть, шабат, поэттне тялоть няфтьсазь аф фкя лаца, вдь сон, кода и лия кизонь пинкнень, эрь ковня, эрь шиня, аф фкя лаца.

-А вов кода тялоть няфтезе эсь сочинениясонза Неяскин Сашась. (Заданиясь максфоль куду).

     Иднят, тялоть колга сермадсть аф аньцек поэттне, тялоть мазышинц няфнезь и художникне эсь картинасост. Ванцаськ, кода няфтезе тялоть эсь картинанзон эса Ф.В Сычков.(Портретонц няфтемац).

     Шачсь Ф.В Сычков 1- мартста 1870- це кизоня Кацялай велеса Ковылкинскяй районца. Нинге идькс пингста сон няйсь лама нужаши, рана лядсь сиротакс. Ульсь и тяфта семьяса, мзярда тядяц идензон мархта якась анцема велеста велес, штоба аф куломс вачеда. Сон изь арьсе сянь колга, штоба тонафнемс. Но тядяц максозе школав, коса аделась колма класст. Тяса сон васенцекс искусствать колга кульсь эсь учителенц П.Е.Дюмаевонь эзда. Учителец васенцекс шарьхкодезень Федотонь способностензон рисовандамати. Сычковонь кучезь тонафнема Петербургу живописнай школав.

     Школать аделамда меле сон сась эсь шачема велезонза. Тяса сон рисовандась лама картина, конатнень эса няфтезень Кацялайнь ломаттнень эряфснон. Лама картина сермадсь мокшень народть эряфонц колга. Сон сувсесь синь эряфозост станя жа, кода Кацялайнь эряйхне сувасть сонь произведениянзонды.

    Минь лятьфнесаськ художникть валонзон: «Пцтай сембе эряфозень мон етафтыне Кацялайса. Тя велеть, сонь эряйнзон историясна етнесь сельминголен лама киза».

   Ф.В.Сычков сермадсь лама цебярь картина тевса заняф ломаттнень колга.

   Куломдонза инголе Ф.В.Сычков етась эряма Саранскяи. Сон кулось 1958- це кизоня.

   Тяни Ф.В.Сычковонь кудса панчф музей. Музейса сонь картинанза, вещанза. Кудботмоса сембось ащи станя, кода ульсь художникть эряфонц пингста. Лама ломань сашенды музеи. Пара мяльса синь кулхцонкшнесазь азксть художникть тевонзон колга.

   Тячи ванцаськ сонь картинанзон кизонь пинкнень колга. («Панда пряста курькснема» картинанц ваномац»).

(Картинать анализоц кизефксонь коряс). (Няфтевихть «Тяла», «Тялонь велеса», «Тялонь ки», «Тялонь илядь» картинатне).

(Няфтеви П.И Чайковскяйнь портретоц).

  П.И.Чайковский- содаф рузонь композитор. Сон сермадсь пяк мазы музыка, конань лемдезе кизонь пинкненди «Времена года».

(Шабатне кулхцондыхть пакш магнитофонцта).

-Иднят, кодама ба тялонь картина рисаваледе тя музыкать коряс? (Азондыхть).

 -А кодама стихотворения азондоледе рузкс тялоть колга? (Азондыхть).

  Пяк малацект содержаниянь коряс ня картинатненди содаф поэтть П.Н.Черняевонь и мокшень композиторть  Н.В.Кошелевать моронза. (Няфтевихть портретсна).

   П.Н.Черняев шачсь Торбеевскяй райононь Лопатина велеса 1926- це кизоня 28 ноябрьста(стак тов азондомась колганза).

   -Ваномок тя картинать лангс, кодама мора мораледе? («Пайгоня»  мороть морамац 1- це куплетть, а сяльде магнитафонцта кулхцондомац морнек мороть.

Етай тялось, и лямбе шинясь, и горняй шудерькскятне, и солаф лофне, и нармонень весяла вайгяльхне, конат сайхть лямбе ширеста, кандыхть куля тундать саманц колга.

-Етафтсаськ календарть тага фкя лопанянц.

Тунда! Кодама мяльса минь учтама сонь саманц эса?

-Мес кенярттяма, мзярда сон сай?

   (Кулхцондовихть кафта сочиненият тундать колга).

-Кода сермадсть тундать саманц колга поэттне? (Кулхцондови Ошкина Оксанать стихотворенияц «Тунда», лувсы сонь сазороц Ошкина Иринась.)

   Кулхцонттама пакш П.И.Чайковскяйнь «Времена года» музыкастонза.

  -Кодама тундань картинат рисаваледе тя музякать коряс? (Иттне азондыхть).

   А кие азонды рузкс стихотворения тундать колга? (Азондыхть).

- А тяни, иднят, ванцаськ, кода няфтезе тундать Ф.В.Сычков «Тунда», «Мокшесь лиссь беряконзон эзда», «Эйсь тусь» картинанзон эса.

  Перьфпяльге няевихть Мокшеть кели просторонза. Эрь тунданя художниксь тяста няендезе Мокшеть инь вольнай пингонц, мзярда сон синнекшнезень эйнзон, лисендсь беряконзон эзда. Тя пингть сембе велесь лисендсь ляйть ваксс. Кинь седиенц аф токсесы тяфтама мазышись?! Ня ломаттнень еткса фалу улендсь Ф.В.Сычков. Сон сувась синь эряфозост станя жа, кода Кацялайнь эряйхне сувасть сонь произведениянзонды.

    Шабат, тундать пяк кельголезе Н.В.Кошелевась. (Портретонц няфтемац).

Сон шачсь 1952 кизоня Старо-Шайговскяй районца Вяртяльма велеса. Саранск ошса аделазе музыкальнай школа - интернатть, сяльде музыкальнай училищать.      1979-це кизоня аделазе Казанскяй государственнай консерваториять.

Н.В.Кошелевась содаф, сембонди кельговикс, смузю композитор, Мордовия Республикань Гимнать тяштиец, музыкань сяда ведьгемоньшка прозведениянь автор, Дмитрий Шестаковичень лемса и Россиянь Композиторонь союзонь премиянь лауреат, Мордовия Республикань Госпремиянь лауреат и искусствань заслуженнай деятель, Мордовия республикань Композиторонь союзть правлениянц прдседателец.

Сон лама мора ладясь тя мазы пингти.

   Сонь лемнезь и тянемс лемнесазь мокшень цефксокс, пяк ни  маштсь сон лац морама и моронь латсема. (Тифтень куплет морайхть иттне эрь мороста. «Маень вальс» и «Лайме порась».)

Етафтсаськ календарть тага фкя лопанянц.

    Киза. Менельса аяш фкявок коволня. Ушеса псиста пиди шинясь (Иттненди сяда тов азондомс кизоть колга).

  -А кода кизоть колга сермадыхть поэттне? (Кизоть колга стихотворениянь лувомась).

(Ф.В.Сычковонь «Киза», «Тише лядемста самась», «Паксяса», «Иттне панчфнень еткса» картинанзон ваномасна.

 «Ваймама шись колхозса» картинанц лангса работась кизефксонь коряс.

(«Луганяса келунясь», «Кафта церат тише лядихть» моротнень морамасна).

А тяни,шабат, кулхцонттама пакш П.И.Чайковскяень «Времена года» музыкаста

-Кодама картинат рисовандаледе тя музыкать коряс.(Иттне азондыхть).

-А кие азонды стихотворения рузкс кизоть колга?(Иттнень азондомасна).

-Няйсасть, иднят, и художникне,и поэттне, и композиторхне мусть марстонь валхт, штоба описандамс тя кизонь пингть: финцне - звукса, омбоцетне - валса, колмоцетне краскаса сермадсть картинат, конат абонфтядязь тя мазышить лангс.

И календарть мекольдень лопаняц.

     Сась зрнянь сексесь. Марнек перьфпяльсь прощандай лямбе и ляпе шинять мархта и ерай мекольцеда наряжамс сяда лацкас, штоба сяльде куватьс селгомс илань нарядонц тялоть зрнянь арьзянязонза.

А кодама пара сексенда вирьса!

Учительсь морафтсы наизусть М.И.Безбородовонь «Вирь» стихотворениянц 1-це ниле строчканятнень, а шабатне азондсазь сяда тов(Няфтеви М.И.Безбородовонь портретоц). Сонь колганза шабатнень азондомасна. М.И.Безбородов-мокшень васенце поэтоньке, поэзияньконь ушедыец и цефксоц. Сонь лама стихотворенияц етафтф рузонь и лия кяльс. Шачсь поэтсь 1907 кизоня 10-це январьста Ельниковскяй райононь Сире Пиченгуш велеса и ста тов.

-А кодама содатада рузонь поэт,кона пяк кельгозе сексеть?

(Шабатнень азондомасна великай русскяй поэтть) А.С.Пушкинонь колга. Пакш «Осень» стихотворениястонза наизусть азондомась.

А, тяни, шабат, ванцаськ, кода сексеть няфтезе эсь картинасонза Ф.В.Сычков «Стака етама», «Пизелксть ала», «Сексе». Тиемс аф оцю анализ «Стака етама» картинанцты кизефксонь коряс.

«Сексесь Вирь Ордаж велеса» картинать ваномац, конань сермадозе эсь велень художниконьке И.В.Сорокин.

(Шабатнень азондомасна кизефксонь коряс картинать колга.)

Учительть морафтомац Ошкина Оксанать стихотворениянц «Сексе».

(Кулхцондови пакш П.И.Чайковскяень « Времена года» музыкаста.

-Кодама картина рисаваледе тя музыкать коряс?

(Шабатнень азондомасна).

-А кодама стихотворения азондоледе рузкс тя музыкать коряс? (Шабатне азондыхть).

Учительть мекольдень валоц.

Тячи, шабат, минь лувома стихотвореният, кулхцондома музыка, корхтама картинатнень колга, авторсна конатнень эрясть аф фкя пингста, но синь сембонь шовордазень кельгомась эсь шачема ширети, родной природати и тядянь-алянь кяльти.

Стихне, музыкась, живописсь панчсесазь тейнек мазышинц шачема крайть, эняльдихть ванфтомс койхнень, обуцятнень, араламс сембе живойть, тонафтсамазь шарьхкодемс природать кяленц, кяленц поэзиять, музыкать, живописть.

Тя оцю чуда. Но панчсеви сон, кода природань чуда, аф сразу, и аф кажнайти, а аньцек еню, пара лямбе седи ломаттненди.

И тиньге, шабат, старандада улемс тяфтама ломанькс.

Минь тонадома природать эзда сявомс сембе козяшинц, и, тейнек арам, сон пефтома. Но эряви кельгомс и ванфтомс сон.

Аф лама пингта меле тейнт кажнайти сави кочкамс кельгома тев. И мон, иднят, надиян, што етксонт кармайхть улема поэтт, учительхть, врачт, агронопт и ста тов.

И тейнек сембонди эряви тюремс природать ванфтоманц инкса, штоба ваномс етаф лама кизода меле можналь ба вяри прянь кирдезь азомс:

Эше вастса шиньберьф

Морайхть цефксне,

Лувихть кукуфне кизот- тундат.

А перьфпяльсь, кода афкуксонь ефксса,

Капляньбес эхянь ефксста кундаф.

(Ф. Костяйкин.)