Буряад хэлэн мүнөө үедэ
творческая работа учащихся по теме

Найруулга

Буряад хэлэн мүнөө үедэ

Эхын hүнэй hайхан амтантай
Эльгэ зүрхэндэмнай орожо шэнгээшэ, 
Түрэл хэлэн булта гамтайл 
Түрбэлгүй нангин баялиг гээшэ
Буряад хэлэн (Ч. - Р. Н. Намжилов)

        Бүмбэрсэг дэлхэй дээрэ ажаhуудаг ямаршье арад зон өөрын хэлэтэй. Минии түрэл хэлэн - буряад хэлэн. Түрэл хэлэмнай уян зулгы эхын зүрхэнhөө, урин намдуу эсэгын сэдьхэлhээ дулдыдажа, арюун баян хэшэгтэй гээшэ. Би энэ бүмбэрсэг дэлхэй буряад яhатан байhандаа омогорхорноб. Арад бүхэн өөрынгөө хэлэ нангинаар хүндэлэн ябаха ёhoтой. Уг гарбалтай, үбгэн буурад аха заханарнай улзы hайхан эрдэни буряад хэлэеэ мүнөө болотор мандаа дамжуулжа ябаhандань бидэ залуушуул баяртай байнабди. Нангин хэлэеэ гамнажа , сахижа, нягта наринаар хандажа, арад зондоо аша туhыень ойлгуулжа ябаха мүнөө үедэ бидэнэй нангин үүргэ гээшэ.

      Хэлэн хадаа ухаан бодолтой сэхэ холбоотой. Ямаршье үндэhэнтэй яhатанай танигдаха нюур, бэеэ даанги байха гол шэнжын нэгэн тэрэ үндэhэнтэй хэлэн, соёл байдаг. Эдэ хоёроо алдабал, үндэhэнтэн байха эрхэгүй болохо. Эртэ сагhаа Байгал далайе тойрон ажаhууhан буряадууд өөрынгөө үндэhэн хэлэ, арадайнгаа аман зохёол hайса хүгжөөн ерэhэн түүхэтэй. Агууэхэ Октябрьска хубисхалhaa хойшо манай буряад хэлэн мүнөө үе болотор хүгжэнэ. Хори буряадай хэлэн дээрэ бии болоhoн литературна хэлэмнай зуун жэлдэ өөрбнгөө үүргые гол түлэб дүүргээ. Энэ хэлэн дээрэмнай эрхим hайн зохёолнууд бэшэгдээ, аман үгын үльгэр домогууд хэблэгдээ. Хүн бүхэнэй урган хүгжэлгэдэ арадай хэлэн ехэ нүлөө үзүүлдэг.

      Саг жэлэй ошохо бүри түрэл хэлэмнай хүгжэхэ ёhотой. Мүнөө үедэ буряад хэлэнэй үүргэ, тэрэнэй хүгжэлтэ тухай асуудал табигдажа, ехэ ажал хэгдэжэ байhандань гоё байна. Республика дотор жэл бүри буряад хэлэнэй hайндэрнүүд үнгэргэгдэдэг болонхой. Бидэ буряадууд энээнииэ заатагүй ойлгожо , өөрынгөө хуби оруулха болонобди.

      Буряад зон жэнхэни буряад хэлэеэ жэгүүртэй, далитай болгожо, түбеэр дүүрэн зэдэлүүлэе, буряадайнгаа үндэhэн хэлые бургааhандал уян, буладтал хату болгожо, хуур лимбын хурса зөөлын аялгаар арадайнгаа энэрхы сэдьхэлдэ гэгээн зула бадаруулжа байхамнай болтогой.

      Эхымнай hүнэй hайхан амтантай, эльгэ зүрхэндэмнай орожо шэнгэhэн, бултанда гамтайл түрэл хэлэеэ түрбэлгүй нангин болгожо ябая!

Уланхаанай дунда hургуулин

11-дэхи ангиин hурагша

Цыбикова Туянын  худэлмэри