тест по теме "Пожар"
тест (6 класс) на тему

Фаҗигадән саклана бел

ТЕСТ

1. Әгәр янгын чыкса ,

А) “01” телефонына шалтыратам – 3

Б) ярдәмгә күршеләрне чакырам – 2

В) беркемгә бенәрсә әйтмичә , өйдән чыгып китәм – 0

2. Әгәр бүлмә куе кара төтен эчендә калса ,

А) ишекне , тәрәзәне ачам – 0

Б) чыгу юлына йөгерәм – 2

В) сулыш юлларымны юеш чүпрәк белән камлыйм һәм идән буйлап чыгу юлына таба шуышам – 3

3. Әгәр электр үткәргеченә ут капса ,

А) аңа су сибәм – 0

Б) электр челтәрен өзәм , аннан соң утны сүндерергә керешәм – 3

В) ярдәмгә кеше  чакырам – 1

4. Әгзр өстемдәге киемгә ут капса ,

А) киемне сала – сала чабам – 0

Б) туктыйм , ялкынны сүндерү максаты белән , җиргә ятып тәгәрим – 3

В) юрганга төренәм – 2

5. Әгәр ашарга пешергәндә  , кызган табадагы майга ут капса ,

А) табаны юеш селге яки калын тукыма белән каплыйм-3

Б) табага су сибәм – 0

В) утлы табаны өйдән алып чыгып китәм – 0

6. Әгәр югары каттагы фатирдан чыкканда , юлны ут тоткарласа ,

А) төтен үтеп кермәсен өчен , ишек ярыкларына юеш сөлге , чүпрәк тутырам , тәрәзә аша ярдәм сорап кычкырам – 3

Б) чүпрәкләрдән бау ишеп , тәрә ә аша аска төшәм – 1

В) ярдәм сорап кычкырам – 1

7. Әгәр бакчада , ишегалдында , урман буенда узган елдан калган чирәм януын күрсәм ,

А) игътибар итмичә узып китәм – 0

Б) балчык ыргытып , агач ботаклары  белән суккалап , ялкынны сүндерергә тырышам – 3

В) бу турыда өлкәннәргә хәбәр итәм – 2

8. Әгәр кечкенә балаларның утка кәгазь , буш аэрозоль савытлары ыргытуын күрсәм ,

А) аларны туктатып , болай эшләүнең куркыныч булуын аңлатам – 3

Б) игътибар итмичә , узып китәм – 0

В) балаларның игътибарын башка шөгыльгә җәлеп итәм-3

9. Әгәр яраткан тапшыруымны караганда ,телевизордан төтен чыга башласа ,

А) тапшыруны карауны дәвам итәм – 0

Б) өлкәннәрне ярдәмгә чакырам – 2

В) телевизорны челтәрдән өзәм , телевизорга ут капса , янгын хезмәтенә шалтыратам , алар килгәнче , утны сүндерү эшенә керешәм - 3  

Белем – күнекмәләрне тикшерү.

25 – 30 балл – янгын куркынычсызлыгы кагыйдәләрен яхшы беләсез , аларны һәрчак үтисез һәм яшьтәшләрегезгә дә ярдәм итә аласыз , дигән сүз.

20 – 24 балл – кыен хәлдән чыгу юлын әлегә бик төгәл белеп бетермисез. Кагыйдәләрне тагын бер кабатлап чыгыгыз.

20 дән дә азрак балл – сезгә янгын куркынычсызлыгы кагыйдәләрен тирәнтен өйрәнә башларга кирәк булыр. Аларны белү – фаҗигадән саклана белү ул.