Ф.Яруллин
презентация к уроку по чтению (4 класс) на тему

Слайд 1

Фәнис Яруллин Татарстанның халык шагыйре , Г. Тукай һәм М. Җәлил исемендәге Дәүләт премияләре лауреаты, “ Татарстанның атказанган мәдәният хезмәткәре ”, Халыклар дуслыгы ордены кавалеры.

Слайд 2

Тормыш юлы Фәнис Гатаулла улы Яруллин 1938 елның 9 февралендә Татарстанның Баулы районы Кызылъяр авылында туа . Җидееллык белемне туган авылында ала, сигезенче сыйныфны Баулыда тәмамлый . 1954 елда “Татнефть” берләшмәсенең Баулы элемтә оешмасында монтёр булып эшли башлый . 1957 елда гаскәри хезмәткә алына . Фәнис Яруллин армиядә һава укчы-радистлары мәктәбендә укый , шунда спорт белән мавыга . Бәхетсезлеккә каршы , спорт күнегүләренең берсендә , турниктан егылып төшеп , умыртка сөяген имгәтә һәм гомергә йөри алмас хәлдә кала.1963 елда экстерн тәртибендә урта белем ала, 1970 елда читтән торып укып , Казан дәүләт университетының тарих -филология факультетын тәмамлый . Уку һәм озакка сузылган дәвалану белән бергә ул шигырьләр , проза һәм драма әсәрләре иҗат итә .

Слайд 3

Фәнис Яруллинның иҗади эшчәнлеге . Ул шагыйрь дә , прозаик та, драматург та, әкиятләр остасы һәм ялкынлы публицист та. Иҗатының кайсы ягын гына алып карама , аның дөньяга яшәешкә үзенә генә хас мөнәсәбәтен күрәсең . “Мин тормышка гашыйк ”, “ Җилкәннәр җилдә сынала ”, “ Ә нә килә автомобиль”, “ Һәркемнең үз сукмагы ” һәм башка шигырь , проза, сәхнә әсәрләре яза

Слайд 4

ТУГАН ЯГЫ КИРӘК КЕШЕГӘ Читтә йөргән чакта , сагындырып , Керер өчен төнлә төшенә , Зәңгәр таңлы , биек аяз күкле Туган ягы кирәк кешегә . Зур уңышлар яулап , заманалар Матур бәя бирсә эшенә , — Шатлыкларын ишеттерер өчен Туган ягы кирәк кешегә

Слайд 6

Шагыйрь үзе турында Февраль аенда тугангамы , канымда — февраль бураннарының уйнаклыгы , күңелемдә — Өемташ тауларының горурлыгы , җанымда — Ык елгасының ярсуы , хисләремдә — әрәмә чәчәкләренең назы , холкымда — дала җилләренең үҗәтлеге , тәнемдә тау имәннәренең ныклыгы бар. Табигатемдә булган шушы сыйфатлар кояшны каплаган кара болытлар аша йолдызлы күкләрне күрергә , салкыннарда сулышым белән җылытып учларымда гөлләр үстерергә , кешеләр гамен үз гамьнәремнән өстен куярга мөмкинлек бирде .

Слайд 7

Ф.Яруллинның тормыш девизы “ Нинди генә очракларда да кеше булып кала алу һәм намуска тап төшермәү .”

Слайд 8

Кеше дигән бөек исемне гел Йөрттең Син горур күтәреп . Яшәмәдең юкны бушка иләп , Бер дә юкка гомер үткәреп .