Зужэг Михаил Батоин «Сухалтай Хайдаб соохор Содбо хоёр» (конферанс) «БYМБЭР- БYМБЭР»
материал на тему

Михаил Батоин

«Сухалтай Хайдаб соохор Содбо хоёр»

(конферанс)

«БYМБЭР- БYМБЭР»

(Сценэ дээрэ Сухалтай Хайдаб Соохор Содбо хоёр уулзана)

Содбо. Хайдаб!  (Хайдаб дуулаашагуй болоод байна)

Содбо. (Шэхэндэнь дYтэлжэ) Хайдаб YYри !!!

Хайдаб (сошоно) Энэ яажа байна гээшэбши?! Яатараа hYхирѳѳ хYмши? Эндэш дYлии хYн Yгы!

Содбо Yгы теэд хажуудашни «Хайдаб, Хайдаб» гэжэл байналби!

Хайдаб (Yгыень hажаажа) «Хайдаб, Хайдаб»… ХYндэ мYртэйгѳѳр хандажашье шадахагуй…

Содбо ЗYб лэ даа, зYб. Бидэшни иимэл зон губди даа, мартамхай. Шал мартамхай боложо байналди даа…

Хайдаб Зай болил даа! ТYрэhэн эсэгымни нэрэ мартааб гэжэ гY?

Содбо Yгы ааб даа, YYримни… сухалтай.. э-э … Хайдаб … хэн бэлэй даа… Хабтаевич… Теэд…

Хайдаб  Юу теэд гэжэ?

Содбо Тэрэ яагааб дааа… Яагааб даа тэрэ…  Юун бэлэй даа… Яагааб тэрэ мYнѳѳхи «хониноймнай хорео сохи бYмбэгэр- бYмбэгэр  саган юумэнYYднай». .. Бидэ хоёрой эсэгэнэрэй адуулдаг, хойто хадануудайнгаа боорёор.

Хайдаб Зай, болил даа! Хониной хорео гээд хэлэжэ байhан аад, хониной нэрэ мартааб гэхэшни гY?

Содбо Yгы ааб даа, Хайдаб Хартаевич. Тэрэ хониной хорео соохи «бYмбэр- бYмбэр»…

Хайдаб Зай тиигээд тэрэ хониной хорео соохи бYмбэр- бYмбэр»… Тьфу! Тэрэ…

Содбо Тиимэл даа, тэрэ хорео соохи «бYмбэр- бYмбэрхэнYYд » ааб даа…

Хайдаб (сухалаа хYрэнэ) Тиин! БYмбэр- бYмбэр»…!...

Содбо (хYл дээрээ тохилзон) Тиимэ-тиимэ… бYмбэр- бYмбэр»… ааб даа (дуулана). «Мааран мааран бэлшэгшэ бYмбэр сагаан  минии…» (Хайдаб тээшээ харана) «бYмбэр- бYмбэр»… сагаан…»

Хайдаб (дуулана) «Мааран мааран»… бYмбэр бYмбэр»…? (Содбо тээшээ харана). Аа? Тьфу! Юун бэлэй саашаа?

Содбо Яагааб даа мYнѳѳхи хонидоймнай хорео соохи «бYмбэр- бYмбэр»…

Хайдаб Зай яахамнайб даа… Тиигээд лэ «бYмбэр- бYмбэр»…»

Содбо Тиимэл даа (гараараа хониной ууса харуулан дуулана). «бYмбэр- бYмбэр»… уусатай .hYYлынь гэжэ-ээ, модон томо улханай зэргэ юм ааб даа.»

Хайдаб Зай болил даа! Юун улхан гэжэ…  hYYлдэл адли hYYлтэй «бYмбэр- бYмбэр»…».

Содбо YYримни, тэрэшни бYмбэр- бYмбэр…бэшэ, меринос гэдэгынь гээшэл даа.

Хайдаб Зай болил даа! Тэрэшье  hаа, хонин юм ааб даа.

Содбо Ай даа, Хайдаб Хабтаевич, ши саган хониной hYYл хэзээ эдиhэнээ hанана гYш?

Хайдаб hYYлээрнь яахамнайб? Тэрээхэн ууса… Тиихэдэшни Yшѳѳ тѳѳлэй урдашни…

Содбо Тьфу! Ямар жэгтэй хYн гээшэб? хYнэй хонин гэхэдэ, тэрэ… меринос гээд hалаха юм бэшэл!  Тэрэ яагааб даа, бYрэ бYмбэгэрхэн уусатай, модон томо улханай зэргэ hYYлтэй.

Хайдаб  Зай, болил даа… Хэзээнэйнгээ модон улхан дурдаад, hаланагуйбши.

Содбо Тиимэл даа! Yшѳѳ  багашаг модон улхан соо багтахашьегуй юумэ ааб даа!

Хайдаб  Поднос! МYнгэлhэн ехэ поднос дээрэ хототой халуухан шуhатайгаарнь! Ии-их! (амаа тамшаана)

Содбо (Гэнтэ hанаа абаhан боложо) Yгы тиигээд тэрэмнай юун бэлэй даа?  

Хайдаб Юун юун гэжэ?

Содбо Тэрэ яагааб даа «бYмбэр- бYмбэр»…. Тэрэ модон томо улханай шэнээн hYYлтэй.

Хайдаб Хонин лэ юм ааб даа.

Содбо Тэрээнииешни шамшьегуйгѳѳр мэдэжэ байналбеэ! Хонин гY,али нохой гY гэжэ. Тэдэшни шинии хэлэдэггуйдэши, нохой hYYлтэй ябагша даа. Би тэрэ «бYмбэр- бYмбэрые» хэлэнэб. Юун бэлэй?

Хайдаб  Зай болил даа, юрэдѳѳ! Ухааншни бYрил соохорлошоо гY даа? 

Содбо (бодолгото болон ябасагаана, юумэ hанажа ядан зобоно). Юун бэлэй даа, хэлэнэймни YзYYр дээрэхэнэ байнал даа.

Хайдаб Хонин гэнэб шамда!

Содбо Ямар hонин хYн гээшэб? хYнэй бэшэ гэхэдэ… Тьфу! Тиимэ ааб даа, хонин… тиигээд утуу даа, иимэ нэхы нооhотой! Даха, дэгэл, гутал арhаарнь оёгшо hэмнайбди даа! Иимэ томом одон улханай шэнээн hYYлтэй.

Хайдаб (харагшадта) Харагты даа энээниие, иимэ хYнѳѳр юун гэжэ хYн хѳѳрэлдэдэг юм? Мериносшье  hаа, хонин, тэхэшье hаа, ямаан ха юм даа.

Содбо Харин шам мэтэнYYдhээл боложо, тэдэмнай харагдахаяа болижо, нэрэнь мартагдажа байна. Yшѳѳ тиигээд арhан нэхы дэгэлшье байхагуй, хYйтэндэ хэдэрхэ дахашье байхагуй, баарья бээлэй, нооhон дулаахан оймhон!

Тэрэмнай юун бэлэй даа? Мартамхайшье гээшэинай аюултай боложо байна даа, Хайдаб Хабтаевич!

Хайдаб Зай, ябая саашаа эндэhээ, иигэжэ байhаар шамтай хYнэй наадан болохомни ха.

Содбо (гарахаа ябатараа) МYнѳѳнэй хонин бэшэ, ходол бYмбэлзэжэ ябаhан буряад Халзамнай гYб даа.