Класс сехечĕ – «Чăваш ене пĕлетĕн-и?» вăйă
классный час на тему

Класс сехечĕ  – «Чăваш ене пĕлетĕн-и?» вăйă

(Ку вăййа кирек хăш класс ачисемпе  те выляма пулать).

/ё\н автор\:Афанасьева Нина Николаевна - Канаш районĕн Ăвăспӳрт Кипечри А.Я.Яковлев ячĕллĕ пĕтĕмĕшле пĕлӳ паракан тĕп шкулта  чăваш чĕлхипе литература вĕрентекен

Сапăрлăх тĕллевĕ: тăван ене савма, ун ҫыннисемпе мухтанма кирлине ăнланма пулăшасси.

Пĕлӳ тĕллевĕ: Чăваш ҫĕр-шывĕ ҫинчен нумайрах вуласа пĕлме хавхалантарасси, тавра курăма аталантарасси.

Аталантару тĕллевĕ: Шухăша уҫҫăн палăртма вĕрентесси.        

Кирлĕ хатĕрсем: презентаци материалĕ, кашни ушкăн валли вăйă схеми, ҫĕнтерӳҫĕсем валли – парне.

Вăййа 2,3 е ытларах та ушкăн хутшăнать. Кашни ача харпăр хăйшĕн те выляма пултарать. Вăйăра 5 тема:

1.Савнă ялăм

2. Ман ҫĕр-шывăм

3. Шупашкар

4. Чăвашсен  паллă ҫыннисем

5. Чăваш Республикинчи хуласем

Кашни тема виҫшер ярăмран тăрать: вĕсене хакне кура уйăрнă (100,200 тенкĕ; 300, 500 тенкĕ; 1000, 2000 тенкĕ). Вылякан ача темине тата ыйту хакне калать.Хуравне пĕлчĕ пулсан ҫав укҫи ун хутаҫне каять. Пĕлеймерĕ пулсан ҫав тенкĕлĕх кивҫене кĕрет е , ҫав укҫи ҫунса каять. Вăйă вĕҫĕнче вылякансем пухнă укҫине шутлаҫҫĕ те, ҫĕнтерӳҫĕ палăрать, ăна парне лекет.

Ыйтусем

 1.Савнă ялăм.

1) Ялти шкул миҫемĕш ҫулта уҫăлнă?

2) Пирĕн шкула хăҫан газпа хутма пуҫланă?

3) Ялти палăка миҫемĕш ҫулта лартнă?

4) Тăван ҫĕршывăн Аслă вăрҫинчен яла миҫе ҫын таврăннă?

5) Пирĕн ялти чиркӳ хăҫан  ĕҫлеме пуҫланă?

6) Тăван ял миҫемĕш ҫулта пуҫланнă?

2. Ман ҫĕршывăм – Чăваш ен

1)ЧР миҫемĕш ҫулта йĕркеленнĕ?  

2)ЧР символикин авторĕсене калăр.

3)ЧР- че миҫе район?

4)ЧР- че миҫе хула, вĕсене каласа тухăр.

5)Чăвашсен 1-мĕш хаҫачĕ мĕн ятлă, вăл ăҫта тухнă?

6)Чăвашсен 1-мĕш президентне миҫемĕш ҫулта суйланă?

3. Шупашкар

1) Шупашкар гербĕ ҫинче мĕн ӳкернĕ?

2) Шупашкарта мĕнле-мĕнле палăксем пур?

3) Шупашкарти театрсене пĕлетĕр-и?

4) Шупашкар миҫемĕш ҫулта йĕркеленнĕ?

5) Шупашкарта ĕлĕкхи мĕн ятлă пуянăн ҫурчĕсем халĕ те пур?

6) Шупашкарта мĕн чухлĕ ҫын пурăнать?

4. Чăвашсен паллă ҫыннисем

1)Андриян Николаев ăҫта ҫуралнă?

2) К. Иванов  Чĕмпĕрте камсемпе пĕрле вĕреннĕ?

3) Чăваш гимнĕн авторĕсене калăр.

 4) Чăвашсен   паллă балерини кам вăл?

5) Ку ҫын 20-рех шкул уҫма пултарнă. Кам вăл?

6)18 ҫултах вилĕмсĕр поэма ҫырса классик пулса тăнă поэт.

5. Чăваш Республикинчи хуласем

1) Чи ҫамрăк хула мĕн ятлă?

2) Канаш хулин ĕлĕкхи ячĕ мĕнле-ши?

3) Ку хула гербĕ ҫине йĕтресем ӳкернĕ.

4)  Сиктерсе хăварнă хула ятне пĕлĕр.

         …, Чикме: Етĕрне урлă

         юрру сассийĕ кайĕ сан! (Ҫеҫпĕл Мишши)

5) Ку хулара  ĕлĕк пысăк пасар пулнă тет.

6) Кĕтерне патша хăш хулана килнĕ-ши?

Ачасене валеҫмелли схема, панă ыйтусене туртса пымалла.