Методическая разработка по программе «Основы лидерства» «Үз тормышым-үз юлым!” (Моя жизнь-мой выбор)
классный час (9 класс) по теме

Үз тормышым-үз юлым!

Максатлар:

-үз-үзеңне , үзеңнең кызыксынуларыңны, сәләтләреңне яхшырак белү;

- һөнәрләрнең күптөрлелеге  турында күзаллауны үстерү;

-үзалдыңа дөрес максат куеп, тормышта ялгышмыйча дөрес юлны сайларга өйрәтү.

Барышы:

1. Кереш.Уен  “Син кайсын сайлыйсың?”.
2.  Ныклы өчпочмак : сәләтләр,кызыксынулар,тормыш кыйммәтләре.

III. Һөнәрләр дөньясы.

IV.  Син кайсын сайлыйсың?

V.Йомгаклау

I.Оештыру моменты.Укучыларга дәреснең максатлары әйтелә.Дәрес барышы белән таныштырыла.

Слайдта1 чыга барган юллардан сайлау тәкъдим ителә.

Берничә укучы үзләренең сайлауларының сәбәбен аңлата.( “Миңа ошый...”, “Миңа ул кызык...”, “Мин яратам...” )

-Укчылар сезгә бу юллардан үзегезгә ошаган әйберне сайлау авыр булдымы?

Әлбәттә , авыр булмады.

Һәр кешегә һәр көнне бик күп тапкырлар теге яки бу нәрсәне сайлау белән очрашып торырга туры килә.Күп тә үтмәс сезнең алдыгызда үзегезгә тиешле белемне алып,тиешле һөнәрне сайларга кирәклеге килеп басар.Бу сайлау бик җиңел генә дә булмас.Бу сайлауның бик нык уйланган булуы әһәмиятле,чөнки шул очракта гына сез тормышта күп кенә күңелсезлекләрдән һәм хаталардан  котыла  алачаксыз.

II . Һөнәрне дөрес сайлау өчен , тормышта ялгыш юлдан китмәс өчен нишләргә соң?

 Иң беренче үз-үзеңне танып белергә кирәк.

Үз-үзеңне танып белү(самопознание) ул- үзеңнең сәләтләреңне , кызыксынуларыңны, үзең өчен әһәмиятле булган тормыш кыйммәтләрен ачыклау. Күрдегезме өчпочмак хасил булды. Ә өчпочмак иң нык геометрик фигура булып санала, аның ныклыгы тормышта (бигрәк тә төзелештә) киң кулланыла.Үз юлыңны сайлаганда да килеп чыккан өчпочмакны тулысынча өйрәнеп бетерсәң, синең сайлавың дөрес һәм нык булачак. Слайд 2

Сәләтләр(способности) - шәхеснең тумыштан килгән индивидуаль үзенчәлекләре,нинди дә булса эшчәнлекне башкарганда уңышка ирешү дәрәҗәсенең югары булуы.Сәләтләр төрле булырга мөмкин: музыкага, рәсем сәнгатенә, математик сәләт,техник сәләт.Сәләт уңышка ирешү юлында алшарт (предпосылка) гына.Сәләтне үзеңдә ача белү, аны үстерә белү кирәк.

Кызыксынулар(интересы)-кешенең нинди дә булса объектка яки эшчәнлеккә карата өстенлек бирүе, аерым игътибар итүе, тартылуы.Кеше үзенең кызыксынуларын күбрәк ачыклаган саен аның сәләтен дөрес юнәлештә куллануга күбрәк мөмкинлек туа, үзен күбрәк ача һәм күрсәтә ала.

Кызыксынуларыгызны ачыклау өчен түбәндәге сорауларга җавап биреп карагыз әле:

-Сез нинди фәннәрне зур кызыксыну белән өйрәнәсез? Ә ниндиләрен теләмичәрәк?

-Нинди телевизион программалар сезне күбрәк кызыксындыра, ниндиләре азрак?

-Буш вакытыгызда сез нәрсә белән шөгыльләнергә яратасыз?

-Нәрсәдән сез күбрәк рәхәтлек аласыз:китап укуданмы яисә спорт белән шөгыльләнүдәнме?

-Сезгә нәрсә кызыграк: музыка тыңлаумы яисә дусларыгыз белән кая да булса барумы?

Тормыш кыйммәтләре(ценности) -ул кешенең идеаллары, ышанулары, күзаллаулары, дөньяга,  үзенә карашының эталоннары.

Ә хәзер әйдәгез үз өчпочмагыгызны төзеп карагыз. 

Слайд 3

III. Сыйныф сәгатенең бу өлешендә без үз-үзеңне танып белүдән һөнәрләр дөньясын танып белүгә күчәрбез.

Слайд 4

Хезмәт предметы буенча һөнәрләр төп дүрт төркемгә бүленәләр:

“Кешеләр”- бу һөнәр ияләре кешеләр ,социаль төркемнәр белән эш итәләр.Алар ярдәм күрсәтәләр,укыталар,хезмәт күрсәтәләр,товар саталар,оештыралар,идарә итәләр,җитәклиләр һ.б.

-Укучылар, бу класска нинди һөнәрләрне кертергә була?

-Бу һөнәр ияләренә нинди сыйфатлар хас? Бу сыйфатлар сездә бармы?

“Мәгълумат”- бу һөнәр ияләре мәгълумат җыю, аны саклау, системалаштыру, тикшерү, планлаштыру, төрле отчетлар,схемалар,таблицалар,диаграммалар төзү белән шөгыльләнәләр.

-Бу класска нинди һөнәрләрне кертер идегез?

-Бу һөнәр ияләренә нинди сыйфатлар хас? Бу сыйфатларга сез ияме?

“Предметлар”- бу һөнәр ияләре үсемлекләр,хайваннар һәм шулай ук терек булмаган предметлар (машиналар, механизмнар, приборлар, инструментлар) белән эш итәләр.

- Нинди һөнәрләрне  бу класска кертергә була?

-Аларга нинди сыйфатлар хас? Бу сыйфатлар сездә бармы?

“Идеяләр”- бу һөнәр ияләре белем туплыйлар,ачышлар ясыйлар, төрле күренешләрне анализлыйлар, чынбарлыкны сәнгать аша тапшыралар.

-Бу класска нинди һөнәрләрне кертер идегез?

-Бу һөнәр ияләренә нинди сыйфатлар хас? Бу сыйфатларны үзегездз күрәсезме?

Слайд 5

Ә һәзер һөнәрләрне дөрес итеп урнаштырып карыйк.

Һөнәрләр дөньясын тагын да ныграк өйрәнү өчен түбәндәге таблицага игтътибар итик.

Слайд 6

IV. Бүгенге сыйныф сәгатенең төп соравына җавап бирү өчен барлык өйрәнгәннәрдән чыгып сез үз алдыгызга максат куярга  һәм карар кабул итәргә тиешсез. Ә инде куелган максатларны тормышка ашыру өчен сезгә түбәндәге алгоритм ярдәм итәр:

Слайд 7

Дәфтәрләрдә тәкъдим ителгән анкетаны тутыралар

Слайд 8

V. Йомгаклау сүзе: укучылар бүгенге сыйныф сәгате сезнең өчен кызыклы һәм файдалы булгандыр дип ышанып калам.

 Өйгә эш:  ике сорауга язмача җавап  бирергә:

1.Куйган максатыгызга ирешү юлында сезгә үзегездә  нәрсә комачаулык итәргә мөмкин?

2.Сез бу каршылыкларны ничек җиңәргә уйлыйсыз? Бүгенге  көндә моның өчен нәрсә эшлисез?

Кулланылган әдәбият:

1. Методик кулланма “Экономика успеха”.,МОО: Достижения молодых, 2006
2. С.И.Ожигов Толковый словарь
3. Н.Н.Захаров,В.Д.Симоненко Профессиональная ориентация школьников.-М..:Просвещение,1998