Бутерброд ясау.
план-конспект урока по технологии (6 класс)

Тема: Бутерброд ясау.   7 класс

Максат:

1. Бутерброд, аларның төрләре, ясау технологияләре белән таныштыру.
2. Төгәллек, пөхтәлек, мөстәкыйльлек кебек сыйфатлар тәрбияләү.
3. Игътибарлыкларын, иҗади мөмкинлекләрен үстерү.

Җиһазлау: компьютер,  мультимедийный проектор, экран; савыт-саба , бутерброд әзерләү өчен продуктлар; кыргыч, тарелка, пычак;скатерть, салфетка; алъяпкыч, косынка.

Дәрес барышы.

1. Уңай психологик халәт тудыру.

-Хәерле көн укучылар.  Йорт эшләре дәресен башлыйбыз.

-Кешеләрнең сәламәт яшәве һәм таза булып үсүе өчен витаминнарга бай, төрле ашамлыклар белән тукланырга кирәк. Андый ашамлыкларга арыш һәм бодай ипие , он һәм төрле ярмадан әзерләнгән ашлар, сөт һәм сөтле ашлар, эремчек, май һәм үсемлек мае, ит һәм балык, җиләк – җимеш һәм яшелчәләр керә. Ашамлыкларда витаминнар җитешмәгәндә кеше төрле авыруларга бик тиз бирешә . Төрле азык белән тукланган укучылар сирәк авырыйлар һәм таза - сау булып үсәләр.

Төп өлеш.

-Бүген без сезнең белән бутербродлар, аларның төрләре белән танышырбыз һәм ачык бутербродны ясарга өйрәнербез. Бутербродларның нигезе булып ипи тора.  

-Ничек уйлыйсыз, укучылар, ипи файдалымы ул?

Икмәк  турында кереш сүз.

-Мин үзем икмәкне кеше өчен иң зарури ризык итеп кенә түгел, ә илнең иң зур байлыгы, дәүләтнең төп куәте дип саныйм. Икмәк авыр хезмәт белән үстерелә. Аның өчен игенчеләр күп көч куялар.Башта алтын бөртекләр җылы туфракка чәчелә. Аны карап үстерәләр. Июль аенда уңыш җыю башлана. Бөртекле ашлыктан он әзерләнә. Шуннан соң гына икмәк пешерәләр. Икмәк барлык ризыклардан өстен тора.

2. Ипи турында табышмаклар әйтү.

3.Бутербродлар  белән таныштыру.

-Бутерброд безнең менюга төрлелек кертә, төрле ризыкларны аппетитлы һәм матур итеп ясарга мөмкинлек бирә.

-Бутербродлар төрле формада була: түгәрәк, квадрат, өчпочмак, чәчәк  кебек формаларда. Һәм бутербродларны ясаганда : сыр, йомырка, майонез, тозлы ризыклар һәм башка шундый ризыклар кулланыла.

4. Бутербродларның төрләре.

-ачык (гади һәм катлаулы)

- ябык (сандвич)

-кабымлык

-кайнар

5. Ачык бутербродларны ясау технологясе.

- Ак һәм кара ипидән ясала;

-Ипине 1 см калынлыкта кисәбез;

- төрле ризыклар һәм яшеллек белән бизибез.

Ачык-гади бутербродка 1-2 ризык куелса, катлаулы бутербродка берничә ризык куела.

6. Әзер бутербродка тәлапләр:

1) Бутербродны табынга бирер алдыннан гына әзерлиләр

2) Бутерброд ясыйсы ризыклар бозылмаган булырга тиеш.

3) Ипи артык калын яки юка булырга тиеш түгел.

4) Ипинең өсте бөтен килеш ризык белән капланып бетәргә тиеш.

5) Бутербродларны холодильникта 3 сәгатьтән дә ары сакларга ярамый.

7. Куркынычсызлык кагыйдәләре.

Пычак һәм башка җайланмалар белән эш иткәндә:

1. Пычак яки чәнечкене кешегә сабы белән бир.
2. Тактада продуктлар эшкәрткәндә, пычакны тактадан өскә күтәрмә.

Санитария-гигиена таләпләре.

Аш-су әзерләгәндә махсус кием кияләр. Тырнак киселгән, кул яхшылап юылган, чәч яулык яки калпак астына яшерелгән булырга тиеш.

8. Практик эш.

• 1. 1 см калынлыкта итеп ипине кисәбез.
• 2.  Сыр, сарымсак  һәм йомырканы вак кыргычта кырабыз.
• 3. Майонез салып, барысын бергә болгатабыз.
• 4. Ипигә килеп чыккан шушы катнашманы сылыйбыз.
• 5. Бутербродны яшеллек белән бизәп, тарелкага салып, табынга бирәбез.

9. Табын янында үз-үзеңне тоту кагыйдәләре.

1. Табын янына соңга калып утырмагыз. Өстәл артына башта олыларны уздырыгыз, аннан соң үзегез утырыгыз.
2. Табын янына урындыкны тавышсыз гына куеп килеп утырыгыз.
3. Табын янында кычкырып, авызны зур ачып сойләшү кабул ителми.
4. Ашаганда тавыш чыгарып ашамагыз.
5. Дөрес һәм матур ашарга өйрәнегез. Чәнечке белән ашарга тиешле ризыкларны кашык белән ашамагыз.
6. Табын яныннан бөтен кешегә бер вакытта китү кабул ителгән. Әгәр башкалардан алдарак торып китәргә туры килә икән, өлкәннәрдән рөхсәт сорарга кирәк.

10. Йомгаклау.

11. Билгеләр кую.