Рабочая программа по дисциплине "Родной (мокшанский) язык" 9 класс
календарно-тематическое планирование (9 класс)

Тонафнемань курсть основной целенза: 

Максомс содамошит простой и сложнай валрисьмоть тонафнемста; шачема кяльть лезксонц вельде, сонь лангозонза нежедезь , касфтомс иттнень логическяй мяльснон- арьсемаснон, ёжемарязь морафтомань и корхтамонь маштомошиснон; маскомс сермадомань, пунктуациянь и интонациянь кеме маштомошит, кеподемс синь мяльснон цебярьста содамс, кельгомс и ванфтомс тядянь- алянь кяльть.

           Тонафнемань курсть характеристикац: Рабочай программась тиф Мордовия Республикань Образованиянь Министерствать программанц коряс Г.С.Иванова, Т.И.Ломакина «Мокшень кялень программат 5-11 классненди» (Саранск, Мордовскяй книжнай издательствась 2017к.), рецензентсь МРИО-нь гуманитарнай наукань кафедрась М.Н.Морозова, мокшень кялень и литературань высшай категориянь учитель.

9-це класса тонафневихть простой и сложнай валрисьмотне,цебярьста корхтамась. Сембоц макссеви 17 част. Тонафнемань эрь кизоть ушедомста и аделамста ётафть лятфтаманкса программаса нолдафт башка частт. Темань тонафнемда меле ётафневихть контрольнай работат.  Тя тиендеви теоретическяй содамошитнень маштомошитнень кемокстаманкса и корхтама маштомать касфтоманкса.

Корхтама маштомать касфтоманкса работатне программаса занцихть сатомшка васта и макссевихть эрь класса тонафневи теоретическяй материалть мельге. Программаса эрь разделти и темати максфт башка частт.

          Лия предметтнень мархта соткссь.

        Кяльть тонафнемста оцю мяль шарфневи лия предметтнень мархта соткссь. Сембода кемот ня сотксне кяльть и литературать ёткса, сяс мес кяльть тонафнемста дидактическяй материалсь сявондеви васендакиге художественнай литнратураста. Корхтама маштомать касфтомаса ламоц работатневок фкат литературать мархта (сочинениятне, изложениятне, азксне, планонь сёрмадоматне и стак тов)

        Кирдевихть соткст биологиять, географиять, историять и лия предметтнень мархта. Сявондевихть синь корязост текстт, эрь кодама работат (ётафтомс рузонь кяльста текст, арьсемс валрисьмот, сёрмадомс сочиненият, изложеният и стак тов).. ванондовихть урокса мокшэрзянь композиторхнень и художникнень произведениясна, синь лац лездыхть содамс мокшетнень и эрзятнень седиснон-ваймоснон, эряфснон.

              Ценностнай ориентирхне: Мокшень кяльсь школаса кода тонафнемань предмет занци пяк эрявикс васта, сонь оцю тонафнемань и цебярь потмовиень касфтомань смузец.

Школаса родной кяльсь тонафневи сянкса, штоба анокламс культурнай, сембе ширде содай ломатть, максомс тейст мокшень литературнай кяльса морафтомань, корхтамань и сёрмадомань содамошит.

Шачема кяльть цебярьста содамац пяк лезды келептемс аерьфпяльть колга содамошитнень, сон максы пара лезкс рузонь кяльть тонафнемста, грамматиканц, марнек козяшинц и виенц шарьхкодемста.

Курсть тонафнемань результаттне: Тонафнихненди эряви максомс сатомшка содамоши родной кялень фонетикаста, лексикаста, морфологияста, валонь тиевомаста, синтаксиста и стилистикаста; пачфтемс марнек эряфсакяльть асувонц колга, сяда тов касоманц и виияманц и масторлангонь лия кяльхнень ёткса сонь вастонц колга. Шачема кяльть лезксонц вельде, сонь лангозонза нежедезь, эряви касфтомс иттнень логическяй мяльснон-арьсемаснон, ёжемарязь морафтомань и корхтамань маштомошиснон. Максомс сёрмадомань, пунктуациянь и интонациянь кеме маштомошит, кеподемс синь мяльснон цебярьста содамс, кельгомс и ванфтомс тядянь-алянь кяльть.

«Мокшанский язык» дисциплинать содержанияц

1-це разделсь. Тяниень пингонь мокшень литературнай кяльсь, сонь козякодомань кинза. Тонафнеть лятфтамац.

2-це разделсь. Сложнай валрисьмось. Цебярьста корхтамась

Сложнай валрисьмось. Союз мархта и союзфтома сложнай валрисьмотне.

Маштомс:

• Сложнай валрисьмотнень морафтомста видеста вайгяльть вятема;
• Простой и сложнай валрисьмотнень фкя-фкянь эзда явома.

3-це разделсь. Сложносочиненнай валрисьмотне.

Соединительнай союз мархта валрисьмотне. Противительнай союз мархта валрисьмотне. Явомань союз мархта валрисьмотне.  Кемокстамань урок сложносочиненнай валхнень коряс.Сложносочиненнай валрисьмонь пялькснень ёткса знакне.

                              Маштомс:

• Сложносочиненнай валрисьмоса башка пялькснень и простой валрисьмоса однороднай сказуемаень группатнень фкф-фкянь эзда явома.

4-це разделсь. Сложноподчиненнай валрисьмотне.

Главнай и придаточнай валрисьмотне. Указательнай валхне главнай валрисьмотне.  Придаточнай валрисьмоть вастоц главнайть видеса Придаточнай валрисьмотнень основной видсна. Дополнительнай придаточнай мархта сложноподчиненнай валрисьмотне.

                              Маштомс:

• Сложноподчиненнай валрисьмотнень азомста вайгялень вятема;
• Подчинительнай союснень, союзнай и няфтемань валхнень сложноподчиненнай валрисьмотнень видеса тевс ноляма;
• Сложноподчиненнай валрисьмотненди схемань тиема;
• Сложноподчиненнай валрисьмоть пяльксонзон еткс лотксема тяштенянь путнема.

5-це разделсь Союзфтома сложнай валрисьмотне.

Запятойсь союзфтома сложнай валрисьмоса.Точка матхта запятойсь союзфтома сложнай валрисьмоса. Кафта точкатне союзфтома сложнай валрисьмоса. Тиресь союзфтома сложнай валрисьмоса. Союзфтома сложнай валрисьмоть видеса интонациясь

    Маштомс:

• Вайгяльть вельде союзфтома сложнай валрисьмоть потмоса аф фкя лацонь смузень отношениятнень сотксснон няфнема;
• Союз мархта и союзфтома сложнай валрисьмотнень кода синтаксисонь синонимонь корхтамаса тевс ноляма;
• Союзфтома сложнай валрисьмоть пяльксонзон еткс лотксема тяштенянь путнема.

6-це разделсь Синтаксисонь сложнайгофтф конструкциятне.

Понятия лама придаточнай мархта сложноподчиненнай валрисьмотнень колга. Сложносочиненнай и сложноподчиненнай пялькс мархта синтаксисонь конструкциятне. Однороднай пяльксса сложнайгофтф валрисьмотне. Явфтови башка пятьксса сложнайгофтф валрисьмотне. Схемань коряс синтаксисонь сложнайгофтф конструкциянь валрисьмонь арьсема.

                          Маштомс:

• Синтаксисонь максф сложнайгофтф конструкциятненди схемань тиема;
• Максф схемань коряс синтаксисонь сложнайгофтф констркциянь валрисьмонь арьсема, текстста или упражненияста кочкама.

7-це разделсь Виде и аф виде корхтамась.

Лиянь корхтамать пачфтемац. Видеста и аф видеста азф корхтамась. Видеста азф корхтамать мархта валрисьмотне. Аф видеста азф корхтама мархта валрисьмотне. Видеста азф корхтамать полафтомац аф видеста азф корхтамаса.

                          Маштомс:

• Виде корхтамать вайгяльса явома;
• Виде корхтамать аф виде корхтамаса полафтома;
• Текстста сявф цитататнень тевс ноляма;
• Виде корхтама, аф виде корхтама и цитата мархта валрисьмоса лотксема тяштенянь путнема.

8-це разделсь Кизоть песта тонафнефть лятфтамац.

Тематическяй планированиясь

Календарно-тематическяй планированиясь.