5-мĕш класс. Чăваш литератури. «Усал ĕçпе ырă ят илеймĕн» темăна тĕрĕслемелли тестсемпе ĕçсем.
тест (5 класс)

5-мĕш класс. Чăваш литератури.

«Усал ĕçпе ырă ят илеймĕн» темăна тĕрĕслемелли тестсемпе ĕçсем.

1. Рифма тăрăх хайлав ятне тата авторне пĕлĕр.

 çиçет – вĕçет, урама – ăсатма, туссемĕр – пĕлсемĕр, туссем – вĕсем,  шавлă – паллă

2. Тĕрĕс хурава çаврашкана илĕр.

Ятарлă ритмпа палăрса тăракан текст вăл –  ____________

а) юптару        

ă) калав

б) сăвă

в) хайла

    3. Кирлĕ сăмаха кĕртсе лартăр.

__________________ тесе ытарлă пĕлтерĕшлĕ, вĕрентсе каланă кĕске калава калаççĕ.

4. Хăш хайлавĕ  «Çын аллинчи кукăль пысăккăн курăнать» ваттисен сăмахĕпе вĕçленет. ?
5. Сĕннĕ вариантсемпе усă курса  сиктерсе хăварнă сăмахсене  кĕртсе лартса текст йĕркелĕр.

Пĕррехинче  1) ________ апата лартăмăр. Пурте 2) ____________ пулма тăрăшатпăр. Ванюк шăллăм   çеç 3) _________ ларма пĕлмест. Вăл стаканри 4) __________ тăкнă , çăкăрне тĕпретнĕ.  Акă пĕр пĕчĕк 5)__________ татăкне урайне  ÿкерчĕ. Çакна  6) ___________ курчĕ те татăка çавăнтах пĕшкĕнсе илчĕ. Атте Ванюк çине 7) __________ пăхрĕ.

   -Эсĕ, Ванюк, 8) __________ пул-ха.  Çăкăра  ун пек 9)________. Çăкăр тăвасшăн миçе çын  10)________ ĕçлет. Çăкăра хисеплемен çын ĕçе те 11)__________ . Ун пек ан пул, - тесе 12_________ .

   Ванюк вăтанса 13) _________ кайрĕ. Вăл 14) __________ сĕтел çинчи тĕпренчĕксене пуçтарчĕ.                                                                                                                                                                        

1) ушкăнпа, çемьепе, йышпа              2) ĕçчен, сăпайлă, тирпейлĕ         3) шăп, тăп, лăпкă

4) сĕтне, чейне, шывне                       5) çăкăр, кулачă, икерчĕ                6) анне, асанне, аппа

7) çиллессĕн, кăмăлсăррăн, сиввĕн    8) тирпейлĕрех, кăмăллăрах, лайăхрах

9) ан тĕпрет, ан хуç ан пăрах             10) вăй хурса, тăрăшса, камăлласа            11)юратмасть, хисеплемест, кăмăлламасть            12) асăрхаттарчĕ, вĕрентрĕ, каларĕ         13) шуралса, хĕрелсе, кăвакарса                                  14) çийĕнчех, васкаса, хаварт

6. Ваттисен сăмахĕсен пайĕсене тĕрĕс суйласа илсе вĕçлĕр

1) Ĕç тăрантарать,                             ÿте те сиплет

2) Килекен çынна                              пуçра ăс пултăр.

3) Ÿркенмен                                      çăкăр лартма хушнă.

4) Алăра ĕç пултăр,                           кахал пăсать.

5)Вăрман чуна та,                             ăста пулнă.

7. Сĕннĕ цитатăсене хайлав сюжечĕ тăрăх  тĕрĕс йĕркелĕр. Ун тăрăх хайлав ятне, жанрне  çырса хурăр. _________________

1) Старикки аллинчен çырла тултарнă калпакне илнĕ те тÿрех çиме тытăннă.

2)Çÿренĕ çапла вăрманта хăрăк шанкă пуçтарса

3) Карчăкки питĕ кутăн пулнă.

4) Шăтăк тавра хурăн çырли хĕп-хĕрлĕ пиçсе ларнă.

5) Карчăкпа старик пурăннă.

6) Пĕрре старик начар лашине кÿлсе хăрăк шанкă пуçтарма вăрмана кайнă.

7) «Ну, старик, ыран мана вăрмана çырла пуçтарма илсе кай …», - тенĕ карчăк

8) Çÿренĕ çĕрте çĕре анса каякан шăтăк курах кайнă.

9) Старик çырлана курса ытарайман, калпакне пуçенчен хывнă та çырла татма тытăннă.

10). «Юрать, илсе кайăп, ăна никам та пуçтарса пĕтерес çук», - тенĕ старик.

8. Хăш хайлав çак предложенисемпе пуçланать?

   Пĕр пуян çын пурăннă. Вăл питĕ хытă пулнă, анчах ăна пурпĕрех çитмен.

1) И.Яковлев «Кулачă»

2) Илпек Микулайĕ «Çăкăр тĕпренчĕкĕ»

3) Г.Волков «Чи пысăк инкек»

4) Л.Толстой «Хытă çынпа кĕвĕç çын»