Эрхим багшанарай нэгэн
статья

Эрхим багшанарай нэгэн

«Ярууна» газетэдэ хэблэгдэhэн статья

Зоной хэрэгтэ

 Зулаар бадарха

                  сэдьхэлтэй hаа,

Юунэй тулада

Юртэмсэтэеэ адли

                 эрьелдэн

Нара тойрожо,

Наhаа эдэлжэ ябахабиб? –

гэжэ олондо мэдээжэ манай Ульдэргэ нютагай уран шулэгшэн Цырен-Ханда Дарибазарова философско шэнжэтэй «Оортоо табиhан асуудал» гэhэн шулэг соогоо бэшэнэ.

            Минии hанахада, эдэ мурнууд Ульдэргын  hургуулиин эхин классай багша Рыбдылова Цырма Майдаровнагай  мэргэжэлэйнь залаа боложо угэнхэй гээшэ ха.

Цырма Майдаровна Ульдэргын дунда hургуулиин дуй дуршэлтэй багшанарай нэгэн юм. Ц.М.Рыбдылова нютаг нугадаа, хун зондоо дуратай туладаа ургэн мэдэсэтэй шабинарые хумуужуулхэ гэжэ оролдодог.Багшын энэ нангин хэрэгтэ буряад арадай аман зохеол, хизаар ороноо шэнжэлэлгын  материалнууд, оорынь табиhан «Ёhо заншалнууд» гэhэн онсо удхатай программа нилээдгуй сэнтэй дунгэлтэ боложо угэдэг юм.

            «А» узэг – эрдэмэй дээжэ, аяга сай – эдеэнэй дээжэ» гэhэн туруушынгээ хэшээл нээжэ, он жэлнуудэй унгэрхэ бури Цырма Майдаровна дурэ шадабарияа  улам дээшэлуулhээр. Hурагша бухэнэй hонирхомоор олон тоото нээмэл хэшээлнуудые унгэргэжэ,  hургуули, аймаг соогоошье унгэргэгдэдэг семинар, конференцинууд дээрэ гунзэгы удхатай элидхэлнуудые унгэргэжэ байдаг. Энээнhээ гадна, hуралсалай практикада ерэhэн оюутадтай дуй дуршэлоороо хубаалдажа, багшын хунгэн бэшэ ажалай нюусануудтай танилсуулжа байдаг юм. Багшын худэлжэ байhан кабинет муноо сагай эрилтэдэ харюусадаг, багшын ба hурагшадай ажалай hуури бэлдэгдэнхэй, хэшээлдэ хэрэглэгдэдэг  элдэб тухэлэй дидактическа материалнууд, перфокартанууд гэхэ мэтэ hуралсалай хэрэгсэлнууд бии.

            Худоогэй багшын ажал гансал хэшээлнуудhээ буридэдэг бэшэ  гэжэ хун бухэндэ мэдээжэ. Цырма Майдаровна нютаг дээрээ, аймаг соогоо унгэргэгдэдэг бухы концерт-наадануудта, конкурснуудта арадай дуунуудые уянгатуулан дуулажа хабаадалсадаг. Иимэ шадабаритай багшаяа дахажа, hурагшадынь уран hайханай харалгануудта эдэбхитэйгээр хабаададаг, «Эдир Дангина», «Гэсэр» гэhэн нэрэ зэргэнуудтэ хуртэжэ байдаг. Нэрлэбэл, Цырендылыкова Арюна, Будажанаев Булат, Дашинимаева Саяна, Цыренова Дашима.

            Шэнэ жэлэй январь hарада Ульдэргэ нютагтамнай ехэ баяр болоhон юм. Ушарынь гэхэдэ, манай hургуулиин багша Цырма Майдаровна  Рыбдылова «Россиин Федеральна ниитэ hуралсалай хундэтэ худэлмэрилэгшэ» гэhэн ундэр нэрэ зэргэдэ хуртэбэ бшуу. Ажалаа эрхим бэрхээр ябуулжа, шабинарайнгаа эрдэм мэдэсэ ургэдхэжэ, зоной тулоо оролдон ябадаг багшын энэ ехэ баярые бидэ, суг худэлжэ байhан нухэдынь, унэн зурхэнhоо хубаалдаhан байнабди.

           Цырма Майдаровна Булат Дашиевич нухэртэеэ гурбан hайхан ури хуугэдээ «гарынь ганзагада, хулынь дуроодэ» хургэжэ, зоной дунда табинхай. Света басаганиинь эжынгээ муроор дабшажа, багшын мэргэжэлтэй болонхой.