Рабочая программа по родному языку 5 класс
рабочая программа (5 класс)
5 кылааска саха тылын үөрэтии сыала соруга:
– төрөөбүт тылы ис сүрэҕиттэн ытыктыырга; араас эйгэҕэ, түгэҥҥэ бодоруһуу үөрүйэҕэр, аныгы уопсастыбаҕа сиэри-майгыны тутуһууга иитии; төрөөбүт тыл кэрэтин иҥэрии;
– үөрэххэ, күннээҕи олоххо төрөөбүт тылы олохтоохтук туттарга үөрэтии; бодоруһар үөрүйэҕин сайыннарыы, тылын-өһүн сайыннарар баҕатын үөскэтии; үөрэх дэгиттэр дьайыыларын (туох сыал-сорук туруорунан үөрэнэрэ, былаанныыра, тылын-өһүн хонтуруолланара, көннөрүнэрэ; билиини араас тылдьыттан, литэрэтиирэттэн БИЭни (биллэрэр-иһитиннэрэр эйгэни), Интэриниэти киллэрэн туран сатаан ылара);
– тылы үөрэтии систиэмэтин, туттуллуутун туһунан билиини, тыл истилиистикэлии уратыларын иҥэрии; тылы ырытар, тэҥниир дьоҕуру сайыннарыы; тыл саппааһын байытыы; литэрэтиирэлии нуорманы тутуһарга уһуйуу.
Скачать:
| Вложение | Размер |
|---|---|
 rp_saha_tyla_5_kyl.doc | 123 КБ |
| ktp_saha_tyla_5_kylaas.doc | 235 КБ |
Предварительный просмотр:
«И.И.Константинов-Дэлэгээт Уйбаан аатынан
Сулђаччы уопсай орто үөрэхтээһин оскуолата»
Муниципальнай бюджетнай үөрэх тэрилтэтэ
Амма улууһа
«Көрүлүннэ»: Тыл үөрэхтээхтэрин методическай холбоһугар № 1дээх боротокуол Атырдьах ыйын 27 күнэ 2021 с., Салайааччы: Окорокова Г.П. /.............................../ | «Сөбүлэhилиннэ»: Директоры үөрэх чааһыгар солбуйааччы Еримеева С.Г./______________/ Атырдьах ыйын 27 күнэ 2021 с | «Бигэргэннэ»: Оскуола директора: Никифоров А.И. /_________ / Атырдьах ыйын 28 күнэ 2021 с
|
Саха тылыгар үөрэтии бырагыраамата
5 кылаас.
2021-22 үөрэх дьыла.
Биир сыллаах
Педагогическай сэбиэт
мунньађар ылылынна.
№1 боротокуол
атырдьах ыйын « 28 » күнэ 2021с.
саха тылын, литературатын учуутала
Слепцова И.С.
Сулђаччы.
2021с.
Бырагыраама быһаарыы суруга
Саха тыла - саха оскуолатыгар үөрэх тыла, билии-көрүү төрдө буолар. Үөрэнээччи тыл туһунан өйдөбүлэ, ситимнээн саҥарар үөрүйэҕэ, ырытар-толкуйдуур дьоҕура төрөөбүт тыл уруогуттан саҕаланар. Онтон салгыы оҕо атын предметтэри кэбэҕэстик өйдүүрүгэр төрөөбүт тыл тирэх буолар.
5 кылааска саха тылын үөрэтии сыала соруга:
– төрөөбүт тылы ис сүрэҕиттэн ытыктыырга; араас эйгэҕэ, түгэҥҥэ бодоруһуу үөрүйэҕэр, аныгы уопсастыбаҕа сиэри-майгыны тутуһууга иитии; төрөөбүт тыл кэрэтин иҥэрии;
– үөрэххэ, күннээҕи олоххо төрөөбүт тылы олохтоохтук туттарга үөрэтии; бодоруһар үөрүйэҕин сайыннарыы, тылын-өһүн сайыннарар баҕатын үөскэтии; үөрэх дэгиттэр дьайыыларын (туох сыал-сорук туруорунан үөрэнэрэ, былаанныыра, тылын-өһүн хонтуруолланара, көннөрүнэрэ; билиини араас тылдьыттан, литэрэтиирэттэн БИЭни (биллэрэр-иһитиннэрэр эйгэни), Интэриниэти киллэрэн туран сатаан ылара);
– тылы үөрэтии систиэмэтин, туттуллуутун туһунан билиини, тыл истилиистикэлии уратыларын иҥэрии; тылы ырытар, тэҥниир дьоҕуру сайыннарыы; тыл саппааһын байытыы; литэрэтиирэлии нуорманы тутуһарга уһуйуу.
5 кылааска төрөөбүт тылы үөрэтии бырагыраамата «И.И.Константинов-Дэлэгээт Уйбаан аатынан Сулҕаччы уопсай орто үөрэхтээһин оскуолата» муниципальнай бюджетнай үөрэх тэрилтэтин 2021-22 үөрэх дьылын үөрэҕин былааныгар (8.04.2015с №1\15 бигэргэммит ФГΥөС үөрэҕин былаанын 5с барыйааныгар тирэҕирэн оноһуллубут) уонна «Саха тыла» 5-9 кылаас. Саха оскуолата. СРΥө Министиэристибэтэ биһирээбит 2016 с. программатыгар олоҕуран оноһулунна. Үөрэх нэдиэлэтэ -35, үөрэх былаанынан 5 кылааска саха тылыгар нэдиэлэ5э 3 чаас , сылга 105 чаас көрүллэр. Оскуола 2021-22 үөрэх дьылын сыллааҕы халандаарынай былаанынан уонна уруоктар аттарыллыыларынан 103 чаас тахсар.
1 чиэппэргэ – 26 ч
2 чиэппэргэ –21 ч
3 чиэппэргэ –31 ч
4 чиэппэргэ – 25 ч
5 кылааска барыта 7 ођо үөрэнэр: 3 кыыс. 4 уол. Ааспыт үөрэх дьылын алын сүһүөҕү о5о «4» уонна «5» сыананан, ођо ортонон түмүктээбиттэр. Үөрэнээччилэр билиилэрин таһыма саха тылын салђыы үөрэтэргэ сөптөөх.
Саха тылын уруоктарыгар иитии үлэтэ тиһигин быспакка ыытыллар. Ол курдук төрөөбүт тыл көмөтүнэн оҕо тулалыыр эйгэтин кыраҕытык билэр-көрөр, чугас дьонун-сэргэтин, табаарыстарын кытта истиңник бодоруһар, иэйиитэ уһуктар, өйө-санаата сайдар, өбүгэтин үөрэҕин утумнуу.Маны таһынан , араас эйгэҕэ, түгэңңэ дьону кытта бодоруһарга, аныгы уопсастыбаҕа бэйэ миэстэтин булууга, үтө сиэргэ-майгыга төрөөбүт тылын өрэтэн ылбыт билиитэ туһалыыр. Ийэ тыллаах киһи омук дьонун кытта тэңнээҕин билинэн, диң инэринэлиистии тыыңңа иитиллэр.
Үөрэтэр-мэтэдиичэскэй литэрэтиирэ:
- Г.Г. Филиппов, Г.И.Гурьев «Саха тыла: үлэлиир бырагыраама 5-9 кылаас. Дь, Бичик, 2016с
- И.Е. Алексеев, И.П.Винокуров, Г.И.Гурьев, М.М. Попова «Саха тыла 5» Дь, Бичик, 2015с.
Билиини хонтуруоллуур үлэђэ туттуллар литература:
- Аржакова О.Р., Слепцова М.С., Ядрихинская И.Р. Аахпыттан суруйуу хомуурунньуга: 5-9 кылаас, Дь., Бичик, 2016.
- Аммосова В.И. Дьыктаан хомуурунньуга: 5-9 кылаас, Дь., Бичик, 2016.
- Семенова С.С., Парфенова Н.П., Васильев Н.Н., Хардарысов С.Г. Аахпыттан суруйуу уонна диктант тиэкистэрэ: 5-11 кылаас, Я, Бичик, 2004.
Туһаныллар литэрэтиирэ:
- Скрябин В.В. Саха тылыгар уонна литературатыгар тирэх бэлиэни туһаныы.
- Кондакова У.Ф. Тыл оонньуута, Дьокуускай, 2014
- Винокуров И.П. Сахалыы таба суруйуу.Дь.
- Винокуров И.П. Саха тыла Дь.
5 кылааска «Саха тыла» биридимиэти үѳрэтии түмүк ситиьиитэ:
Саха тылын оскуолаҕа үѳрэтии кэмигэр ытык өйдөбүллэри (личностные результаты) иҥэрии түмүгэ:
1) тыл баайа, кыаҕа, күүһэ – бу омук баайа, кыаҕа, инники кэскилэ буоларын ѳйдүүр; ийэ тыл киһи иэйиитэ уһуктар, ѳйѳ-санаата, айар-тутар дьоҕура сайдар эйгэтэ буолар диэн итэҕэйэр;
2) тѳрѳѳбүт тыл этигэн кэрэтин ытыктыыр, киэн туттар, харыстыыр, тылын-ѳһүн сайыннарарга дьулуһар;
3) ылбыт билиитигэр, тылын баайыгар тирэҕирэн саныыр санаатын холкутук тиэрдэр; саҥарар саҥатын кэтээн септеех түмүк оҥостор.
Υѳрэх сатабылларын (метапредметные результаты) иҥэрии түмүгэ:
1) Истии (аудирование) уонна ааҕыы:
- тылынан уонна суругунан иһитиннэриини сѳпкѳ ѳйдѳѳһүн (бодоруһууну, тиэкис тиэмэтин, сурүн санаатын; );
- араас кѳрүҥнээх тиэкиһи сатаан ааҕыы;
- араас кѳрүҥнээх тиэкиһи сатаан истии;
Саҥарыы уонна сурук:
- үѳрэх хаамыытыгар туох сыал-сорук турарын сатаан быһаарар (биирдиилээн уонна кэлэктиибинэн), үлэни бэрээдэгинэн аттарар, түмүгүн сатаан сыаналыыр, ону тылынан уонна суругунан сѳпкѳ тириэрдэр сатабыл;
- истибит эбэтэр аахпыт тиэкиһин кылгатан быһаарар (былаан, кэпсээн);
- монолог (сэһэргээһин, ойуулааһын, тойоннооһун) уонна диалог (кэпсэтии сиэрэ, ыйыталаһыы, көҕүлээһин, санаа атастаһыыта уо.д.а.) араас кѳрүҥүн сатаан туттар;
- дьону кытта кэпсэтэригэр кэпсэтии сиэрин тутуһар;
- үѳрэх хаамыытыгар, күннээҕи олоххо тылын-ѳһүн хонтуруолланар; сыыһатын-халтытын булан кѳннѳрүнэр; суруйбут тиэкиһин кѳннѳрѳр, тупсарар;
2) ылбыт билиитин, сатабылын күннээҕи олоххо туһанар; тѳрѳѳбүт тылын кѳмѳтүнэн атын биридимиэттэри үѳрэтэн билии ылар; нуучча, омук тылларын, литэрэтиирэни үѳрэтэригэр саха тылыгар үѳрэммитин алтыһыннарар.
3) дьону-сэргэни кытта бодоруһарыгар, кыттыгас үлэҕэ, тыын суолталаах тиэмэни дьүүллэһиигэ кэпсэтии сиэрин, төрүт култуураны кытта дьүерэлээн туттар.
Тустаах үѳрэх биридимиэтин үѳрэтии түмүгэ:
1) тыл үөрэҕин (лингвистика) сүрүн өйдөбүллэрин: тыл үөрэҕин салааларын; саҥарар саҥа тылынан уонна суругунан бэриллиитин; монолог, диалог керүҥнэрин; кэпсэтии, бодоруһуу сиэрин; саҥа тииптэрин (сэһэргээһин, ойуулааһын, тойоннооһун); тиэкиһи билэр;
2) саҥа дорҕоонун өйдөбүлүн, сахалыы дорҕоон арааһын билэр. Сахалыы ураты дорҕооннору (уґун-кылгас, илин-кэлин, уос-айах аһаҕас уонна хоһуласпыт, сэргэстэһэр, пааралаһар бүтэй дорҕооннору, дьуптуоннары, һ , ҕ, дь нь, ҥ дорҕооннору), арааран истэр, чуолкайдык, таба саҥарыы нуорматын тутуһан саҥарар. Саха тылыгар киирии тыллары сахатытан, аһаҕас дорҕооннор дьүерэлэһиилэрин сокуонун тутуһан саҥарар. Тылы дорҕоонунан ырытар.
- тыл лиэксикэлии суолтатын быһаарар. Биир уонна элбэх суолталаах, көспүт суолталаах тыллар, омуоньум, онтуоньум, синиэньим (харыс тыллар, сомоҕо тыллар, мэтээпэрэлэр) өйдөбүллэрин билэр, тиэкистэн булар, саҥарар саҥаҕа сөпкө туттар. Тылдьыт арааһын сатаан туһаныы, тыл суолтатын тылдьыттан булан быһаарар.
- сахалыы алпаабыт бэрээдэгин билэр. Араас тылдьытынан, ыйынньыгынан, хатаалагынан үлэлииргэ алпаабыты сөпкө туһанар. Кѳмпүүтэргэ сахалыы сириибинэн тиэкиһи бэчээттээн суруйарга кыһаллар.
- этии уонна тыл ситимэ уратыларын, этии арааһын (сэһэн, ыйытыы, күүһүрдүү) билэр. Этии чилиэннэрин, биир уустаах чилиэннэрин өйдүүр. Этиини таба интэнээссийэлээн ааҕар, сурукка саҥа дэгэтин сурук бэлиэтинэн араарар. Этиини чилиэнинэн ырытар.
6) бодоруһууга синиэньими (лиэксикэлии, кырамаатыкалыы) сатаан туттуу кэрэтин ѳйдүүр, тылыгар-ѳһүгэр туттар;
7) төрөөбүт тыла кэрэтин өйдүүр, уус-уран литэрэтиирэ тиэкиһигэр булан сыаналыыр.
Үөрэх биридимиэтин сүрүн ис хоһооно.
Саҥаны-иҥэни толору баһылааһын бэлиэтэ: бодоруһууга үерэх дэгиттэр дьайыылара (саҥарар саҥа араас керҥүн сатаан туттуу, табаарыстарын, а5а саастаах дьону кытта бодороһуу; тылынан уонна суругунан саҥаны ейдееһүн; саныыр санааны сааһылаан кэпсээһин;
билэр-көрөр сатабыл (сүрүнү булуу, холобурдааһын, ситимнээх толкуй, дакаастааһын, араас источниктан наадалаах матырыйаалы булуу, наардааһын);
тэринэр-дьаһанар сатабыл (сыалы-соругу сепке туруоруу, сатаан былаанныыра; сатаан хонтуруолланара, кеннерүнэрэ).
Тѳрѳѳбүт тылы 5 үѳрэтии ис хоһоонун сүрүн хайысхалара:
- бодоруһуу култуурата;
- тыл үөрэҕин тутаах салааларын туһунан уопсай өйдөбүл: саҥа дорҕооно, лиэксикэ, сиинтэксис;
- сурук култуурата: таба суруйуу уонна сурук бэлиэтэ;
- ситимнээх саҥаны сайыннарыы (тиэкис туһунан өйдөбүл).
Тыл үѳрэҕэ 5 кылаас
Төрөөбүт тылбыт – саха тыла. Саха омук үөскээбит, сайдыбыт устуоруйата. Саха тыла – түүр тыла. Саха тылыгар уруулуу тыллар. Төрөөбүт тыл киһи олоҕор суолтата.
Дорҕоон уонна таба саҥарыы. Саҥа дорҕоонун өйдөбүлүн, сахалыы дорҕоон арааһын билии. Сахалыы ураты дорҕооннору (уґун-кылгас, илин-кэлин, уос-айах аһаҕас уонна хоһуласпыт, сэргэстэһэр, пааралаһар бүтэй дорҕооннору, дьуптуоннары, һ , ҕ, дь нь, ҥ дорҕооннору), арааран истии, чуолкайдык, таба саҥарыы нуорматын тутуһан саҥарыы. Саха тылыгар киирии тыллары сахатытан, аһаҕас дорҕооннор дьүерэлэһиилэрин сокуонун тутуһан саҥарыы. Тылы дорҕоонунан ырытыы.
Лиэксикэ. Норуот тылын туһунан уопсай өйдөбүлү, төрүт уонна киирии тыл уратыларын билии. Литэрэтиирэлии тыл суолтатын билии, нуорматын тутуһуу. Тыл лиэксикэлии суолтатын быһаарыы. Биир уонна элбэх суолталаах, көспүт суолталаах тыллар, омуоньум, онтуоньум, синиэньим (харыс тыллар, сомоҕо тыллар, мэтээпэрэлэр) өйдөбүллэрин билии, тиэкистэн булуу, саҥарар саҥаҕа сөпкө туттуу. Тылдьыт арааһын сатаан туһаныы, тыл суолтатын тылдьыттан булан быһаарыы.
Кыраапыка. Сурук сайдыытын бэлиэ түгэннэрин билии, киһи олоҕор суолтатын өйдөөһүн. Сахалыы сурук-бичик устуоруйатын билии. Дорҕоон буукубаларын билии, таба ааттааһын. Буукубалары суруллар ньымаларынан холбоон, ыраастык, тэтимнээхтик илиинэн суруйуу. Сурукка туттуллар атын бэлиэлэри, өйдөбүллэри (апсаас, тылы көһөрүү бэлиэтэ, тыл икки арда (пробел)) сөпкө туттуу. Сахалыы алпаабыт бэрээдэгин билии. Араас тылдьытынан, ыйынньыгынан, хатаалагынан үлэлииргэ алпаабыты сөпкө туһаныы. Кѳмпүүтэргэ сахалыы сириибинэн тиэкиһи ылбаҕайдык бэчээттээн суруйуу.
Морполуогуйа. Тыл састааба диэн өйдөбүлү, тыл уларыйар уонна үөскүүр ньыматын билии. Тылы састаабынан ырытыы (тыл олоҕо, сыһыарыыта). Тыллары сүрүн бэлиэлэринэн (кырамаатыкалыы халыыптарынан) бөлөхтөөһүн, ырытыы. Саҥарар саҥаҕа тыл литэрэтиирэлии нуорматын тутуһуу.
Сиинтэксис. Этии уонна тыл ситимэ уратыларын, этии арааһын (сэһэн, ыйытыы, күүһүрдүү) билии. Этии чилиэннэрин, биир уустаах чилиэннэрин өйдөөһүн. Этиини таба интэнээссийэлээн ааҕыы, сурукка саҥа дэгэтин сурук бэлиэтинэн араарыы. Этиини чилиэнинэн ырытыы.
Сурук-бичик култуурата
Таба суруйуу. Таба суруйуу сурук-бичик култуурата буоларын өйдөөһүн. Уһун аһаҕас дорҕооннору, дьуптуону, хоһуласпыт, сэргэстэспит, ханыылаһар бүтэй дорҕооннору, саха тылыгар киирии тыл дорҕооннорун таба суруйуу. Сахалыы араастык этиллэр тыллар таба суруллуулара тыл терүт сокуоннарыттан тахсалларын ѳйдөөһүн, харыстабыллаах сыһыан. Киэҥник, элбэхтик туттуллар эбэтэр сахалыы этэргэ табыгастаах киирии тыллары сахатытан суруйуу; тылбаастанар эбэтэр саха тылынан бэриллэр кыахтаах нуучча тылларын сахалыы солбугунан биэрии; сахалыы кыайан суруллубат киирии тыллар сыһыарыыларын таба суруйуу.
Сурук бэлиэтэ. Сурук бэлиэтэ – тыл култууратын сорҕото буоларын, киһи этэр санаатын чуолкайдыырга, иэйиини сурукка биэрэргэ, суругу-бичиги тупсарарга биллэр-кестер туһалааҕын, тиэкис арҕам-тарҕам барбатын, ыґыллыбатын, биир сомоҕо, сибээстээх буоларын, хааччыйарын ѳйдөөһүн. Тыл ордук тупсаҕай тутуллаах, этигэн, бэргэн буоларыгар сахалыы этии, сурук бэлиэтин арааһын (араарар, тоһоҕолоон бэлиэтиир) сатабыллаахтык туттуу.
Ситимнээх саҥаны сайыннарыы
Туох сыаллаах-соруктаах саҥарарын, суруйарын ейдеен (тиэмэ, сүрүн санаа), дьоҥҥо тиийимтиэ гына санаатын сааһылаан, араас истииллээх тиэкиһи туһанар (истэн суруйуу, ѳйтѳн суруйуу, о.д.а.). Тиэкис сүрµүн санаатыгар олоҕуран, тиэкиґи таба ааттыыр. Тиэкис сиһилиир тиибин таба туһанан (сэґэргээґин, ойуулааґын, тойоннооґун), тиэкис тутулун тутуһар (киириитэ, сүрүн чааһа, түмүгэ), табыгастаах былаанын оҥорор (кылгас, тэнийбит), кэрчик тиэмэлэргэ бытарытар. Тыл туттуллар аналын, дэгэтин учуоттаан, онно тоҕоостоох тутуллаах этиилэри (логичность речи), ойуулуур-дьүһүннүүр ньымалары, сѳптѳѳх тыл баайын (богатство речи), түгэнигэр сѳптѳѳх тылы туттар (уместность речи).
5 кылааска саха тылын үѳрэтии кээмэйэ
Уопсай чааһа | 103 | |
Тыл үѳрэҕэ | Ситимнээх саҥа | |
75 | 28 | |
Тыл уонна бодоруһуу. Үөрэнэргэ үөрэн | 2 | 1 |
Алын кылааска үѳрэппити хатылааһын. | 7 | |
Саҥа дорҕооно уонна таба саҥарыы. Тыл култуурата | 10 | 6 |
Тыл баайа (Лиэксикэ). Тыл култуурата | 16 | 5 |
Сиинтэксис уонна сурук бэлиэтэ | 18 | 7 |
Тыл састааба уонна таба суруйуу | 15 | 7 |
Сыл түмүгүнэн хатылааһын | 7 | 2 |
Тиэмэнэн наардааһын
Тиэмэ сүрүн ис хоһооно | Υѳрэнээччи үлэтин сүрүн кѳрүҥнэрэ |
Тыл уонна бодоруһуу. Саха тыла – ийэ тылбыт | |
Ийэ дойду, тѳрѳѳбүт сир, тѳрѳѳбүт ийэ тылбыт – саха тыла. Ситимнээх саҥа: кинигэни сатаан туьаныы | Ийэ дойду, тѳрѳѳбүт сир суолтатын ѳйдүүр быһаарар. Ийэ тыл сүдү күүһүн итэҕэйэр. |
Алын кылааска үѳрэппити хатылааһын | |
Дорҕоон уонна буукуба. Алпаабыт. Уһун аһаҕас, хоһуласпыт, сэргэстэспит дорҕооннор. Дьуптуон. Этии чилиэннэрэ. Этии араастара. Туһулуу. Сирэй саҥа. Саҥа чаастара. Аат тыл түһүктэниитэ. Тиэкис. | Быһаарыы. Дорҕоону буукубанан бэлиэтэнэрин быһаарар. Алпаабыты тутуһан табаарыстарын испииһэктиир. Уһун аһаҕас, хоһуласпыт бүтэй дорҕооннор суруллууларын быһаарар. Дьуптуону сѳпкѳ саҥарар, суруйар. Этии чилиэннэрин быһаарар, сатаан бэлиэтиир. Саҥа чаастарын сүрүн ейдебүллэрин быһаарар, түһүгү билэр. Судургу тиэкиһи сатаан оҥорор. Истии култууратын тутуһуу: дьон этэрин болҕойон истэргэ кыһаллар, сэҥээрэрин, сэргиирин кѳрдѳрѳргѳ үѳрэнэр. Саҥарыы, кэпсэтии култууратын тутуһуу: кырдьаҕас дьону толору аатынан ыҥырарга, интэнээссийэлээн саҥарарга үѳрэнэр. |
Саҥа дорҕооно уонна таба саҥарыы. Тыл култуурата | |
Саҥа дорҕоонун үѳскээһинэ. Аһаҕас дорҕооннору наардааһын. Кылгас, уһун а/д. Киэҥ , кыараҕас, илин, кэлин, уос уонна айах а/д. Дьуптуоннар. Аһаҕас дорҕооннор наарданыылара. Аһаҕас дорҕоон дьүѳ рэлэһэр сокуона. Аһаҕас дорҕоон дьүѳрэлэһиитин тутула. Уһун аһаҕас дорҕоон эбэтэр дьуптуон кылгааһына. Ситимнээх саҥа: Тиэкис өйдөбүлэ, бэлиэтэ I.Бүтэй дорҕооннор. Ньиргиэрдээх, ньиргиэрэ суох, диэрийэр. I. Бүтэй дорҕоон аһаҕас дорҕоон сабыдыалынан солбуллуута. Ханыылаһар б/д. I. Б/д дьүѳрэлэһэн туттуллуулара. Ɵрѳ, тѳттѳрү, хардарыта дьүѳрэлэһии. Ситимнээх саҥа: Тиэкис тутула I. Бүтэй дорҕоон хоһулаһыыта. Тыл олоҕунааҕы хоһулаһыы. Сыһыарыы сыстыытыгар үѳскүүр хоһулаһыы. I. Таба саҥарыы уратылара. Саҥарыы литэрэтиирэлии нуормата. Саха тылыгар охсуу тыл кэлин ѳттүгэр түһүүтэ. Ситимнээх саҥа: Тиэкискэ этии ситимэ. Кэккэлэһэр ситим. I. Саха алпаабыта. Уһатыылаах а/д уонна дьуптуон дорҕоонноро – биир буукуба. I. Саха тылын алпаабытын устуоруйатыттан. Нуучча алпаабытыттан уратыта. Ситимнээх саҥа: Тиэкискэ этии ситимэ. Ситимниир тыл. | Дорҕоон хайдах үѳскүүрүн быһаарар. Саҥарарга тыл хамсыырынан сирдэтэн, илин-кэлин, киэҥ-кыараҕас, уос-айах дорҕоонун араарар. Тылга аһаҕас дорҕоон дьүѳрэлэһиитин сокуонун быһаарар. Сыһыарыы эбиллэригэр аһаҕас дорҕоон дьүѳрэлэһиитин сокуонун тутуһан, таба саҥарар, суруйар. Уһун аһаҕас дорҕоон, дьуптуон кылгааһынын быһаарар. Бүтэй дорҕоон аһаҕас дорҕоон сабыдыалынан солбуллуутугар холобур аҕалар. Б/д дьүѳрэлэһиитин дакаастаан быһаарар. Бүтэй дорҕоонунан бүтэр тыл олоҕор сыһыарыы эбиллэригэр дорҕоон уларыйыытын быһаарар, оннук тылы таба суруйар. Сахалыы сѳпкѳ ааҕар, саҥарар сатабылга үѳрэнэр. Саҥарар саҥаҕа сахалыы орфоэпия нуорматын кэһии түбэлтэтин ѳйдѳѳн истэр, бэйэтин саҥатын хонтуруоллуур. Киирии тылы дорҕоон дьүѳрэлэһэр сокуонун тутуһан саҥарар. Нуучча алпаабыта саха тылын үйэлээх үгэһигэр хайдах сабыдыаллыырын быһаарар. Саха алпаабытыгар баар буукубаны сѳ пкѳ ааттыыр. |
Тыл баайа (лиэксикэ). Тыл култуурата | |
Тыл баайын ѳйдѳбүлэ. Омуктуу тыл. Кэпсэтии тыла. Түѳлбэ тыла. Саха литэрэтиирэлии тыла. Тылдьыт арааһа. Тыл ѳйдѳбүлэ, лиэксикэлии суолтата. Ситимнээх саҥа: Тиэкискэ этии ситимэ. Этиини ситимниир тыл. Элбэх уонна биир суолталаах тыл. Тыл лиэксикэлии ситимэ. Тыл кѳнѳ уонна кѳспүт суолтата. Ситимнээх саҥа: Тиэкискэ этиилэри ситимниир ньымалар. Тыл кѳспүт суолтатын туттуу (уус-уран сиһилиир ньыма: мэтээпэрэ, тэҥнээһин эпиитэт, тыыннааҕымсытыы). Омуоньум ѳйдѳбүлэ, быһаарыылаах тылдьыкка бэриллиитэ. Онтуоньум. Ханыыласпыт онтуоньуму туттуу.. Синиэньим ѳйдѳбүлэ, арааһа, этигэнэ. Синиэньими туттууга тахсар алҕас (наар биир тылы туттуу, тыл суолтатын уларытыы). Ситимнээх саҥа: Ситимниир ньыма. Тиэкис буоларын-буолбатын дакаастааһын (тиэмэтэ тус-туспа, ис хоһооно аатыгар сѳп түбэспэт, этиилэрэ ситимэ суох, о.д.а.). Тиэкис итэҕэһин кѳннѳрүү. | Биир, элбэх уонна кѳспүт суолталаах тылы этииттэн, тиэкистэн бэйэтэ булар, суолтатын быһаарар, тыл ситимигэр киллэрэр. Быһаарыылаах тылдьыттан тылы сатаан булар. Уус-уран сиһилиир ньыма арааһыгар кѳспүт суолталаах тылы ыйар; бэлэм уус-уран сиһилиир ньыманы туттан этии толкуйдуур, тиэкискэ туһанар. Уус-уран ойуулуур-дьүһүннүүр тылы туттан этии толкуйдуур, тиэкискэ туһанар. Омуоньум лиэксикэлии суолтатын быһаарар. Саҥарар саҥаҕа, уус-уран айымньыга омуоньуму булар. Тыл онтуоньумун булар, ханыыласпыт тылы тиэкискэ сатаан туттар. Синиэньим кэккэтин булар, сүрүннүүр тылы араарар. Сурук үлэтигэр синиэньим тылдьытын (үѳрэнэр кинигэ сыһыарыытын) сатаан туһанар. Синиэньим сыыһа-халты туттуллар, сирин булар, быһаарар, кѳннѳрѳр. |
Сиинтэксис уонна сурук бэлиэтэ. Тыл култуурата | |
I. Сиинтэксис ѳйдѳбүлэ. Тыл ситимэ: тутаах уонна баһылатар тыл. Этии ѳйдѳбүлэ. Этии тиибэ: сэһэн, ыйытыы, соруйуу. Сэһэн, ыйытыы, соруйуу этиилэр күүһүүрдүү этии буолар усулуобуйалара. Ситимнээх саҥа: .Тиэкис тиэмэтэ. Этии састааба: тутаах чилиэннэр (туһаан, кэпсиирэ), ойоҕос чилиэннэр (быһаарыы, толоруу, сиһилии). Ситимнээх саҥа: Тиэкис тиэмэтэ. I. Этии биир уустаах чилиэнэ. Биир уустаах туһаан, кэпсиирэ, толоруу, быһаарыы, сиһилии. Биир уустаах чилиэн ситимнэһэр ньымата: интэнээссийэ, ситим тыл, буолан сыһыат туохтуур, икки ахсаан аат, -лыын, -лаах сыһыарыы. Сурук бэлиэтэ. Ситимнээх саҥа: Тиэкис тиэмэтэ. I. Туһулуу өйдөбүлэ. Туһулуу интэнээссийэтэ, этии иннигэр, ортотугар, кэннигэр турар ту´улууга сурук бэлиэтэ. Туһулуу бүтэһик сүһүѳҕэр аһаҕас дорҕоон уһуура эбэтэр дьуптуоннаах тардыы сыһыарыыта эбиллэрэ. Туһулуу кэннигэр аһаҕас дорҕоон уларыйбытын алҕас кѳннѳрүү тылга кѳһѳрүү түбэлтэтэ. Саха тылыгар туһулуур тыл баайа, дэгэт суолтата. Туһулууну араас истиилгэ туттар үѳрүйэх. Ситимнээх саҥа: Тиэкис тиэмэтэ. I. Судургу уонна холбуу этии ѳйдѳбүлэ. Холбуу этии ситимнэһэр ньымата. Холбуу этиигэ сурук бэлиэтэ. Сэлэһии (диалог) ѳйдѳбүлэ, сурук бэлиэтэ. Сирэй саҥа, ойоҕос саҥа ѳйдѳбүлэ. Ааптар тылын иннигэр, кэннигэр, ортотугар турар сирэй саҥаҕа сурук бэлиэтэ. Ситимнээх саҥа: Кэрчик тиэмэ. Апсаас. | Этииттэн тыл ситимин араарар, тутаах тылтан ыйытыы туруорар, баһылатар тылы быһаарар. Этии тиибин араарар, сѳпкѳ интэнээссийэлиир, сурук бэлиэтин таба туруорар. Этии тиибин сорудах быһыытынан солбуйар. Сурук үлэтигэр араас этиини туһанар. Судургу этии тутаах уонна ойоҕос чилиэннэрин ыйытыы туруоран булар. Тэнийбэтэх этиини сорудах быһыытынан тэнитэр. Этиигэ, тиэкискэ биир уустаах чилиэни ыйытыы туруоран булар, сурук бэлиэтин быһаарар, таба интэнээссийэлээн ааҕар. Этиигэ сорудах быһыытынан биир уустаах чилиэни эбэр, сурук бэлиэтин туруорар, ис хоһооно хайдах уларыйарын болҕойон кѳрѳр. Биир уустаах чилиэни этиигэ сатаан туттар. Этиигэ ыйытыы туруоран туһулууну булар, сурук бэлиэтин сѳпкѳ туруорар. Туһулуу бүтэһик сүһүѳҕэр аһаҕас дорҕоон уларыйыытын сатаан туһанар. Туһулуу интэнээссийэтин таба саҥарар. Сахалыы туһулуур тыл испииһэгин оҥорор, арааһын тоҕоостоох сиргэ сатаан туттар. Судургу уонна холбуу этиини тутаах чилиэҥҥэ тирэҕирэн араарар. Ситим тылы, интэнээссийэни, -ан сыһыарыыны туттан, холбуу этиини оҥорор. Холбуу этиигэ сурук бэлиэтин туруорар. Холбуу этиини саҥарар саҥаҕа, тиэкискэ туттар. Сэлэһиини сирэй саҥаттан, ойоҕос саҥаттан араарар; сурук бэлиэтин сѳпкѳ туруорар. |
Тыл састааба уонна таба суруйуу. Тыл култуурата | |
Тыл састааба. Тыл олоҕо, сыһыарыыта; үѳскэтэр уонна уларытар сыһыарыы. Ситимнээх саҥа: Тиэкис былаана. Арпагыраапыйа ѳйдѳбүлэ. Арпагыраама. Арпагыраапыйа тылдьытынан сатаан туһаныы. Ситимнээх саҥа: Тиэкис сүрүн санаата. Эпиигирэп. I. Саха тылын арпагыраапыйатын үс ирдэбилэ: саҥа дорҕоонугар, морполуогуйаҕа тирэҕирии, болдьох суруйуу. Саҥа дорҕоонун ирдэбилэ – саха тылын арпагыраапыйатын тѳрүтэ. Тылга кылгас-уһун аһаҕас дорҕоону, дьуптуону, хоһулаһар, сэргэстэһэр, пааралаһар бүтэй дорҕооннору таба суруйуу. Болдьох ирдэбилинэн суруйуу. Таба суруйуу тылдьытын туһаныы. Сахалыы арпагыраапыйа быраабылалара. Ситимнээх саҥа: Саҥа тиибэ. Сэһэргээһин. I. Тыл олоҕун таба суруйуу. Тыл олоҕунааҕы аһаҕас, бµтэй дорҕоон суруллуута. Сыһыарыылаах тыллары таба суруйуу. Сахалыы кыайан суруллубат, нууччалыы эрэ суруллар тыл сыһыарыытыгар аһаҕас дорҕоон тыл олоҕун аһаҕас дор5оонун кытта дьүѳрэлэһиитэ. Ситимнээх саҥа: III. Саҥа тиибэ. Сэһэргээһин. I. Нууччалыы тылы таба суруйуу. Аһаҕас дорҕоонунан саҕаланар сыһыарыы иннигэр тыл олоҕун уларыйыыта. Тыл олоҕор аһаҕас дорҕоон эбиллиитин таба суруйар. I. Сымнатар бэлиэ түһэр, түспэт түбэлтэлэрэ. Ситимнээх саҥа: Ойуулааһын. I. Холбуу тылы таба суруйуу. Нуучча тылыттан киирбит холбуу уонна кылгатыллыбыт тыл олоҕун сѳпкѳ суруйуу. Тылы кѳһѳрүү . Тылы атын устуруокаҕа сүһүѳҕүнэн кѳһѳрүү. Тыл сүһүѳҕэ кѳспѳт түбэлтэлэрэ. Нууччалыы суруллар киирии тылы кѳһѳрүү . Ситимнээх саҥа: Ойуулааһын. I. Тылы кѳһѳрүү . Ситимнээх саҥа: Тойоннооһун. | Тыл олоҕун, сыһыарыытын араарар. Үѳскэтэр, уларытар сыһыарыыны быһаарар. Сыһыарыыны туттан тылы үѳскэтэр, уларытар. Тылдьытынан сатаан туһанар. Кылгас-уһун аһаҕас дорҕоонноох, дьуптуоннаах, хоһулаһар, сэргэстэһэр, пааралаһар бүтэй дорҕоонноох тылы таба суруйар. Таба суруйуу быраабылатыгар ыйыллар тылы таба суруйууну быһаарар, алҕаһы булан кѳрѳр, кѳннѳрѳр. Быраабыланан суруллар тыллары таба суруйар. Сахалыы кыайан суруллубат, нууччалыы эрэ суруллар тыл сыһыарыытыгар аһаҕас дорҕоон тыл олоҕун аһаҕас дорҕоонун таба суруйар. Тылы тѳһѳ кыалларынан сахалыы барыйаанынан суруйар, онтун быһаарар, тиэкистэн булан кѳннѳрѳр. Нууччалыы суруллар тылга эбиллэр сыһыарыыны, сымнатар бэлиэ түһэр уонна түспэт түбэлтэтин таба суруйар. Сахатыйбыт тыл дорҕооно уларыйбытын быһаарар. Алҕаһы булан кѳннѳрѳ р, онтун быһаарар. Тылы кѳһѳрҥүү быраабылатын быһаарар, алҕаһы булан кѳрѳр, кѳннѳрѳр. Тылы атын устуруока±а быраабыланы тутуһан сѳпкѳ кѳһѳрѳр. |
Сыл түмүгүнэн хатылааһын | |
Тыл үѳрэҕин салаалара. Тыл баайа (лиэксикэ). Сиинтэксис уонна сурук бэлиэлэрэ. Саҥа дорҕооно уонна кыраапыка. Тылы таба суруйуу. | I. үѳрэппит матырыйаалын билиэхтээх, таба суруйуу, сурук бэлиэтин быраабылаларын сатаан быһаарыах, холобурдуох тустаах. II. Сатыахтаах:
Тылы таба суруйууга. Үѳрэппит быраабылаларыгар олоҕуран сыыһаны булар, сатаан кѳннѳрѳр. Сурук бэлиэтигэр. Үѳрэппит быраабылаларыгар олоҕуран сурук бэлиэтин сѳпкѳ туруорар, быһаарар. Ситимнээх саҥаҕа. Тиэмэ сүрүн санаатын, истиилин быһаарар. Судургу былааны сатаан оҥорор. Хартыынанан, ѳйтѳн дьоҕус айымньыны суруйар. Бырагыраамаҕа кѳрүллүбүт тылы байытыы холобурдарын тылыгар-ѳһүгэр сатаан туттар. |
Предварительный просмотр:
Уруогунан сыллааҕы календарнай-тематическай былаан
Саха тыла 5 кылаас-103 чаас
№ | Былааннанар күнэ | Туолбут кэмэ | Чааһа | Тиэмэ | Тустаах үөрэх предметин үөрэтэр үөрүйэх (предметные УУД) | Үөрэх сатабылларын сайыннарар үөрүйэх (метапредметные УУД) | Тус санааны, сыһыаны сайыннарар үөрүйэх (личностные УУД | ||
1 чиэппэр- 26 чаас | |||||||||
Тыл уонна бодоруhуу. Үөрэнэргэ үөрэн (2чаас+1 чаас) | |||||||||
1 | 2.09 | 1 | Киирии тема. Тыл уонна бодоруьуу | Учебник сорудахтарынан сатаан үлэлиир | Бэйэ санаатын сатаан этэр, быһаарсар | Төрөөбүт тыл чөл туруктаах буоларыгар бэйэтин санаатын үллэстэ үөрэнэр | |||
2 | 4.09 | 1 | Кинигэни сатаан туьаныы. | Кэпсэтиһии соругун таба өйдүүр, кыттыыны ылар | Кинигэни сатаан туттарга бэйэ быраабылатын оҥостор | Сэргэхтик кэпсэтиигэ кыттар, сатаан сааьылаан кэпсииргэ дьулуьар, ыраастык сахалыы саҥарар саҥатын кэтэнэр | |||
3 | 7.09 | 1 | С.с. “Сайыны хайдах атаардым” | Кэрчик тема, абзац тутуьар. Этии тутулун, тылы таба суруйууну болҕойор | Үлэтин сатаан былаанныыр, уус-уран ньымалары сатаан туттар, этиини сатаан сааьылаан суруйар, айар, суруйар дьоҕурун көрдөрөр | Тыл баайын туьанан өйтөн суруйар сатабылын көрдөрөр | |||
Алын кылааска үөрэппити хатылааһын (7 чаас) | |||||||||
4 | 9.09 | 1 | Дорҕоон уонна буукуба. | Тыллар дорҕооннорун уонна буукубаларын ахсаанын быһаарар. Дорҕоону буукубанан бэлиэтэнэрин быһаарар. | Көдьүүстээхтик үлэлэһэр, быһаарар, түмүктүүр | Үөрэнээччилэр хоруйдарын истэр, кэпсэтиһэр, өйдүүр | |||
5 | 11.09 | 1 | Алпаабыт. | Алпаабыты билэр Этии чилиэннэрин быһаарар, сатаан бэлиэтиир. | Төрөөбүт тылын төрүт дорђооннорун билэр, алпаабыты өйүттэн аађар | Алпаабыты тутуһан табаарыстарын испииһэктиир. | |||
6 | 14.09 | 1 | Уһун аһаҕас, хоһуласпыт, сэргэстэспит дорҕооннор. | Уһун аһаҕас, хоһуласпыт, сэргэстэспит дорҕооннору арааран билэр, суруллууларын быһаарар. | Уһун аһаҕас, хоһуласпыт, сэргэстэспит дорҕооннордоох тыллары сатаан үөскэтэр Дьуптуону сөпкө саңарар, суруйар. | Уһун аһаҕас, хоһуласпыт, сэргэстэспит дорҕооннордоох тыллары таба суруйууну болҕойор, сөпкө суруйарга дьулуьар | |||
7 | 16.09 | 1 | Этии чилиэннэрэ | Тыллары сааьылаан этиини сатаан оҥорор, этии чилиэнинэн ырытар | Талар дьыктааны сатаан суруйар Саңа чаастарын сүрүн өйдөбүллэрин быһаарар. | Ылбыт билиитигэр, тылын баайыгар тирэҕирэн саныыр санаатын холкутук тиэрдэр | |||
8 | 18.09 | 1 | Туһулуу. Сирэй саҥа. | Туһулууну араас истиилгэ туттар, сурук бэлиэтин туруорар, быһаарар | Туһулууну араас истиилгэ туттан, сурук бэлиэтин туруорар, быһаарсар, салгыы үлэлиир үөрүйэҕи сайыннарар | Саңарар саңатын кэтээн көрөн сөптөөх түмүк оңостор. Атын дьон, оҕо этэрин болҕойон истэргэ кыһаллар,сэңээрэрин, сэргиирин көрдөрөргө үөрэнэр. | |||
9 | 21.09 | 1 | Саҥа чаастара. Аат тыл түһүктэниитэ. | Аат тылы түьүгүнэн сатаан уларытар | Бириэмэҕэ дорҕооннору эбэн аат тылы сатаан үөскэтэр | Сыалы-соругу таба туруорунан үлэлиир | |||
10 | 23.09 | 1 | С\с. Киирии хонтуруолунай үлэ “Тэллэй” | Этии тутаах чилиэнин, аат тылы, туохтууру, дађааһын ааты булар, дорђоону, буукубаны , сүһүөђү сөпкө ыйар, ырытар | Алын кылааска ылбыт билиитин бэрэбиэркэлэнэр. Тылы уонна сурук бэлиэтин сатаан таба суруйар | Билиитин тургутар сорудахтары сатаан толорор Үөрэппит быраабылаларыгар олођуран сыыһаны булар, сатаан көннөрөр | |||
Саңа дорҕоонноро уонна таба саңарыы (10 чаас+6 чаас) | |||||||||
11 | 25.09 | 1 | Сана дорҕоонун үөскээhинэ | Дорҕоон хайдах үөскүүрүн быhаарар | Буукуба уонна дорҕоон бэлиэтэниитин сатаан быьааран кэпсиир, ырытар. | Сахалыы дорҕоонору таба суруйарга. Саҥарарга дьулуьар | |||
12 | 28.09 | 1 | Аһа5ас дор5оону наардааһын, Дьуптуоннар. | Аһаҕас дорҕооннору наардааһын арааьын билэр Дифтоннары уһун аһа5ас дор5ооннорунан солбуйдахха тыл суолтата уларыйарын быһаарар. | Таба суруллар сатабыллары салгыы толкуйдаан быһааран үөрэтэн чопчулуур. Дьуптуоннары туруоран тыллары сатаан үөскэтэр | Таба суруйууга болҕомтотун уурар, үлэлэһэр, бэйэтэ булан көннөрөр. | |||
13 | 30.09 | 1 | Аһаҕас дорҕоон дьүөрэлэһэр сокуоннара. Уһун аһаҕас дорҕоон эбэтэр дьуптуон кылгааһына | Аһаҕас дьүөрэлэһэр сокуоннарын быраабылатын билэр | Аһаҕас дорҕоон дьүөрэлэһиитин тутулун сурукка –бичиккэ сатаан туттар | Аһаҕас дьүөрэлэһэр сокуоннарын тутуьан сөпкө суруйар | |||
14 | 2.10 | 1 | С\с. Тиэкис өйдөбүлэ, бэлиэтэ. | Текст бэлиэтинэн сирдэтэн, бэриллибит этиилэр текст буолалларын буолбаттарын быһаарар | Тиэкси аа5ан чочуйар, быьаарар | Бэриллибит тексинэн быраабылалары тутуһан үлэлиир | |||
15 | 5.10 | 1 | С\с. Аахпыттан толору суруйуу «Мохсо5ол» | Тиэкис тутулун араарар, аахпыттан истэн суруйар | Аахпыттан суруйарга былаан оҥостор, тиэкис абзаьын тутуьар, аахпыттан суруйуу ис хоьоонун толору арыйар | Тиэкис ис хоһоонун истэн санаатын сааһылаан сиһилии суруйар | |||
16 | 7.10 | 1 | Бүтэй дорҕооннор | Быраабыланан суруллар тыллары таба суруйар үөрүйэхтэрин үөрэтэр, быһаарар | Таба суруллар сатабыллары салгыы толкуйдаан быһааран үөрэтэн чопчулуур | Таба суруйууга болҕомтотун уурар, үлэлэһэр | |||
17 | 9.10 | 1 | Б/д аһаҕас дорҕооннор сабыдыалларынан солбуллуулара, дьүөрэлэһэн туттуллуута | Быраабылаларга олоҕуран сорудахтары болҕойон ааҕар,толорор. | Б/дорҕоон дьүөрэлэлэһэн туттуллуута хайдах үөскээбитин быьаарар | Бэйэтэ көрөн үлэлэһэр, быһаарар. Б/дорҕоон дьүөрэлэһэн туттуллуутун билэр, холобурдарга туттар, уларытар, таба суруйар | |||
18 | 12.10 | 1 | С\с.Тиэкис тутула. | Тиэкис тутулун араарар, | Тиэкис тутулун ырытар. | Тыл дэгэтин учуоттаан сөптөөх тылы туттар | |||
19 | 14.10 | 1 | Бүтэй дорҕоон хоһулаһыыта. | Таба суруллар сатабыллары салгыы толкуйдаан быһааран үөрэтэн чопчулуур. | Таба суруллар сатабыллары салгыы толкуйдаан быһааран үөрэтэн чопчулаан биэрэр. Түмүк санааны ылынар. | Бэйэтэ көрөн үөрэтэр, үлэлэһэр, быһаарар. | |||
20 | 16.10 | 1 | С\с.Тиэкискэ этии ситимэ. | Тиэкискэ этии ханнык ситиминэн холбоһорун билэр | Ханнык ситиминэн бэриллибитин сатаан дакаастыыр, араас ситимнээх тиэкис оңорор | Тиэкиһи сөбүлээбит ньыматын туттан ситэрэр, бэйэтэ айар | |||
21 | 19.10 | 1 | Саха алпаабыта | Тыллар дорҕооннорун уонна буукубаларын ахсаанын быһаарар | Таба суруллар сатабыллары салгыы толкуйдаан быһааран үөрэтэн чопчулуур. | Таба суруйууга болҕомтотун уурар, үлэлэһэр, бэйэтэ булан көннөрөр. | |||
22 | 21.10 | 1 | Саха тылын алпаабытын устуоруйатыттан. Саҥа дорҕоонун ырытыы | Саха бастакы алпаабытын туһунан билэр | Дорҕоонунан таба ырытар | Холобурга сирдэтэн бэйэтэ ырытар | |||
23 | 23.10 | 1 | Хатылааһын | Дорҕооннору хатылааьын. | Саҥа дорҕоонун ырытар | Үөрэнээччи алҕаьын булан көннөрөр | |||
24 | 26.10 | 1 | Саңа дор5оонугар хонтуруолунай үлэ «Куобах» | Сыалы-соругу таба туруорунан үлэлиир Диктаны истэн суруйар | Таба суруйар сатабылын сайыннарар, грамматическай соруда5ын таба толорор | Истэн таба суруйарга кыһаллар, атын оҕоҕо мэһэйдээбэккэ тус бэйэтэ көдьүүстээхтик үлэлиир | |||
25 | 28.10 | 1 | Алҕаһы көннөрөр үлэ. С\с. Тиэкискэ этии ситимэ. Этиини ситимниир тыл | Учуутал ыйбыт уонна бэйэтэ булбут алҕаһын көннөрөр | Тиэкискэ этии ситимин сөпкө ыйар. | Үөрэппит быраабылаларыгар олођуран сыыһаны булар, сатаан көннөрөр Тиэкис сөптөөх бириэмэтин тутуһан кэпсиир | |||
26 | 30.10 | 1 | С\с. Хартыынанан айар үлэ | Хартыына ис хоһоонунан сирдэтэн кэпсээн оңорор | Хартыына сүрүн санаатыгар олоҕуран тиэкис тутулун тутуһан айар | Ойуулуур-дьүһүннүүр ньымалары табыгастаахтык туттар, табаарыһа кэпсиирин болҕойон истэр, сэңээрэр | |||
2 чиэппэр-21 чаас | |||||||||
Тыл баайа (Лиэксикэ). Тыл култуурата (16 чаас+5 чаас) | |||||||||
27 | 9.11 | 1 | Лиэксикэ өйдөбүлэ.Тылдьыт | Национ тыл, кэпсэтии тыла, түөлбэ тыла,саха литер тыл уратыларын быһаарар | Лексика уопсай өйдөбүлүн таба өйдүүр, чопчулуур | Тылдьыты сатаан таба туһанар | |||
28 | 11.11 | 1 | Тыл өйдөбүлэ. Тыл суолтата. | Тыл суолтатын сөпкө өйдүүр, Салгыы сайыннарар | Хас биирдии тыл суолталаах, тус туһунан өйдөбүллээҕин билэр | Санаатын сатаан сааһылаан сайа этэргэ кыһаллар | |||
29 | 13.11 | 1 | С\с. Тиэкискэ этии ситимэ | Тиэкискэ этии ситимин быьаарар. | Ханнык ситими туттарын быьаарар | Тиэкиьи кеннерер, салгыы сатаан суруйар | |||
30 | 16.11 | 1 | Тыл лиэксикэлии суолтата | Тугу билэрин –билбэтин, тугу ситэри үөрэтиэхтээ5ин арааран өйдүүр | Тыл лиэксикэлии суолтатын тылдьыт киэнин курдук быьааран суруйар | Үөрэтэр, ааҕар, чопчулуур | |||
31 | 18.11 | 1 | Биир уонна элбэх суолталаах тыллар | Биир, элбэх суолталаах тыллары тиэкистэн булар | Бэйэтэ проблеманы толкуйдаан таһааран быһаарар | Сатабылы туһанан сэргэхтик эппиэттэһэр | |||
32 | 20.11 | 1 | Тыл көнө уонна көспүт суолтата | Көспүт тылы этииттэн, тиэкистэн булар, араарар, туһанар | Көспүт тылы этииттэн, тиэкистэн булар, араарар, туһанар | Тыл суолтатын таба өйдөөн саңарар саңаҕа туттар, ал5аьы көннөрүнэр | |||
33 | 23.11 | 1 | С\с. Тиэкискэ этиилэри ситимниир ньымалар | Ситимниир араас ньыманы туһанар | Ситимниир ньыма арааһын туттуллубуттарын сатаан ырытар | Ситим чопчулуур, араарар, бэйэтэ таба туттар | |||
34 | 25.11 | 1 | Тыл көспүт суолтатын саңарар саңаҕа туттуу. Тэҥнэбил, метафора | Тыл көспүт суолтатын саңарар саңаҕа туттар Уус-уран ньымалары этииттэн арааран булар | Ылбыт билиитин салгыы сайыннарар Тэҥнэбил, метафора холобурдарын бэйэтиттэн сатаан холобурдуур, быьаарар, тоҕо туттуллубутун сатаан быьаарар | Бэйэтэ көрөн үөрэтэр, үлэлэһэр, быһаарар. | |||
35 | 27.11 | 1 | Эпитет, тыыннааҕымсытыы | Уус-уран ньымалары этииттэн арааран булар | Эпитет, тыыннааҕымсытыы холобурдарын бэйэтиттэн сатаан холобурдуур, быьаарар, тоҕо туттуллубутун сатаан быьаарар | Тыл баайын сөптөөхтүк туттар, этиини чочуйар, тупсарар, эбэр | |||
36 | 30.11 | 1 | Омуоньум | Омоним лексическэй суолтатын быһаараллар | Омоним лексическэй суолтатын быһаарар | Саңарар саңаҕа, уус уран айымньыга омуоньуму булар, бэйэтэ туттарга кыһаллар | |||
37 | 2.12 | 1 | Онтуоньум | Паараласпыт антонимы туттар | Үөрэнээччи бэйэтэ түмүктүүр, быһаарар | Саңарар саңаҕа, уус уран айымньыга онтуоньуму булар, бэйэтэ туттарга кыһаллар | |||
38 | 4.12 | 1 | Синиэньим | Синоним кэккэтин булар, тылы суолтатынан сааһылыыр | Сыалы соругу таба туруорунан үлэлиир | Саңарар саңаҕа, уус уран айымньыга синиэньими булар, бэйэтэ туттарга кыһаллар | |||
39 | 7.12 | 1 | Синиэньими саңарар саңаҕа туттуу | Хатыланар тылы булан, синонимынан солбуйар | Синиэньим суолтатын , этиигэ туттуллуутун араарар | Үөрэнээччилэр хоруйдарын истэр, кэпсэтиһэр, өйдүүр, туһанар | |||
40 | 9.12 | 1 | Дэгэт синиэньимэ | Дэгэт синиэньим сүрүн аналын билэр | Майгыннаһар, уратылаһар суолталарын быһаарар, ситимниир | Тус бэйэтэ толкуйдаан тобулан үлэлиир | |||
41 | 11.12 | 1 | Синиэньими тиэкискэ туттуу Тиэкис синьиэнимэ | Тылдьытынан сатаан туһанар | Үөрэнээччи бэйэтэ түмүктүүр, быһаарар | Үөрэнээччилэр хоруйдарын истэр, кэпсэтиһэр, өйдүүр, туһанар | |||
42 | 14.12 | 1 | Хатылааһын | Тыл баайын, суолтатын быһаарар | Тыллары истииллэринэн табан араарар, сөпкөтуттарга кыһаллар | Эппиэттииригэр сыалын өйдөөн, ситиһэр туһугар көдьүүстээхтик үлэлиир | |||
43 | 16.12 | 1 | Сыл аҥаардааҥҥы хонтуруолунай үлэ “Эрэллээх до5ор” | Билитин тургутан көрөр | Ылбыт билиитин сатаан туьанар | Ылбыт билиитин сатаан таба тиэрдэр, көрдөрөр Үөрэппит быраабылаларыгар олођуран сыыһаны булар, сатаан көннөрөр | |||
44 | 18.12 | 1 | С\с. Тиэкискэ этиилэри ситимниир ньыма | Ситимниир араас ньыманы туһанар | Ситимниир ньыма арааһын туттуллубуттарын сатаан ырытар | Ситим чопчулуур, араарар, бэйэтэ таба туттар | |||
45 | 21.12 | 1 | С\с. Аахпыттан суруйуу “Түүңңү мэкчиргэ” | Тиэкис тутулун араарар, аахпыттан истэн суруйар | Тиэкис тутулун ырытар. Аахпыттан суруйарга былаан оҥостор, тиэкис абзаьын тутуьар, аахпыттан суруйуу ис хоьоонун толору арыйар | Тиэкис ис хоһоонун истэн санаатын сааһылаан сиһилии суруйар | |||
46 | 23.12 | 1 | Алҕаһы көннөрөр үлэ. Бэрэбиэркэлиир тургутук | Учуутал ыйбыт уонна бэйэтэ булбут алҕаһын көннөрөр | Ылбыт билиитин сатаан туьанар | Ылбыт билиитин сатаан таба тиэрдэр, көрдөрөр Үөрэппит быраабылаларыгар олођуран сыыһаны булар, сатаан көннөрөр | |||
47 | 25.12 | 1 | С\с. Хартыынанан айар үлэ | Хартыына ис хоһоонунан сирдэтэн кэпсээн оңорор | Хартыына сүрүн санаатыгар олоҕуран тиэкис тутулун тутуһан айар | Ойуулуур-дьүһүннүүр ньымалары табыгастаахтык туттар, табаарыһа кэпсиирин болҕойон истэр, сэңээрэр | |||
3 чиэппэр – 31 чаас | |||||||||
Сиинтэксис уонна сурук бэлиэтэ.Тыл култуурата (18 чаас+ 7 чаас) | |||||||||
48 | 11.01 | 1 | Этии. Этии арааьа. | Этии арааһын араарар Табатык интонациялаан ааҕар. Быһаарар, араарар | Тус бэйэтэ быраабыла5а оло5уран этиини толкуйдаан чопчулуур | Тус бэйэтэ быраабыла5а оло5уран этиини толкуйдаан чопчулуур | |||
49 | 13.01 | 1 | Тыл ситимэ | Этииттэн тыл ситимин араарар, тутаах тылтан ыйытыы туруорар, баһылатар тылы быһаарар. | Үөрэнээччи бэйэтэ түмүктүүр, быһаарар | Бэйэтин хонтуруолланар | |||
50 | 15.01 | 1 | С\с. Тиэкис тиэмэтэ | Тиэкси ааҕан туох туһунан суруллубутун өйдөөн тиэмэтин быһаарар | Тиэмэ исхоһоонун арыйан тиэкси кэпсиир, суруйар | Тиэкис ис хоһоонун сатаан кэпсиир, атын оҕону сэңээрэн истэр, сатаан ыйытыы биэрэр, эппиэттир сатабылын сайыннарар | |||
51 | 18.01 | 1 | Этии тутаах чилиэнэ | Этиигэ тутаах чилиэннэри булар. Ырытан кэпсиир | Баһылыыр, баһылатар тылы сатаан быһаарар | Тупсаҕай толору, тэнийбит этиини оңорор, ырытар | |||
52 | 20.01 | 1 | Этии ойоҕос чилиэннэрэ Быһаарыы | Суолтатын билэр, этииттэн ыйытыы туруоран булан бэлиэтиир | Тус бэйэтэ этиини сатаан аттаран толкуйдуур. Сатаан ырытар үөрүйэхтэрин сайыннарар | Тупсаҕай толору, тэнийбит этиини оңорор, ырытар | |||
53 | 22.01 | 1 | Толоруу | Суолтатын билэр, этииттэн ыйытыы туруоран булан бэлиэтиир | Этиини ырытыыга болҕомтолоохтук үлэлиир, үлэтин түмүгүн сыаналыыр | Тупсаҕай толору, тэнийбит этиини оңорор, ырытар | |||
54 | 25.01 | 1 | Сиһилии | Суолтатын, арааьын билэр, этииттэн ыйытыы туруоран булан бэлиэтиир | Сатаан ырытар үөрүйэхтэрин сайыннарар | Тупсаҕай толору, тэнийбит этиини оңорор, ырытар | |||
55 | 27.01 | 1 | С\с. Тиэкис тиэмэтэ. Киэң уонна тэттик тиэмэ | Киэң уонна тэттик тиэмэни араарар | Тиэкис тиэмэтэ арыллыбытын сатаан быһаарар | Киэң уонна тэттик тиэмэлээх тиэкис оңорору сатыыр, бөлөҕүнэн үлэлиири сатыыр | |||
56 | 29.01 | 1 | Хатылааьын.Этиини ырытыы | Этти тиибин, тутаах, ойоҕос чилиэнин билэр, араарар | Судургу этиини толру ырытарга дьулуһар | Эппиэттииригэр сыалын өйдөөн, ситиһэр туһугар көдьүүстээхтик үлэлиир | |||
57 | 1.02 | 1 | Этии биир уустаах чилиэнэ | Этии биир уустаах чилиэнин быһаарар, этиигэ туттар, тиэкистэн булар | Бэриллибит тыллары биир уустаах чилиэннэр оҥорон, этиилэри суруйар, быһаарар | Этиини толкуйдаан тобулан онорору сатыыр, атыттарга көмөлөһөр | |||
58 | 3.02 | 1 | Этии биир уустаах чилиэнигэр сурук бэлиэтэ. | Этии биир уустаах чилиэнин быһаарар, сөптөөх сурук бэлиэтин турарын билэр | сурук бэлиэтин таба туруорар, быһаарар | Этии биир уустаах чилиэннэригэр сатаан сөпкө аттаран сурук бэлиэтин туруоран ситиһэр | |||
59 | 5.02 | 1 | Туһулуулаах этии | Туһулууну араас истиилгэ туттар, сурук бэлиэтин туруорар, быһаарар | Туһулууну араас истиилгэ туттан, сурук бэлиэтин туруоран, быһааран үлэлиир үөрүйэ5и сайыннарар | Көдьүүстээхтик үлэлэһэр, быһаарсар | |||
60 | 8.02 | 1 | Судургу этиини ырытыы | Судургу этиини араарар, ырытар | Барбыт тиэмэни быраабылаларга олоҕуран сөпкө суруйан сылыктыыр | Тугу билэрин –билбэтин, тугу ситэри үөрэтиэхтээ5ин арааран өйдүүр | |||
61 | 10.02 | 1 | С\ с. Тиэкис темата. | Араас тиэмэлээх тиэкси тиэмэтин быһаарар, кэпсиир | Тиэкис тиэмэтэ арыллыбытын сатаан быһаарар | Тиэкис оңорору сатыыр, бөлөҕүнэн үлэлиири сатыыр | |||
62 | 12.02 | 1 | Судургу уонна холбуу этиилэр | тутаах чилиэңңэ тирэ5ирэн араарар, ырытар | Судургу холбуу этиини араарар, тэнниир, | Араас этиини оңорор, табаарыһын этиитин чочуйар | |||
63 | 15.02 | 1 | Холбуу этиини ырытыы | холбуу этиини тутаах чилиэңңэ тирэ5ирэн араарар, ырытар | Холбуу этиини онкулунан сатаан ырытар | Этиини ырытар сатабылын сайыннарар | |||
64 | 17.02 | 1 | Сирэй саңа | Сирэй саңалаах этиини араарар, сурук бэлиэтин сөпкө туруорар. | Быраабыланы сылыктаан бэйэтэ таһаарар | Сурук бэлиэтигэр болҕомтотун ууран суруйар, үлэлиир | |||
65 | 19.02 | 1 | С\с. Өйтөн суруйууну тупсаран суруйуу | Өйтөн суруйуу тиэмэтиттэн сирдэтэн суруйар | тиэкис тутулун тутуһан суруйар | Ойуулуур-дьүһүннүүр ньымалары табыгастаахтык туттар | |||
66 | 22.02 | 1 | Кэпсэтии. Диалог | Тиэкискэ диалогу таба туһанар | Тиэкискэ диалогу таба туһанар. Сурук бэлиэтигэр болҕомтотун уурар | атын киһилиин араас тиэмэ5э сатаан кэпсэтэр дьо5урун сайыннарар. | |||
67 | 24.02 | 1 | С\с.Тиэкис истииллэрэ | Тиэкис истиилин билэр | Тиэкис истиилин араарар, дакаастыыр | Араас истииллээх тиэкиһи оңорор, куолаан үлэлиир сатабылын сайыннарар | |||
68 | 26.02 | 1 | С\с. Кэрчик тиэмэ.Апсаас. | Тиэкси кэрчик тиэмэҕэ араарар | Тиэкиһинэн сөпкө үлэлиир үөрүйэҕин салгыы сайыннарар | Сатаан сиһилии кэпсиир, атыттары истэр, сыаналыыр | |||
69 | 1.03 | 1 | Этиини хатылааьын | Барбыт билиигэ олоҕуран этиини ырытар | Дакаастыыр, тэнниир, тугу билбитин кэпсиир. Бэриллибит онкулунан сирдэтэн этии арааьын суруйар | Сорудахтары толорор | |||
70 | 3.03 | 1 | Хонтуруолунай үлэ. «Тиргэьит» | Билитин тургутан көрөр | Ылбыт билиитин сатаан туьанар | Ылбыт билиитин сатаан таба тиэрдэр, көрдөрөр | |||
71 | 5.03 | 1 | Алђаһы көннөрөр үлэ | Учуутал ыйбыт уонна бэйэтэ булбут алҕаһын көннөрөр | Ылбыт билиитин сатаан туьанар, сыыьатын көннөрөн үлэлиир | Ылбыт билиитин сатаан таба тиэрдэр, көрдөрөр Үөрэппит быраабылаларыгар олођуран сыыһаны булар, сатаан көннөрөр | |||
72 | 10.03 | 1 | С\с. Аахпыттан суруйууну айан ситэри суруйуу «Аптаах собо» | Тиэкис тутулун араарар, аахпыттан истэн суруйарын таьынан салгыы айан суруйар | Тиэкис тутулун ырытар. Аахпыттан суруйарга былаан оҥостор, тиэкис абзаьын тутуьар, аахпыттан суруйуу ис хоьоонун толору арыйар, тиэкис истиилин тутуһан салгыы айар | Тиэкис ис хоһоонун истэн санаатын сааһылаан сиһилии суруйар, айар дьо5урун сайыннарар | |||
Тыл састааба уонна таба суруйуу.Тыл култуурата (15 чаас +7ч) | |||||||||
73 | 12.03 | 1 | Тыл олођун уонна сыһыарыытын өйдөбүлэ | Тус бэйэтэ таба суруйуу суолтатын таба өйдөөн, быраабылаларга оло5уран үлэлиир | Быраабыланан суруллар тыллары таба суруйар үөрүйэхтэрин үөрэтэр, быһаарар | Таба суруйууга болҕомтотун уурар, үлэлэһэр, бэйэтэ булан көннөрөр | |||
74 | 15.03 | 1 | С\с. Тиэкис былаана | Судургу , уустук былаан оҥорору сатыыр | Тиэкиhинэн үлэлиир үөрүйэхтэрин салгыы сайыннарар | Былааны тутуьан кэпсиир сатабылы сайыннарар | |||
75 | 17.03 | 1 | Арпагыраапыйа Арпагыраама | Таба суруйуу быраабылатын билэр | Быраабыланы тутуһан сөпкө суруйар | Тыл састаабын билэр, ырытар, сөпкө туттар | |||
76 | 19.03 | 1 | Арпагыраапыйа суолтата | Таба суруйуу быраабылатын билэр | Тылдьытынан сатаан туьанар, сыьыарыынан тылы уескэтэр | Тыл састаабын билэр, ырытар, сөпкө туттар | |||
77 | 22.03 | 1 | Арпагыраапыйа тылдьытынан сатаан туһаныы | Болдьох ирдэбилинэн суруйар, орфографическай тылдьыттарынан туһанар. | Орфографическай тылдьыттарынан сатаан туһаныы, соруда5ы толкуйдаан аа5ан билиитин кэнэтэр. | Тылдьыттарынан туһанан бэйэ үлэтин бэрэбиэркэлэнэр | |||
78 | 24.03 | 1 | С\с. Хартыынанан айар үлэ | Хартыына ис хоһоонунан сирдэтэн кэпсээн оңорор | Хартыына сүрүн санаатыгар олоҕуран тиэкис тутулун тутуһан айар | Ойуулуур-дьүһүннүүр ньымалары табыгастаахтык туттар, табаарыһа кэпсиирин болҕойон истэр, сэңээрэр | |||
4 чиэппэр-25 чаас | |||||||||
79 | 5.04 | 1 | С\с. Тиэкис сүрүн санаата | Туох туһунан этиллэрин өйдөөн тиэкис сүрүн санаатын быһаарар | Тиэкис сүрүн санаатыгар олоҕуран тиэкиһи таба ааттыыр | Толкуйдуур дьо5урун, үлэлиир үөрүйэ5ин, сатабылын дьарыктанар, сайыннарар | |||
80 | 7.04 | 1 | С\с. Эпиигирэп суолтата | Эппигирэп диэн тугун билэр | Билиитин кэнэтэр. Эпиграф суолтатын ейдуур, ханна, хайдах туьанарын билэр, сатаан туттар | Суругунан үлэҕэ эпиигирэби туттарга үөрэнэр, сөптөөх эпиигирэби булар | |||
81 | 9.04 | 1 | Сана дорђоонун ирдэбилэ | Тылдьыттары туһанан таба суруйар быраабылаларга оло5уран суруйар | Тылдьыттарынан туһанан бэйэ үлэтин бэрэбиэркэлэнэр | Таба суруйуу тыл уопсай тутулуттан, нуорматыттан тутулуктааҕын өйдүүр, сөпкө туттарга кыһаллар | |||
82 | 12.04 | 1 | Морполуогуйа ирдэбилэ | Тылы таба суруйарга тыл оло5ун, сыьыарыытын чиңник билэргэ үөрэнэр | Тылы састаабынан сатаан ырытар | Таба суруйуу тыл уопсай тутулуттан, нуорматыттан тутулуктааҕын өйдүүр, сөпкө туттарга кыһаллар | |||
83 | 14.04 | 1 | Болдьох ирдэбил | Сурукка киирэр тыллары өйдүүр, ирдэбилгэ оло5урар | Болдьох ирдэбилинэн суруйар, орфографическай тылдьыттарынан туһанар. | Таба суруйуу тыл уопсай тутулуттан, нуорматыттан тутулуктааҕын өйдүүр | |||
84 | 16.04 | 1 | С\с. Саңа тиибэ Сэhэргээhин | Уус-уран сиһилиир ньыма.Тиэкис тиибин быһаарар | Тиэкис тиибин быһааран уус-ураннык сиһилиир сатабылы инэринэр | Тиэкис тиибин быһаарар үөрүйэҕи салгыы ылынар | |||
85 | 19.04 | 1 | Тыл оло5ун таба суруйуу. Тыл оло5унаа5ы аһађас дор5оон суруллуута | Тылы таба суруйуу быраабылатын билэр, тутуһар | Ал5аьы булан кеннерер, онтун быьаарар | Тылдьытынан сатаан туттар | |||
86 | 21.04 | 1 | Тыл оло5унаађы бүтэй дорђоон суруллуута | Тылы таба суруйуу быраабылатын билэр, тутуһар | Ал5аьы булан кеннерер, онтун быьаарар | Тыл оло5унаа5ы бутэй дор5оон суруллуутун билэр | |||
87 | 23.04 | 1 | Сыһыарыылаах тыллары таба суруйуу | Тылы таба суруйуу быраабылатын билэр, тутуһар | Ал5аьы булан кеннерер, онтун быьаарар | Сыьыарыылааах тыллары таба суруйар | |||
88 | 26.04 | 1 | Нууччалыы тылы таба суруйуу | Тылы таба суруйуу быраабылатын билэр, тутуһар | Ал5аьы булан кеннерер, онтун быьаарар | Нууччалыы тылы таба суруйар | |||
89 | 28.04 | 1 | Сымнатар бэлиэ түһэр, туспэт түбэлтэлэрэ | Тылы таба суруйуу быраабылатын билэр, тутуһар | Ал5аьы булан кеннерер, онтун быьаарар | Сымнатар бэлиэ туьэр, туспэт тубэлтэлэрин таба суруйар | |||
90 | 30.04 | 1 | Таба суруйууну бэрэбиэркэлиир дьыктаан | Тылы таба суруйуу быраабылатын билэр, тутуһар | Ал5аьы булан кеннерер, онтун быьаарар | Толкуйдуур дьо5урун, үлэлиир үөрүйэ5ин, сатабылын сайыннарар | |||
91 | 3.05 | 1 | С\с. Ойуулааhын | Текскэ ойуулааһыны суруйарга холонор, түмүк оңорор. | Ойуулааһын ньыматын сатабылын туьанарга уорэнэр | Санаатын сааһылаан суруйар, суруйуу сатабылын иэринэр | |||
92 | 5.05 | 1 | Холбуу тыллар, | Икки тылтан үөскээбит олохтоох тыллары арааран билэр | Тылдьытынан улэлиир сатабыллары инэринэр | Кылгаабыт холбуу тыллаах этиини сатаан туттар | |||
93 | 7.05 | 1 | Тылы коhоруу | Тылы сүһүөҕүнэн арааран көһөрөрү билэр | Быраабыла5а оло5уран тылы сүһүөҕүнэн арааран көһөрөрү сатыыр | Тылы сүһүөҕүнэн арааран көһөрөр быраабылатын билэргэ кыһаллар | |||
94 | 10.05 | 1 | С\с. Тойоннооhун | Тойоннооһун тиэкис тутулунан сирдэтэн, судургу тиэмэ5э бэйэтин санаатын этэр | Тиэкис тиибин быһаарар, тексинэн үлэни салгыы иңэринэр | Санаатын сааһылаан суруйарга кыһаллар | |||
Сыл түмүгүнэн хатылааһын (7 чаас+2 чаас) | |||||||||
95 | 12.05 | 1 | Сылы түмүктүүр хатылааһын. Саңа дорђооно | О5о бэйэтэ үлэлэьэн ылынан, сатабыллары туһанан ньымаланыыта | Үөрэнэр кэмигэр барбыт тиэмэлэрин быһааран чопчулуур, түмүк оңорор | Быраабыланы хатылыыр, сыалы соругу таба туруорунар | |||
96 | 14.05 | 1 | Хатылааһын. Тыл баайа | Барбыт тиэмэтин хатылаан саныыр, билэр, өйдүүр | Быраабылалары тутуһан үлэлиир, сорудахтары сөпкө толорор | Быраабыланы хатылыыр, сыалы соругу таба туруорунар | |||
97 | 17.05 | 1 | Хатылааһын. Сиинтэксис. | Барбыт тиэмэтин хатылаан саныыр, билэр, өйдүүр | Быраабылалары тутуһан үлэлиир, сорудахтары сөпкө толорор | Быраабыланы хатылыыр, сыалы соругу таба туруорунар | |||
98 | 19.05 | 1 | Хатылааһын.Тыл састааба. Таба суруйуу | Барбыт тиэмэтин хатылаан саныыр, билэр, өйдүүр | Быраабылалары тутуһан үлэлиир, сорудахтары сөпкө толорор | Быраабыланы хатылыыр, сыалы соругу таба туруорунар | |||
99 | 21.05 | 1 | Хатылааһын. С\с. Тиэкис | Барбыт тиэмэтин хатылаан саныыр, билэр, өйдүүр | Быраабылалары тутуһан үлэлиир, сорудахтары сөпкө толорор | Быраабыланы хатылыыр, сыалы соругу таба туруорунар | |||
100 | 24.05 | 1 | Сыллааҕы түмүктүүр суругунан үлэ.Тургутук | О5о бэйэтэ үлэлэьэн ылынан, сатабыллары туһанан ньымаланыыта | Ылбыт сатабылын сатаан туттар | Сыл устата ылбыт билиитин көрдөрөр | |||
101 | 26.05 | 1 | Алђаһы көннөрөр үлэ | Учуутал ыйбыт уонна бэйэтэ булбут алҕаһын көннөрөр | Ылбыт билиитин сатаан туьанар, сыыьатын көннөрөн үлэлиир | Ылбыт билиитин сатаан таба тиэрдэр, көрдөрөр | |||
102 | 28.05 | 1 | С\с. “Сөбүлүүр дьарыгым” өйтөн суруйуу | Өйтөн суруйуу тиэмэтиттэн сирдэтэн суруйар | тиэкис тутулун тутуһан суруйар | Таба суруйуу, сурук бэлиэтин быраабылатын тутуьан суруйар | |||
103 | 31.05 | 1 | С\с. Мин билиим-кэпсэтии уруога. | Барбыт тиэмэтин хатылаан саныыр, билэр, өйдүүр | Ылбыт сатабылын олоххо сатаан туттар | Сыл устата ылбыт билиитин хатылыыр, чиңэтэр, тылынан кэпсиир | |||
По теме: методические разработки, презентации и конспекты
Рабочая программа по родному языку и литературе в 11 классе С(К)ОУ VIII вида
Рабочая программа по предмету "Родной язык и литература" в 11 классе специальной (коррекционной) школы VIII вида состоит из пояснительной записки и календарно-тематического планирования по двум модуля...
РАБОЧАЯ ПРОГРАММА ПО РОДНОМУ ЯЗЫКУ ДЛЯ УЧАЩИХСЯ 10-12 КЛАССОВ СПЕЦИАЛЬНЫХ (КОРРЕКЦИОННЫХ) ОБЩЕОБРАЗОВАТЕЛЬНЫХ ШКОЛ VIII ВИДА
Данная программа разработана на основании нормативно- правовых документов: Закона «Об образовании», Типового Положения о специальном (коррекционном) образовательно...
Рабочая программа по родному языку и родной литературе 5 класс
Рабочая программа для родного русского языка...
Рабочие программы "Русский родной язык" 5-9 класс и "Русский язык" 5-9 класс по УМК В.В.Бабайцевой
В рабочих программах представлены планируемые результаты освоения учебного предмета "Русский язык" и "Русский родной язык", содержание учебного предмета по классам, сетка часов и к...
Рабочие программы по родному языку и родной литературе, методические материалы
Рабочие программы по родному языку и родной литературе, методические материалы...