багшын дуршэлhоо
методическая разработка (5, 6, 7, 8, 9, 10, 11 класс)

Сценарий открытия республиканского фестиваля АЭОО

 «Сагаалган-2019»

“Сагаан һарын баяр” гэһэн һайндэрай нээлгын баяр ёһололой хүтэлбэри

- Амаршалгын хатар (“Ургы ” ансамбль гүйсэдхэнэ)

(хоёр ведущинууд тайзан дээрэ гарана)

Вед.1

Алдар сэнхир хадагаа барижа

Алтан дэлхэйдэ сэржэмээ үргэе

Үбгэн буурал аба эжыгээ хүндэлжэ

Үглөөнэй элшэ нараар золгое

Сагаан hарын амар мэндэ!

Вед.2

Сагаан арюун үбгэд, хүгшэд

Сагаан hарын амар мэндэ!

Хүхюун дорюун хүбүүд, басагад

Сагаалганай баяр мэндэ!

Вед.1

Заха холын Захааминдамнай

Залгаа олон дабаануудые дабан,

Хүрэжэ ерэбэлтэ анда нүхэд,

Холоhоо бууhан манай айлшад!

Вед.2

Хүндэтэ нүхэд, «Сагаан hарын баяр» гэhэн найр наадандамнай Буряад hургуулинуудые  халуунаар  угтан абая:Уласай үндэhэн соелой hуралсалай эмхинүүдэй эблэлдэ ородог

1. Уран hайханай шэглэлтэй Сахирай интернат hургуули
2. Буряад Уласай үндэhэтэнэй 1-дэхи лицей-интернат
3.  Улаан-Үдэ хотын 29 буряад гимнази
4.  Гүрэнэй бюджедэй болбосоролой эмхи зургаан Түнхэнэй аймагай «Шэмхын hургуули-интернат»
5. Мухар-Шэбэрэй аймагай Алташын Адагай дунда интернат-hургуули
6. Нютаг засагай бюджедэй юрэнхы болбосоролой эмхи зургаан Загарайн аймагай Асагаадай юрэнхы болбосоролой  дунда hургуули-интернат
7. Хэжэнгын дунда ниитэ һуралсалай интернат һургуули
8. Виктор Санжимитыпович Мункинай нэрэмжэтэ Хэжэнгын лицей
9. Нютаг засагай бюджедэй һуралсалай эмхи зургаан Нимбу Сосорович Сосоровой нэрэмжэтэ Зэдын аймагай Цагаатайн юрэнхы болбосоролой дунда hургуули
10. Муниципальна өөрын эрхэтэ һуралсалай зургаан “Корсаковын юрэнхы һуралсалай дунда һургуули”

11. Захааминай аймагай  28 hургуулинуудта манай халуун амар мэндэ..

Вед.1 Хүндэтэ нүхэд, найр наадандамнай  ерэhэн эрхим хүндэтэ айлшадаа  тайзан дээрэ уринабди:

  Болбосоролой болон эрдэм ухаанай сайд - Баир Баторович Жалсанов.

Захааминай аймагай толгойлогшо – Сергей Валерьевич Гонжитов,

Буряад уласай үндэhэн соелой hуралсалай эмхинүүдэй эблэлэй түрүүлэгшэ – Булат  Баирович  Шойнжонов.

“Захааминай аймагай болбосоролой хүтэлбэри” гэһэн нютагай засагай һангай эмхи зургаанай  хүтэлбэрилэгшэ Бандеева Ирина Викторовна.

Уран һайханай шэглэлтэй Сахирай юрэнхы дунда интернат һургуулиин дарга Абидуева Намжилма Борисовна.

Вед 1: Мүнөөдэр сагаан һарын дэмбэрэлтэ үдэр Буряадай гайхамшагта баялигтай Байгал далайн захада ажаһуудаг Кабанскын аймагай муниципальна өөрын эрхэтэ һуралсалай зургаан “Корсаковын юрэнхы һуралсалай дунда һургуули Уласай үндэhэн соелой hуралсалай эмхинүүдэй эблэлдэ орохо хэлсээ баримталхада гараа табилга.

Вед.2 Хүндэтэ нүхэд мүнөөдэр Уласай үндэhэн соелой hуралсалай эмхинүүдэй эблэлдэ Кабанскын аймагай муниципальна өөрын эрхэтэ һуралсалай зургаан “Корсаковын юрэнхы һуралсалай дунда һургуули” оробо гээшэ. Халуун альга ташалгаар амаршалая.

Вед 1: «Сагаан һарын баяр» гэһэн сагаалганай найр наадан нээһэндэ тоолоогдобо.

 Вед 2: Зай, иигээд лэ, сагаалганаймнай найр нааданда нютаг бүхэнэй һүбэлгэн бэрхэ хүбүүд басагад сугларжа, талаан бэлигээ харуулжа, оюун ухаагаа гүйлгэжэ, хаба шадалаа туршалсаха сагнай ерэбэ. Тиимэһээ ямаршье нютагһаа ерэһэн буряадууд түрэл нютагтаа эб хамта суурхуулан ябая гэжэ уряалаад, мүнөө тайзан дээрэ “Сагаалганай амаршалга” ба “Жаргалай хатар” гэһэн мүрысөөнүүд үнгэрхэ.

«Сагаалыт манайда»-гэһэн мүрысөөн фойе соо үнгэрхэ.

“Хадын сууряан”-

“Дуунай аялга”-

“Шагай наадан”-

“Ташуур гүрэлгэ”-

“Һэер шаалган”- фойе

“Алта нюулга”-

“Таабари таалган”-

“Зөөхэй шаналга”-фойе

“Нюуса тобшо”- номой сан

“Шалиг энеэдэн”- 6 кабинет

“Зүжэгтэ һүүдэр”-6 кабинет

Вед 1:

Гартаа дүйтэй эрхим хүбүүдтээ, шог зугаатай эелдэр басагадтаа

Дүршэл шадабаряа харуулжа, сагаалганайнгаа найрта

Харагшадай hайшаалда хүртэжэ,

Үндэр сэгнэлтэ абахыень хүсэнэбди.

Вед2:

Сарюун Буряад орондоо

Согтой  хатараа  хатарая,

Үльгэртэ жэргэмэл орондоо

Үреэл дуугаа  залая!

Сагаа hарынгаа  баяр хубаан,

Найр наадаяа эхилэе!

Мүрысөөнүүдые сэгнэхэ жюриин гэшүүдые халуун альга ташалгаар угтая. ( нэрлэхэ ФИО) Зай иигээд,  бултандатнай энэ мүрысөөнүүдтэ үндэр амжалта хүсөөд, кабинедүүдээр тарахыетнай уринабди.

Хүгжэм зэдэлнэ. (үхибүүд  залһаа гарана)

(Бүхы мүрысөөнүүдэй үнгэрһэнэй һүүлээр шагналтанууд болохо)

Вед 2: “Сагаан һарын баяр” гэһэн найр наадандамнай  хабаадаһан эгээл бэрхэ, һүбэлгэн үхибүүдые элирүүлхэ сагнай ерэбэ.

Вед 1: Мүнөө тайзан дээрэ түрүү һууринуудые эзэлһэн һурагшадта үнэтэй бэлэгүүд  болон  үргэмжэлэлнүүдые барюулхаяа   уригдана.

Вед 2.

 Наhан дээрээ наhа нэмэжэ,

Ухаан дээрээ ухаа нэмэжэ,

Гаhар зузаан Гахай жэлдэ

Түбшэн даруу зантай,

Ажалаа жолоо болгожо,

Амжалтаа шэмэг болгохотнай болтогой!

Вед 1.

Сагаалган ямар гоёб даа,

Санзайгаа бадараагаад,

Һама сахюусанда хандажа,

Һанаа сэдьхэлээ заһаад,

Тойроод байһан уулануудтаа

Томоотойгоор зальбархаш

Гал заяашадаа гэртээ

Газаа эдеэнһээн үргэжэ,

Гараа һарбайлган:

-Мэндээ-э!

Мэндэ-ээ –гэжэ золгоод

Нэгэ наһа нэмэжэ

Буряад зоной найраар

Бултыетнай амаршалнаб!        

Вед 2: Хүндэтэ нүхэд! Заха холын Захааминдамнай, үндэр ехэ хада уулануудые дабажа, үргэн ехэ уhа мүрэнүүдые гаталжа, «Сагаан һарын баяр» гэһэн найр наадандамнай булта ерэжэ хабаадаһандатнай баярые хүргөөд, тэнгэриин хууляар амилһан аялгата буряад хэлэеэ үндэр дээрэ үргэжэ, эхэ хэлэн дээрээ хөөрэлдэжэ, элинсэг хулинсагуудайнгаа ёһо заншалнуудые сахижа, үеһөө үедэ дамжуулжа ябахамнай болтогой!

Дахин уулзатараа баяртай!

1.Амар мэндэ, манай һургуули!

Амар мэндэ, уужам һаруул класснай!

Баһал хүхюун хонхо наярха,

Одоошье үхибүүд һургуулидаа сугларбад!

В: Амгалан үдэрэй амар мэндэ хүндэтэ багшанар, һурагшад, түрэлхид ба айлшад! Мүнөөдэр, дэмбэрэлтэ һайхан түрүүшын хонхын һайндэртэ  эрдэмэймнай гуламтада буугаад байһан Та бүгэдэндэ халуун амар мэндэ!

В:  Мүнөө амаршалгын үгэ һургуулиимнай дарга Н.Б. Абидуевада үгэ үгтэнэ.

В: Мүнөө амаршалгын үгэ һургуулиимнай даргын һуралсалай орлогшо Э Ц Цыреновада үгэ үгтэнэ

Алтан намарай эхиндэ,

Хүхэ тэнгэриин сэлмэгтэ

Һургуулиин боһог алхажа орооб,

Хонхын жэнгирх Һургуули ые дуулааб,

Түрүүшын багшатаяа танилсааб,

Үетэн нүхэдөөрөө танилсааб,

Һургуулиин һурагша болооб,

Ямар гоёб даа!

Мүнөө 1-дэхи ангиин багшада С.С Бальжуровада үгэ үгтэнэ

Һургуули – эрдэмэй ухаанай зүрхэн

Һургуули-эрдэмэй һургаалай багша

Һургуули-минии хоёрдохи гэр

Һургуули-эгээл ехэ туһалагша

Һургуули-амар мэндын һуури

Һургуули-эжэл нүхэдэй һуури

В2: Зай иигээд, Та бүгэдэндэ бултандатнай энэ шэнэ һуралсалай жэлдэ  үшөө олон шэнэ амжалтануудые хүсөөд, кабинедүүдээр тарахыетнай уринабди.

Хүгжэм зэдэлнэ. (үхибүүд актова залһаа гарана)

.