Мастер-класс
методическая разработка

Мастер-класс.

 Тема: Өметемнең  күзе  шундый зур!
Керфекләре  генә ябылмасын!..      

Р.Фәйзуллин

Максат: 1) куелган проблеманы  дивергент (куелган проблемага күпсанлы оригиналь чишелешләр табуга юнәлтелгән фикерләү төре) фикерләп чишү; 2) аудиторияне иҗади  фикерләү осталыгына өйрәтү; 3) прблеманы күмәк хәл итүгә омтылыш, дуслык, бердәмлек, игътибарлылык сыйфатлары тәрбияләү;

 Җиһазлау: ноутбук; презентация; буклет; тарату материаллары;

Барышы

   1 Оештыру өлеше

   Уңай психологик халәт тудыру.

  2. Проблема кую.

 Хөрмәтле коллегаларым! Без сезнең белән Рәхимов     технологиясе буеча дивергент фикерләргә өйрәнәчәкбез. Һәрберебезгә дә мәгълүм булган А.С. Пушкинның  «Балыкчы һәм балык турында әкият”ен искә төшереп үтик. (презентациядә мультфильмнан күренешләр күрсәтелә)

Зәңгәр диңгезнең нәкъ кырыенда

 Карт белән карчык яши булганнар;

 Искереп беткән бер землянкада

Нәкъ утыз өч ел бергә торганнар.

Карт балык тоткан зур җәтьмә белән,  

Җеп эрли булган аңарга карчык

 Проблемалы сорау кую:

-Сез   ничек уйлыйсыз, әби тискәре, ә бабай уңай героймы?

-Нинди фикерләр бар?

Төрле фикерләр тыңланыла:

(Аудитория бердәм фикергә килергә тиеш, ләкин һәр фикер яшәргә хаклы. Бары тик укучы үз фикерен якларга һәм дәлилләргә тиеш.)

-Ә хәзер сезнең дивергент фикерләргә өйрәнгәнегезне тикшереп карыйбыз. Р. Фәйзуллин дөньяга яңача, заманча карашы белән укучыны сискәндереп җибәргән “Нюанслар иле” исемле  шигырьләр көлтәсе белән килеп керде әдәбиятка. Нигездә өч, ике, бер юллардан торган бу парчаларда салмак һәм тигез агыш, рифма, эчке тәңгәллек, ярашу кебек татар поэзиясенең күнегелгән сыйфатларын сөйләм теле, хисси борылыш, халәт, көтелмәгән сынландырулар, янәшәлекләр алыштыра. Әйдәгез,шуларга күз салыйк, дивергент фикерләп исемнәрен табыйк.

 ( Төрле фикерләр тыңланыла, дәлилләр китерелә)

1.Кыны тулы кан. Тышында чәчәк сурәте.  ( фикерләр: сугыш,  мәңгелек ут янында чәчәкләр яки тарих матур итеп язылган)

 ( “Тарих”)

2.Кесә тулы елан мөгезе! ( фикерләр: еланда мөгез булмый, яшь  чактагы хыяллар, хәзер кесәгездә мөгез бармы?)

                           ( Яшь чак”)

3.Терәлде көймәм Алтын ярга!  ( фикерләр: көймә терәлү бу очракта файдага, чөнки яр алтыннан)

                             (“Яза алганда”)

4. Яңа бите ачып куелган... Кем чираты?   ( фикерләр: китапта бит була, ләкин чират белән, димәк, яхшыга түгел...)

                            ( “Кызыл китап”)

5.  Җил бик тиз актарды әкият китабын.   (фикерләр: әкиятләргә ышану бары балачакта гына,  әмма  балачак бик тиз уза)

                            ( “Балачак”)

Игътибарыгыз өчен рәхмәт, беркайчан да ярык тагарак алдында калмагыз! Үз фикерегезне яклап һәм дәлилләп  муллыкта  яшәгез!

Ә минем

Өметемнең  күзе  шундый зур!
Керфекләре  генә ябылмасын!..      

Р.Фәйзуллин

  Төзеде: Иске Чүпрәле 1 нче урта мәктәбенең татар теле һәм әдәбияты укытучысы Җәләлова Энҗе Әхмәт кызы.