Рабочая программа по родному языку 5 класс
календарно-тематическое планирование

МБОУ «Шугуровская средняя общеобразовательная школа»

Рассмотрена и одобрена на заседании                                                                                                                                                         Утверждена:  

                                                                                                                                                                                                                     директор МБОУ «Шугуровская  СОШ»                            методического объединения                                                                            

Председатель МО                                                                                                                                                                                       ___________Ларькин И.Ф.        

_________ Арапова И.В.

«_____» _________2019 г.                                                                                                                                                                         «_____» _________2019 г.

Рабочая учебная программа

по  родному языку для 5 класса

Составитель:    Дёмина Н.А.

  учитель родного языка и литературы

2019г.

Икельце вал

5-це классонтень эрзянь келень коряс важодемань программась теезь

- «Эрзянь келень программат 5-11 класстнэнень» программатнень лангс нежедезь, конань кемекстызе Мордовия Республикань Образованиянь министерствась. Программатнень сёрмадызь: Цыганкин Д.В., Цыпкайкина В.П. Нолдазь Саранскоень Мордовской книжной издательствасо 2017-це иестэ.

- Тонавтнема книгась: Д.В.Цыганкин.  Эрзянь кель 5 -це  класснэнь. Саранск: Морд. кн. изд., 2018 ие.

  Тонавтнема предметэнть тарказо тонавтнемань  плансо.

МБОУ «Шугуровской средней общеобразовательной школасо» тонавтнемань планонть коряс «Эрзянь кель» предметэнтень недлязонзо максови 1 час, иезэнзэ 34 част,  сынст ютксто кортамонь ёрокчинь кастомантень – 9 част, содамочинь онкстамонтень – 3 част.

     Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

      Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

     Эрзянь келесь – минек тиринь келенек, кона ютась касомань ды келейгадомань пек кувака ки. Сон вансты ды пачтясы сень, мезе ульнесь ломантнень эрямосо. Эрьва народонть эсензэ келезэ, историязо.

     Тиринь келенть вельде эйкакшось карми содамо перьканзо эрямонть, сонзэ эйсэ полавтоматнень. Тиринь келесь – арсемань ды содамочинь ёнкс, паро ломанень триця-кастыця.

     Сонзэ вельде эйкакшось тееви эсь народонть эйдекс, конань а визькс невтемс весеменень.

А эрявить сеземс сеть сюлмавкстнэнь, конатне теевсть те шкантень эйкакшонть келензэ ды потмооймензэ марто. А колыть неть 5-11 класстнэсэ тонавтнема лувонтькак. Тиринь келень парсте содамось лезды пертьпельксэнть весе содамочитнень келейгавтомо. Тиринь келенть парсте содазь эйкакштнэнень седешожда тонавтнемс рузонь ды омбо масторонь кельтнеяк.

     Неень шкань тонавтыцятненень икеле аштить истят путовкст:

- максомс содамочить фонетикань, лексикань, морфологиянь, синтаксисэнь, стилистикань коряс.

-Эряви тонавтомс эйкакштнэнь тиринь келенть валонь сюпавчинзэ, гайтевчинзэ ды мазычинзэ нееме, эсест арсемаст эрзякс ёвтамо ды сермадомо.

-Эряви невтемс эйкакштненень тиринь келенть питнензэ весе раськенть ды эрьва ломаненть эрямосо.

     Тонавтыцянтень эряви кепедемс эйкакштнэнь бажамост тиринь келень коряс содамочитнень саеме; кастомс эйкакштнэнь мелест седее парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемаст ды ёжомарямост.

     Тиринь келень тонавтыцянтень башка мель эряви явомс теориянь сеть кевкстематнень лангс, конат аштить видестэ сёрмадомань, пунктуациянь ды кортамонь ёрокчинь кастомань лувокс. Те лувось – гайтень ды буквань коряс валонь ванномась, пельксэнь-пелькс сынст явомась, валрисьмень ды валонь сюлмавксонь пелькстнэ.

     Теориянь коряс содамочитне максовить неень шкань келень наукань вешеманзо мельс саезь.

      5-це классо тонавтневить синтаксисэсь (нурькинестэ), фонетикась, графикасьды орфографиясь, лексикась, валонь пелькстнэ ды валонь теевемась. Иень ушодовомсто васенце урокось алтазь тиринь келенть лезэнзэ панжомантень эрзянь раськенть эрямосо. Те  уроктнесонть  панжови тиринь келенть питнезэ башка ломаненть ды весе раськенть эрямосо, ёвтневи эрзянь раськенть эрямодонзо кезэрень шкане, косто саевсть эрзянь ды мокшонь кельтнень лемест, эрзянь келень коряс книгань васенце сермадыцятнеде (А.Ф.Юртовдо, М.Е.Евсевьевде, А.А.Шахматовдо, Д.В.Бубрихте, А.П.Рябовдо ды лиятнеде), истя жо неень шкань ученойтнеде.

     Уроктнесэ истя жо эряви ёвтнемс сеть эрзятнеде, кить эсест тевест коряс теевсть содавиксэкс аволь ансяк минек, но и омбо масторсояк (С.Д.Эрьзядо, Никон патриархтонть, Л.А.Русланова морыцядонть ды лиятне).

     Неть уроктне лездыть кастомс эйкакштнэнь потсо эрзянь келентень мелень путома, вечкема, кепедьсызь эйкакштнэнь каштанчист эсенек раськенть кувалма.

     Неень шкасто эрьва кодамо келень тонавтнемстэ кортамонь ёрокчинь кастомась аравтови малав васенце таркас.сонзэ смустезэ сеньсэ: тонавтомс эйкакштнэнь аволь ансяк грамматикань ёнкстнэнь мукшномо-нееме ды видестэ сермадомо, но и видестэ ёвтамо эсест арсемаст.

     Эрьва пельксэнть, эрьва теманть ванномась лезды тонавтницятненень кортамонь ерокчист кепедемантень. Тенень покш нежекс карми улеме фонетикань, лексикань, морфологиянь ды синтаксисэнь чарькодематнень тонавтнемаськак.

     5-це классо ютавтовить урокт- викторинат, урокт-экскурсият, урокт – КВН-т, урокт- путешествият. Неть уроктнесэ кемекстави аволь ансяк тонавтницятнень теориянь коряс содамочист, но и сюпалгады сынст валонь таштавксост. Неть уроктнес совавтовить ламо налксемат, ёжов кевкстемат, конатне пек вечкевить тонавтницятненень. Истя, «Минек вирьсэ» теманть коряс уроконтень-экскурсиянтень анокстамсто ды сонзэ ютавтомсто тонавтницятне мельс ледстясызь сынст вирьсэ касыця чувтнэнь, тикшетнень, куракштнэнь, панготнень, идем ракшатнень, нармунтнень, унжатнень лемест. Кочкить эрявикс стихотвореният, валмеревкст, содамоёвкст, анокстыть ёвтнемат ды налксемат ракшатнень ды нармунтнень эрямост коряс. Урокось КВН-сь ютавтови эрьва кодамо темань коряс, саемга, валонь кеме сюлмавкстнэнь коряс. Заданиятне ды кевкстематне эрсить эрьва кодат:

1. Муемс валмеревкстнэнь омбоце пельксэст: шнак пря аволь ушодомсто, (шнак пря прядомсто), кельсэ эрьва ков, (тевсэ – а тей, а тов);
2. Ёвтамс рунгонь пельксэнь лемдиця вал марто валонь кеме сюлмавкст ды панжомс сынст смустест: сельгень прамс, прянзо лангс стявтомс, судодо усксемс ды лият;
3. Валонь кеме сюлмавкстнэнень кочкамс антонимень парат: ваномс пштистэ – (ваномс суронь пачк), сускомс кель  - (юксемс кель).

     Кортамонь ёрокчинь кастомасонть лезэвекс кармить улеме колазь текстэнь витематне ды рузонь кельстэ эрзякс ютавтоматне. Рузонь кельстэ эрзякс ютавтоматне лездыть кепедемс тонавтницятнень валонь таштавксост ды келень ежомарямочист.    

     Эрзянь келенть тонавтнемстэ покш мель эряви явомс лия предметнэнь марто сюлмавоматненень. Сех кеметь неть сюлмавоматне тиринь литературанть марто. Келень ёнкстнэ, васняяк, ванновить художественной литературасто саевкстнэнь коряс. Кортамонь ёрокчинь кастомаськак ютавтови эрьва кодамо художественной литературань сермадовкстнэнь коряс.

     Тиринь келенть тонавтнемась кеместэ сюлмавозь рузонь ды омбо масторонь кельтнень тонавтнемаст марто. Рузонь, англань, немецень, французонь ды лия кельтнень енксост седее парсте чарькодевить, бути нежедемс тиринь келень коряс содамочитнень лангс. Келень коряс вейкеть чарькодемат (подлежащей, сказуемой ды лият) улить весе неть кельтнесэ. Вейкеть чарькодемат (антонимть, эпитет, олицетвореният) вастневить тиринь келень ды литературань коряскак.

     Тиринь келень уроксто истя жо эрявить кирдемс сюлмавомат географиянть, зоологиянть, биологиянть, астрономиянть мартояк. Истя, собственной лемтнень ютамссто эряви максомс чарькодема топонимиядо, содамс эсь райононь эрзянь велетнень лемест, эсест велень перька виртнень, латкотнень, эрькетнень, лейтнень лемест. Собственной лемтнень  ютамсто истя жо мельс ледстявить эрзянь ды мокшонь художниктнень ды композитортнэнь лемест, сынст произведенияст лемест. Нарицательной лемтнень ютамсто мельс ледстявить нармунтнень, ракшатнень, унжатнень, калтнэнь ды лия мезтнень лемест. Валкстнэнь коряс эрявить муемс сеть валтнэньгак, конат меельце шкатнестэ полавтовкшность рузонсесэ ды ней таго совавтовсть кортамо рисьментень. Зоологиянь коряс тонавтнема книгастонть эряви макснемс рузонь кельстэ эрзякс ютавтнемат кодаткак ракшатнень эли нармунтнень эрямо таркадост ды обуцядост. Весе те лезды эйкакштнэнь валонь таштавксост кастомантень.

 Грамматикань коряс маштомачитне:

     аволь невтемачинь, невтемачинь ды азорксчинь полавтнемань существительнойтнень падежга аравтомо;

     смустень ды формань коряс существительнойтнень полавтнемаст ды падежест содамо;

     эрзянь литературань келенть лувонзо ванстозь существительнойтнень кортамсто ды сермадомсто видестэ сайнеме;

     валонь теиця ды вишкалгавтыця суффикс марто, сложной ды кавонзазь существительнойтнень видестэ сермадомо;

     прилагательной вельде предметэнть эрьва кодамо ёнксонзо тешкстамо;

     прилагательной вельде пертьпельксэнь ёнкстнэнь невтеме;

     эсь кортамосонть прилагательнойтнень виде ды кандовозь смустьсэ сайнеме;

     качествань невтиця прилагательнойтнестэ сравнениянь степенень теме ды кортамосо сынст маштозь сайнеме;

     качествань невтиця прилагательнойтнестэ сравнениянь степенень теме ды эсь кортамос сынст видестэ совавтомо;

     вишкалгавтыця ды качествань киртиця суффикс вельде прилагательноень теме ды эсь кортамос сынст видестэ совавтомо;

     лия кортамо пельксстэ качествань киртиця суффикс вельде прилагательноень теме, кортамосо сынст тевс нолдамо;

     числительнойтнень видестэ ловномо ды сермадомо эрзянь литературань келень лувтнень ванстозь;

     числительнойтнень существительной марто сюлмамо, кортамосонть сынст сайнеме ды видестэ сермадомо;

     кортамосонть местоимениятнень видестэ сайнеме;

     местоимениянь куротнень эрьвейкедест явомо;

местоимениятнень видестэ падежга полавтнеме ды сермадомо.

Тонавтнема предметэнть тонавтома результаттнэ.

Личностной результаттнэ.

Школасо эрзянь келенть тонавтнезь, эйкакштнэ тонадыть вадрясто ды педе пес чарькодеме весе ломантнень (тонавтыцянть, эсест ялгаст ды седее тов) кортамост. Сынь тонавтнить кортамо весе классонть икеле: отвечить тонавтыцянть кевкстеманзо лангс, теить ёвтнемат ловнозденть, неезденть.

Регулятивной УУД:

-кельвалонь кастомась;

-парсте содамс тиринь келенть, бажамс ильведькстэме кортамо, мелень-арсемань ды ёжомарямонь кортазь ды сёрмадозь ёвтнеме.

Познавательной УУД:

Содамс, мекс ды мезень кисэ тонавтневи тиринь келесь.

Тонавтницясь пурны эрьва кодамо информация ды материал мокшэрзянь литературасто, валкссто, энциклопедиясто, эрзянь кельсэ сёрмадозь журналтнэстэ вешни эрявиксэнть, тонавтни важодеме сынст коряс, кемексты содамочинзэ. Мельспаросо кунсолы ды ванны эрзянь телепередачат. Интернет-сайтстэ тонавтни муеме эрявикс информациянть ды видестэ сонзэ тевс нолдамо.

Коммуникативной УУД.

Карадо – каршо кортамонь ветямо маштомась, эсеть ялгань кунсоломась, сонзэ ёвтнеманзо поладомо эли домкалгавтомо маштомась. Кортамс апак капша, мелень путозь. Кортамось молезэ аволь диалектэнь, но ванькс литературань кельсэ, сонзэ грамматикань ды орфоэпиянь лувтнэнь лангс нежедезь.

Ловны эрьва кодамо темань коряс книгат, газетат, журналт, кунсолы музыка, эрзянь морот тиринь мастордо, ояксчиде ды седе тов.

Вечкезь, паро мельсэ, чарькодевиксстэ кортни тиринь кельсэ ломантнень марто.

Машты важодеме коллективсэ, парсте кортамо, лиянь кунсоломо.

Предметной результаттнэ.

1) Эряви явомс ламо мель минек масторсо эрьва раськень эрицятнень культурастютксо сюлмавксонь кастомантень, сюпалгавтомантень;

2) чарькодьсызь тонавтницятне, што эрзянь келесь раськень культурань явления ды эсь келенть тонавтнезь чарькодевить ломантнень эрямосо вастневиця ёнксонзо, коензэ-кирданзо, мелензэ-арсеманзо;

3) тонавтовить эйкакштнэ эрязасто, мельстуезь, чарькодевиксстэ ловномо, ильведевкстомо сёрмадомо. Парсте кортамо, эсест мелест-арсемаст ды ёжомарямост кортазь ды сёрмадозь ёвтнеме;

4) чарькодьсызь, мезекс эряви тенст тиринь келенть содамозо;

5) тонадыть самостоятельна вешнеме эрявикс литература, штобу чарькодемс ды содамс дополнительной информациянть.

Тематической планированиясь

Тонавтнемань курсонть содержаниязо.

Календарно-тематической планированиясь

                                      Учебно-методической обеспечениясь.

Тонавтомапельтне:

 Эрзянь кель 5-це классонтень С.2018 ие

Автортнэ: Д.В.Цыганкин

Дидактической материалт 5-це классонтень С.1994ие

Автортнэ: Д.Т.Надькин, Л.П.Водясова, В.П.Цыпкайкина

Уроконь тематнень коряс таблицатне.

Эрзянь келень валкстнэ.

Эрзянь кельсэ тесттнэ. Авторось - Т.А.Кемайкина.

Диктантт ды изложеният. Авторось - Т.А.Кемайкина.

Эрзянь келень коряс методикань лезкстнэ:

1.Кемайкина Т.А.  Диктантт ды изложеният 5-11 класстнэнень: Тонавтыцятненень пособия.- Саранск, 2010

2.Кипайкина Н.А. Текст марто авжодемась тиринь келень уроксто.- Саранск, 1993.

3.Мосин М.В., Водясова Л.П., Цыпкайкина В.П. Эрзянь келень урокт 7-це классо.- Саранск, 1995.

4. Мосин М.В., Водясова Л.П., Цыпкайкина В.П. Дидактической материалт. 7-це класс.- Саранск, 1995.

5.Цыганкин Д.В. Занимательной грамматика.- Саранск, 1999.

Валкстнэ:

1.Борисов А.Г. Эрзянь келень эпитетэнь нурькине словарь.- Саранск, 1982.

2.Бузакова Р.Н. Словарь синонимов эрзянского языка.- Саранск, 1982.3/

3. Бузакова Р.Н. Тикшень валкс.-Саранск. 1996.

4. Цыганкин Д.В., Мосин М.В. Этимологиянь валкс.- Саранск, 1998.

5.Ширманкина Р.С. Фразеологиянь валкс.- Саранск, 1998.

6.Щемерова В.С. Эрзянско-русский, русско-эрзянский словарь.- Саранск, 1993.

7.Четвергов Е.В. Сырнень човалят: Стувтозь ды чуросто вастневиця валт.- Саранск, 1995.

8.Эрзянь келень орфографической словарь.- Саранск, 1978.

9.Эрзянь-рузонь валкс. Эрзянско- русский словарь.- Москва, 1993.

Башка сермадовкстнэ (статьятне):

1.Алешкина Р.А. Эрзянь келень синтаксисэнь уроксто творческой енксонь кандыця упражнениятне.- Сятко, 1992.

2.Водясова Л.П. Урок КВН: Числительноенть ды местоимениянть коряс.- Сятко, 1995, №3.

3. Водясова Л.П. Мезекс правилатне?- Сятко, 1997, №10

4. Кипайкина Н.А. Тиринь келень уроксо.- Сятко, 1993, №10.

5. Цыпкайкина В.П. Тонавтнемась улезэ кенярксов: Валмеревкстнэнь, фразеологизматнень ды содамоевкстнэнь коряс праздник.- Сятко, 1995, №1.

6.Тиринь келень коряс олимпиадатне.- Сятко, 1997, №12.

7. Цыпкайкина В.П. Глаголось минек кель-валсо.- Сятко, 1997, №9.

Тонавтнемапельтнеде башка, келенть коряс  информация муеви Internet-энь истямо сайт лангсо: