Рабочая программа по родному языку 11 класс
календарно-тематическое планирование

МБОУ «Шугуровская СОШ»

                                                                                        «   »        2019 г.

Рабочая программа    учебного курса

« Родной язык»

в 11 классе 
 

                      Дёмина Н.        А. учитель родного языка  и литературы

2019г.

Икельце вал

               11-це классонтень эрзянь келень коряс программась теезь Д.В. Цыганкинэнь, В.П. Цыпкайкинань «Эрзянь келень программат 5 – 11 класстнэнень» (2017) программанть  ды Н.А.Кипайкинань  «Эрзянь кель 10-11 кл.», С. 2014 иень  учебникенть коряс.

 Весемезэ иень перть тонавтнемантень максовить 34 част, сынст ютксто кортамонь ёрокчинь кастомантень – 6 част, содамочинь онкстамонтень – 4 част.  

    Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

Программанть вешематне:

•        Кепедемс тонавтницятнень бажамост тиринь келень коряс содамочитнень саеме.

•        Кастомс эйкакштнэнь мелеет седе парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемастды ёжомарямост.

       Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

Эрзянь келесь – минек тиринь келенек, кона ютась касомань ды келейгадомань пек кувака ки. Сон вансты ды пачтясы сень, мезе ульнесь ломантнень эрямосо. Эрьва народонть эсензэ келезэ, историязо.

     Тиринь келенть вельде эйкакшось карми содамо перьканзо эрямонть, сонзэ эйсэ полавтоматнень. Тиринь келесь – арсемань ды содамочинь ёнкс, паро ломанень триця-кастыця.

     Сонзэ вельде эйкакшось тееви эсь народонть эйдекс, конань а визькс невтемс весеменень.

А эрявить сеземс сеть сюлмавкстнэнь, конатне теевсть те шкантень эйкакшонть келензэ ды потмооймензэ марто. А колыть неть 5-11 класстнэсэ тонавтнема лувонтькак. Тиринь келень парсте содамось лезды пертьпельксэнть весе содамочитнень келейгавтомо. Тиринь келенть парсте содазь эйкакштнэнень седешожда тонавтнемс рузонь ды омбо масторонь кельтнеяк.

     Неень шкань тонавтыцятненень икеле аштить истят путовкст: максомс содамочить фонетикань, лексикань, морфологиянь, синтаксисэнь, стилистикань коряс. Эряви тонавтомс эйкакштнэнь тиринь келенть валонь сюпавчинзэ, гайтевчинзэ ды мазычинзэ нееме, эсест арсемаст эрзякс ёвтамо ды сермадомо. Эряви невтемс эйкакштненень тиринь келенть питнензэ весе раськенть ды эрьва ломаненть эрямосо.

     Тонавтыцянтень эряви кепедемс эйкакштнэнь бажамост тиринь келень коряс содамочитнень саеме; кастомс эйкакштнэнь мелест седее парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемаст ды ёжомарямост.

     Тиринь келень тонавтыцянтень башка мель эряви явомс теориянь сеть кевкстематнень лангс, конат аштить видестэ сёрмадомань, пунктуациянь ды кортамонь ёрокчинь кастомань лувокс. Те лувось – гайтень ды буквань коряс валонь ванномась, пельксэнь-пелькс сынст явомась, валрисьмень ды валонь сюлмавксонь пелькстнэ.

     Теориянь коряс содамочитне максовить неень шкань келень наукань вешеманзо мельс саезь.

      11-це класстнэсэ тонавтневи синтаксисэсь ды пунктуациясь. Иень ушодовомсто васенце урокось алтазь тиринь келенть лезэнзэ панжомантень эрзянь раськенть эрямосо. Неть уроктнесэ панжови тиринь келенть питнезэ башка ломаненть ды весе раськенть эрямосо, ёвтневи эрзянь раськенть эрямодонзо кезэрень шкане, косто саевсть эрзянь ды мокшонь кельтнень лемест, эрзянь келень коряс книгань васенце сермадыцятнеде (А.Ф.Юртовдо, М.Е.Евсевьевде, А.А.Шахматовдо, Д.В.Бубрихте, А.П.Рябовдо ды лиятнеде), истя жо неень шкань ученойтнеде.

     Уроктнесэ истя жо эряви ёвтнемс сеть эрзятнеде, кить эсест тевест коряс теевсть содавиксэкс аволь ансяк минек, но и омбо масторсояк (С.Д.Эрьзядо, Никон патриархтонть, Л.А.Русланова морыцядонть ды лиятне).

     Неть уроктне лездыть кастомс эйкакштнэнь потсо эрзянь келентень мелень путома, вечкема, кепедьсызь эйкакштнэнь каштанчист эсенек раськенть кувалма.

     Неень шкасто эрьва кодамо келень тонавтнемстэ кортамонь ёрокчинь кастомась аравтови малав васенце таркас.сонзэ смустезэ сеньсэ: тонавтомс эйкакштнэнь аволь ансяк грамматикань ёнкстнэнь мукшномо-нееме ды видестэ сермадомо, но и видестэ ёвтамо эсест арсемаст.

     Эрьва пельксэнть, эрьва теманть ванномась лезды тонавтницятненень кортамонь ерокчист кепедемантень. Тенень покш нежекс карми улеме фонетикань, лексикань, морфологиянь ды синтаксисэнь чарькодематнень тонавтнемаськак.

     11-це классо ютавтовить урокт-семинарт, урокт-конференцият, урокт-симпозиумт. Васняяк панжови неть валтнэнь смустест. Истят уроктнень анокстамсто ды сынст ютавтомсто эйкакштнэ седее ламо кармить содамо эсест раськест кезэрень эрямодонзо, тонадыть седее парсте эрзякс кортамо, кассы-кепети сынст каштанчист эсест келест ды раськест кувалма.

     Кортамонь ёрокчинь кастомасонть лезэвекс кармить улеме колазь текстэнь витематне ды рузонь кельстэ эрзякс ютавтоматне. Рузонь кельстэ эрзякс ютавтоматне лездыть кепедемс тонавтницятнень валонь таштавксост ды келень ежомарямочист.    

     Эрзянь келенть тонавтнемстэ покш мель эряви явомс лия предметнэнь марто сюлмавоматненень. Сех кеметь неть сюлмавоматне тиринь литературанть марто. Келень ёнкстнэ, васняяк, ванновить художественной литературасто саевкстнэнь коряс. Кортамонь ёрокчинь кастомаськак ютавтови эрьва кодамо художественной литературань сермадовкстнэнь коряс.

     Тиринь келенть тонавтнемась кеместэ сюлмавозь рузонь ды омбо масторонь кельтнень тонавтнемаст марто. Рузонь, англань, немецень, французонь ды лия кельтнень енксост седее парсте чарькодевить, бути нежедемс тиринь келень коряс содамочитнень лангс.келень коряс вейкеть чарькодемат (подлежащей, сказуемой ды лият) улить весе неть кельтнесэ. Вейкеть чарькодемат (антонимть, эпитет, олицетвореният) вастневить тиринь келень ды литературань коряскак.

     Тиринь келень уроксто истя жо эрявить кирдемс сюлмавомат географиянть, зоологиянть, биологиянть, астрономиянть мартояк. Истя, собственной лемтнень ютамссто эряви максомс чарькодема топонимиядо, содамс эсь райононь эрзянь велетнень лемест, эсест велень перька виртнень, латкотнень, эрькетнень, лейтнень лемест. Собственной лемтнень  ютамсто истя жо мельс ледстявить эрзянь ды мокшонь художниктнень ды композитортнэнь лемест, сынст произведенияст лемест. Нарицательной лемтнень ютамсто мельс ледстявить нармунтнень, ракшатнень, унжатнень, калтнэнь ды лия мезтнень лемест. Валкстнэнь коряс эрявить муемс сеть валтнэньгак, конат меельце шкатнестэ полавтовкшность рузонсесэ ды ней таго совавтовсть кортамо рисьментень. Зоологиянь коряс тонавтнема книгастонть эряви макснемс рузонь кельстэ эрзякс ютавтнемат кодаткак ракшатнень эли нармунтнень эрямо таркадост ды обуцядост. Весе те лезды эйкакштнэнь валонь таштавксост кастомантень.

   Программанть коряс вешематне ды маштомачитне.

Келейгавтозь валрисьменть валонь зярыя сюлмавкс лангс явомо;

валонь солмавкссо валтнэнь ютксо сюлмавома китнень содамо;

видестэ путозь кевкстематнень корясвалрисьметнень прявт ды аволь прявт пелькстнэнь слдамо;

смустень ды падежтнень коряс виде ды аволь виде дополнениятнень содамось;

вейке составонь валрисьметнень текстстэ муеме ды содамо;

кортамо рисьмесэнть сынст сайнеме;

аволь пешксе валрисьметнень ды вейке составонь валрисьметнень эйстэ явомась;кортамосонть аволь пешксевалрисьметнень сайнемась;

вейкеть пелькс марто валрисьметнесэ лотксема тешкстнэнь видестэ путомась;

вейкеть пельксмарто валрисьметнесэ вайгелень видестэ путомась;

вейкеть пелькс марто валрисьметнень кортамосо сайнемась;

валрисьмесэ пшкадеманть, совавтозь валтнэнь, совавтозь валрисьметнень вайгельсэ видестэ евтамось;

валрисьмесэ пшкадеманть, совавтозь валтнэнь, совавтозь валрисьметнень пингстэ лотксема тешкстнэнь видестэ путомась;чарькодевтиця пелькс марто валрисьметнесэ лотксема тешкстнэнь видестэ путомась;

Тематической планированиясь

Программанть  пельксэнзэ

35 част: 25 ч+ 10 ч (кортамонь ерокчись)

Ютазенть мельс ледстямо1ч+ 2 ч (кортамонь ерокчись)

Кортамо пелькстнэ. Сынст стилень ендо ванномась 12ч + 4 част(кортамонь ерокчись)

 Синтаксисэсь ды стилистикась-12 ч +4част(кортамонь ерокчись)

Эрзянь ды лия кельтне финно-угорской семиясонть. 1 час

Тиринь келенть тарказо лия кельтнень ютксо

                10-це классонь тонавтнезенть мельс ледстямось. 1+1

Кортамо пелькстнэ. Сынст стилень ендо ванномась. 12част

К/Р анализэсь.

Глаголось. Инфинитивесь. Сонзэ форматнень ютксо синонимиясь.

Глаголонь наклонениянь форматнень смустест

Объект марто ды объекттэме форматнень смустест.

Келень культурань кастомась.

Проблемной статьянь сермадома публицистикань стилбсэ.

Причастиясь. Неень ды ютазь шкань форматне.

Причастиянть существительноень смустьсэ саемась.

Деепричастиясь. Теевемась, форматне.

Киртязь изложениянь сермадома.

Синтаксисэсь ды стилистикась 12 част+2+2

Простой валрисьметне. Сынст видэст.

Вейке составонь валрисьметне.

Лемдиця валрисьметне.

Инверсиясь.

Аволь пешксе валрисьметне.

Валрисьмень вейкеть пелькстнэ.

Киртязь изложения.

Пшкадема марто валрисьметне

Совавтозь валтнэ валрисьметнесэ.

Виде ды косвенной кортамо марто валрисьметне.

Очеркень сермадомась. «Геройде евтнема»

Сложной валрисьметень стилистикаст Сложносочиненной валрисьметне

Сложноподчиненной валрисьметне.

Сложноподчиненной валрисьметне текстсэ.

Союзтомо валрисьметне.

Итоговой тест

4. Эрзянь келень коряс календарно- тематической планированиясь.

5. Литературась.

        Тонавтнемапельтне.

          1. Н.А.Кипайкинань  «Эрзянь кель 10-11 кл.», С. 2014 иень  учебник.

2. «Диктантт ды изложеният». 5-11 класстнэнень./ Т.А.Кемайкина,Т.В.Кутурова.-Саранск.2010 г.

3. «Диктантось ды сонзэ ютавтомазо»5-11 класстнэнь тонавтомонь пособия./ кемайкина Т.А.-Саранск.2006 г.

4. «Текст марто важодемась тиринь келень уроксто»./ Н.А.Кипайкина.

-Саранск.1993 г.

5. Кипайкина Н.А. Интеграциясь тиринь келень уроктнесэ. - Саранск, 1992.

        6.Липатов С.И., Адушкина Н.С. Методика преподавания мордовских

          языков.Саранск, 1989.

        7.Тихонова Т.М. Эрзянь келень коряс уроконь шкадонть мейле роботась.                

        8.Цыганкин Д.В. Занимательной грамматика. - Саранск, 1999

        Ютко шкасто. Вишка ды средней классо тонавтницятненень. - Саранск, 1994.

2.Валкстнэ

        1.Борисов АГ. Эрзянь келень эпитетэнь нурькине словарь. - Саранск, 1982.

        2.Бузакова Р.Н. Словарь синонимов эрзянскоro языка.Саранск, 1982.

        3.Бузакова Р.Н. Тикшень валкс. - Саранск, 1996.

      4.Цыганкин Д.В., М о с и н М.В. Этимологиянь валкс.. Саранск, 1998.

      5.Ширманкина Р.С. Фразеологиянь валкс. - Саранск, 1998.

      6.Щемерова В.С. Эрзянско-русский, русско-эрзянский словарь. - Саранск, 1993.

         7.Четвергов Е.В. Сырнень човалят: Стувтозь ды чуросто вастневиця валт.  

    Саранск, 1995.

БАШКА СЕРМАДОВКСТНЭ.

1. «Сятко», «Чилисема», «Народное образование» журналтнэнь коряс сермадовкстнэ.
2. Презентациятне.

«Валзюлваксось»

«Валрисьмень пелькстнэ»

«Вейке составонь простой валрисьметь»

«Виде кортамо марто валрисьметь»

«Чарькодевтиця пелькс марто валрисьметь»

ИНТЕРНЕТ-РЕСУРСТНЭ

http://www.lib.e-mordovia.ru

http://www.erzan.ru

http://erziana.my1.ru

http: Iifeb-web. ru / EEB / LITEN CYCLOPIIef

http / www. nauka – shop. com/ mod / shop/ productiD  

http //bestdisser. com / work / work

http / www. Phido/ ru /viwHeIpIt=em/ aspx? HeIpitem