Конспект открытого урока
план-конспект урока

Анвар Гажиевни «Къышда орман» деген асарына гёре дарслыкъ план. 4-нчю клас.

Муаллим: Джамавова Л.Ю.

   Дарсны муратлары:

1. Уьйретив мурат: Анвар Гьажиев «Къышда орман» деген шиърусун  тюз, чебер охувгъа, ичделигин англавгъа етишдирив.
2. Оьсдюрюв, билимлерин артдырыв мурат: Тил оьсдюрюв англап охувну уьстюнде ишлев, сёз байлыгъын артдырыв.
3. Тарбиялав мурат: Асил къылыкъланы тарбиялав.

Къураллар: Анвар Гьажиевни яратывчулугъуна гёре онгарылгъан презентация (портрети, китаплары, 4-нчю класны охув китабы, «Къарчыгъа» журналлар)

Дарсны тайпасы: Янгы билимлени ачыкъ этив.

Методика къайдалар: яшланы ойлашдырыв, охутув, сёзлюк иш оьтгерив,

                                            соравлагъа жаваплар алыв, лакъыр.

 Дарсны къурулушу:

1. Къурум бёлюк.
2. Уьйге берилген ишни тергев ва беклешдирив ишлер.
3. Яшлагъа янгы теманы муратланы ачыкъ этдирив.
4. Янгы теманы уьстюнде ишлев.
5. Аслу маънасын чечив.
6. Оьзбашына ишлей туруп алынгъан билимлерин беклешдирив.
7. Дарсны жамы, гьасили.

  Дарсны гетиши:

1. Къурум бёлюк. (Яшланы дарсгъа онгарыв, бир ёрукъгъа гелтирив,

 гёнг       юллю ишлеме онгарыв)

1. Уьйге берилген ишни тергев (алынгъан герекли билимлени ачыкъ этив).

1. Магьаммат Атабаевни «Мени къурдашларым»  деген шиърусун охутув ва аслу маънасын чечив.
2. Къурдашлыкъны, дослукъну гьакъында лакъыр оьтгерив (тарбиялав муратда).

III.  Янгы дарсны темасын ва аслу муратларын яшлагъа ачыкъ этдирив.

1. Янгы темагъа гиришив лакъыр. Слайдлагъа къарап йылны заманларыны гьакъында лакъыр оьтгериле.

Акъ къар, йымышакъ къар

Айлана оьрде.

Астаракъ тюшюп

Тёшеле ерде.

Акъ шаршав яйып

Къойгъандай авлакъ:

Гече къар явуп, Бары ер ап-акъ.

М: Яшлар шиъруда йылны къайсы заманы суратлана?

Я: шиъруда къыш заман суратлана.

М: Тюз айтасыз, сиз нечик ойлашасыз, биз бугюн дарсда йылны къайсы вакътисини гьакъында сёйлежекбиз?

Я: Биз бугюн дарсда къышны гьакъында охужакъбыз, сёйлежекбиз.

М: Яшлар, тюз айтасыз, бугюн дарсда Анвар Гьажиевни «Къышда орман» деген шиърусун чебер охума уьйренежекбиз.

2. Язывчуну биографиясындан маълуматлар берив.

М: Къыш заманны гьакъында кёп язывчулар шиърулар язгъан , Анвар Гьажиевни де къышгъа ва къышда болагъан байрамлагъа багъышлангъан хыйлы асарлары бар. Анвар Гьажиев яшлар ва уллулар учун кёп асарлар яратгъан ону 40-дан да артыкъ китаплары бар яшлар учунгъу шиърулары «Къарчыгъа» журналда да чыгъа. (журналлар гёрсетиле) Яшлар, къышда къайсы байрамлар бола?

Я: Къышда янгы йылны байрамы бола. (янгы йылны гьакъында лакъыр оьтгериле, янгы йылгъа багъышлангъан чечеген ёмакълар чечиле).

3. М: Яшлар, шиъруну охугъанча, шиъруда ёлугъажакъ къыйын сёзлени мен сизге англатайым.

4. Уьлгюлю охув. ( «Къышда орман» деген шиъруну чебер охуйман).
5. Шиъруну аслу маънасын чечив.

М: Яшлар, шиъруда йылны не заманы суратлана? Терезеден къыргъа къарап тенлешдиригиз: бизин къышыбыз ва Анвар Гьажиев суратлайгъан къыш бир бирине ошаймы? (Къышны гьакъында лакъыр ).

  V. Биринчи беклешдирив . Яшланы охутуву.

  VI. Оьзбашына ишлете туруп билимлерин тергев . Сочиде юрюлюп турагъан олимпиаданы гьакъында лакъыр.

VII. Дарсны жамы, гьасили.

  Жавапланы толумлашдырыв:

1. Бугюн дарсда …
2. Къышда бары ер…
3. Къышда сувлар…
4. Чечеген емакъ «Уьстюн язда йимик…»

М: Яшлар, Анвар Гьажиев оьзюню шиърусунда къышны суратын тюз герсетип болгъанмы?

Я: Озокъда болгъан.

М: Яшлар, сиз дарсда арив ишледигиз, гьали бир-биригизге къыйматлар да салып, дарсны битдирейик ( яшлар бир-бирине  къыйматлар сала).

VIII. Уьйге иш берив.

М: Сиз де уьйде къышны суратын оьзюгюз гереген кюйде этип гелерсиз, сочинение де язарсыз. «Къышда орман» шиъруну чебер охурсуз.