7 нче сыйныф өчен туган телдән эш программасы
рабочая программа (7 класс) на тему

Татарстан Республикасы Биектау муниципаль районы

муниципаль бюджет гомуми белем учреждениесе

“Ямаширмә гомуми урта белем мәктәбе”нең

беренче категорияле  укытучы

Әгъзәмова Гөлнара Кәнәфия кызының

7  нче сыйныфта туган телдән  эш программасы

(база дәрәҗәсе)

                                                                                Педагогик киңәшмә утырышында  каралды.

                                                                                Беркетмә  №___ , ___________2017 нче ел

2017-2018 нче уку елы

Планлаштырылган предмет нәтиҗәләре

Программаны үзләштерүдән көтелгән нәтиҗәләр
Шәхескә кагылышлы нәтиҗәләр:
- шәхеснең әхлакый-рухи сыйфатларын камилләштерү:
- милли горурлык, гражданлык хисләре формалаштыру;
- әхлак нормаларын, җәмгыятьтә яшәү кагыйдәләрен үзләштерү;
- күршеңә ярдәм итүдә танып-белү инициативасы күрсәтү;
- үз алдыңа максат кую, аңа ирешү юлларын эзләү;
- уңышларыңа яки уңышсызлыкларыңа, аларның сәбәпләренә дөрес бәя бирү;
- индивидуаль эшчәнлек стилен формалаштыру:
- төрле мәгълүмат чараларын (сүзлекләр, Интернет ресурслар һ.б.) танып-белү һәм аралашу вакытында куллану;
- активлыкка, мөстәкыйль, иҗади фикер йөртергә, фәнни-тикшеренү эшчәнлеген башкару, шәхес буларак формалашуны дәвам итү;
- үзең алган белем күнекмәләрен тормышның төрле шартларында куллана белергә өйрәнү.
Метапредмет нәтиҗәләр:
Танып-белү гамәлләре:
- танып-белү юнәлешендәге максатларны билгеләү;
- укучының үз эшчәнлеген мөстәкыйль рәвештә оештыра
- белүе, бәяләве, үзенең кызыксынучанлык өлкәсен билгеләве;
- мөстәкыйль рәвештә теманы, куелган проблеманы ача белү, фикер йөртү;
- уку мәсьәләсе тирәсендә логик фикерләү; - фикерләүдә логик чылбыр төзү;
- тема тирәсендәге төп билгеләрне аерып алу нигезендә кагыйдә формалаштыру;
- төрле мәгълүмат чаралары белән эшли, кирәкле мәгълүматны таба, анализлый һәм үз эшчәнлегендә куллана белү;
Коммуникатив УУГ:
- тыңлый белү;
- диалог төзүдә һәм коллектив фикер алышуда катнашу;
- сыйныфташлары һәм укытучы белән уку эшчәнлеген оештыруда хезмәттәшлек итү;
- төрле фикерләрне исәпкә алып эш итү;
- үз фикерен дәлилли белү, тормыштан мисаллар китерү;
- төрле җавапларны тыңлау, чагыштыру, нәтиҗә ясау;
- үз фикерен тулы һәм төгәл итеп әйтә белү; - күмәк эш вакытында уртак фикергә килү;
- мәгълүмат туплауда үзара хезмәттәшлек итүдә инициативасы күрсәтү;
- укылган текстлар буенча сораулар бирә алу;
- бирелгән текстларның дәвамын үзлектән сөйләп карау, фикер әйтү автор фикере белән чагыштыру;- үз эшен контрольдә тоту, сыйныфташларына ярдәм итү;
- коммуникатив күнекмәләрнең кеше тормышындагы ролен билгеләү;
- үз фикерләрен телдән һәм язмача җиткерә белү; - башкаларны тыңлый, киңәш бирә белү;
- сыйныфташлары каршында төрле темаларга, башкарылган проектлар буенча чыгыш ясау;
- ип әшеңнең гамәлләрен бәяләү, күршең белән хезмәттәшлек итү.
Регулятив УУГ:
- дәреснең проблемасын (тема) һәм максатларын мөстәкыйль формалаштыру;
- проблеманы аңлап гипотеза чыгару, үз фикереңне дәлилләр китереп раслый белү, телдән (диалогик, монологик) һәм язма сөйләмдә сәбәп-нәтиҗә бәйләнешен аерып алу, нәтиҗәләрне формалаштыру;
- максатка ирешү юлларын билгеләү;
- үз эшчәнлегеңнең нәтиҗәле булуына ирешү, үз эшчәнлегеңне контрольгә алу;
- укытучы белән бергәләп, үз эшен, иптәшләренең җавапларын бәяләү;
- кагыйдә, күрсәтмәләрне истә тоту һәм аларга ияреп гамәлләр кылу;
- эшләнгән эшкә бәя бирү, сыйфатын һәм дәрәҗәсен билгеләү.
Предмет нәтиҗәләр:
- тел материалы белән логик фикерләүне сорый торган эш төрләрен башкару;
- исем, фигыль, зат алмашлыкларын табарга өйрәтү, аларның морфологик үзенчәлекләрен һәм җөмләдә кулланылышын аңлау;
- сүз төркемнәрен дөрес язу, аларны сөйләмдә дөрес куллана белү күнекмәләрен үстерү;
- сүзтезмәләрне аера белү, алардагы ияртүче һәм иярүче сүзне билгеләп, бәйләүче чараларны күрсәтү;
- морфологик, синтаксик анализ ясау элементларын үзләштерү;
- телдән һәм язма сөйләмне синонимнар, фразеологизмнар белән баету, бер мәгънәле һәм күп мәгънәле сүзләрдән дөрес файдалана белү, сүзләрнең туры һәм күчерелмә мәгънәләрен урынлы куллану;
- төрле телләрдән кергән сүзләрнең мәгънәләрен аңлап куллану һәм дөрес әйтү күнекмәләре булдыру;
- сөйләм эшчәнлеге төрләре буенча ныклы күнекмәләр булдыруны дәвам итү;
- телдән һәм язма сөйләм осталыгы һәм күнекмәләрен камилләштерү;
- укучыларны иҗади эшчәнлеккә тарту, проект эшләре белән кызыксындыру.

Укучылар өйрәнәчәк:

1.Ел дәвамында үткән синтаксик күренешләрне текст эчендә таный һәм аларга аңлатма бирү, төрле калыптагы гади җөмләләр (ике яки бер составлы җөмләләр, эндәш һәм кереш сүзле җөмләләр, тиңдәш кисәкле яки аерымланган иярчен кисәкләре булган җөмләләр һ.б.) төзү, дөрес интоция белән уку, гади җөмлә синтаксисында өйрәнелгән тыныш билгеләрен дөрес куеп язу.

2.Җөмләнең баш һәм иярчен кисәкләре арасындагы мөнәсәбәтләрне аңлау, бәйләнеш чараларын күрсәтү.

3.Җөмлә төрләрен аеру, алар янында тыныш билгеләрен дөрес кую.

4. Гариза  яза белү.

Укучылар өйрәнергә мөмкинлек алачак:

1. Җөмләләрне дөрес интонация белән укый, алар азагында тыныш билгесен куя, тойгылы җөмләне башка җөмләләрдән аера алу, алардан тиешенчә файдалану.

2. Ия белән хәбәр арасында дөрес интонацияне саклау, сөйләмдә ия белән хәбәрнең ярашмау күренешен танып белү.

3. Җөмлә кисәкләрен таный белү.

4 .Эндәш һәм кереш сүзләрне дөрес интонация белән уку, алардан тиешенчә файдалану, аларга бәйле тыныш билгеләрен дөрес кую.

5. Диалогик сөйләмдә ким җөмләләрне куллана белү.

Укыту предметының эчтәлеге

6нчы сыйныфта үткәннәрне искә төшерү, кабатлау ( 4 сәгать)

Үткәннәрне кабатлау. Сүз ясалышы. Сүзнең мәгънәле кисәкләре, сөйләмдәге роле. Сүз төркемнәре. Мөстәкыйль, бәйләгеч һәм модаль сүз төркемнәре. Сүз төркемнәрен морфологик яктан тикшерү.

Җөмләдә сүзләр бәйләнеше (21 сәгать)

Синтаксис турында гомуми мәгълүмат. Җөмләдә сүзләр бәйләнеше. Тезүле бәйләнеш: тиңдәш кисәкләр арасындагы теркәгечле һәм теркәгечсез бәйләнеш, тиңдәш кисәкләр арасына куела торган тыныш билгеләре; тиңдәш кисәкләр янында гомумиләштерүче сүзләр; гомумиләштерүче сүзләр алдына һәм алардан соң куела торган тыныш билгеләре. Ияртүле бәйләнеш: ияртүче һәм иярүче сүз, аларның шартлы билгесе; ияртүле бәйләнештәге сүзләр арасында урнашкан хәбәрлекле, ачыклаулы, аныклаулы мөнәсәбәт. Сүзтезмә, аның төрләре. Фигыль сүзтезмә, сүзтезмәдәге бәйләүче чаралар. Исем сүзтезмә, сүзтезмәдәге бәйләүче чаралар. Сыйфат сүзтезмә, сүзтезмәдәге бәйләүче чаралар. Алмашлык сүзтезмә, сүзтезмәдәге бәйләүче чаралар. Сан сүзтезмә, сүзтезмәдәге бәйләүче чаралар. Рәвеш сүзтезмә, сүзтезмәдәге бәйләүче чаралар. Хәбәрлек сүз сүзтезмә, сүзтезмәдәге бәйләүче чаралар. Бифункциональ кушымчалар. Сүзтезмәләрне  тикшерү тәртибе. Сүзтезмә буенча өйрәнгәннәрне кабатлау.

Җөмләләрне төркемләү (10 сәгать)

Җөмлә турында төшенчә. Гади җөмлә төрләре.  

Ике составлы җөмлә турында төшенчә. Җыйнак һәм җәенке, тулы һәм ким, раслау һәм инкяр җөмләләр

Әйтү максаты ягыннан җөмлә төрләре: хикәя,сорау, боерык, тойгылы  җөмләләр. Тойгылы хикәя, сорау, боерык җөмләләр. Җөмлә ахырында тыныш билгеләре. Интонация. Логик басым.

Эндәш һәм кереш сүзләр, ымлыклар, алар янында тыныш билгеләре. Өстәлмәләр.

Җөмләнең грамматик кисәкләре (35 сәгать)

Җөмлә кисәкләре. Җөмләнең баш кисәкләре. Ия. Иянең төрләре: гади ия, тезмә ия. Хәбәр. Хәбәрнең төрләре: гади хәбәр, кушма хәбәр, аларның белдерелүе, җөмләдәге урыны.

Җөмләнең иярчен кисәкләре.Аергыч. Тиңдәш һәм тиңдәш булмаган аергычлар, аларның белдерелүе, җөмләдәге урыны. Аергычның аерылмыш белән бәйләнеше.

Тәмамлык.Туры һәм кыек тәмамлыклар, аларның белдерелүе, җөмләдәге урыны.

Хәлләр турында гомуми төшенчә. Вакыт һәм урын хәле, сәбәп һәм максат хәле, рәвеш һәм күләм хәле, шарт хәле һәм кире хәл, аларның белдерелүе, җөмләдәге урыны. Хәлләрне гомумиләштереп кабатлау. Тестлар эшләү.

Аныклагыч, аның белдерелүе, җөмләдәге урыны.

Җөмләнең тиңдәш кисәкләре: тиңдәш кисәкләрнең үзара бәйләнеше, тиңдәш кисәкләр янында бәйләүче чаралар, гомумиләштерүче сүзләр, алар янында тыныш билгеләре.

Җөмләнең модаль кисәкләре. Эндәш сүзләр, кереш сүзләр, кереш җөмләләр, керешмәләр, алар янында тыныш билгеләре.

алар янында тыныш билгеләре.

Җөмлә кисәкләрен гомумиләштереп кабатлау.

Җөмләдә сүз тәртибе: туры һәм кире тәртип.

Җөмләнең аерымланган кисәкләре. Җыйнак һәм җәенке аерымланган хәлләр. Аерымланган хәлләр янында тыныш билгеләре.

Аерымланган аныклагычлар. Аерымланган аныклагычлар янында тыныш билгеләре.

Гади җөмләдә тыныш билгеләренең куелышын кабатлау, зачетка әзерләнү. Гади җөмләдә тыныш билгеләренең куелышы буенча зачет, тест биремнәрен үтәү.

Җөмләләргә морфологик-синтаксик анализ ясау.

Җөмләгә билгеләмә бирү. Гади җөмләгә синтаксик анализ ясау тәртибе. Гади җөмләләрне синтаксик яктан тикшерү.

 Гади җөмлә синтаксисын һәм ел дәвамында өйрәнгәннәрне гомумиләштереп кабатлау.                                                

Календарь-тематик план

     Уку әсбабы: Татар теле. 7 сыйныф: татар телендә гомуми белем бирү оешмалары өчен уку әсбабы / Р.Г.Хәсәншина- Казан: Татар кит. нәшр., 2017. – 175б.

Бәйләнешле сөйләм телен үстерү – 35 сәгать.

Диктант - 8

Изложение –– 11 сәгать.

Сочинение-  – 8 сәгать.

Эш кәгазьләреннән гариза язу – 1 сәгать.

Мәкалә язу – 1сәгать.

БСҮ – 6 сәгать