Внеклассное мероприятие.Башкортостан- мой край родной.
материал по теме

                                                       Кластан  тыш  дәрес.

                                                                                   Ситдикова Р.С. МБОУ СОШ№1

                                        Башҡортостан –тыуған ерем.

      Маҡсат : Башҡортостан тураһында белемдәрен киңәйтеү.Тыуған яҡҡа

                    һөйөү һәм хөрмәт тәрбиәләү.

      Йыһазлау:шарҙар,уйын исеме яҙылған плакаттар,Башҡортостан

                     картаһы.

                                         Уйын ҡағиҙәләре.

                        1.Ғәҙел уйна.

                     2.Еңелеү ҡыйын,ләкин асыуланма.

                        3.Еңелеүселәрҙән көлмә.

                        4.Еңһәң шатлан,ләкин танау күтәрмә.

                        5.Ныҡ бул,уңышһылыҡтарға бошонма.

           Хәйерле көн балалар, уҡытыусылар һәм ҡунаҡтар.  Бөгөнгө беҙҙең

         уйыныбыҙ Башҡортостанға арнала.Тимәк, һеҙгә Башҡортостан тура-

         һында белгәндәрегеҙҙе иҫкә төшөрөргә тура киләсәк.

                         «Ерем,илем,телем» йыры йырлана.

         З.Күлбәковтың  «Башҡортостан» шиғырын уҡып ишеттереү.

                       Башҡортостан һинең гүзәллеккә

                           Тиң булырлыҡ ерҙәр бармы икән?

                           Аҡҡош кеүек ап-аҡ Ағиҙелкәй

                          Ҡайһы илдә генә бар икән? 

                       Башҡортостан- алһыу таң иле,

                       Гөл-баҡсалар иле,дан иле.

                       Командаларҙы сәләмләү.

                            1-се команда  Ҡариҙел.

                            2-се команда Ағиҙел.

        Беҙҙең беренсе бәйгебеҙ «Уйла һәм тап»бәйгеһе.Бында һеҙгә

         викторина һорауҙарына яуап бирергә тура киләсәк.

                          1.Беҙҙең республика нисек атала?

                      2.С.Юлаев кем ул?

                      3.Башҡортостан флагы нисә төҫтә һәм нимә аңлата ул?

                        4.Башҡортостандың баш ҡалаһы?

                     5.Башҡортостандың беренсе президенты кем?

                     6.Беҙҙең мәктәп директоры кем?

                        7.Башҡортостанда нисә ҡала бар?

                     8.Өфө ҡалаһы элек нисек аталған?

                     9.Дәүләт гербының авторы кем?

                      10.Башҡортостанда ниндәй халыҡтар йәшәй?

                      11.Дәүләт гимнының авторы кем?

                      12.Башҡортостанда нисә район бар?

                      13.С.Юлаев һәйкәленең скульпторы кем?

                      14.Башҡортостан республикаһы ҡасан суверенитет алды?

                   15.Башҡортостанда ниндәй йылғалар бар?

                      16.Башҡортостанда дәүләт телдәре нисәү һәм ниндәйҙәр?

         Беҙҙең киләһе бәйгебеҙ  «Тамамла»уйыны.Бында һеҙгә ил,тел тура-

         һындағы мәҡәлдәрҙе тамамлап әйтергә кәрәк.

                        Иле барҙың (теле бар).

                     Теленән татлы( бал тама).

                        Үҙ илең (алтын бишек).

                     Иленән айырылған-(ҡанаты ҡайырылған).

                     Иле юҡтың(көнө юҡ).

                     Илен белмәгән-(тиле).

                        Алтын көмөш сыҡҡан ерҙән,

                       (Тыуған үҫкән ил яҡшы).
        Афарин мәҡәлдәрҙе беләһегеҙ икән.Беҙ һеҙҙең менән тел,ил тура-

           һында мәҡәлдәр ишеттек.

                        «Минең тыуған ерем»йырын башҡаралар.

                  Һеҙ тыуған ил төшөнсәһен нисек аңлайһығыҙ?

         Бына Аҡмулла ла халҡы, ере өсөн янып,көйөп йәшәгән,кеше тураһында

         ҡайғырта.Ул тура һүҙле,үткер телле,ғәҙеллекте яҡлаусы шәхес.

         Шуға күрә лә ул бөгөн дә уҡыусыларға яҡын,ҡәҙерле.Уның шиғриәте

         халҡыбыҙҙың рухи байлығы булып әүерелде.

            Балалар, ә Аҡмуллаға быйыл нисә йыл?(175й.) (1831й.)

            Һеҙ уның шиғырҙарын беләһегеҙме?

           Аҡмулла шиғырҙарын һөйләү.

          Беҙҙең киләһе бәйгебеҙ, командирҙар бәйгеһе.

             1-се командирға һорау: Башҡортостанда 2006 йыл ниндәй йыл тип

          иғлан ителде?Һәм нимәләр эшләнә?

             2-се командирға һорау:Башҡортостан менән Рәсәйҙең берләшеүенә

          нисә йыл?

             Командирҙар яуап әҙерләгәнсе әйҙәгеҙ рәссамдәребеҙгә эш бирәйек.

          Һәр бер команданан берәр кеше күҙҙәрен бәйләп уҡ һәм йәйә төшөрөргә

          тейештәр.

                      «Күңелле беҙҙең шәһәр» йыры йырлана.

                Ә хәҙер бик ҡыҙыҡлы бәйгебеҙ,ребустар бәйгеһе.

           Бында беҙгә ребустарҙан ҡала һәм райондарҙы табыу.

         Аҙаҡҡы бәйгебеҙ һүрәттәрҙе таныу.

         Өҫтәлдәге ятҡан һүрәттәр араһынан үҙегеҙгә тейешле һүрәттәрҙе

         табырға кәрәк.

          1-се командаға.  Дуҫлыҡ монументы.

                                 М.Кәрим портреты.

                                      Башҡортостан гербы һәм флагы.

          2-се командаға.  С.Юлаев һәйкәле.

                                      Аҡмулла портреты.

                                Рәсәй гербы һәм флагы.

                      «Мин үҙемде яратам»йырын йырлау.

        Ошоноң менән беҙҙең уйыныбыҙ тамам.Һүҙҙе жюриға бирәбеҙ.