Сочинение
творческая работа учащихся (9 класс) на тему

                      Ёз цы саразин, хъёуыхицау куы суаин, уёд…

                                                            Уарз дё бёстё, зон дё хъёстё! (ёмбисонд)

        Мё райгуырён хъёу у Цёлык. Равзёрди 1944 азы.

    Фыдыбёстёйы Стыр  хёсты инвалид В.М. Шаров дзы уёд уыди совхоз «Победёйы» разамонёг. Цыппар азёй раздёр та дзы Рахизфарсы районы зёхкусджытё, уыдонимё Ирыстоны ёппёт хъёуты минёвёрттё, бафызмыдтой Ферганайы дёлвёзы  къанау къухёй чи скъахта, уыцы хъазуатон  кусджыты хъёппёрис, ёмё 1940 азы ссёдз бонмё къухёй скъахтой, Цёлык ёмё Хуымёллёджы  быдыртё донёй цы бафсёста, уыцы къанау. Арёзтадён та разамынд лёвёрдта Хъуылаты Хъуыбады.

       1945 азы Шаровы раивта Фыдыбёстёйы Стыр  хёсты хъёбатыр хёстон Хётёгты Харитон, ёмё совхозы ном сси «Цёлык». Уёды онг цёлыккёгтё (къанаукъахджыты иу хай, стёй хёстёй цы салдёттё здёхтысты) цардысты зёххын хёдзёртты – землянкёты. Харитоны руаджы хъёу сцёрёгджын, 1945 - 1948 азты сарёзтой скъола, клуб, саман хёдзёрттёй иу уынг – Хетёгкаты Къостайы ном хёссёг. Стыр бузныгёй ёрёмысынц абон дёр  цёлыккёгтё Хётёджы-фырты. Йё адёмуарзондзинад ын никуы ферох кёндзысты!

       Дарддёр мё уарзон хъёу рёзты къахыл ныллёууыд, ёмё дзы ёнёхъён дыууё хёдзарады байгом: совхоз «Октябры 50 азы» ёмё маргъдарён фабрикё «Цёлыккаг».  Кёцёй нё цыдысты ардём кусджытё дёр ёмё хёдзарёдты хёлцад ёлхёнджытё! Бабу мын сё куы фёдзуры, уёд мё уырнгё дёр нё фёкёны. Ау, Ирыстоны совхоз – миллионер чи сси фыццагдёр, йё фабрикёйы кой ёнёхъён Кавказыл кёмён айхъуыст, уыдон куыд уыдис фесафён. Ёмё абон куы ёрбакёсай, уёд сын сё хёлддзёгтё йедтёмё ницы фендзынё. Уёдё историйы йё кой кёмён баззад, уыцы къанауы лотоктё дёр ныппырх сты. Афтё мём фёкёсы, цыма ёппындёр никёй хъёуы нё хъёу, цыма ёдзухёй дёр ахём ёдзёллаг уыд…

     Диссаг та мём кёсы нё хъёуыхицау. Уыцы бынаты чи куса, уый хъуамё афтё ёнёмёт  уа!..

     Ахуыргёнёг нын сочиненийы темё куы загъта, уёд бирё фёхъуыды кодтон, цымё, зёгъын, ёцёгёйдёр цытё саразин, цёмёй райдаин мё куыст?  Фыццаджыдёр, уал ёй быронёй ссыгъдёг кёнин, уымён ёмё куыд ис райдайын цыдёртё аразын, уёлдайдёр, рёсугъд хъуыддёгтё, хъуырмё чъизийы куы уай, уёд? Стёй уёд… Ёвёццёгён, мё бон ницы бауид бакёнын ёнё адёмёй, ёмё сё ёрёмбырд кёнин, цёмёй сё бафёрсон ёртё хъуыддагёй: сё хъёу уарзынц ёви нё? Сё зёрдёмё дзы цы нё цёуы?  Кёмён дзы цы йё бон у йё хъёндзинёдтё сраст кёнынён?

Ёрхонин ма, кёддёр хъёуёй чи ацыд, фёлё йём йё зёрдё кёмён ёхсайы, чи йын ‘рцёуы йё алы хабармё дёр, уыдоны. Байхъусин уыдонмё дёр.   Стёй уёд алы уынг дёр дыууё дихы фёкёнин ёмё дзы алкёмён дёр сёрдартё сёвзарин.  Афтёмёй иумёйагёй архаиккам.

       Кёй зёгъын ёй хъёуы, раздёр бавналиккам фёндёгты фарстамё. Стёй уёд алы хёдзары рёзтём – ссыгъдёг сё кёнын кёнин сё хицёуттён. Уёдё, цёмёй алы уынджы цырёгътё судзой, ууыл дёр бакусиккам.

      Ис нём бирё зёронд адём, иунёгёй чи цёры, ахёмтё. Уыдонён мё хъёуыхицауы фондёй, -ахуыргёнёджы фарстон, ёмё мын загъта, кёй ис ахём фонд, уый, - мёй иу хатт ёлхёнин дзидза, кёнё ёхсыры продукттё. Уадз, ёмё сын уа!

      Уёдё фёсивёды цардмё дёр кёмдёрты  ёркёсын хъёуы.

      Ёмё ма бирё хорз кёнинёгтё, иууылдёр сё нё хъёр кёнын. Фёлё иу хабарыл ёнёмёнгёй бацархаин, цыфёнды зын  мын куы уаид, уёддёр. Нё хъёуёй хёстмё ничи ацыд, уымён ёмё куыд загътон, хёсты фёстё равзёрд. Фёлё нём хёсты ветерантё фондз ёмё ссёдзы бёрц царди. Абон ма сё цардыгас сты ёрмёст дыууёйё. Рухсаг уёнт, чи сё нал и, уыдон! Тынг мё фёндид, цёмёй сё номыл нё хъёуы уа мысён бынат: обелиск, йе та – сквер, кённод - музей. Скъолайы арёзт бёрёгбётты сын ёрёмысём сё ном, ис нём сё алкёй къам-портрет къулыл ауыгъдёй, фёлё мё афтё фёндид, цёмёй алы цёрёджы бон дёр уа сё размё бацёуын ёмё ёдзёмёй алёууын, йе дидинджыты баст сёвёрын уыцы обелискыл. Мёнмё гёсгё, хъёуы ахём бынат куы уаид, уёд дзы фыдуагдзинёдтё дёр къаддёр уаид, уымён ёмё ёфсёрмы кёниккой сё номыл арёзт бынатёй. Нё зонын, фёлё мём афтё кёсы.

      Зын у, ёвёццёгён, хъёуыхицауы куыст, нё йё зонын. Фёлё, кёд дёхи уыцы бынатмё тыдтай, уёд кус, чи дё нё уадзы? Хъёуы фылдёр ёмбис дё равзёрзтой, ёмё кус. Ёфсёрмы кён адёмёй.  Хъуамё дё иу цёмёйдёр уёддёр ёрёмысой хорзён. Мёнё бабу Хъёрджынты Розёйы куыд фёмысы афтё, уый, дам-иу, изёрыгон дёр ёрзылд уынгты, ёмё кём цы хъуагдзинад уыд, уый дыккаг райсом сраст кодта. Хыл кёнын кёимё хъуыд, уыимё хыл, уайдзёф - кёмён, уымён та уайдзёф кодта. Афтё, йе! Уарзта ёмё тыхст йё хъёуыл, ёндёр ын куыст нё уыд ёхсёвыгон уынгты зилынёй йедтёмё?

      Райгуырён бынат уарзын хъёуы, нёхи та - зонын! Кённод тагъд цы стём, уый налдёр зонгё кёндзыстём, нал – мысгё…

                   Рахизфарсы районы Цёлычы хъёуы иумёйагахуырадон  

астёуккаг  скъолайы 9 къласы ахуырдзау

Сокаты Царицёйы сочинени