Открытый урок по осетинскому языку в 8 классе
презентация к уроку (8 класс) на тему

Рахизфарсы районы Цёлычы хъёуы муниципалон

иумёйагахуырадон астёуккаг скъола

Гом урок ирон ёвзагёй
8 къласы

Темё: «Ирыстоны историон  цыртдзёвёнтё»

(Ёрхёцён нысёнттё хъуыдыйады ёмхуызон уёнгты)

Ахуыргёнёг Боциты Альбинё

2016 аз, ёртхъирёны мёй

Урочы нысан:
- коммуникативон арёхстдзинад уёрёхдёр кёнын; гуырын кёнын уарзондзинад ёмё сёрыстырдзинад Райуырёнмё, адёмон ёгъдёуттё ёмё традицитём; аудын ёрдз ёмё йё фёдзёхст бынёттыл.

Халинаг фарстатё:
 - «хъуыдыйады ёмхуызон уёнгты» зонындзинёдтыл дарддёр кусын ёмё сё хъёздыгдёр кёнын;
- бёттёгтё ёмё ёрхёцён нысёнтты бынат хъуыдыйады ёмхуызон уёнгтимё сбёрёг кёнын;
- рёзын кёнын цымыдисдзинад ёмё хъуыдыкёнынад, арёхстдзинад  хатдзёгтё кёнынмё;

Урочы ифтонгдзинад: 

презентаци, ИА фёйнёг, карточкётё, чингуытё, тетрёдтё, сыфтё къордты куыстён, музыкалон фёрёз.

Урочы цыд

– Ёгас цёут, райдайём нё урок, кёрёдзимё бахудём, афтёмёй!

Ныффыссут тетрёдты абоны нымёц, бакёсут фёйнёгыл нё урочы  эпигрёф.

1. Урочы мотивацион уавёр темё сбёрёг кёнынён 1 – грамматикон темё

-Нё урочы эпигрёфён райстон ирон ёмбисонд:

Уарз дё бёстё, зон дё хъёстё.

Куыд ын ёмбарут йё мидис, дзырд хъёстё цы амоны?

-Цавёр хъуыдыйадёй загъд у?(Иувёрсыг)

-Цёмёй даргъгонд у хъуыдыйад? (ёмхуызон зёгъинёгтёй)

-Цёмёй сё хицён кёнём кёрёдзийё?

-Уёдё ма зёгъут, цы уыдзён нё урочы темё? Сбёрёг ма йё кёнём (презентацийыл ёй зынын кёнын).Слайд 2.

-Хорз, зёгъут ма ноджыдёр цымё цавёр архайдтытё хъуамё бакёнат абон урочы, цёмёй уын бантыса?(ЁУ тексты агурын, ёрхёцён нысёнтты ёвёрд ёмбарын кёнын, хъуыды кёнын). Нё эпигрёфмё ма урочы кёрон раздёхдзыстём.

-Уёдё, ныр та сбёлвырд кёнём урочы тематикон темё.

-Ахъуыды кёнут ёмё зёгъут, кём фехъуыстат ацы нёмттё ёмё сё цы зонут? (Слайдыл схемё: (1.Ёхсинтё. 2.Мидёгрёбыны ёхсёрдзёнтё. 3.Дзывгъис. 4.Дёргъёвс. 5.Цъёйы ком.... Дзёуджыхъёуы алыварс) Слайд 3-4.

(Уыдон сты: Ирыстоны фёдзёхсён, хъуыстгонд  туристон бынёттё)

(Цыбыр зонинёгтё ахуыргёнёджы фёндмё гёсгё:

1.Хохы Дыгурмё бацёуёны кулдуар(хъуыстгонд у Ёрёфы доны ныллёгдзинадёй:къёдзёхёй ныккёсгёйё 74м. тёссаг бынноз; дыгуры партизантё 1919 азы Деникины ёфсёддонтёй бирёты раппёрстой ардыгёй)

2. Сты Джызёлдоны райдайёны, Мидёгрёбындоны рахизфарс;( 9 ёхсёрдзёны, се’ппёты стырдёр – Зёйгёлён – йё асёй ахсы фыццаг бынат Европёйы, дунейы та – 5-6ём.)

3.Куырттаты комы рагондёр хъёу-фидар,(йё кой цёуы 15-ём

ёнусёй фёстёмё, Шах-аббас ёмё къуылых Тимур-Тамерланы бон

 нё баци йё басёттын)

4.Рагон хёххон хъёу(ис дзы рагон архитектурон цыртдзёвёнтё - мёрдты зёппадзтё-95, йё алыварс уыд 4 кувёндоны-сё тёккё стырдёр Тбау хохыл)

- Рагон кёй сты, уый амоны историон кёй сты, абоны онг кёй ёрхёццё сты, ёмё сын ёвдисёнтё кёй стём, уымё гёсгё та -цыртдзёвёнтё. Нё республикёйы кёй ис сё бынат, уымё гёсгё та – Ирыстоны. Слайд 5.

-Уёдё уёд цы уыдзён нё урочы темё абон?( Ирыстоны историон цыртдзёвёнтё). Фёбёрёг кёнём ацы темё дёр. Слайд 6.

2. Урочы темётё:

1. «Ирыстоны историон цыртдзёвёнтё»

2.Грамматикон темё: Ёрхёцён нысёнттё хъуыдыйады ёмхуызон уёнгты.

- Цавёр историон бынатимё базонгё уыдзыстём абон?(Цъёйы комимё-слайдыл ёндёр хуызёй ёвдыст у)

 - Хёдзармё уын лёвёрд уыд, 100-йём фарсыл 1 –аг фёлтёрёны текст равзарын, зынёмбарён дзырдтё уын уыдысты ёмбёрстгонд, афтёмёй. Цы бахъуыды кодтат текстёй, уый ныртёккё базондзыстём.

 - Цёмёй хъуыстгонд у Цъёйы ком?

 - Цы пайда хёссы адёймаджы ёнёниздзинадён ком, цёй руаджы?

 - Цавёр ирон кувёндон ис Цъёйы? Радзурут йё фёзындимё баст таурёгъ. Цы хуындысты иннё 2 кувёндоны, Хуыцауы цёссыджытёй кёцытё сёвзёрдысты?

- Текст йё хуызмё гёсгё цавёр у?

-Цавёр стилёй фыст у?

 - Тынг раст. Ёз ма уын ёрцёттё кодтон ахём информаци дёр:

Цъёйы комы этимологи - Цъёй-(сукровица), Цъыфты хъёуы( Цъёйы хъуёуы иу хай афтё хуынд) хёдзёртты къёйдуры бынёй-иу рёстёгёй-рёстёгмё  тагъди дон, уымё гёсгё йын ёппёт хъёуы цёрджытё радтой ахём ном.(фыссынц фёйёнёгёй ёмбарынгёнинаг) Слайд 7.

- Ныр та уёдё базонгё ут Рекомы этимологиимё. Ныффыссут ёй уё тетрёдты.

Рекомы этимологи – Ре - Ра (1. -Хур-рагон скёсёйнаг.+ ком = Хуры ком, 2 та - Ркони- гуырдз. «Икона» Абайты В. гёсгё), ёвёццёгён, 1 иртёст растдёр у, уымён ёмё Цъёйы  2256 сахаты -уый та у 350 боны- фёкёсы хур, зёгъём, Швейцарийы та -325 боны) Слайд 8.

3. АУ архайдтытыл куыст.

- Айразмё урочы базонгё стём хъуыдыйады ёмхуызон уёнгты ёмбарынадимё, зёрдыл ёрлёууын кодтам, цы зонындзинёдтё уём уыд, уыдон. Уымё гёсгё, уын ёнцон уыдзён слайдыл цы хёслёвёрд ис, уый баххёст кёнын.

I. Сёвёр уагъд дзырдтё хъуыдыйёдты (фронталон фарст) Слайд 9.

Хъуыдыйады ёмхуызон уёнгтё

1. Хъуыдыйады мидёг ёмбарын кёнынц  …….  дзырды.

2. Дзуапп дёттынц  …….  фарстён.

3. Баст вёййынц …….  ёмё ……    .

4. Кёрёдзимё ницы ……….   .

5. Загъд вёййынц………. хъуыдыйады уёнгтёй.

6.Схемёйы бёрёг кёнём дамгъё …   .

7. Фысгёйё хицён кёнём ………, дзургёйё та - ………   .

8. Хъуыдыйады вёййынц  иу нё, фёлё  ……  рёгъёй.

Скъолдзаутё иугай кёсынц ёмё зёгъынц ёмбёлгё дзырд.

- Раздёхём нё текстмё. Текстёй ист дзырдтимё куыст.

II. Къёйттёй куыст. Саразын морфемикон ёвзёрст дзырдён (карточкётё) Куысты фёстё ахуырдзаутё ивынц сё тетрёдтё ёмё кёрёдзийён бёрёггёнёнтё ёвёрынц.

II. Къордтём гёсгё куыст (Слайдыл хёслёвёрд. Кусынц лёвёрд сыфтыл). Слайд 10. 

-Чи  у цёттё? Табуафси (скъоладзауты дзуёппытё радыгай)

- Зёгъут- ма, куыд хицён кёнём ХъЁУ фысгёйё ёмё дзургёйё?

- Баст та цёмёй вёййынц?. Ёрбакёсут -ма, слайдыл таблицёмё.

- Чи нын ёй бамбарын кёндзён? Слайд 11.

Физминуткё. «Грамматикон»

- Ёз уын дзурдзынён дзырдтё, сымах кёнут фёзилёнтё къухтё астёуыл, афтёмёй: рахизёрдём, кёд дзырд нё урочы темёйыл дзура, галиуырдём, кёд – нё.

(Разёфтуан, къёдзыг, номдар, хъуыдыйад, дзырдбаст, ёмхуызон зёгъинёгтё, антонимтё, бёттёг)

IV. ИА фёйнёгыл архайд.

-Ацы хъуыдыйёдтё уын бацёттё кодтон, Фыдыбёстёйы Стыр хёсты азарёй ёдзард чи фёци, уыцы ёрыгон поэты ёмдзёвгёты рёнхъытёй. Бакёсём- ма сё. Куыд бирё уарзтой сё райгуырён зёхх, уый бамбёрстат сё ныхёстёй. Ссарут, ёмхуызон уёнгтё кём ис, уыцы хъуыдыйёдтё. Сёвёрын ёрхёцён нысёнттё. (Кусынц фёйнёгыл, иугай цёугёйё).

-Хъуыдыйёдтёй уё зёрдёмё тынгдёр кёцы фёцыд, уый рафыссут уё тетрёдтём.

4. Хатдзёгтё рацыд ёрмёгыл. Слайд 12.

Теоретикон зонындзинёдты бёрёг.  Ссар рёдыд хатдзёгты:

1. Хъуыдыйады ёмхуызон уёнгтё загъд ёрцёуынц уыциу ныхасы хайё нё, фёлё алыхуызон.
2. Хъуыдыйады вёййы ёрмёст  иу ёмхуызон уёнгты рёгъ.
3. Хъуыдыйады ёмхуызон уёнгтё баст вёййынц интонаци ёмё бабётгё бёттёгтёй.
4. Хъуыдыйады ёмхуызон уёнгтё вёййынц ёрмёст зёгъинёгтё.
5. Иугёнёг кёнё дихон бёттёгтёй баст хъуыдыйады ёмхуызон уёнгты ‘хсён къёдзыг нё февёрынц.
6.Ёмхуызон уёнгтё  вёййынц алыхуызон хъуыдыйады уёнгтё.
7. Ёмхуызон уёнгтё бёттёгтёй баст куы вёййынц, уёд къёдзыгёй хицён кёнынц бёттёгтё  ёви, ёмё - йё фёстёмё.
( Раст не сты № ,2, 4, 5)

Раздёхём -ма нё эпигрёфмё. Нё урочы архайдимё баст уыд ёви нё? Базыдтат уё бёстёйы тыххёй ног истытё? Уёдё ныр та уё зёрдёйы ахаст сбёрёг кёнём. Ёххуыс та фёуыдзён зарёг «Цъёйдон». (кусынц хицён сыфтыл, зёлы зарёг «Цъёйдон» Баллаты В., Чеджемты Ё) Слайд 13.

5. Рефлекси
   
   1. Кусгёйё рёдыдтытё ёруагътай?
                  О.                     Нагъ.
   2.  Куыд сраст кёндзынё дё архайд?
                        -Мёхёдёг ёй равзардзынён.
                        -Ме ’мбалы бафёрсдзынён.
                        -Ахуыргёнёгимё бакусдзынён.
   3.  Абоны темё де ’мбалён бамбарын кёнис?
                 О.                          Нагъ.
   4. Разы дё дёхицёй?
                 О.                          Нагъ.  

6. ХЁДЗАРМЁ КУЫСТ. Слайд 14.
   Равзар дёхёдёг:
   1) 102 фарсыл 5 фёлтёрён. – «3»
   2) Литературон уацмысёй рафыссын 5 хъуыдыйады ХъЁУ.  - «4»
   3) Нывёцён ныффыссын темё: «Мё райгуырён бёстёйы историон цыртдзёвёнтё», ХъЁУ спайдагёнгёйё. – «5»

7. Кёронбёттён ныхас.

-Цъёйы комы рёсугъддзинадыл бирё алыхуызон уацмыстё сфёлдыстой поэттё ёмё композитортё, нывгёнджытё ёмё кинорежиссертё. Мёнён та рагёйдёр мё зёрдёмё цёуы уёрёсейаг поэт, журналист, зындгонд бард Юрий Визборы зарёг «Цейский вальс», альпинистты лагерь «Цъёйы» куы улёфыд, уёды фыст; фёнды мё, цёмёй йём иумё байхъусём.(слайдтё ёвдисын дарддёр 16-31)

- Ныр та - хёрзбон!

Анализ урока в соответствии с требованиями ФГОС

Дата: 16.02 2016г.

Класс, учитель:  8 класс, Боциева А.В.

Количество учащихся в классе: 12

Присутствовали на уроке: 11

Тема урока: Знаки препинания при однородных членах предложения

Тип урока: урок-презентация

Дидактическая задача урока: обобщить знания по однородным членам предложения; учить правильно ставить знаки препинания в них; учить мыслить и подводить итоги проделанной работы.

Цели урока (образовательная, воспитательная, развивающая): совершенствовать коммуникативную деятельность учащихся посредством соблюдения речевых норм и работы в группе,  умения использовать средства письменной коммуникации, успешно справляться с конфликтной ситуацией; прививать любовь и уважение к родному краю, традициям и обычаям народа, бережно относиться к заповедным местам Осетии.

Ведущие аспекты анализа урока^[1]

Технологическая карта оценки деятельности учителя по формированию

универсальных учебных действий

Класс 8        Дата 16.02.2016г.

ФИО учителя:  Боциева А.В.

Цель посещения:   открытый урок по осетинскому языку

Тема урока: Знаки препинания при однородных членах предложения

Цели урока: совершенствовать коммуникативную деятельность учащихся посредством соблюдения речевых норм и работы в группе,  умения использовать средства письменной коммуникации, успешно справляться с конфликтной ситуацией; прививать любовь и уважение к родному краю, традициям и обычаям народа, бережно относиться к заповедным местам Осетии

_______________________________________________________________________________________

ФИО посетившего урок  Сидакова Ирина Борисовна

20-24 б.- показатель на достаточном уровне

16-19 б.- показатель на среднем уровне

менее 16б.- показатель на низком уровне