Мастер класс. 6 класс
план-конспект занятия (6 класс) на тему

Башҡортостан Республикаһы Балаҡатай районы  Урғалы урта мәктәбе урта белем биреү муниципаль мәғариф белем биреү учреждениеһы

ФГОС шарттарында башҡорт теле һәм әҙәбиәтенән оҫталыҡ дәресе

Балаҡатай районыУрғалы урта мәктәбенең

башҡорт теле һәм әҙәбиәте уҡытыусыһы

Дремина Фәүзиә Рәвил ҡыҙы

Тема: Башҡортостан темаһын йомғаҡлау (6 класс)

Хәйерле   көн,   хөрмәтле   коллегалар!  Бөгөн һеҙҙең менән күрешеп-аралашыу бәхетенә өлгәшеүемә бик шатмын.

Тәү сиратта телмәр мәҙәниәте юғары булған, үҙен һәм тиңдәштәрен хөрмәт иткән, дәрестә алған белемдәрен артабан көндәлек тормошта ла дөрөҫ ҡуллана белгән, егәрле балалар тәрбиәләү минең маҡсатым.

Ә бөгөн минең бурысым - үҙ эшемдең кәрәклеген, актуаллеген күрһәтеү, минең ҡарамаҡҡа уңышлы тип алынған ҡайһы бер ысулдар менән таныштырыу.

1 слайд

1.Артикуляцион күнегеү.

Сәләмләйбеҙ ҡояшты,

Именлек булһын өсөн.

Сәләмләйбеҙ дуҫтарҙы

Дуҫлыҡ булһын өсөн!

2. Һеҙ таҡтала нимә күрәһегеҙ? ( таҡтала ҙур круг эсендә Башҡортостан тип яҙылған)

-Эйе, Башҡортостан .

-Шулай булғас, беҙ һеҙҙең менән нимә тураһында һөйләшеү алып барасаҡбыҙ?

-Башҡортостан тураһында.

-Беҙ һеҙҙең менән  дәрестәрҙә  Башҡортостан тураһында бер нисә әҫәр уҡыныҡ

-Ә хәҙер ошо әҫәрҙәрҙе иҫкә төшөрөп китәйек.

-Һеҙҙең өсөн өҫтәлдә ҡағыҙҙар ята, ошо ҡағыҙҙарҙа  беҙ уҡыған әҫәрҙәр һәм авторҙар.

-Һеҙ һәр әҫәрҙең авторын табып таҡтаға беркетеп барығыҙ. ( ҡояш нурҙарында һүҙҙәр)

- З.Биишева “Башҡортостан”, Р.Ғарипов “Дан һиңә, дан, Башҡортостан!”, Ф.Туғыҙбаева “Эй яҙмышым минең-Башҡортостан”, Ш.Бабич “Башҡортостан»

- Нимә барлыҡҡа килде?  (Эйе, ҡояш һүрәте)

2 слайд ( ҡояш һүрәте)

-Бына бөгөнгө дәресебеҙҙә ошо ҡояш яҡтыртып, йылы нурҙарын бөркөп торһон.

3. Карточкалар һеҙҙең өҫтәлдәрҙә ята, ошо карточкаларҙы тултырып барығыҙ.

4. Карточкалар таратып биреү.

5. Артабан дәресебеҙҙе дауам итеп, Башҡортостан тураһында белемдәребеҙҙе тикшереп китәйек.

- Башҡортостандың территорияһы -  

- Башҡортостанда халыҡ һаны -

-Башҡортостанда нисә ҡала? Картала Башҡортостандың баш ҡалаһын билдәлә.

-Нисә район? Картала Балаҡатай районын билдәлә.

-Башҡортостандың  күрше өлкәләрен билдәлә.

-Республикала  күпме милләт йәшәй -

- Һеҙҙең алдығыҙҙа Башҡортостан картаһы ята, ошо картаның эсенә яҙа барабыҙ ( территорияһы 143,600, 21 ҡала, 54 район, Перм, Свердловск,Силәбе, Ырымбур,100-ҙән ашыу милләт)

3 слайд (яуаптар)

6. Хәҙер карточкалар менән эш нимә һеҙгә билдәле булды, нимә яңылыҡ булды, яҙып китегеҙ.

7.  Бер әҫәрҙе тасуири, ҡысҡырып уҡып китеү. З.Биишева “Башҡортостан” шиғырын тасури тасуири уҡыу.

-Башҡортостандың үткәнен һәм хәҙергеһен нисек тасуирлар инегеҙ?

(яуаптар алыу)

4 слайд

8. Йомғаҡлау.

-Донъялар имен булһын,

- ғаиләләр татыу булһын,

-Башҡортостаныбыҙ,ошо ҡояш кеүек һәр саҡ балҡып, нур сәсеп торһон.

9. Өйгә эш: Башҡортостандың киләсәген һеҙ нисек күҙ алдына килтерәһегеҙ?( 5-6 һөйләм яҙып китегеҙ)