Рабочая программа по мордовской литературе для 8 класса
рабочая программа (8 класс) на тему

Муниципальное бюджетное образовательное учреждение»

Дубенская средняя общеобразовательная школа»

Рассмотрена и одобрена на                                     Утверждена руководителем

заседании методического                                     образовательного учреждения

объединения                                                            ________________________            

Руководитель МО

__________________________                              «____»_____________ 2014 г.          

«25»  августа  2014 г.

Рабочая программа

по мордовской литературе

в 8 классе

        Составитель: учитель эрзянского языка и  мордовской литературы

                                МБОУ «Дубенская средняя    общеобразовательная  школа»                

                                Косолапова В.П.

2014 - 2015 учебный год

   Рабочая программа разработана на основе типовой программы для образовательных учреждений с родным (эрзянским) языком обучения Республики Мордовия, Эрзя–мокшонь литературань программат 5-11 класстнэнень для общеобразовательных школ Республики Мордовия  с родным (эрзянским) языком обучения, авторами которой являются доктор филологических наук А.И.Брыжинский, доктор педагогических наук А.М.Каторова, кандидат филологических наук Е.И.Азыркина.  Ссранск 2010 г. Мордовское книжное издательство.

Икельце валось

      8-це классонтень тиринь литературань коряс программась теезь Мордовия Республикань образованиянь Министерствань программанть лангс нежедезь. Весемезэ иень перть тонавтнемантень максовить 68 част, сынст ютксто произведениятнень ды литературань историянть тонавтнемантень – 50 част, аволь классо ловномантень – 10 част, келень культурань кастомантень – 10 част. Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

      Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

     Ламо лия предметнэнь ютксто, конат тонавтневить школасо, неявикс тарка явови эрзя-мокшонь литературантень. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест-мелест, сюпалгавты кель-валост, кепеди кортамонь ды сермадомань келень культураст, келейгавты эстетической вановтост.

     Литературань произведениятнень вельде седе парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь превейчинть.

     Сехте покш целесь, кона путови тиринь литературань уроктнень икелев, те – тонавтомс эйкакштнэнь тиринь келентень ды литературантень, сынст вельде чарькодемс эсь народонть историянзо.

     Тиринь кельсэ сермадозь произведениятнень тонавтнемась лезды рузонь литературанть ды теке марто вейсэ лия искусствань видтнэнь, примеркс, театранть, художникень картинатнень, кинонть, седе домкасто чарькодеме ды содамо.

     Тиринь литературась кеместэ сюлмави эрямонть марто, секскак полавтоматне, конат ютыть неень шкасто, кадыть тешкс сонзэ тонавтоманзо лангс. Неень шкане тиринь литературань уроксо произведениятнень идейно-художественной питненть путомсто сави кирдемс мельсэ аволь идейно-политической енксонть, кода ульнесь икеле, а нравственноенть ды эстетическоенть.Анализэнть теемстэ васняяк эряви мель явомс ломаненть потмоежонзо панжомантень, евтамс, виде а виде эрямонть лангс писателенть вановтозо, кодамо художественно-выразительнойсредства вельде авторось панжи геройтнень тевест-валост, ванномс кель-валонь сюпавчинть. Тень пингстэ эйкакштнэ аламонь-аламонь тонадыть арсеме, эсест мелест-превест евтамо, паро енкстнэнь ды асатыкстнэнь нееме.

  Кавксоце классо фольклоронь произведениятнеде содамочитне пурнавить вейс. Теде башка, тонавтницятне теевить малавиксэкс сказительтнень шкинемаст ды М.Е.евсевьевень «Эрзянь свадьбанть» марто.

   Кавксоце классонь программантень совавтозь истят сермадейтнень произведенияст: А.И.Кочетковонь (Мокшонинь), Ф.М.Чесноковонь, конат лововить минек литературанть ушодыцякс. Седе тов тонавтнеманть поладсызь сеть, конат сермадсть Отечественной войнадонть: Л.Ф.Макулов, А.П.Тяпаев, В.Л.Алтышкин, П.А.Ключагин. прядови программась «Эрзя-мокшонь сермадейтненеень шкань эрямодонть» пелькссэнть. Тесэ ванновить С.В.Кинякинэнь, И.Н.Кудашкинэнь, В.И.Мишанинань, А.В.Араповонь, Л.П.Седойкинэнь ды лиятнень башка произведенияст.

   Кавксоце классонь программась прядови те классонть литературань историянть ды теориянть коряс содамочитнень ледстямосо.

     Домкалгавтови тонавтницятнень содамочистустно-поэтической творчествадонть, сермадейтнень творчествадост ды теоретико-литературной чарькодематнень коряс. Весе те сюпалгавты эйкакштнэнь вановтост эрямонть лангс ды эрямонь мазычинть чарькодеме.

   Кортамонь ды сермадомань кастомантень программась яви башка урокт. Эрьва классо арсезь истят литературной творческой важодемат, конатнень коряс тонавтницятне сермадыть эсест мелест.

               Литературань процессэсь а ашти ве таркасо, появить писателень од лемть, паро произведеният, секс свал эряви келейгавтомс литературной вановтнэнь ды бажамс сенень, штобу эйкакштнэ улевельть одонь содамо бажицякс.  

     Минек литературась сермадозь кавто кельсэ, но весе лия ёнкстнэнь коряс сон а явовиця, невти весе эрзятнень ды мокшотнень сюпав коест-кирдаст, ёхомарямост, превест-мелест ды бажамост. А эряви стувтнемс сеньгак: минек литературась кеместэ сюлмавозь рузонсенть марто. Улить малавикс сюжет, ве ёнов молиця темат, эрямо лувонь невтема принципть. Ламот минек писательтне тонавтнесть рузонь ды лия народонь мастертнэнь пельде.

     Тиринь литературань уроксо эрьва теманть тонавтнемазо ушодови ушодксонь занятиясо. Покш класстнэсэ ушодксонь занятиянтень максови цела урок. Ушодксонь занятиятнень целест: кастомс тонавтницятнень мелест получамс содамочить писательденть ды сонзэ произведениятнеде, анокстамс тонавтницятнень произведениянь ловномо ды парсте чарькодеме.

     Ёвтнема лувост коряс ушодксонь занятиятне эрсить эрьва кодат:

   а) писателень эрямосто саевкстнэнь, конат лездыть произведениянть чарькодемантень, ёвтнемась;

   б) тиринь ды рузонь литературань уроксо ютазь ды од материалонть марто сюлмавкстнэнь арсемась:

в) исторической, историко-литературной ды бытовой комментариень теемась;

г) произведениянть сермадомань историянзо тевс нолдамось;

д) келенть лангсо важодемась.

     Неть ёнкстнэ максовить  башка приём вельде, примеркс, ютавтовить экскурсият музейс, вирев, лугав, паксяв ды седее тов, тевс нолдавить художникень картинат ды иллюстрацият, морот, вети кортамот эйкакштнэнь пертьпельксэнь содамочидест, кармавты мельс ледстямс ютазь материалонть. Ушодксонь занятиятне ютавтовить вейкень-вейкень ёнов а молицякс. Эрьванть улезэ эсензэ чачозо, эрьва писателенть марто вастовомась кувать кадоволь эрьванть седейс.

     Ушодксонь занятиятнень ютавтомадо мейле ловновить произведениятне. IX-XI-це класстнэсэ произведениятне целанек, лирическойтнеде башка, ловновить кудосо. Произведениятнень ловномсто васняяк эряви кирдемс мельсэ сонзэ родонь ды жанрань ёнкстнэнь. Примеркс, лирической произведениятне васенцеде свал ловновить классо, гайтевстэ, мельстуезь.

     Произведениянть ловномадо мейле ушодови сонзэ смустензэ лангсо важодемась: путневить кевкстемат, тееви план ды анализ.

     Анализэнь теемстэ кочкавить истят методической приёмт, конат ладить классонтень ды тонавтнема проиэведениятненень. Те шкастонть чарькодевтеви ёвтнема лувось, темась, ёвтавить сюжетэнь, композициянь ёнкстнэ, изобразительно-выразительной средстватнень таликаст типической характертнэнь теемстэ, панжови идейной смустесь. Приёмтне, конатнень нолдавить тень пингстэ тевс , эрсить эрьва кодат: путозь проблематнень муемась ды ёвтамось, комментированной ловномась, геройтнень, сценатнень карадо-каошо аравтомась. Киносценариень теемась, превсэ-валсо портретэнь рисовамось, инсценированиясь, литературной налксематнень ютавтомась. Анализэнь тееманть кис приёмтнень кочкамсто эряви кирдемс мельсэ эйкакштнэнь иест ды литературань коряс содамочист.

Литературань коряс маштомачитне:

  - мазый ды сёлмов валсо эсь мелеть ёвтамо, беседань ветямо, лия кортамонь кунсоломо, кортамос валмеревксэнь ды цитатань совавтомо;

   - ловнозь произведениятнень содержанияст ёвтнеме;

   - бажамс чарькодеме, мезе од тейсь те эли тона писателесь литературасонть, кодамо общечеловеческой смусть кандыть сонзэ проиэведениянзо;

   - мейсэ пек парсте неявить литературанть национальной ёнксонзо;

   - эрзятнень, мокшотнень эрямонь коест ды национальной обуцянь ёнкстнэнь панжомо;

   - тиринь келенть сюпавчинть ды мазычинть невтеме.

Разделэнь коряс учебно – тематической планось

Учебной курсонть содержаниязо

I. Эрзянь ды мокшонь устной народной творчествась.

Фольклорось кода искусства (1 час)

  Народной творчествадонть кода валонь искусствань видтэ чарькодема. Минек раськень устной творчестванть сюлмавомазо сокицянть-видицянть тевензэ-валонзо марто. Сонзэ эйсэ эрьва кодамо жанрасо народонть эрямозо, тевензэ-валонзо невтемась.. Фольклорсонть  синкретизмань ушодкстнэ.

    Устной народной творчествась – раськенек вейксэндявксонь невтиця. Фольклрсонть минек раськенть эрямонзо, вановтонзо, коензэ-кирданзо невтемась.

     Устной народной творчестванть жанрань форманзо: героической эпосонь евтамотне, легендатне ды преданиятне, эпической ды лирической моротне, содамоёвкстнэ, валмеревкстнэ ды свадьбань поэзиясь.

   Фольклоронть сюпавчизэ эрзя-мокшонь письменной литературанть чачомасо-касомасо. Фольклоронть ды литературанть ютксо вейкетьксчись ды явовомась. Сынст вейсэндявомась эрямонть художественной невтемасонть. Фольклорось неень ды меельце шкастонть. Сказителень шкинемань койтнень келейстэ касомась ды сонзэ эйсэ од тематнень появамось.

Макар Евсевьевич Евсевьев – фольклорист.

«Мокшэрзянь свадьба»  (4 част)

   М.Е.Евсевьевень путовксозо эрзя-мокшонь раськенть культуранзо касомантень. М.Е.Евсевьев – эрзянь содавикс ученой, просветитель ды народонь творчествань произведениянь пурныця. Сонзэ эрямонь кизэ, рузонь содавикс ученойтнень марто ояксчизэ. М.Е.Евсевьевень сехте содавикс роботанзо: «Эрзянь келень грамматика», «Эрзянь морот», «Эрзянь свадьба» книганзо ды веете томсопроизведениянзо нолдамось.

   «Мокшэрзянь свадьбанть» пурнамонь ды сермадомань историязо. Свадьбанть композициязо. Сонзэ эрьва пельксэнть тарказо свадьбанть ютавтомсто. Свадьбанть кода драматической произведениянть образной системазо ды действующей лицянзо. Сонзэ эйсэ одирьванть кода прявт героенть невтемась. Эрзя-мокшотнень коест-кирдаст ды эрямосонть эсь прянь ветямонь домкасто панжомась.

   Свадьбань поэзиянть кода народонь драманть идейно-художественной сюпавчизэ, сонзэ эйсэ национально-поэтической койтнень ды музыкальной культуранть ванстомась.

   Свадьбань поэзиянть жанранзо: моротне, урнематне, парявтнематне, эрьва кодат кортамотне.

   М.Е.Евсевьевень «Мокшэрзянь свадьбанть» питнейчизэ минек республикасо ды Россиясо целанек.

Сказителень шкинемась (1 час)

    Сказителень шкинемань появамонь тувталтнэ. Минек содавикс сказительтне: И.Зорин, П.Исаева, А.Жулюпкина, А.Назарова, Е.Денисова, Г.Лапин, Е.Кривошеева, Ф.Беззубова, С.Люлякина, П.Родькина ды лиятне.

   Сказительтнень шкинемас устной поэзиянь койтнень совавтомась. Неть койтнень лангс нежедезь од моронь, лайшемань ды евтамонь ладсемась, конатнесэ невтеви минек раськенть эрямозо неень шкасто. Те сказительтнень путовксост минек раськенть культуранзо касомасо ды фольклоронть од художественной средствасо ды жанрасо сюпалгавтомась. Сказителень шкинемасо произведениятнень башка енксост; сынст эйсэ авторонь ушодкстнэ, сказителень шкинемань башка енкстнэ, покш мелень евтамось, домка идеянть лембестэ, седеймарязь максомась, кель-валонь сюпавчись ды чарькодевиксчись.

Ефимия Петровна Кривошеева

«Вай, а удован», ёвтамо, «Пиже садсо, мазый садсо», моро (1час)

   Е.П.Кривошеева – эрзянь содавикс сказительница. Сонзэ эрямонь ды шкинемань кизэ.

   Е.П.Кривошеевань шкинемасонзо жанрань ды тематикань келейчись. Сонзэ лайшематнень, авардькшнематнень, моротнень башка енксост, конат сюлмавозь устно-поэтической койтнень марто. Сынст эйсэ эрзятнень эрямост невтемась ды важодемань вечкеманть шнамось.

   Е.П.Кривошеевань лайшеманзо башка енксост. Сынст паро енксост ды асатыксэст, конатнень невтинзе неень шкась. Лайшематнень келень сюпавчист.

   Е.П.Кривошеевань шкинемасо моронь жанрась. Сонзэ «Пастухонь морот», «Ине нармунь», «Колхозонь паксине», «Пиже садсо, мазый садсо» моротнесэ важодиця ломаненть шнамось, пертьпельксэнть мазычинзэ невтемась. «Мазый Марина», «Адядо, ялгат», «Митянь Кулясь», «Монь пек берянь эрямнем» моротнесэ эрзянь аванть мазычинзэ, виензэ, колчинзэ шнамось ды теке марто аволь шожда эрямонзо невтемась. Моротнень сюжетэст теевемась, эпитеттнэ, метафоратне, сравнениятне ды вишкалгавтыця валонь форматне аванть мазычинзэ, тевензэ, тетянь-авань мелень ваноманзо, семиясо ды ломань ютксо прянь парсте ветямонзо шнамось. Моротнень кель-валонь сюпавчист.

Фёкла Игнатьевна Беззубова

«Стинь чоподава-зорява», ёвтамо,

«Адядо, браттнэ, минек масторов», моро  (1 час)

   Ф.И.Беззубовань кода эрзянь ёроков сказительницанть эрямонь ды шкинемань кизэ. Сонзэ тарказо М.С.Крюковань, джамбул Джамбаевень, Сулейман Стальскоень ды минек масторонь лия сказительтнень ютксо.

   Ф.И.Беззубовань васенце моросонзо эрзянь аванть тевень колчинзэ шнамось («Авань звенась», «Вай, од масторсо» моротне).

   Сказительницанть шкинемазо Ине Отечественной войнань иетнестэ. Сонзэ «Сех пек удалась минек армиясь», «Авань баславамо», «Иля аварде, Украина патякай» ёвтамотне. Сынст эйсэ солдаттнэнь тюремастшнамось ды яттнэнь сюдомась-сялдомась.

   Ф.И.Беззубовань шкинемазо войнадо мейле. Сонзэ («Течи одов чачсь мирэсь-масторось», «Эрзянь - мокшонь ялгинем», «Вай, ине  Москов», «Моро чачома мастордом», «Тракторист» моротне.

   «Адядо, браттнэ, минек масторов» произведениясонть народтнэнь ютксо ялгаксчинь шнамось. Неть мельтнень невтемстэ эрявикс кель-валонь мазычинь невтиця средстватнень сайнемась. Сказонть лирической лувось.

Серафима Марковна Люлякина

«Седейризкс», «Ёвкссо ёвтнесызь, моросо морсесызь», ёвтамотне,

«Ливтить письмарт», моро (2 част)

   С.М.Люлякинань эрямонь ды шкинемань кизэ. Сонзэ сказителень шкинемасо васенце эскельксэнзэ. Тень пингстэ устной народной творчествань ды Е.П.Кривошеевань, Ф.И.Беззубовань сказителень шкинемань коень коряс тонавтнемась.

   Сонзэ сказителень шкинемасонть моронь жанранть тематической келейчизэ: величальной, вечкемадо ды сатирической моротне.

   С.М.Люлякинань «Алкуксонь цёра», «Утя сакшнось Ёрза велев», «Чиянь патя», «Тонеть мастором», «Лисян тундонь валске» ёвтамотне ды «Иля пува варма», «Ливтить письмарт», «Эрзянь кель», «Семеричка карть» моротне.

   С.М.Люлякинань «Моронь гайть», «Минек оянок», «Расскаху тебе», «Тонеть, Мордовиям, моран» сборниктне.

   «Седейризкс» ёвтамонть документальной юрозо. Сонзэ алтамозо Толя цёранстэнь, кона целинасо сюронь пурнамсто палсь комбайнасо.

   Толянь тевензэ-валонзо вельде минек цёратнень целинасо героической тевест-валост невтемась. Кель-валонь сюпавчинь средстватнень вельде ёвтамонть эйсэ  ризксэнть пачтемазо.

II. ЛИТЕРАТУРАНЬ ШКИНЕМАСЬ.

ЭРЗЯ-МОКШОНЬ СЁРМАДЕЙТНЕ ЭСЬ

РАСЬКЕНТЬ ИКЕЛЕНЬ ЭРЯМОДОНЗО

Виктор Михайлович Лёвин

«Гурьян», повесть (4 част)

   В.М.Лёвинэнь эрямонь ды шкинемань кизэ. Мордовской госуниверситетсэ тонавтнемазо. Радиосо ды телевидениясо эйкакшонь передачатнень ветямось. Юморонь ды фантастикань жанратнесэ виень варчнемась.

   «Ломань ютксо» повестьсэнть казямо седей ломантнеде ёвтнемась.

   «Гурьян» повестьсэнть ногайтнень ды губантнэнь каршо эрзятнень ды мокшотнень тюремаст. Мокшонь ды эрзянь од ломантнень ванькс вечкемаст невтемась.

Алексей Ильич Кочетков (Мокшони)

«Митрей», ёвтнема (2 част)

   А.И.Мокшони – прозаик, мокшонь кельсэ сермадыця, кона сась минек литературань чачомань васенце иетнестэ.

   Сермадеенть эрямонь ды шкинемань кизэ. Сонзэ улемазо Васенце мировой войнасонть. Теде мейле Гражданской войнасонть улемась. Московской университетсэ тонавтнемась ды Иностранной тевень народной комиссариатсо важодемась.

   Сермадеенть васенце эскельксэнзэ литературасонть. «Фанок», «Тюляй» ды «Митрей» евтнематне. Сынст эйсэ эйкакштнэнь велесэ эрямост невтемась.

   А.Мокшонинь очеркензэ 20-30-це иетнестэ («Ловномань кудосо», «Книга», «Тимок», «Од эрямос», «Вейкень-вейкень икельдязь»).

   «Митрей» ёвтнемасонть мокшэрзятнень кезэрень пингень эрямост, койтнень-обуцятнень невтемась. Мокшэрзятнень лия масторов туемань тувталтнэ. Эйкакшонь образось. Кель-валонь сюпавчись. Пейзажонь картинатнень вельде ёвтнемань смустензэ ды келензэ сюпалгавтомась.

Федор Маркелович Чесноков

«Сыре учитель», «Сыре неже» ёвтнематне (2 част)

   Ф.М.Чесноков – эрзянь содавикс сёрмадей, конань покш путовксозо нурькине ёвтнемань ды драмань сермадомантень.

   Сермадеенть эрямонь ды шкинемань кизэ, неявикс изнявксонзо. Ф.М.Чесноковонь ёвтнеманзо ютксо «Сыре учитель» произведениянть тарказо. Те произведениясонть тонавтыцянть образонть свалшкань тевензэ-валонзо вельде невтемась.

   Ёвтнеманть композиционной башка ёнксонзо. Сонзэ эйсэ ледстнематнень таркаст. Ледстнематнень вельде Степан Ивановичень ялаксонзо образтнэнь невтемась. Неть образтнэнь вельде икелень шкань эрямонть лангс  а вейкеть вановтнэнь невтемась.

   Ф.М.Чесноковонь «Сыре неже» ёвтнемасонть мокшэрзятненьумонь шканть невтемась. Кузьма атянь образось. Произведениясонть кель-валонь сюпавчись.

III. СЁРМАДЕЙТНЕ ИНЕ ОТЕЧЕСТВЕННОЙ ВОЙНАНЬ

ШКАНЬ ЭРЯМОДОНТЬ

Александр Федорович Кадоркин

«Давол», поэма (2 част)

   А.С.Кадоркинэнь эрямонь ды шкинемань кизэ. Мордовской госуниверситетсэ тонавтнемазо. Литературасо васенце эскельксэнзэ. Стихень сборникензэ: «Мика», «Ки лангсо», «Терди чачома мастором», «Латко чиресэ кудыне» ёвтнемань книгасонть тематне, проблематне. «Давол», «Дезертир», «Чинть ды ковонть ало» поэматнесэ художественной башка ёнкстнэ

   «Давол» поэмасо войнань шкань стака эрямонть невтемась. Авань образось.

Леонид Федорович Макулов

«Мокшава», ёвтнема (1 час)

Сермадеенть эрямонь ды шкинемань кизэ. Тонавтнемань иензэ. Васенце эскельксэнзэ литературав. Эйкакштнэнень содавикс книганзо: «Од мичуринецт», «Од оят», «Данилка». Повестень жанрасо изнявксонзо: «Мокшонь тейтерь», «Уцяскав тундо», «Садтнэ панжить», «Кренч».

   «Мокшава» ёвтнемасонть войнань сталмотнень невтемась. Настань обуцянь башка ёнксонзо. Мокшотнень, эрзятнень коест невтемась.

Василий Павлович Арапов

«Лутазь теште», ёвтнема (2 част)

   В.П.Араповонь эрямонь ды шкинемань кизэ. Инее Отечественной войнасо улемазо. Тонавтнема иензэ. Мокшэрзянь литературасо васенце эскельксэнзэ. Ёвтнемань жанрасо изнявксонзо. «Сятко», «Чилисема», «Мокша», «Якстере тештине» журналтнэсэ ды национальной газетатнесэ нолдазь произведениянзо. Ламо произведениянзо рузонь кельс ютавтомась. «Аштема ков» ёвтнемань сборникенть башка ёнксонзо.

   «Лутазь теште» ёвтнемасонть войнань шкань эрямонть лангс од сельмевановтось. Стяконь кис ломантнень чумондомась. Раужо ойме ломантнень сялдомась.

Анатолий Прохорович Тяпаев

«Ликшань ям, ёвтнема (2част)

А.П.Тяпаев – мокшонь содавикс поэт ды прозаик. Тиринь литературазонок путовксозо. «Мокша» журналсо зярыя иеть важодемазо. Сехте содавикс поэтической сборникензэ: «Тундонь пиземе», «Ава», «Церат», «Жив ведь», «Алянь мода» ды лият. Прозань жанрасо изнявксонзо. Мокшэрзянь литературасо А.Тяпаевень путовксозо приключениянь ды фантастикань жанратнень седее тов вииявиомантень: «Теште лангонь алашат», «Захаркань приключениянзо», «Пинесь урнось чивалгомав», «Сэденть лангсо тол» ды лиятне.

   «Ликшань ям» ёвтнемасонть войнань пингень веленть эрямонзо невтемась. Се пингень койтнень стакачись. Сельмень сявадоманть сялдомась. Лембе ойме ломантнень а пелемаст невтемась.

Пётр Андреевич Ключагин

«Ташто шинель», ёвтнема (1 час)

   П.А.Ключагинэнь эрямонь ды шкинемань кизэ. Мокшэрзянь литературасо васень эскельксэнзэ. Сёрмадеенть шкинеманзо башка ёнкстнэ. Юморонь ды сатирань жанратнень тевс лезэвстэ нолдамось. Те тевсэнть рузонь классиктнень А.П.Чеховонь ды В.М.Шукшинэнь пельде тонавтнемась. Сехте содавикс ёвтнемань сборникензэ: «Од пингес кить-янт», «Пирявкс», «Меельце кулят», «Цёканька», «Апак прядо моро». Эйкакштнэнень алтазь «Ожо цецят», «Кстыйть» книганзо.

   «Ташто шинель» ёвтнемасонть Ине Отечественной войнанть невтемась. Лембе ойме ломантнень шнамост. Лиятненень седеймарямонь путоманть эрявиксчись.

Виктор Леонидович Алтышкин

«Синдезь эрямо», ёвтнема (2 част)

   В.Л.Алтышкинэнь эрямонь ды шкинемань кизэ. Васенце эскельксэнзэ литературав. Эрзянь кельсэ васенце ёвтнеманзо «Вечкемась а мадстеви» «Сурань толт» («Сятко») журналсо лисемазо. «Сулей», «Кши-сал», «Велявтома» ёвтнеманзо, «Кить-янт» повестезэ, «Сувсто лисема» пьесась ды ламо лиятне.

   Прозань содавикс книганзо: «Нуя чиресэ», «Данилка», «эрямонь пинкст», «Кстыйть». В.Л.Алтышкинэнь ёвтнеманзо печатамост чувашиянь «Капкан» журналсо чуважонь кельсэ.

   «Синдезь эрямо» ёвтнемасонть Ине Отечественной войнань событиятнень невтемстэ од сельмевановтось. Миколень обуцянзо невтемстэ келень художественной средстватне. Эрямосо видечинть изнямось.

VI. ЭРЗЯ-МОКШОНЬ СЁРМАДЕЙТНЕ

НЕЕНЬ ШКАНЬ ЭРЯМОДОНТЬ

Иван Никитович Кудашкин

«Мазый морозо – пичень поразо», поэма (3 част)

   И.Н.Кудашкин – мокшонь кельсэ содавикс сёрмадыця. Сонзэ эрямонь ды шкинемань кизэ. Поэтэнть «Китнень чирева килейть» стихень васенце сборникезэ. Поэтэнть од художественной муевксэнзэ ломантнень сюпав оймест панжомасонть.

   Те сборникень стихтнесэ авторонть мелензэ-превензэ, потмоёжонзо чачома краенть мазычиде, Родинанть вечкемадо, Россиянть славамодо.

  Поэтэнть 70-80-це иетнестэ нолдазь од поэтической сборникензэ «Лисьмапрятне чавить баягат», «Нармунтне ливтить лембе масторов», «Баславамак, авай, ки лангс».

   И.Н.Кудашкинэнь «Мазы морозо – пичень поразо» поэманть лувонзо ванномась. Те поэмасонть Сергей Ашкудовонь эрямонзо невтемась.

   Ошсо эрямонть вельде сонзэ мельтемечинзэ панжомась. Тетянь-авань стувтомань темась поэмасонть. Кель- валонь мазычинь невтиця средстватне, конат лездыть героенть потмоёжонзо панжомантень.

Александр Васильевич Арапов

«Каргтне ливтить», «васенцесь – прядовиця морось»

«он», «Ава лайши» стихотворениятне (2 част)

А.В.Араповонь эрямонь ды шкинемань кизэ. М.В.Ломоносовонь лемсэ МГУ-нь журналистикань факультетэнть прядомазо. «Сятко» журналсо важодемазо. Поэзиянь книганзо башка ёнксост: «Вайгель», «Вальма», «Взмах», «Мейле».

   С.-Петербургонь, Московонь, Хельсинкинь, Будапештэнь, Таллинэнь издательстватнесэ стихензэ печатамось.

   «Каргтне ливтить» стихотворениясонть ломаненть ды пертьпельксэнть ютксо сюлмотнень невтемась. Домка мельтне-арсематне эрямонть коряс.

   «Васенцесь – прядовиця морось» стихотворениясонть философской мельтне-арсематне. Од ломантнень ды сыретнень ютксо сюлмавкстнэ.

   «Он» стихотворениясонть од цёратнень армияв туемаст, аванстэнь вечкеманть невтемась. Чачома ёнксонть кис мелявтомась.

   «Ава лайши» стихотворениянть башка ёнкстнэ. Устной народной творчестванть марто сюлмавкстнэ.

Валентина Ивановна Мишанина

«Кочкодыкень буестэ тейтерька», пьеса (3 част)

   В.И.Мишанинань путовксозо мокшэрзянь литературас. Илья Девинэнь лезксэзэ сёрмадомань тевентень кундамсто. Московонь Горькоень лемсэ Литературной институтсо тонавтнемазо. Васенце сборникензэ тонавтнема иетнестэ лисемась.

   В.И.Мишанинань изнявксонзо мокшэрзянь драматургиянь жанрасонть.

   Эйкакштнэнень сёрмадозь произведениятнесэ вишкинетнень оймест парсте содамось. «Кочкодыкень буестэ тейтерька» пьесасонть неень шкань эрямонть асатыксэнзэ, стакачинзэ невтемась. Аволь пешксе семиятнень проблематне. Эйкакштнэнь седей ризксэст. Произведениясо кель-валонь сюпавчись.

Леонид Павлович Седойкин

«Меельце пиземесь», «Шубань муськицят» ёвтнематне (2 част)

Л.П.Седойкинэнь эрямонь ды шкинемань кизэ. Тонавтнемань школась «Чилисема», «Сятко», «Мокша», «Странник» журналтнэсэ, «Литературная Россия», «Новая жизнь» газетатнесэ ды лия изданиятнесэ произведениянь нолдамсто. «Авань моронзо», «Эрямо» сборниктнень эсест ёнксост.

   «Меельце пиземе» ёвтнемасонть эрямодонть мельтне-арсематне. Палю атянь обуцянзо невтемстэ келень художественной средстватне.

   Юморось ды сатирась «Шубань муськицят» миниатюрасонть.

Сергей Васильевич Кинякин

«Сёрма мельга сёрма», «Моданть оймезэ», «Азортомо

мельть» стихотворениятне (2 част)

   С.В.Кинякинэнь эрямонь ды шкинемань кизэ. Мокшэрзянь литературасо поэзиянь жанрасо изнявксонзо, сёрмадомань тевсэ башка ёнкстнэ.

   «Мирэнь гулькине» васенце стихензэ «Мокшень правда» газетасо лисемазо. «Эрямось ды вечкемась» стихень васенце сборникенть Мордовской книжной издательствасо нолдамось.

   С.В.Кинякинэнь поэзиясо эрямонть видестэ ды домкасто чарькодемась: «Сехте мазыесь», «Кизэть-вайгельбеть», «Сизезь лишмень вайгель» ды лиятнесэ.

   С.В.Кинякин – Мордовия Республикань Государственной гимнань авторось.

   «Сёрма мельга сёрма» стихотворениясонть аванть ды цёранть ютксо кеме сюлмавкстнэ. Келень художественной средстватне.

   «Моданть оймезэ» стихотворениясонть ломаненть тарканзо коряс мельтне-арсематне. Алкуксонь вечкеманть ванстомань эрявиксчись. Кель-валонь сюпавчись.

   «Азортомо мельть» стихотворениясонть эрямонть коряс поэтэнть арсеманзо.

Николай Иванович Ишуткин

«Пазонь казне», «Инже», «Кемемань штатол»

Стихотворениятне (1 час)

   Н.И.Ишуткинэнь эрямонь ды шкинемань кизэ. «Чилисема» журналсо важодемазо. Мордовской госуниверситетэнь филологической факультетсэ тонавтнемстэ литературной тевентень малавгадомась. «Сятко» журналсо васенце стихотворениянзо «Од пора», «Кизэнь ве» лисемась. Поэтической сборникензэ башка ёнкстнэ: «Валскень теште», «Тештень мастор», «Пейзаж души», эйкакштнэнень алтазь «Ютко шкасто».

   Пародиянь жанрасо изнявксонзо: «Вармань кандовкст» книгась.

   «Пазонь казне», «Кемемань штатол» стихотворениятнесэ эрямонь смустенть коряс мельтне-арсематне. Кель-валонь вадря муевкстнэ.

   «Инже» стихотворениясонть аванзо вечкемась. Эсь прянь невтеманть, чачома келенть кисэ виздеманть сялдомась.

Михаил Алексеевич Втулкин

«Ширка ды Трокске», легенда (2 част)

   М.А.Втулкинэнь эрямонь ды шкинемань кизэ. Педучилищасо тонавтнемазо. Тихой океанонь флотсо служамозо.

   Мокшэрзянь литературасо прозань ды поэзиянь жанрасо изнявксонзо. В.К.Радаевень марто вейсэ «Эрзянь легендат, преданият ды ёвтамот» книганть пурнамось.

   Эйкакштнэнень казезь книгатнень художественной башка ёнкстнэ: «Сиянь пей», «Сырнень шка», «Ведьбайгине».

   «Ширка ды Трокске» легендасонть мокшэрзятнень эрямост невтемась. Ютазь иетнень лангс од сельмевановтось. Ширкань ды Трокскень образтнэ.

Юрий Фёдорович Кузнецов

«Ёжов», ёвтнема (2 част)

   Ю.Ф.Кузнецовонь путовксозо мокшэрзянь литературас. Литературав кода критикень васенцеде самозо. Художественной произведениянь васенце сборникезэ «Васолонь семафор». Седе мейлень ёвтнемань ды повестень книгатнень  «Гайгиця баягинеть», «Весемесь ушодовкшны кистэ», «Ды таго кизэ», «Сёксень пизёлт», Ужодо, бойка коволт», «Обедшка», «Ванькс ведь» башка ёнксост.

   «Ёжов» ёвтнемасонть прянь ветямонь ванкшномась. Эрямосто ломаненть эсь тарканзо муемась. Захаронь, Аннань образтнэ. Эрямонть коряс нурькине мельтне-арсематне. Произведениянть кель-валонь сюпавчись, художественной средстватне.

Илья Максимович Девин

«Борзинь пиземеть», «Кши кочом»,

«Сэредькс», «Тиринь ёнкс» стихотворениятне (2 част)

   И.М.Девинэнь эрямонь ды шкинемань кизэ. Ине Отечественной войнань шканть печтямось. «Валске мартонь зоря» поэтической васенце сборникенть сёрмадомань историясь.

   Мокшэрзянь литературасо ламо жанрасо сёрмадомо терявтнемазо.

   «Борзинь пиземеть», «Сэредькс» стихотворениятнесэ пертьпельксэнть ванстомадо проблематне. Кель-валонь сюпавчись.

   «Кши кочом» стихотворениясонть ломанень седеймарямонь явоманть питнезэ. «Тиринь ёнкс» стихотворениясонть чачома ёнксонть шнамось, вечкемась.

Григорий Ильич Пинясов

«Аванстэнь – больницяв», ёвтнема (2 част)

   Г.И.Пинясовонь эрямонь ды шкинемань кизэ. Зубовань педучилищасо, Мордовской госуниверситетсэ тонавтнемань иетне. «Мокшень правда», «Мокша» журналсо зярыя иень перть важодемась. Мокшэрзянь повестень жанранть вииявтомантень покш путовксозо. Сехте пек содавикс книганзо: «Ветецесь», «Пси кизэ», «Тукшнотано, алят, тукшнотано», «Ялгам ды содавиксэм», «Сехте лембе берёконтень», «Ташто ранат», «Яловой пельть», «Вирьавань паця».

   «Аванстэнь-больницяв» ёвтнемасонть неень шкань проблематнеде кортамось. Образтнэнь невтемстэ психологизмась. Ванькс ойме марто ломантнень шнамось.

Михаил Иванович Брыжинский

«Идам ды Эва», ёвтнема (3 част)

   М.И.Брыжинскоень эрямонь ды шкинемань кизэ. М.Е.Евсевьевень лемсэ Мордовской госпединститутонь филологической факультетсэ тонавтнемань иетне. Литературасо васень эскельксэнзэ.

   Мокшэрзянь литературасо исторической жанранть касомантень-вииявтомантень М.Брыжинскоень путовксозо. «Половт», «Ради братий своих», «Пингень гайть» книгатне.

   Меельце иетнестэ фантастикань жанрасо сёрмадомань терявтнеманзо. «Идам ды Эва» ёвтнемасонть сы шкань эрямонть коряс мельтне-арсематне.

Аволь классо ловномась:

Ю.Ф.Кузнецов «Васолонь семафор»

С.З.Платонов «Кить-янт»

П.В.Прохоров «Штабонь генерал»

А.К.Мартынов «Толонь сёлмт»

П.В.Алёшина «Кулось атине»

К.Г.Абрамов «Ратор лейга»

А.С.Кадоркин «Кизна Дубровкасо»

В.И.Нестеров «Лисьмапрянть ведезэ ванькс»

А.И.Пудин «Кудо юрт»

И.М.Девин «Иван лейтенантось»

Тонавтнемс наизусть:

А.В.Арапов «Каргт ливтить»

И.М.Девин «Сэредькс»

С.В.Кинякин «Азортомо мельть»

Н.И.Ишуткин «Кемемань штатол»

Весемезэ: 68 част

Произведениянь текстэнь тонавтнемантень – 52 част

Кортамонь кастомань коряс уроктне – 9 част

Аволь классо ловномань коряс уроктне – 7 част

8-це классонь тиринь литературань коряс

тематической планирования

Тонавтнемапелесь: А.М.Каторова Тиринь литература 8 класс, С., 2008

Литературась:

1. Алешкин А.В. С.Кириллов: Очерк творчества  А.В.Алешкин. – Саранск, 1968, - 123с.
2. Алешкин А.В. Единство традиций  Алешкин А.В.. – Саранск, 1973. – 132с.
3. Алешкин А.В. Эпос дружбы   Алешкин А.В.. – Саранск, 1985. – 231с.
4. Безбородов М.И. Ульсь пинге… стихть, поэмат, пьесат, очеркть. Саранск, Мордов. кн изд, 2008 – 254с.
5. Борисов А.Г. Художественный опыт народа и мордовская литература, Саранск, 1977. – 211с.
6. Брыжинский А.И. В едином строю, Саранск, 1984. – 234с.
7. Брыжинский А.И. Писатели Мордовии: библиогр.указатель. Саранск: Мордов.кн.изд., 2001. -592с.
8. Горбунов В.В. Поэзия – душа народа. Саранск,1971. – 215с.
9. Горбунов Г.И. Вастомат. Саранск, 1993. – 213с.
10. Девяткин Г.С. Мордовский рассказ. Саранск, 1987. – 231с.
11. Дёмин В.И. Сюконян тенк… Эрзянь писательде ёвтнемат. Саранск, Морд.кн.изд. 2005. – 317с.
12. Жиганов М.Ф. Евсевьев – историк родного края. Саранск, 1990. – 156с.
13. Зиновьев Н.В.Человек и время. Саранск, 1995. – 276с.
14. Инжеватов И.К. Время водило его пером. Саранск, 1973. – 234с.
15. История мордовской советской литературы.  Т.1 Саранск, 1968. – 312с.
16. История мордовской советской литературы.  Т.2 Саранск,1971. – 324с.
17. История мордовской советской литературы.  Т.3 Саранск, 1974. – 327с.
18. «Край мой! Любимая Русь и мордва!» Мордовия С.Есенина: ст, рец, стихи, переводы. Саранск, «Красный Октябрь», 2004. – 408с.

Интернет ресурстнэ

Эрзянь Морот. Эрзянские песни.
http://www.erzan.ru/news/anna-panisheva

http://vkontakte.ru/audio?id=-83623

ЭРЗЯНЬ МАСТОР TV. Наше видео на портале You Tube. Концерты, клипы, выступления и многое другое.
http://www.youtube.com/watch?v=a9FF-HbDGiU

Ловнома. Чтение.
Независимая общественно-политическая газета
Мордовского республиканского общественного
Фонда спасения эрзянского языка

Пек содавикс Эрзянь кулялопась тиринь мельть марто.
http://www.erzia.saransk.ru/

Эрзянский литературный сайт «Эрзиана» Эрзянь сёрмадоматевонь лопась.
http://erziana.my1.ru/index/ehrzjan_mastor/0-11

Энциклопедия Нижегородской области. Обран ошсонь энциклопедиясь.
http://erziana.my1.ru/index/ehrzjan_mastor/0-11

Эрзянский сайт «Эрзянь Раське».
Эрзянь лопась эрзянь раськеде.
http://erzyany-rasyke.ucoz.ru/

Эрзянский Живой Журнал от Петрянь Андю. Новости эрзянского мира. Кулят Эрзянь масторсто.
http://erzianj-jurnal.livejournal.com/

Эрзянь Википедиясь. Эрзянская Википедия. Статьи о великих людях и событиях на эрзянском языке.
http://myv.wikipedia.org/wiki/%D0%9F%D1%80%D1%8F%D0%BA%D1%81%D0%BB%D0%BE%D0%BF%D0%B0


Культурно-образовательный портал «Эрзянь Ки».
http://www.erzan.ru/

Эрзянский детский и юношеский журнал «Чилисема».
Эрзянь эйкакшонь ды од ломанень журнал. Очень качественные статьи и профессиональная редакция. Выписывайте, друзья! Ловнеде од ломанть!
http://chilisema.ru/

«Сятко» (рус. «Искра») — литературно-художественный и общественно-политический журнал, издаваемый в Саранске. Публикации журнала выходят наэрзянском языке.
http://ru.wikipedia.org/wiki/%D0%A1%D1%8F%D1%82%D0%BA%D0%BE

Газета «Эрзянь Правда». Статьи, новости о Республики Мордовия и народе эрзя.
http://erziapr.ru/