Числительноесь кода кортамо пелькс
методическая разработка (7 класс) на тему

Числительноесь — кортамо пелькс, кона невти предметэнь ламочи, ловомань лув, отвлечённой числа ды отвечи зяро? зяроце? кевкстематнень лангс. Н е в т е м г а: Минек улъцяс тейсть ниле од кудот (зяро кудот тейсть?). Нилеце кудосонтъ карми эрямо монъ ялгам (зяроце кудосонть кар-ми эрямо тонь ялгат?). Нилес путомс колмо.

Эсест смустест коряс числительноитне явовить кавтов: ламочинь ды ловомань лувонь.

Ламочинь (количественной) числительноитне: кото, кемзисемге, комсьветее, колонъгеменъ, сизъгеменъ вейкеэ, кавтосядт ды лият.

Лувонь (порядковой) числительноитне: котоце, кемзисемгеце, комсъветееце, колонъгеменце, сизъгеменъ вейксэце, кавтосядоце ды лият.

Ламочинь числительнойтнень ютксо таго явовить зярыя курот:

• вейсэндявтомань: веенст, омбонст, ниленст, кавоненек;
• явовтыця: колмонъ-колмонъ, ниленъ-ниленъ, ее-тенъ-ветенъ;
• пельксэнь невтиця: 1,3 — вейке ды колмо ке-менце пелъкст; 5 2/3 — ветле ды кавто колмоце пелькст;
• малавикс ловомань: кавксошка, кеменъшка.

Числительнойтнень морфологиянь ёнксост: ламочинь ды ловома лувонь числительноитне падежга полавтневить ансяк сестэ, зярдо ёвтавить суще-ствител ьнойтеме.

Им.   колмо        ветецесь        ветецетне

Род. колмонь        ветеценть        ветецетнень

Дат. колмонень       ветецентень       ветецетненень

Числительнойтнень синтаксисэнь ёнксост: валрисьмесэ числительноитне эрсить:

а)        определениякс: Пургаз сайсъ мартонзо
ласте цёрат, сонсъкак молъсъ ласте. Аб-
рамов.);

б)        подлежащеекс: Вейкесь уш тусъ. (В. Коломасов.);

в)        сказуемоекс: Модантъ лангсо эриця финнэнъ-угранъ расъкетненъ  ютксо ламочинек  коряс минь колмоцетяно, венгратненъ ды финнтнэнъ мейле. Сказуемоекс улемстэ, числительноесь, кода весе лия кортамо пелькстнэяк, вети прянзо кода глаголось: полавтневи лицява, числава, шкава: мон колмоцян, тон колмо-цят, сон колмоце — неень шка, мон колмоцелинъ, тон колмоцелитъ, сон колмоцелъ — ютазь шка.

г)        обстоятельствакс: Ды пурнавстъ весе озатянть перъка,   тапардызъ  сонзэ  сядошкань  кирда. (Я. Кулдуркаев.)

Составонь коряс числительнойтнень явовомаст ды сёрмадомаст.

Эсест   теевемаст   коряс   числительнойтне   эрсить простойть,   стакалгавтозь   (сложнойть)   ды   составнойть.

Простой   числительнойтнень   валъюрост    ансяк вейке. Тезэнь кандовить:

1. — вейке        8 — кавксо
2. — кавто        9 — вейксэ
3. — колмо        10 — кемень
4. — ниле        20 — комсь
5. — вете        100 — сядо
6. — кото        1000 — тёжа
7. — сисем        1000000 — миллион

Стакалгавтозь (сложной) числительнойтне аштить кавто валъюрсто ды сёрмадовить вейсэ. Стакалгавтозь числительноекс лововить:

1)        11-стэ саезь 19-с. Неть числительнойтне теевсть
колмо пельксстэ: васенцесь — киртязь кемень ва-
лось, омбоцесь — простой числительноесь, колмо-
цесь —во, -ее, -эе (-йе), -ге суффикстнэ:

11. — кевейкее        16 — кемготово
12. — кемгавтово        17 — кемзисемге
13. — кемголмово        18 — кемгавксово
14. — кемнилее        19 — кевейксэе
15. — кеветее

2)        21-стэ 29-с. Неть числительнойтне теевить
истямо колмо пельксстэ: васенцесь — комсь
числительноесь, омбоцесь — простой числи
тельноесь, колмоцесь —во, -ее, -эе (-йе), -ге
суффикстнэ:

21. — комсьвейкее        26 — комськотово
22. — комськавтово        27 — комсьсисемге
23. — комськолмово        28 — комськавксово
24. — комсьнилее        29 — комсьвейксэе
25. — комсьветее

3)        30-стэ саезь 90-с десяткатнень лемест. Неть
числительнойтне теевсть кавто пельксстэ: васен
цесь — простой числительной, омбоцесь —кеменъ
валось.

30 — колоньгемень        70 — сизьгемень

40 — ниленьгемень        80 — кавксоньгемень

50 — ведьгемень        90 — вейксэньгемень
60 — кодгемень

4)        200-сто саезь 900-с сядотнень лемест. Сынь те
евить колмо пельксстэ: васенцесь — простой чис
лительной, омбоцесь — с яд о вал ось, колмоцесь —

-т ламочинь суффиксэсь.

200 — кавтосядт        600 — котосядт

300 — колмосядт        700 — сисемзядт

400 — нилесядт        800 — кавксосядт

500 — ветесядт        900 — вейксэсядт

Ламочинь числительнойтнень падежга полавтнемаст.

Ламочинь числительнойтне полавтневить падежга ансяк сестэ, зярдо ёвтавить ськамост, существительнойтеме. Ламочинь  числительнойтне   аравтовить  падежга аволь невтемачинь ды невтемачинь полавтнемасо. Составной  числительнойсэнть  полавтневи  ансяк меельце валось.

Вейсэндявтомань ды явовтыця числительнойтне.

Вейсэндявтомань числительнойтне невтить пред-меттнэнь башка-башка а явомаст. Сынь теевить:

1. -нет суффиксэнть вельде, конась поладови ла-мочинь числительноентень, н.евтемга: веенст кемтъ, колмоксг котат;
2. -нек суффиксэнть вельде, конась поладови именительной падежень формасо ламочинь числительноентень, н е в т е м г а: вете — еетенек, кото — котонек, или дательной падежень формасо аравтозь ламочинь числительноентень поладо-вить азорксчинь невтиця -нек, -нк, -ст суффикст-нэ, н е в т е м г а: ветенек — ветенеиек — вете-

ненк, ветенеси.

Падежга полавтневить ансяк -нет суффикс вельде теезь вейсэндявтомань числительнойтне. Сынь ютавтовить ансяк невтемачинь полавтнемань ла-

монь числасо.

Существительноесь вейсэндявтомань числительнойтнень марто, конат теевить -нет суффиксэнть вельде, свал саеви ламонь числань формасо: кавонст кемтне, колмоаст варъгатне.

Явовтыця числительнойтне теевить ламочинь числите льноенть кавонзазь, эрьва пельксэнтень поладови -нь суффиксэсь: кавтоъъ-кавтоть, колмопъ-колмовъ.

Пельксэнь невтиця ды малавикс ловомань числительнойтне.

Пельксэнь невтиця числительнойтне невтить це-ластонть кодамояк пелькс. Сынь теевить пель ва-лонть вельде, невтемга:

1 У2 — вейке пель марто, или вейке ды пель;

4 У2 — ниле пель марто, или ниле ды пель;

6 4/5 — кото ды ниле ветеце пелькст;

5,7 — вете ды сисем кеменце пелькст;

7,25 — сисем ды комсьветее сядоце пелькст;

0,9 — ноль ды вейксэ кеменце пелькст.

Малавикс ловомань числительнойтнесэ невтеви малавикс смустень ламочи. Сынь теевить:

1. -шка суффиксэнть вельде, конась поладови ламочинь числительнойтненень, невтемга: вете — вететка., кото-котошка., кеменъ — ке-меньшка.;
2. мельга-мельга молиця ламочинь числительнойтнень вейс путомаст вельде, конат лиясто стакалгавтозь -шка суффикссэ, невтемга: вейке-кавто, колмо-ниле, вете-кото, котошка-сисемшка.

Существительной марто числительнойтнень сюлмавомаст.

Числительноенть марто существительноесь путне-ви вейкень ды ламонь числасо. Ламонь числань аволь невтемачинь полавтнемасо существительноесь путови:

1)        кавтосто саезь кеменьс числительнойтнень мар
то: кавто пиретъ, кавксо килейтъ, вейксэ кудот;

2. вейсэндявтомань числительнойтнень марто: кавонст кемтъ, колмонст варъгат;
3. пельксэнь числительнойтнень мельга, конат прядовить марто валмельгакссонть: ниле пелъ марто вайгелъбетъ, вете пелъ марто читъ.

Вейкень числань формасо аволь невтемачинь полавтнемасо существительноесь путови:

1)        вейке валонть мельга: вейке тев, сядо ниленъ-
геменъ вейке вайгелъбе;

2)        пельксэнь невтиця числительнойтнень марто
пель валонть мельга: пель вайгелъбе, колмоце
пель ков.

Весе лия ламочинь числительнойтнень марто существительноесь ёвтави кода вейкень, истя ламонь числань формасояк: кемголмово ломанъ ды ломантъ, сядо алаша ды алашат. Невтемачинь полавтнемасо весе ламочинь числительнойтнень мельга, вейке ды пелъ числитель-нойтнеде башка, существительноесь путови ламонь числань формасо: колонъгеменъ ниле кудот-не, ведъгеменъ чувтотне.

Лувонь числительнойтне.

Лувонь числительнойтне невтить ловомсто предметэнь лув. Сыненст аравтови зяроце? кевк-стемась.

Лувонь числительнойтне теевить ламочинсетнестэ -це суффиксэнть вельде, теемань юрокс аштить простой ды сложной числительнойтне: колмо — колмо-це, кеменъ — кеменце, сядо — сядоце.

Вейке ды кавто числительнойтнень эйстэ лувонсет-не теевить лия валъюрсто: вейке — васенце, кавто — омбоце.

-це суффксэсь ови валлувс.

Сисем ды комсъ числительнойтненень -це суффиксэсь поладови сюлмиця гласной-сэ: сисем-е-це, комсъ — комс-е-це.

Лувонь числительнойтне.

1. — васенце          21 - комсьвеикееце
2. — омбоце          22 - комськавтовоце
3. — колмоце        23 -комськолмовоце
4. — нилеце        24 -комсьнилееце
5. — ветеце        25 -комсьветееце
6. —   котоце        26 -комськотовоце
7. — сисемеце        27 -комсьсисемеце
8. — кавксоце        28 -комськавксовоце
9. — вейксэце        29 -комсьвейксэеце

10. — кеменце        30 -колоногеменце
11. — кевейкееце        31 -колоногемень васенце
12. — кемгавтовоце           32 –колоньгемень омбоце
13. — кемголмовоце         40 - ниленьгемень
14. — кемнилееце        41 – ниленьгемень васенце
15. — кеветееце        42- ниленьгемень омбоце
16. — кемготовоце          100- сядоце
17. — кемзисемгеце          101- сядо васенце
18. — кемгавксовоце          102 – сядо омбоце
19. — кевейксэеце          200- кавтосядоце
20. — комсеце          300- колмосядоце

Теевемань коряс лувонь числительнойтне эрсить простойть, стакалгавтозь (сложнойть), кавон-зазь ды вейсэндязь (составнойть).

Лувонь числительнойтне полавтневить падежга истя, кода, невтемга, меельце прилагательноесь, зярдо пингстэнзэ нолдави существительноесь. Сон аравтови падежга аволь невтемачинь ды не-втемачинь полавтнемасо.

Числительнойтнень валзюлмавксонь таркас молемаст.

Кортамосонть числительнойтнень пингстэ существи-тельнойтне сеедьстэ нолдавкшныть, бути текстэнть эйстэ чарькодеви, мезде моли кортамось. Сестэ чис-лительноесь, ёнксонь апак ёмавто, ёвтави валзюл-максонь смустьсэ ды аравтови невтемачинь полавт-немань формава, невтемга: Лей чире. Аштитъ кавто шалашт, вейкесъ cede покш. (Н. Эркай.)