Килешләрдә төрләндерү
план-конспект урока по теме

Әлмәт шәһәре 2нче лицее укытучысы Шәрипова Рәисә Васил кызының 4Г сыйныфында үткәргән татар теле дәресе планы.

                                                                                           Тема: Яңгырау һәм саңгырау

                                                                                             тартыкларга беткән исемнәрнең

                                                                                             килеш белән төрләнеше.

                                                                                           Максат: 1. Яңгырау һәм саңгырау тартыкка беткән калын һәм нечкә әйтелешле исемнәргә килеш кушымчаларын дөрес ялгарга өйрәтү.

2. Килеш кушымчаларын дөрес куеп, сөйләмдә кулланырга өйрәтү. Тел байлыгын арттыру.
3. Туган якка, туган илгә, туган телгә мәхәббәт тәрбияләү.

                                                                   Материал: дәреслек 48-50нче битләр.

                                        Дәрес барышы.

I. Оештыру.

Исәнләшү, уңай психологик халәт тудыру, дәресне башлау.

II. Актуальләштерү.

1. Үткән дәрес темасы буенча кабатлау:

- Морфология-?

- Исем-?

- Килешләр-?

- Сораулары-?

- Килешләр сөйләмдә ни өчен кирәк?

2. Тактага алдан язып куелган текст өстендә эш:

Минем туган шәһәрем- Әлмәт (Б.к.). Әлмәт (И.к.) урамнары матур. Әлмәт (Ю.к.) быел 60 яшь тулды. Әлмәт (Т.к.) телевизордан күрсәттеләр. Әлмәт (Ч.к.) беркая да китәсе килми. Чөнки Әлмәт (У-в. к.) яшәве рәхәт.

- текстны мөстәкыйль язу,

- дөреслеген тикшерү,

- нәтиҗә чыгару.

III. Яңа теманы аңлату.

1. Тактада кош, кыз сүзләре ярдәмендә яңгырау һәм саңгырау тартыкка беткән сүзләрне килешләр белән төрләндерүне аңлату:

- бу сүзләр бер-берсенә нәрсә белән охшаш?

- нәрсә белән аерылалар?

- бергәләп төрләндерү,

- аермасын табу: Ю.к., Ч.к., У-в.килешләрендә,

- укучылардан нәтиҗә чыгарту:   Ю.к., Ч.к., У-в.килешләрендә яңгырау тартыкка беткән сүзгә яңгырау тартыкка башланган кушымча, саңгырау тартыкка беткән сүзгә саңгырау тартыкка башланган кушымча ялгана,

- нечкә әйтелешле көз, таш сүзләрен бергәләп төрләндерү.

2. Көрәк, каз сүзләрен аерым кәгазьләрдә мөстәкыйль төрләндерү (билгегә).

IV. Ныгыту.

Дәреслек белән эш:

1. 120нче күнегү ( җөмләләрне уку, исемнәрне табу, килешләрен әйтү).

2. Исемнәрнең килешләрдә төрләнеш үрнәген укып китү ( 49нчы бит).

3. 122нче күнегү ( телдән уку, кушымчаларын әйтү, 3 җөмләне язарга тәкъдим итү).
4. 123нче күнегү ( бергәләп тәрҗемә итү, 2 җөмләне дәфтәрләргә язу).

V. Йомгаклау.

1. 1. Укучыларның рефлексив йомгаклавы:

-мин бүген дәрестә....белдем,

-миңа......ошады,

-миңа.......авыр булды,

-мин киләсе дәрестә.......телим.

1. Мөстәкыйль эшнең билгеләрен әйтү.
2. Өй эше бирү ( 121нче күнегү: юллар, гөлләр сүзләрен төрләндерергә).
3. Саубуллашу.