Смустень коряс прилагательнойтнень явовомаст
план-конспект урока (6 класс) по теме

Комбинированной урок 6 классо

Темась: «Смустень коряс прилагательнойтнень явомаст»

 Бажамотне: 1) кемекстамс содамочинть прилагательнойденть, максомс      чарькодема качественной ды относительной прилагательнойтнеде;

2)маштомс явомо качественной прилагательнойтнень относительнойтнеде, маштомс анализэнь ды выводонь тееме, маштомс проблемной кевкстематнень лангс отвечамо;

 3) кастомс мельть-превть тиринь келень, пертьпельксэнь вечкемантень.

  Уроконь типесь: од материалонь толковамось ды ютазь материалонь    кемекстамось.

                                                       Уроконь планось

1.Организационной момент (3 мин.)

     2.  Ютазенть мельс ледстямось ды од материалонтень ютамось (5мин.)

     3. Од материалонь толковамось (10 мин.)

     4. Кемекстамо (15мин.)   

     5. Качественной ды относительной прилагательнойтне (6мин.)

     6. Кель-валонь кастомась(4мин.)

     7. Кудонь заданиясь(1мин.)

     8.Обобщениясь(2мин.)

                                   Эпиграфось:

                                   Тиринь келесь седей эжди, вансты зыяндо ды кежде.

                                                                        (валмеревкс)

Кедьёнкстнэ: компьютер, презентация, музыка.

Уроконь молемась.

I.Организационной момент.

Те уроконть ушодсынек истя жо кода и лия уроконть вешеманзо коряс.

  Задачась истямо,                                          Эрямс валдочисэ

  ялгат, икеленек:                                            Минек валось кеме.

  Саемс седе ламо                                           Ды бажамс тень кисэ

  Содамочи тенек,                                           Парсте тонавтнеме

-Течи, эйкакшт, минь тынк марто поладсынек  кортамонок прилагательнойтнеде. Сынст смустень коряс явомадост. Ледстясынек ды кемекстасынек ютазь материалонть.

Икеленек путано истят бажамот:

1)  максомс      чарькодема качественной ды относительной прилагательнойтнеде;

2)маштомс  сынст эсь юткова явомо, тонавтомс тынк анализэнь ды выводонь тееме, маштомс проблемной кевкстематнень лангс отвечамо;

 3) кастомс мельть-превть тиринь келень, пертьпельксэнь вечкемантень.

II. Од материалонь толковамонтень анокстамось.

                     Тиринь келесь седей эжди, вансты зыяндо ды кежде.

Ловнынк валмеревксэнть ды  топавтынк кармавтоматнень:

-Кода чарькодьсынк валмеревксэнть?

-Тееде пунктуационной ваннома.

Муинк прилагательноенть. Валрисьмень кодамо членэкс карми улеме?

 Валрисьмень кодамо членэкс сон ещё эрси?

Мезде мерить прилагательной? Мезекс эрявить прилагательнойтне кортамосонть?

Полавтневи ли прилагательнойесь падежга ды числава?

Кодат предметэнь ёнкст невти прилагательноесь?(Тюс, покшолма, тансть, кандовома таркантень, шкантень  ды  лия мезнень).

«Кель» валонтень кочкадо прилагательнойть (превсэ)

(валаня, рузонь, эрзянь, якстере, ашо, кувака)

Прилагательнойтне, эйкакшт, невтить эрьва кодат ёнкст. Неть ёнкстнэнь коряс прилагательнойтне явовить качественнойкс ды относительнойкс.

                                               (сёрмадови од темась)

III.Од материалонь толковамось.

1.Артовкс марто важодема.

Смустень коряс прилагательнойтне явовить кавто кужова: качествань невтицят (качественнойть) ды относительнойть.

Слайд№4 «Качественной прилагательнойтне»

Качественной прилагательнойтне невтить предметэнь эрьва кодат ёнкст:

Покшолма ( сэрей, вишине, алкине, кувака, теине…)

Тансть (тантей, ризаня, чапамо…)

Свойства (ёжов, превей, кежей…)

Сталмо (стака, шождыне)

Тюс(ашо, якстере)

Истят ёнкстнэде предметсэнть эрсить седе ламо ды седе аламо.

Слайд№5 «Относительной прилагательнойть»

Относительной прилагательнойтне тешкстыть предметэнь ёнксонть лия предметэнь кандовома вельде.

Материал, конаньстэ теезь предметэсь (товзюро-товзюронь кши)

Шканень кандовоманзо (теле-телень чи)

Эрямо тарканзо (лей-леень кал)

Нациянтень кандовоманзо (эрзянь оршамопельть)

-Кода седе шождыне явомс качественной прилагательнойтнень относительнойтнень эйстэ?

2.Таблица марто важодема.

Слайд№6 «Таблица»

Качественной прилагательнойтнеде предметсэнть эрсить седе ламо ды седе аламо.

Относительной прилагательнойтнень марто валтнэ (седе,сехте, вельть, пек) а сайневить.

3.Учебник марто важодема.

Тонавтницятне ловносызь 25-це§, отвечить кевкстематнень лангс:

-Зяро кужова явовить прилагательнойтне смустень коряс?  

Качественной прилагательнойтнень башка ёнксост.

Относительной прилагательнойтнень башка ёнксост.

IV. Кемекстамо.    

1.Учебник марто важодема.

Упражнениясь 200. Валзюлмавкстнэстэ тееде валрисьметь.

     Маней чить. Читне манейть. (к)    

2. Артовксонь коряс важодема. Слайд № 7

Арсемс ды сёрмадомс валрисьметь качественной ды относительной прилагательной марто. Заданиясь тееви сёрмадозь ды ваннови.

3. Физкультминутка.

Чипаесь ванны вальмас,

Валдомты миненек класс.

Минь кедьсэнек цяпатано –

Чипаентень кецятано.

Эрьга, ялгат, невтьсынек

Кода овтынесь яки?

Вана истя, вана истя овтынесь яки.

Кода нумолнэсь чии.

Вана истя, вана истя, нумолнэсь чии.

Кода ривезькесь моли?

Вана истя, вана истя, ривезькесь моли.

Кода нумолнэсь кирнявтни

Вана истя, вана истя нумолнэсь кирнявтни

Эйкакшт, кода чувтось лыки?

Вана истя, вана истя чувтось лыки.

3.Творческой важодема (тееви превсэ; доскасо сермадовкс) слайд 8

Мельс ледстявить синонимтне

Ташто (…, …, …) пинге;

чевте (…, …, …) лов;

благой (…, …, …) ломань;

кевень (…, …, …) кудо;

чувтонь (…, …, …) койме.

-Весе ли прилагательнойтненень муевсть синонимть? Мекс эзиде муе синонимть чувтонь ды кевень прилагательнойтненень?

Выводось: (теить тонавтницятне)

4.Валонь робота.

-Кода чарькодьсынк тюштянь прилагательноенть смустензэ? Кодамо существительной марто сон ёвтави? (тюштянь пинге, тюштянь шка).

-Косто саевсь те валось?

(Тюштянь прилагательноесь теезь собственной существительнойстэ.

Тюштя- те мокшэрзянь вейке раськес пурныцяст. Секс тюштянь пингестэ валзюлмавксось теевсь валонь кеме сюлмавксокс ды нолтневи тевс кода келень анок еденица, примеркс:

Парт ульнесть эрзятнень коест-кирдаст тюштянь пингестэ.

Седе ламо карматадо  содамо тюштянь пингеде, бути ловносынк В.Радаевень «Тюштя» книганзо.)

5.Максозь прилагательнойтненень муемс ды сёрмадомс антонимть.

   (васняяк ледстявить антонимтне).

 Тонавтыцясь диктови, тонавтницятне сёрмадыть)

Од-

коське-

покш-

кшнинь-

суронь-

сэрей-

Кона прилагательнойтнень арасть антонимест?

Выводось: (относительной прилагательнойтне а теить синонимень ды антонимень парат)

V. Качественной ды относительной прилагательнойтнень вейке валзюлмавкссо сайневемаст.

Слайд№8 «Пельть»

Тонавтыцянь вал. Миненек, эйкакшт, эряви содамс относительной ды качественной прилагательнойтнень тевс нолдамос вейке правиланть:

-Бути существительноенть икеле аштить кавто качественной прилагательнойть, то сынст таркаст полавтнемстэ смустесь лияды теке жо.

  ( Тусто чопода пельть, чопода тусто пельть)

Слайд№9 «Розень келей пакся»

Зярдо существительноенть икеле аштить кавто прилагательнойть- качественной ды относительной, то васенце таркас эряви аравтомс относительной прилагательноенть.

Слайд№ 10«Келей розень пакся»

Илядо сова ильведьксс. Нама, келей розень пакся меревксэсь ули аволь виде: лиси та-кодамо а чарькодевикс келей розь. Виде меревксэсь:

 «Розень келей пакся»

1. Упражнениясь 203.Ловнынк. Косо а видестэ меревксэнть витинк, сёрмадынк видестэ (заданиясь тееви превсэ).

VI. Кель-валонь кастомась.

Слайд№11 «Тиринь кель»

Заданиясь: ловнынк, сёрмадынк васняяк  качественной, мейле относительной прилагательнойтнень.

Мазый, паро минек келесь,

Теке тундонь сэтьме валскесь.

Пургондыця од килеесь ,

Цветэнь панжиця умарьксэсь,

 Мазый , прок пиземечирькесь,

Маней шкане чинь налксемась,

 Лей чиресэ цяпор тикшесь

Ды инзеень якстердемась

Ловнынк стихотворениянть? Мезде арси евтамс тенк авторось?

VII. Кудонь заданиясь.

Заданиясь №3 текстэнь коряс, §25

VIII.Обобщениясь.

6.Налксема

1. Кшнинь калнэ, мушконь пулыне.

1. Посудась од, ансяк варяв.

1. Якстере мазый тейтерь эри чопода кудосо, черьбулонзо ушосо.

1. Салмуксов кире кевери вирьга.

1. Сырнень тарваз розь паксясто менельс кузи, кузи састо.

-Мезде, эйкакшт, карминек содамо те урокстонть?

   (кач. ды отн. прилагательнойде)

-Мезес тонадынек?

    (тонадынек явомо кач. прилаг. отн. прилаг. эйстэ)

-Мезде кортынек урокстонть?

Слайд№12«Тиринь ёнкс»

Тонавтыцянь вал.

    Тиринь ёнкс, тиринь кель, тиринь ава - чарькодематне а явовикст. Кода бу васов ломанесь аволь туе, кодамо нациянь ломань марто аволь корта, свал бажи марямс тиринь кельсэ вал, кортнемс тиринь ёнкстонзо, ёвтнемс койтнеде-кирдатнеде, бажи неемс эсь веленть, эйкакшпингстэ экшелема лейненть, виренть, косто аванзо марто кандтнесь пангт, пештть, кстыйть. Эрьвась арси неемс вирь кужосто идем ракша, сеземс мазый цеця, варчамс тантей кстый.

 Бажи неемс эсь тиринь ёнксонзо мазыекс, сюпавокс ды ванстозекс.

        Аволь ансяк ломаненть ули тиринь ёнксозо,но и ули сон идем ракшатьгак, нармунентькак. Сынь ломань ладсо вечксызь тиринь ёнксост, секс, нать, лембе масторов туиця нармунтне, прок ве ёнов или ошов туиця ломанть, бажить понгомс тиринь тарказост.

   Миньгак тынк марто истя жо карматанок бажамо самс тиринь ёнксов, марямс тиринь кельсэ эйкакшпингень моронть, садсто письмаронь вайгеленть. Штобу весе тень неемс, эряви ванстомс тиринь ёнксонть.

    Ванстомс тиринь ёнксонть - значит ванстомс тиринь келентькак.

Тиринь кельсэ марязь валось эжди ойметь, вити седееть, лезды эрямсто, максы теть вий.

Арсян тыненк улемс тиринь келень, тиринь ёнксонь ванстыцякс.

IX. Итогось.