«Шачем крайняй! Идькс мон пильгозт коман!»
классный час (9 класс) по теме

Внеклассное мероприятие,

посвященное 1000 -  летию Единения мордовского народа с народами России

«Шачем крайняй! Идькс мон пильгозт коман!»

                           Провела: учитель родного языка и литературы

            Нестеркина Е.Н

Залсь тиф велень кудботмокс. Ащи шра, лангсонза мокшень сёрматф скатерть, пачат, боза.

Маряви валомкаса и шяй нюдиса морама. Аноклаф выставка.  Повфтафт плакат мероприятиянди эпиграф мархта:

«Шачем крайняй! Идькс мон пильгозт коман,

       Кельги цёракс ашкордан кргазт».

Шачем-касом мастор, панчфу уженя,

     Сединь пети васта, лацот аш лия.

Морамать пачк маряви вайгяль.

 Эрясь-ащесь масторлангса стирь. Валда шяярь, сенем сельме, виде ронга, тёждя кядь. Лемоцка эсь лацонза мазыель – Масторава. Кельговсь тя стирсь вии и мазы богатырти Тюштянди. Рьвяясть Масторавась и Тюштясь. Пингстонза шачсть синь кафтась цёрасна. Лемодезь синь мазы лемса: Мокша и Эрзя.

Ётась пинге. Кассть цёратне вии богатырькс. Рьвяясть и пуроптсть эстейст пизот. Шачедсть синцень идьсна. Кизоста кизос кассь Масторавать семьяц и эрявсь вешемс тейст сяда оцю эряма васта. Тусть синь масторть келес якама, эряма вастонь вешендема. Пачкодсть Сура ляйти, лоткасть ваймама. Ванондсь Эрзясь перьфпяльге – тусь мялезонза эряма вастсь, кадозе тозк семьянц.. А Мокшесь тусь шабанзон и рьванц мархта сяда тов. И вешезь синь инь цебярь и козя модатнень, инь туста вирьхнень, инь ару и крхка эрьхкнень. А вельхкссост синь ульсь инь сенем и валда менельсь. Лоткасть тязк – Сивинь ляйть кержи ширезонза.

Шобдаваста шоподемс алятне покодихть, а аватне и од стирьхне тиихть тевса, пидихть-панихть. А иляденди кеподи Сивинь ляйть вельхксса лии нармоннякс сире пингонь мокшень морось. Кизоста-кизос касонды Мокшеть семьяц, но эряйхть синь ладязь, тевонь кельгозь, моронь моразь, кштизь. Сембе маштомаснон, мороснон, обуцяснон и иласнон пачфнесазь поколенияста поколенияс эсь уноконь унокснонды. Эрьда тячи мольхтяма инжикс тя оцю, ладяй  мокшень семьяти – Сузгярьге вели.

Морамась сетьми. Лисихть цёраня и стирня.

Цёранясь.

Ялгат, тяза куроконе сада

Фкя-фкянь кядняда кундада.

Моронь морама, пильгонь ёряма

Кядень цяпама, пильгонь тапама.

Стирнясь.

Тячи тяса оцю, оцю праздник

Кда тяса тяфта улель най

Перьфкан, ков аф ванан, пуромсть ялгат

Масторть келес мороснон кулят.

Стирнясь и цёранясь туйхть. Моразь лисихть инжихне.

          «Луганяса келунясь»

Стирнясь.

Шумбратада, шумбратада, радняняне-пляманяне. Пуроптодязь тинь тяза оцю илас.  Эрьда тячи нинге весть морасаськ шачема-касома ширеньконь, панчфу уженяньконь, веленьконь – Сузгярьгть. Кастяма тейнза морот, кштимат и лама седи ваксстонь валхт.

Цёранясь.

Сузгярьге велеть ульцянза таргавсть мянь кафтошка вайгяльбес. Пефтома паксянза и луганза шарсазь сонь сембе ширде. А нинге содаф велесь эсь  тевонь кельги эряензон мархта, моронзон, обуцянзон, иланзон.

                           Морави мора «Аряда, ялгат, тинги листяма»

1-це учениксь.

Тядянь-авань шачем крайняй,

Сетьме зарянь уженяй.

Вельхкссот сенем менельсь гайняй

Кизонь мазы эрь шиня.

2. Ётай-потаень кибряса

Варьхмодема пингова.

Ноляй медяруня расась

Панжи лаймова- кува.

Анцяй путерьксть эса палы

Атямъёнгонь тюсса шись.

Сельмованфцень салазь-салай

Горизонту моли кись.

Шачем мастор, тядянь-авань крайняй!

Седистон сай мора ладянь тейть.

Пайгонякс тонь лемце мяштьсон гайняй,

Кельгсайне лугатнень, сетьме ляйть.

Сяськомаса эстейть слава сатоть,

Кие вешендсь – мусь, и нльне вельф!

Мон аф содан тевонь кельгихть лацот,

Мазышице аф ли ёфксста сявф?

Тядянь-атянь кельгфтонга келькф мастор,

Шнаян эсот моросон аф стак.

Кенярдян, мес шачемазе тястонь,

Зарятне пильгалон ёряйхть макт.

Козк лисян – од морокс тейне арайхть

Шобдавань шить цильфонза юрназь.

Мезевок монь шачем ширьдон пара

Аяш светса, азса аф прянь шназь.

Кенерькшняни ваймонь апак тарксек

Паксятненди ванан сюконязь.

Седи вийсон няйса, кода арси

Менелезень вельхксса зарясь стязь.

Мокшень мастор! Тядяй, сире тядяй,

Улема най тоза киньке вятсь.

Сяс катк палы тейнек эрь илядня

Кудцень вельхксса пялот терди тяштсь.

Мокшень велезень мон шнаса,

Шачем кудозон кинять.

Тоса шачень мон и касонь

Васьфнян шобдават-илятть.

Келькте крайняй, кода тядянь,

Фалу инксот пичедян.

Мазы мора колгат ладянь,

Мяльсон фалу тонь кирдян.

                      Морави мора «Мокшень крайняй»

Стирнясь

Сузгярьге велень эряйхнень пяк козят иласна, пяк крхкат и кепотьфт мяльсна. Синь поколенияда поколенияс кандыхть и ётафнихть эсь обуцяснон эса.

Цёранясь.

А нинге минь велесонк инь танцтихть суронь пачатне и шову розень бозась. Эрьда варжасаськ!

Каннихть и явондыхть пачат и боза.

Нолдави аудио кассета Сузгярьге велень  хорть моронзон мархта.

Иттне колендихть «Элень кайсезня».

Цёранясь.

Эрьда кастяма кельгома шачема ширеньконди мокшень кштима.

  Кштихть инь ёмла участникне.

Шачема веленяй, пиче пораняй,

Кода од тумот касыхть тонь цёратне.

Кода келу вирьхть касыхть од стирьхне

Шиста-шис, веленяй, пуромихть вийхне.

Кода тядязти пильгозт коман

Тоньфтомот, веленяй, марнек мон юман.

Кулевсь масторбев пара славаце

Эрька монга тонь щёкас палате.

                                Морави мора «Акша лов»

Стирнясь.

Сузгярьгсь велесь – минь шачема касома ширеньке. И куване афолеме яка-шяя, ризфста или павазста, минь сатама эсь лайме пора уженязонк.

Виляйка ляйнясь аф крхка, аф кели.

Малаванза паксят и лугат.

Ули тоса мокшень сире веле

Эряенза, марнек, сазорхт-братт.

Цёранза тя велеть пачк удалафт

Кинь тят сяве – таза и шумбра.

Лисихть паксяв – мельгаст аф судардат,

Кельгихть, мярьгат мяштьсост най тунда.

Стиренза тя велеть – эхи мазыхть

Стама мазыхть вешентть – аф муят.

Тевса докат, валснон ста каф азыхть

Масторть келес мороснон кулят.

Цёранясь.

СУЗГЯРЬГЕ велеть картаста мусы и няфтьсы аф эрь ломанць. Но кда лятфтасаськ минь земляконьконь В.В. Ельмеевонь, Г.И. Ельмеевонь лемонц – эрь ломанць азсы, што синь ся самай велеста, коста кизоста кизос ванфтовихть традициятне и обуцятне.

Стирнясь

Улихть велесонк и тяфтама ломать, конат сермадыхть стихотвореният.Фкясь эздост – Епифонова В.И. Ламонц стихонза  сонь лемдьфт эсь веленцты. Эрьда кулхцондсаськ.. (В.И. Епифановась азондсыне зсь стихотворениянзон).

Монь велезе инь мазы

      И цебярь эрь шиня.

      Сон тейне шачем мастор

       Россиянь уженя.

      Эсь масторозень кельгса

      Сонь ваймостон аф нельгсак.

      Розьбрятне стакат тяса

      Россиянь уженяса.

         2.  Шачем велезе, мон лажадан тейть най

«Велезе»валсь седисон юрнай.

Ков аф молян сяфте мархтон тонь.

Веленяй, мон келькте, келькте тонь.

Кельгсайне тонь паксятнень, лугатнень

И пяк мазы ляй тватнень.

Кие кожфтот сими, ся пчкяй.

Лия вастса седизе ризнай.

    3.   Веленязе велезе

       Ванан кассы мялезе.

       Келихть паксятне, лугатне

       Улихть цифтор ляй трватне.

        Иттне ёню-ёнюнят

        Колгат моронь морайнят

        Нинге тон кшинь касфтынят

        Сире коень ванфтынят

        Оцю кити вятинят

        Цебярь эряф няфтинят.

Велезе хуш одонзай и касы,

     Сякокс мокшень щамса каряй-щай.

     Лямбе валса инжихть-сайнят васьфни,

     Танцти пачаса и позаса сон най.

   5. Арьсемане тага эсон салайхть

Мазнярь вири, Виляйка ляйть трвас.

Коса Леду панттне фкя-фкянь палайхть

Пангс и кстыс минь конатне примасть.

Нинге мяльсон шоряй кели паксясь,

Коса стада ванонкшнеф аф весть.

И ся садсь, ков велесь марьняс яксесь

Ашесть сода сиземат кой-месть.

Арьсемане шарфтсамазь ульцязон,

Коса шабраватне, марнек, сазорхт-братт.

Тяса менельсь кяшенди туцянзон,

Бта шиське сяда валда, ялгай        , ватт.

Аньцек пингонь ётазь сембось полафтсь,

Велесь полафтсь, иденза сонь кассть.

Идень пингть ни тюсонзовок оласть,

Шкайсь минь ваноль, кда эряф макссь.

И ули веле мокшэрзянь крайса

     Сузгярьге сонь тейнза лем максф.

     И содасы тя велеть мянь Россиясь

     Пяк лама содаф ломань тяса шачсь.

     И монга тяса шачень, тяса касонь,

     И тапань кемонь кизот школань Ян.

     И атянеге-бабанеге тястонь.

     И оду ковга тяста аф туян.

      Спасиба, шкай, мес шачень тяса, касонь

     И васенцеда азонь «тядя »вал.

     Лия тонь лацот аф муян мон васта.

     И аяш косовок тонь лацот келунал.

.