Праздник коми языка
классный час (7 класс) по теме

Коми кывлöн гаж

Шöр класса велöдчысьяскöд ворсöм

Нуöдысьяс- Мишарина О.И., Старцева Э.А.,

Ыджыдвидзса шöр школаын коми кыв да литература велöдысьяс

Мог:

-Велöдны вöдитчыны сöстöм коми кывйöн сёрниын и гижöдын литературнöй кыв нормаяс серти, коми сёрнитанног  пыдди пуктöмöн;

-Тöдмöдны коми йöзкостса традицияясöн, культураöн, коми мулöн историяöн;

-Петкöдлыны коми кывлысь тöдчанлунсö да озырлунсö.

Ворсöм мунö актöвöй залын.

Ворсöны  5-8 – öд класса велöдчысьяс (7 морта команда)

Гортса удж:

Быд котыр дасьтö эмблема, ним, девиз.

Зал мичмöдöм:

Коми республика мусерпас, коми  гижысьяслöн  портретъяс, серпасъяс.

Гаж нуöдысь:

Бур лун, дона челядь, пыдди пуктана велöдысьяс. Ми  радöсь чолöмавны  тіянöс «Коми кывлöн гаж» вылын!

Ок, кутшöма ми ставöн виччысим тайö шуда лунсö. Талунъя аддзысьлöмын ми бара на пырöдчам коми кывйö. Öд коми кыв- коми республикаын олысь коми йöзлöн чужан кыв. Чужан кыв тöдöмыс сетö позянлун озырмöдны лексика, сöвмöдны- бурмöдны сёрни культура, паськöдны видзöдлас йöз олöмын лоöмторъяс вылö, лоны сöстöм вежöра, сяма, бур мывкыда мортöн.

Миян ворсöмлöн эпиграфöн лоöны татшöм кывъяс:

Чужан кывтö кö он тöд,

Быттьö сёян и он пöт.

Мыйкö шуны восьтан вом,

А он сяммы да и пом.

- А öні быд котыр висьталас ас йывсьыс.

Тöдмасямöй!

(Быдöн висьталö ним, эмблема, девиз)

(Уджысь медунаыс- 5 балл)

1. Гортса удж:

5 – öд класса велöдчысьяс:

«Дзоридзьяс»

6- öд класса велöдчысьяс:

«Катшасинъяс»

-Котралам, аддзысьлам, тшапитчам, шутитам, артасям, сералам, исследуйтам, нюмъялам, яндысям, сьылам!

7 – öд класса велöдчысьяс:

«Каляяс»

-Каляяс, кыпöдчöй вывлань, энö жö усьöй ті увлань!

8- öд класса велöдчысьяс:

«Кодзувъяс»

-Кутам окотапырысь дружнöя, зіля уджавны, медым вермыны!

1.  Индöд. Сетöм кывъяссö вуджöдны  роч кыв вылö:

(Быд вочавидзöмысь öти балл)

Турипув-клюква

Чöд-черника

Чöдлач-голубика

Пув-брусника

Намыр-костяника

Сьöлаоз-поленика

Мырпом-морошка

Сэтöр-смородина

Öмидз-малина

Ном-комар

Лöдз-овод

Геб-мошка

Кодзувкот-муравей

Енгаг-божья коровка

Юрсигусь-стрекоза

Мазі-пчела/шмель

Чушканзі-оса

Чирк-кузнечик

Гулю-голубь

Ябыр-скворец

Жонь-снегирь

Пыста-синица

Катша-сорока

Рака-ворона

Уркай-клёст

Перк-кедровка/ореховка

Чавкан-галка

Сир- щука

Мык-елец

Кельчи-плотва/сорога

Сын-язь

Лен-таймень

Гыч-карась

Гурина-пескарь

Ёкыш-окунь

Ёді-лещ

Ком-хариус

Йöрш-ёрш

2. Индöд.

Кутшöм котыр медöдйö тэчас юрсиктлысь (Кöрткерöслысь ) мусерпас.

(Медунаыс- 5 балл)

3. Индöд.  Тöдмавны  тыр- бура шусьöгъяс:

(Быд вочавидзöмысь öти балл)

1. Кунича сьöд, да  дона, кöч (еджыд) да (донтöм).
2. Сьöд понлы (еджыд) гöн оз пет.
3. Тöлысь гуга, шонді (бана).
4. Лэбачлöн ичöт юрыс, да (ыджыд) вежöрыс.
5. Тулыс пö гажа, да гöль, ар пö (гажтöм) да озыр.
6. Гудыр тыысь (югыд) ва оз визувт.
7. Чушыд кö кыз, рушкуыд (вöсньыд).
8. Босьтан киыд кузь, сетан киыд (дженьыд).
9. Вылысыс мича, а пытшкöсыс (мисьтöм).
10. Бур баба- овмöс кутысь, а (лёк) баба- овмöс (кисьтысь).
11. Асъя шонді кö оз шонты, (рытъяыд) оз нин.
12. Сюра мöскыдлы да (сюртöм) мöскыдлы сьöкыд люкасьны.

4. Индöд.

Серöдны серпасвывса нывкалысь платтьöсö коми серöн:

Ворсöмлöн кост.

Тöдмавны öтув кывбурлысь кольöм кывъяс:

5. Индöд.

Содтыны колана кывъяс:

(Быд вочавидзöмысь öти балл)

Сэтöр (сьöд) синъяс

Чöдлач (лöз) синъяс

Би (гöрд) кыа

Са (сьöд) вой

Лым (еджыд) дöра

Намыр (гöрд) паръяс

7 Индöд.

Тöдмавны коми гижысьяслысь ов, ним, вич:

(Быд вочавидзöмысь öти балл)

8 Индöд.

Тöдмавны коми дозмук нимъяс:

(Быд вочавидзöмысь öти балл)

(кöш, чуман, пань, туис, сов доз, лагун, тасьті, пестер, чери латка).

9  Индöд.

Вайöдöм «шыпас» вылö гижны неыджыд висьт, медым быд кыв заводитчис öти и сійö шыпассянь:

М, Т, С, Н.

(Медунаыс- 5 балл)

10 Индöд.

Артмöдны кыдз позьö унджык эмакыв сетöм шыпасъяс вылö:

(Быд кывйысь öти балл)

П Ь Л Ш Е Ы Р С

(Шер, шыр, пелысь, рысь, лыс, шы, пес, сыр, плеш, пель, лы, сер, шеп, пыс, пыш)

Гаж нуöдысь:

Вайö талунъя гажсö öтув помалам  «Коми муöй»  сьыланöн:

 «Коми муöй» сьыланкыв

(Кывъясыс  Г. Юшковлöн, сьыланыс  А. Уляшёвлöн).

Ворсö шонді миян юын,

Чужи- быдми Коми муын.

Вирöн кыска сылысь мичсö:

Гулыд ягсö, вадор видзсö.

Коми муöй - вежабанöй,

Югыданöй, долыданöй,

Коми муöй!

Олан гажöй, сьöлöм руöй,

Коми муöй, коми муöй!

Уна ордым локтö- ликтö

Лунöбана чужан сиктö.

Коркö тані, ичöт на ме,

Коми ногöн шуи: «Мамö».

Коми муöй- айöй- мамöй,

Вынöй- бордöй, тöлкöй- сямöй,

Коми муöй!

Олан гажöй, сьöлöм руöй,

Коми муöй, коми муöй!

Дона войтыр! Аттьö тіянлы ворсöмысь да сьылöмысь.

Аддзысьлытöдз. Став бурсö!

Жюрилöн  кывкöртöдъяс: