Ажык эвес уннернин ужуктерин шын бижиири (тест)
тест (5 класс)

Тест

Ажык эвес үннерниң үжүктерин шын бижиири

1. Тыва сөстерниң эгезинге чуу деп ыыткыр ажык эвес үжүктерни биживес?

а) б

б) в

в) з

г) д

е) ж

ё) г

Харыызы: б,в,е,ё

2. Тыва сөстерниң сөөлүнге кандыг ыыткыр ажык эвес үннерни биживес?

а) к, р, д

б) з, ш, б

в) т, ж, ң

г) б, в, д

Харыызы: г

3. в деп үжүктү канчаан шын бижиир?

а) аяар ажык эвес үжүк биле ажык үжүктүн аразынга

б) ыыткыр ажык эвес үжүк биле ажык үжүктүн аразынга

в) ийи ажык үжүк аразынга

г) шупту меге

Харыызы: в

Чижээ: авай, кавай, ховаган, чавыс, авыралдыг

4. Дүлей үннүң үжүүн сөс дазылынга канчаан бижиир?

а) дакпырлап

б) дакпырлавайн

Харыызы: б

Чижээ: хамааты, ниити, эки, эртем, хуусаа, демисел, өпей, бопук

5. б деп үжүктү канчаан шын бижиир?

а) ийи ажык үжүк аразынга

б) ыыткыр ажык эвес биле ажык үжүк аразынга

в) дүлей ажык эвес биле ажык үжүк аразынга

г) аяар ажык эвес биле ажык үжүк аразынга

Харыызы: г

Чижээ: Хүрбе, тайбың, дээрбе, элбек, тайбас

6. Дараазында сѳстерни болгаш оларның эге үжүктери канчаан адаттынып турарын дүүштүр салыңар:

Харыызы: 1-б, 2-г, 3-в, 4-а

7. б деп үжүк м деп үннүң соонга тургаш ________________ үннү илередир.

Харыызы: частыышкынныг ыыткыр кошкак

Чижээ: самбың, самбыра, дөмбүң

8. Дазылы азы дөзү т, с, к, п деп дүлей үннер-биле төнер сөстерге _____________________________, ук дүлей үннерниң үжүктерин дакпырлап бижиир.

Харыызы: ол-ла дүлей үннер-биле эгелээн кожумак кирер болза

Чижээ: чурт-чуртта, чурттар, чурттуг, чурттакчы, чуртталга; тут-туттунар; бижит-бижиттирер; өс-өссе, өссүн; кес-кессе; тып-тыппас; ырак-ыраккы.

9. Эге дужаал хевиринде баштайгы үннери тыныштыг адаттынар тып, тут, тик, төк, теп, тырт деп кылыг сөстеринден укталган бүгү хевирлерниң эге үннери тыныш чок адаттынар болза-даа, оларның эгезин ________бижиир.

Харыызы: база-ла т-биле

Чижээ: тып-тывар, тыпсыр, тывызык; тут-тудар, тудуг, тудугжу; тик-тигер; төк-төгер; теп-тевер, тепкииш; тырт-тыртар, тырткан.

10. Чамдык сөстерниң эге үнү тыныштыг эвес, ыыткырзымаар адаттынар болза-даа, оларны чаңчыл ёзугаар т-биле бижиир. Ол кандыг сөстерил?

Харыызы: Тыва, Туран, Тес, туман, турар, тургузуг, тайга, тура.