Ажык уннернин ужуктерин шын бижиири (тест)
тест (5 класс)

Тест

Ажык үннерниң үжүктерин шын бижиири

1. Тыва сөстерге ажык үннерни чүнү барымдаалап бижиир?

а) эрин-биле адаар адавазын

б) делгем болгаш кызыызын барымдаалап

в) кадыг, чымчааның аайы биле аяннажып чоруурун

в) өк-биле адаар адавазын барымдаалап

Харыызы: в

Чижээ: ажыл, чада, ыры, орук, хураган; кижи, эжик, хүлээлге, хеме, хөмүр.

2. Кыска адаттынар ажык үннерни ____ ажык үжүк-биле, а узадыр адаттынар ажык үннерни _____ ажык үжүк-биле бижиир.

Харыызы: чаңгыс, ийи

Чижээ: ал-аал, ол-оол, чыл-чыыл, дүн-дүүн, кир-киир, көр-көөр, херек-херээ.

3. Частырыглыг сөстү тывыңар:

а) эмчи

б) ерик

в) элик

г) эрес

Харыызы: б

Чижээ: эртем, эрге, эм, элек

4. Тыва дылда кадыг демдек-биле (ъ) бижиир каш сөс бар?

а) 7

б) 8

в) 6

г) 9

Харыызы: г (аът, каът, чаъс, чуък, оът, дүъш, чөъп, эът, аъш-чем)

5. Кадыг демдек (ъ) бижиир сөстерни бир дугаар одуругга, кадыг демдек (ъ) биживес сөстерни ийи дугаар одуругга киир бижиңер.

Харыызы: ъ бижиир: аът, каът, чаъс, чуък, оът, дүъш, чөъп, эът, аъш-чем

ъ биживес: ыт, будук, арга, кавай, изиг, кадык д.о.ө.

6. Частырыглыг сөстү тывыңар:

а) арны

б) мойну

в) оруну

г) айтыр

Харыызы: в

Чижээ: эрин, көрнүр

7. Чүгүрүк ы, и деп кызаа ажык үннер чамдык сөстерниң эгезинге ________________, оларны хереглеп бижиир.

Харыызы: тода дыңналбас болза-даа

Чижээ: ыяш, ыят, ыяап-ла, ылап, ынак, ырак, инек, ине, ие

8. я, е, ё, ю узадыр адаттынганда ________________ кылдыр бижиир.

Харыызы: яа, еэ, ёо, юу

Чижээ: каяа, аяар, хаяа, аяа, өеэ, дуюу, биеэде, көпееэм.

9. чаъс, чүък, чөъп, дүъш, аъш-чем деп сөстерден чогаадылга кожумактарының дузазы-биле укталган бүгү сөстерни ________ бижиир.

Харыызы: ъ чокка

Чижээ: дүштеки, ашкарар-чемгерер, чүктенир, частаар

10. Кайы таварылгала ажык үннер кадыг, чымчааның аайы-биле аяннашпайн баар.

а) чамдык кижи аттарынга

б) чамдык кожумактарга

в) чамдык нарын сөстерге

г) шупту шын

Харыызы: г

Чижээ: Сереңмаа, Өлаай, хоорайже, биживишаан, эмгежок, хөлчок. эргежок.